189
İXRACATÇILAR ÜÇÜN TƏLİMAT KİTABI
Beynəlxalq ticarətin maliyyələşdirilməsi
göndərilməsi zamanı bu mallara aid bütün məlumatlar əks olunmaqla mövcud
olan polisə uyğun yeni
sığorta sertifikatı hazırlanır.
TİCARƏT VƏ GÖMRÜK SƏNƏDLƏRİ
Ticarət hesab fakturası
Bu sənəd ən vacib ixrac sənədi hesab edilir. Ticarət hesab fakturası özündə
mallar, onların göndərilmə və ödəmə şərtləri və s. məlumatları əks etdirir. (Əlavə 9-3)
Bu məlumatlara aşağıdakılar daxildir:
✓ Mal göndərənin və idxalçının adı və ünvanı
✓ Malların təsviri
✓ Malların keyfiyyəti
✓ Malların kəmiyyəti
✓ İdxalçı
tərəfindən ödəniləcək məbləğ
✓ Malların göndərilmə şərtləri (İnkoterms)
✓ Malların daşınması ilə bağlı məlumatlar
✓ Mal göndərənin imzası
Mənşə sertifikatı
malların istehsal edildiyi ölkə və ya ölkələri bildirən bir sənəddir. Bu sənədi adətən
istehsalçı ölkənin Ticarət Palatası və ya digər beynəlxalq müstəqil təşkilat təsdiqləyir.
Kəmiyyət və keyfiyyət sertifikatı
adətən bir-birini yaxşı tanımayan tərəflərin ticarət əməliyyatı zamanı
və ya bir sıra şirkətlərin ticarət siyasətinə əsasən tələb oluna bilər. Bu sənəd əsasən idxalçı tərəfindən
tələb olunur və onu alacağı malların keyfiyyətinin və kəmiyyətinin mal göndərən ilə razılaşdığı şərtlərə
uyğun olmamasından sığortalayır.
Beynəlxalq ticarətdə ödəmə üsulları
Beynəlxalq ticarətdə əsas ödəmə üsullarını aşağıdakı kimi ümumiləşdirmək olar:
Qabaqcadan ödənişlər
– bu halda idxalçı alacağı malların pulunu qabaqcadan satıcının hesabına
ödəyir. Bu ödəmə vasitəsi mallarını ixrac edən tərəf üçün ideal haldır. Belə ki, bu halda o ödəmə ilə bağlı
demək olar risk etmir, əgər ödəniş olunmursa, o da mallarını göndərmir.
Açıq hesab
– mal göndərən malları ilə birlikdə idxalçıya hesab faktura göndərir və idxalçı müqavilə
razılaşdırılmış müddət ərzində pulunu satıcıya ödəyir. Bu ödəniş üsulu mallarını satan şirkət üçün
böyük riskdir və adətən bu üsuldan yalnız idxalçını yaxşı tanıyan satıcılar istifadə edirlər.
Beynəlxalq çek
– onu
verən hesab sahibinin öz bankına verdiyi, çekdə göstərilən
məbləğin ödənilməsi
haqqında yazılı tapşırıqdır. Çek əsasında ödənişlər həm nağd formada, həm də hesabdan hesaba üsulu
ilə ödənilə bilər. Çeklər adlı və təqdim edənə olmaqla iki növə bölünür. Adından da göründüyü kimi,
adlı çeklərdə pulu alacaq şəxsin və ya təşkilatın (mal satanın) adı tam olaraq göstərilir və pulu almaq
üçün satıcı və ya onun nümayəndəsi müvafiq sənədlər təqdim etməlidir.
Ona görə də beynəlxalq
ticarətdə əsasən adsız çeklərdən istifadə olunur. Bu halda çek vasitəsi ilə ödəniş alan tərəf çekdən pulları
öz bankı vasitəsi ilə inkasso edə bilər.
190
İXRACATÇILAR ÜÇÜN TƏLİMAT KİTABI
Beynəlxalq ticarətin maliyyələşdirilməsi
Veksel (Promissory note)
– onu verənin (tərtib edənin) onun sahibinə (onu əlində tutana) vekseldə
göstərilən məbləği müəyyən tarixdə şərtsiz ödəmək haqqında öhdəliyidir. Beynəlxalq ticarətin
maliyyələşməsində veksellərdən satıcının satdığı malların pulunu gələcəkdə müəyyən bir tarixdə
alacağını idxalçı ilə razılaşdırdığı halda istifadə olunur. Başqa sözlə Veksel idxalçının mal göndərənə
borcunu ifadə və təsdiq edən sənəddir. Satıcı sonradan bu vekseli banklara və digər maliyyə qurumlarına
sata və ya ondan girov kimi istifadə edə bilər. Lakin bunun üçün vekseli verən təşkilatın tanınmış və
ödəmə qabiliyyətli olması vacibdir. Əks halda veksel yalnız borcu ifadə
edən sənəd olaraq beynəlxalq
məhkəmə, arbitraj və s. bu kimi qurumlarda istifadə oluna bilər.
Beynəlxalq vekselin əsas xüsusiyyətləri:
✓ Vekseldə göstərilən borc heç bir ticarət əməliyyatı ilə əlaqələndirilməməli və öhdəliyin şərtsiz
olduğu ifadə edilməlidir
✓ Veksel hər zaman ödəmə öhdəliyidir və mallar və ya xidmətlər ilə ifadə edilməməlidir
✓ Veksel yalnız yazılı formada olan sənəddir, təni onun qeyri-nağd forması olmur
✓ Beynəlxalq Konvensiyaya əsasən vekselin aşağıdakı mütləq rekvizitləri olmaılıdır:
✓ Veksel sözü – həm sənədin adında həm də yazı hissəsində ifadə olunmalıdır
✓ Vekselin məbləği və valyutası (rəqəmlə və sözlə)
✓ Veksel ilə borclu haqqında
məlumat
✓ Veksel ilə borc verən haqqında məlumat
✓ Ödənişin yeri
✓ Ödənişin tarixi
✓ Vekselin təqdim olunma yeri və tarixi
✓ Vekseli verənin (borclunun) imzası
Veksel üzrə vəsait alacaq tərəf özünün bu haqqını üçüncü tərəfə də ötürə bilər. Bu halda vekselin
arxasında (və ya əlavə vərəqdə) xüsusi qeyd aparılır. Buna
indossament deyilir.
Vekselin müxtəlif növləri vardır. Bunlardan beynəlxalq ticarətdə istifadə olunan aşağıdakı əsas növləri
misal göstərmək olar:
✓ Sadə veksel
✓ Ötürülən veksel
✓ Əmtəə vekseli
✓ Maliyyə vekseli və s.
Inkasso (Collection)
İnkasso
elə bir hesablaşma növüdür ki, burada satıcı öz bankına satdığı mallar və göstərdiyi xidmətlər
üçün xaricdə olan alıcıdan pullarının alınması məqsədilə tapşırıq
(inkasso tapşırığı) verir. Burada mal
göndərən öz bankına onun xaricdəki pulunun alınmasında inkasso edən nümayəndə kimi çıxış etməsi
üçün müraciət edir. İnkasso, Beynəlxalq Ticarət Palatası tərəfindən təsdiq edilmiş «İnkasso haqqında
ümumi qaydalarla» tənzimlənir. İnkassolar sənədli və təmiz inkasso olmaqla iki növə bölünürlər:
Təmiz inkasso
heç bir mallara və xidmətlərə aid olmayıb, yalnız veksel, çek və s. kimi maliyyə alətləri
ilə bağlıdır. Burada satıcı bankına hər hansı maliyyə aləti əsasında onun xaricdəki pulunun alınmasında
inkasso edən nümayəndə kimi çıxış etməsi üçün müraciət edir. Bu halda alıcı ilə satıcının arasında
bağlanmış müqavilə və ya malların göndərilməsi ilə bağlı hər hansı bir sənəd tələb olunmur.