Teqvim-2015. pdf

232
Bəkir Nəbiyev
1930-2012
AV
Q
U
S
T
Bəkir  Əhməd oğlu Nəbiyev 1930-cu 
il avqust ayının 21-də  Ağdaşın Üçqovaq 
kəndində anadan olmuşdur. 1947-ci ildə Ağ-
daşda 1 saylı orta məktəbi bitirmişdir.
1945-1947-ci illərdə Ağdaş radio şəbəkə-
sinin diktoru işləmişdir. 1947-1949-cu illərdə 
Ağdaşda müəllimlik etmişdir. 1949-1954-
cü illərdə ADU-nun filologiya fakültəsində 
təhsil almış, həm də Bayıldakı 55 saylı orta 
məktəbdə müəllimi kimi çalışmışdır.  İlk 
tənqidi qeydləri “Lenin tərbiyəsi uğrunda” 
qəzetində dərc olunmuşdur.
Ədəbi fəaliyyətə  “Ədəbiyyat qəzeti”ndə 
çap edilən “Dama-dama göl olar” rəyi ilə 
başlamışdır. Universiteti bitirdikdən sonra 
“Azərbaycan gəncləri”, “İnşaatçı” qəzet-
lərində  məsul katib müavini, ədəbi işçi 
vəzifələrində  işləmişdir. ADU-nun aspiran-
turasına daxil olmuş, 1960-cı ildə namizədlik 
dissertasiyasını müdafiə etmişdir. 1958-ci 
ildən AYB-nin, 1960-cı ildən Azərbaycan 
Jurnalistlər Birliyinin üzvü olmuşdur.
1959-1961-ci illərdə “Kommunist” qəzeti 
redaksiyasında Mədəniyyət şöbəsinin müdiri 
işləmişdir. 1961-1971-ci illərdə Azərbaycan 
EA Nizami adına  Ədəbiyyat  İnstitutunun 
Sovet  ədəbiyyatı  şöbəsində kiçik elmi işçi, 
şöbə müdiri və institutun elmi katibi, 1971-
1986-cı illərdə Nizami adına Azərbaycan 
Dövlət  Ədəbiyyat Tarixi Muzeyinin di-
rektoru, 1982-1986-cı illərdə Azərbaycan 
Ədəbiyyat Fondunun sədri işləmişdir. 1989-
cu ildən AMEA-nın həqiqi üzvü olmuşdur.
1965-1985-ci illərdə Yazıçılar  İttifaqı 
nəzdində  tənqid və  ədəbiyyatşünaslıq  şura-
sının, SSRİ EA nəzdində humanitar elmlərə 
dair tədqiqatları  əlaqələndirmə  Şurasının, 
Azərbaycan EA Rəyasət Heyətinin üzvü, 
“Xəbərlər” jurnalının baş redaktoru, 1987-
1990-cı illərdə Azərbaycan Mədəniyyət fon-
dunun sədri, 1993-cü ildən  ədəbiyyat üzrə 
ixtisaslaşdırılmış müdafiə  şurasının sədri, 
“Ədəbiyyat və incəsənət” qəzeti redaksiya 
heyətinin, Dövlətnəşrkomun metodiki şura-
sının, C.Cabbarlı adına “Azərbaycanfılm” 
studiyasının bədii şurasının üzvü kimi fəaliy-
yət göstərmişdir.
2003-2012-ci illərdə AMEA Rəyasət 
Heyətinin üzvü və Nizami adına Ədəbiyyat 
İnstitutunun direktoru olmuşdur. 2002-ci 
ildə Təfəkkür Universitetində filologiya ka-
fedrasının müdiri, 30 cildlik “Türk dünyası 
ədəbiyyatı” ensiklopediyasının respublika 
üzrə məsul əlaqələndiricisi olmuşdur. 40-dan 
çox kitabın, 600-dən artıq məqalə və resen-
ziyanın, bir neçə monoqrafiyanın müəllifidir. 
Onun rəhbərliyi ilə 22 elmlər namizədi, 4 
elmlər doktoru müdafiə etmişdir.
1970-ci ildə  “Şərəfli  əməyə görə” yu-
biley medalı ilə  təltif edilmiş, 1972-ci ildə 
“Qızıl qələm” mükafatı laureatı, 1978-ci ildə 
Azərbaycan Dövlət Mükafatı laureatı olmuş, 
1986-cı ildə SSRİ-nin “Xalqlar dostluğu” 
ordeni almışdır. 1990-cı ildə “Əməkdar elm 
xadimi” fəxri adına, 1993-1994-cü illərdə 
“H.Z.Tağıyev”, “M.Araz” mükafatlarına, 
1997-ci ildə “Ustad” ali mükafatına, 2000-ci 
ildə Beynəlxalq TİKA mükafatına layiq gö-
rülmüş, 2000-ci ildə Azərbaycanın “Şöhrət” 
ordeni ilə  təltif edilmiş, 2010-cu ildə  ədə-
biyyatşünaslıq elminin və  ədəbi  fikrin in-
kişafındakı xidmətlərinə görə Azərbaycan 
Respublikası Prezidentinin Fəxri Diplomu-
nu almışdır.
Bəkir Nəbiyev 15 mart 2012-ci ildə Bakı 
şəhərində vəfat etmişdir.
Alimin xatirəsini  əbədiləşdirmək məq-
sədilə 4 aprel 2013-cü ildə Azərbaycan Res-
publikası Prezidenti Sərəncam imzalamış-
dır.
21
Ə d ə b i y y a t 
Seçilmiş əsərləri: 5 
cilddə /B.Nəbiyev.-Bakı: 
Çinar-Çap, 20
09.
Azərbaycan xalq 
ədəbiyyatı:ali məktəb 
tələbələri üçün dərslik: 
[2 hissədə] /B.Nəbiyev.- 
Bakı: Turan, 2002.- 
H.1.- 2006. 
Hərənin öz yolu var... 
/B.Nəbiyev.-Bakı: Çinar-
Çap, 2008.-466 s. 
Şamaxı torpağının yetir-
diyi böyük Azərbaycan 
şairləri /B.Nəbiyev; 
AMEA, Nizami adına 
Ədəbiyyat İnstitutu.-
Bakı: Ozan, 2012.-287 s.
Akademik Bəkir Nəbiyev 
haqqında soraq kitabı     
/tərt. ed. G.Rəsulova; 
red. A.Kəngərli; AMEA, 
Nizami ad. Ədəbiyyat İn-
tu.-Bakı:[Nafta-press], 
2009.- 387 s. 
Akademik Bəkir Nəbiyev 
- 80 /A. Ülvi //Xalq 
qəzeti 2010.- 18 sent-
yabr.- S. 5.
Tağısoy, N. Bəkir 
Nəbiyev və Azərbaycan 
ədəbiyyatşünaslığı 
/N.Tağısoy //525-ci 
qəzet.- 2011.- 20 avqust.- 
S. 11.
www.science.az
85 
illiyi
Mədəniyyət.Maarif.Elm
Akademik

---

233
Mədəniyyət.Maarif.Elm
Publisist
60 
illiyi
Flora Xəlilzadə 
1955
AV
Q
U
S
T
Flora Fətulla qızı Xəlilzadə 1955-ci 
il avqust ayının 23-də Zəngəzur maha-
lının Sisian rayonunun Urud kəndində 
anadan olmuşdur. Rayonun Vağədi 
kənd orta məktəbini bitirdikdən sonra 
ADU-nun jurnalistika fakültəsinə daxil 
olmuş  və 1977-ci ildə oranı bitirmiş-
dir. “Azərbaycan təbiəti” jurnalında, 
“Azərbaycan müəllimi”, “Azərbaycan” 
qəzetlərində  işləmişdir. Bir müddət 
“Azərbaycan qadını” jurnalının redak-
toru olmuşdur. Hazırda “Azərbaycan” 
qəzetinin Mədəniyyət şöbəsinin redak-
toru vəzifəsində çalışır.
1972-ci ildən mətbuatda yüzlərlə 
elmi, 
ədəbi, publisistik, tənqidi 
məqalələri dərc edilmiş, kitabları çap 
olunmuşdur. “Ruhumun ehtiyacı”, “Ay-
sel adını itirib”, “Bənövşə  ətirli səs” 
(Flora Kərimova haqqında), “Analar”, 
“Bu mənim tale yolum” ( Afaq Bəşirqızı 
haqqında), “Ürəyim aldatdı  məni”, 
“Taleyimdən keçən adamlar”, “İgidliyin 
son zirvəsi” ( Şəhid Cəmşid Teymurov 
haqqında), “Məmməd Araza məktub” 
(elmi-ədəbi toplu), “Yuxular”, “Yolum 
düşə  Zəngəzura” (Tarixi, etnoqrafik, 
bədii nəşr), “Dağları  tərpədən fəryad” 
(Yaqut Abdullayeva haqqında), “Yazı-
çılar təşkilatının rəhbərləri, “Yazdıqla-
rım” və başqa kitabların müəllifidir.
Azərbaycan Yazıçılar Birliyinin və 
Azərbaycan Jurnalistlər Birliyinin üz-
vüdür. “Yolum düşə Zəngəzura” kitabı 
Yeni Yazarlar və  Sənətçilər Qurumu 
tərəfindən “2007-ci ilin publisistik-
sənədli kitabı” adına layiq görülmüş-
dür.
Bir çox mükafatların - Türkiyə Di-
yanet Vaqfının türkdilli xalqlar arasında 
keçirdiyi “Peyğəmbərin nəthi” yarışma-
sında Türkiyədə aldığı Beynəlxalq mü-
kafat, Azərbaycan Jurnalistlər Birliyinin 
təsis etdiyi “Həsənbəy Zərdabi mükafa-
tı”, KİV Həmkarlar  İttifaqının “Qızıl 
qələm”, “Xan qızı Natəvan”, “Səməd 
Vurğun-90”, “Şərəf” və “İnam” müka-
fatları, 2 dəfə Respublika Mətbuat Fon-
dunun “Dan ulduzu” mükafatı, Qorqud 
Assosiasiyasının təsis etdiyi “Məmməd 
Araz mükafatı”, Nabat xanım adına 
xeyriyyə cəmiyyətinin təsis etdiyi “Na-
bat xanım mükafat”, Lider Qadınlar 
İctimai Birliyinin təsis etdiyi “Salatın 
Əsgərova mükafatı” və s. sahibidir. 
2007-ci ildə Jurnalist Qadınlar As-
sosiasiyası  tərəfindən “İlin qadın jur-
nalisti” elan olunmuşdur. 2011-ci ildə 
Azərbaycan mətbuatındakı  səmərəli 
fəaliyyətinə görə  Mətbuat  Şurasının 
Ali Media Mükafatını almışdır. 2009-
cu ildən Prezident mükafatçısıdır və 
“Tərəqqi” medalı ilə təltif olunmuşdur. 
2013-cü ildə Jurnalistika sahəsindəki 
səmərəli fəaliyyətinə görə Azərbaycan 
Respublikasının Prezidenti cənab İlham 
Əliyev tərəfindən “Əməkdar jurnalist” 
fəxri adına layiq görülmüşdür.
Ə d ə b i y y a t
Dağları tərpədən fəryad     
/F.Xəlilzadə; ön söz. 
müəl. T.Əfəndiyev; red. 
K.Mirzəyeva; rəssam 
Y.Əsədov.-Bakı: Araz, 
2008.- 212 s.
İgidliyin son zirvəsi 
/F.Xəlilzadə; red. 
S.Kərimova.- Bakı: Nur-
lan, 2001.-79 s.
Məmməd Araza məktub 
/F.Xəlilzadə; red. 
S.Kərimova.- Bakı: Araz, 
2003.-108 s. 
Yolum düşə Zəngəzura        
/F.Xəlilzadə; ön söz. 
müəl. İ.Vəliyev; red. 
K.Mirzəyeva.-Bakı: Araz, 
2007.-522 s.
Yuxular /F.Xəlilzadə; 
red. S.Kərimova; rəssam 
M.Əliyev.-Bakı: Araz, 
2004.- 262 s. 
Azərbaycan Televiziyasının 
efirə çıxmasından 58 il 
keçir /F.Xəlilzadə //525-ci 
qəzet .-2014.- 14 fevral.- 
S.4.
Fəzilətli nəslin şöhrətli 
oğlu: Əhməd Ağdamski-
130 /F.Xəlilzadə //Kaspi.-
2014.- 23 yanvar.- S.14-15.
İ n t e r n e t d ə
www.anl.az
23

---