140
öhdəliklər bu vahidlərə ayırmasından asılı olmayaraq paylanır. Qudvil pul vəsaitlərini
yaradan vahidinin bir hissəsi olduğu və vahid nəzdində fəaliyyətin bir hissəsi ləğv
olunduğu təqdirdə həmin fəaliyyətə aid edilən qudvil onun ləğv olunmasından
yaranan gəlir və zərərin müəyyən edilməsi üçün ləğv olunan fəaliyyətin balans
dəyərinə daxil olunur. Bu cür hallarda silinən qudvil ləğv olunan fəaliyyətin müvafiq
dəyəri və pul vəsaitlərini yaradan qalan vahidin dəyəri əsasında ölçülür.
Qeyri-maddi aktivlər. Qeyri-maddi aktivlər yığılmış amortizasiyanı və
dəyərsizləşmə zərərini çıxmaqla, maya dəyərində qeydə alınır. Qeyri-maddi aktivlərə
hüquqlar və proqram təminatı, patentlər, lisenziyalar, müştəri ilə münasibətlər,
ticarət adı, sudan istifadə hüquqları və işlənmə layihələri daxildir.
Qeyri-maddi aktivlərin faydalı istifadə müddəti məhdud və ya qeyri-müəyyən
olaraq qiymətləndirilir. Məhdud faydalı istifadə müddətinə malik olan qeyri-maddi
aktivlər onların faydalı iqtisadi müddəti ərzində amortizasiya edilir və dəyərsizləşə
bilməsinə dair əlamət mövcud olduqda dəyərsizləşmə üzrə qiymətləndirilir. Məhdud
faydalı istifadə müddətinə malik olan qeyri-maddi aktivlər üzrə amortizasiya dövrü
və amortizasiya metodu ən azı hər bir hesabat dövrünün sonunda nəzərdən keçiri–
lir. Gözlənilən faydalı istifadə müddəti və ya aktiv üzrə daxil olacaq gələcək iqti-
sadi səmərənin gözlənilən istifadə modelində baş verən dəyişikliklər müvafiq olaraq
amortizasiya dövrünü və ya metodunu dəyişdirməklə uçot təxminlərində dəyişikliklər
kimi qeydə alınır. Məhdud faydalı istifadə müddətinə malik olan qeyri-maddi aktivlər
üzrə amortizasiya xərcləri ümumi gəlir haqqında hesabatda qeyri-maddi aktivlərin
funksiyasına uyğun olaraq xərc kateqoriyasında tanınır.
Qeyri-maddi aktivlər (davamı). Qeyri-müəyyən faydalı istifadə müddətinə
malik olan qeyri-maddi aktivlər amortizasiya edilmir, lakin fərdi qaydada və ya
pul vəsaitlərini yaradan biznes vahidləri səviyyəsində hər il dəyərsizləşmə üzrə
yoxlanılır. Qeyri-müəyyən faydalı istifadə müddətinin qiymətləndirilməsi qeyri-
müəyyən istifadə müddətinin uyğun olmaqda davam edə biləcəyini müəyyən etmək
üçün hər il nəzərdən keçirilir. İstifadə müddəti uyğun olmadıqda, istifadə müddəti
sonrakı dövrdən etibarən qeyri-müəyyən müddətdən məhdud müddətə dəyişdirilir.
a) Hüquqlar və proqram təminatı
Proqram təminatı yığılmış amortizasiyanı çıxmaqla, maya dəyərində qeydə alınır.
Amortizasiya, bu cür aktivlərin təxmin edilən faydalı istifadə müddətləri ərzində
bərabər çıxılmalar metoduna əsasən hesablanır. Torpaq üzərində mülkiyyət
hüquqlarına su bəndlərindən, fabrik ərazisindən, liman ərazisindən, sahənin
işlənməsi, sahə və su ötürmə xəttindən istifadə hüquqları daxildir. Petkim Petrokimya
Holding A.S. (“Petkim”) şirkətinin alışı zamanı (Qeyd 26) əldə edilmiş qeyri-maddi
141
aktivlər əvvəlcə 30 may 2008-ci il tarixinə BMHS 3-ə əsasən ədalətli dəyərdə uçota
alınmış, və qeyri-müəyyən faydalı istifadə müddətinə malik olduğu üçün amortiza-
siya olunmayan su ötürmə xətti istisna olmaqla, alış tarixindən başlayaraq qeyri-
maddi aktivlərin qalan faydalı istifadə müddətləri ərzində amortizasiya edilmişdir.
b) Müştəri ilə münasibətlər
Petkim şirkətinin xalis aktivlərinin bir hissəsi kimi əldə edilmiş müştəri ilə
münasibətlər əvvəlcə 30 may 2008-ci il tarixinə BMHS 3-ə əsasən ədalətli dəyərdə
uçota alınmış və alış tarixindən başlayaraq onların 22 illik faydalı istifadə müddətləri
ərzində amortizasiya edilmişdir (Qeyd 15).
c) Petkim ticarət adı
Petkim şirkətinin alışı zamanı əldə edilmiş Petkim ticarət adı əvvəlcə 30 may 2008-
ci il tarixinə BMHS 3-ə əsasən ədalətli dəyərdə uçota alınmışdır. Petkim ticarət adı
qeyri-müəyyən faydalı istifadə müddətinə malik olduğu üçün amortizasiya edilmir
(Qeyd 15).
d) Sudan istifadə hüquqları
Petkim şirkətinin alışı zamanı əldə edilmiş sudan istifadə hüquqları əvvəlcə 30
may 2008-ci il tarixinə BMHS 3-ə əsasən ədalətli dəyərdə uçota alınmış və alış
tarixindən başlayaraq onların 47 illik faydalı istifadə müddətləri ərzində amortiza-
siya edilmişdir (Qeyd 15).
e) İşləmə layihələri
Petkim şirkətinin alışı zamanı əldə edilmiş işlənmə layihələri əvvəlcə 30 may 2008-
ci il tarixinə BMHS 3-ə əsasən ədalətli dəyərdə uçota alınmış və alış tarixindən
başlayaraq onların 5 illik faydalı istifadə müddəti ərzində bərabər çıxılmalar meto-
duna əsasən amortizasiya edilmişdir. İşlənmə layihələri ilə bağlı çəkilmiş xərclər
(yeni və ya təkmilləşdirilmiş məhsulların yaradılması və sınaqdan keçirilməsinə aid
olan) layihənin texniki-iqtisadi əsaslandırılmasını nəzərə alaraq gerçəkləşəcəyi ehti-
mal edildikdə və yalnız xərclər etibarlı şəkildə qiymətləndirilə bildikdə, qeyri-maddi
aktivlər kimi uçota alınır. Tədqiqat və işlənmə fəaliyyəti ilə bağlı sair xərclər yarandığı
dövrdə xərc kimi uçota alınır. Qeyri-maddi aktivlər dəyərsizləşdikdə, onların balans
dəyəri bərpa dəyərinə azaldılır.
Aktivlərin qalıq dəyəri və faydalı istifadə müddətləri hər bir maliyyə vəziyyəti haqqında
hesabat tarixində nəzərdən keçirilir və lazım olduqda onlara düzəlişlər edilir.
Mənfəət vergisi. Konsolidasiya edilmiş hazırkı maliyyə hesabatlarında mənfəət
vergisi maliyyə vəziyyəti haqqında hesabatın tarixinə qüvvədə olan və ya əsasən
142
qüvvəyə minmiş müvafiq qanunvericiliyə uyğun olaraq hesablanmışdır. Mənfəət
vergisi xərci cari və təxirə salınmış mənfəət vergisindən ibarətdir və bu və ya digər
dövrdə vergi təsiri sair ümumi gəlirlərdə və ya bilavasitə kapitalda uçota alınan
əməliyyatlar istisna olmaqla, mənfəət və ya zərər kimi əks etdirilir.
Cari mənfəət vergisi, cari və əvvəlki dövrlər üzrə vergiyə cəlb edilən mənfəət və
ya zərər ilə bağlı vergi orqanlarına ödəniləcək və ya onlardan geri alınacaq məbləği
təşkil edir. Mənfəət vergisindən başqa sair vergilər əməliyyat xərcləri kimi qeydə
alınır.
Mənfəət vergisi (davamı). Təxirə salınmış mənfəət vergisi öhdəlik metodundan
istifadə etməklə, aktiv və öhdəliklərin vergi bazası və konsolidasiya edilmiş maliyyə
hesabatlarında onların balans dəyəri arasında yaranan müvəqqəti fərqlər üçün
tam hesablanır. Təxirə salınmış vergi aktivi, qüvvədə olan və ya maliyyə vəziyyəti
haqqında hesabat tarixinə qüvvəyə minmiş vergi dərəcələrinə (və qanunvericiliyə)
əsasən hesablanır və müvafiq təxirə salınmış vergi aktivinin realizasiya ediləcəyi və
ya təxirə salınmış vergi öhdəliyinin yerinə yetiriləcəyi halda tətbiq edilməsi gözlənilir.
Təxirə salınmış vergi aktiv və öhdəliklərinin əvəzləşdirilməsi cari vergi aktivləri
və cari vergi öhdəliklərinin əvəzləşdirilməsi üçün qanunvericiliklə müəyyən edilmiş
hüquq olduqda, eləcə də qalıqları xalis şəkildə əvəzləşdirmək niyyəti mövcud olduğu
halda təxirə salınmış vergi aktiv və öhdəlikləri eyni vergi orqanı tərəfindən vergiyə
cəlb edilən müəssisə və ya vergiyə cəlb edilən ayrı-ayrı müəssisələrə tətbiq edilmiş
vergilərə aid olduqda həyata keçirilə bilər.
Təxirə salınmış vergi aktivləri müvəqqəti fərqlərin istifadə oluna bilməsi üçün
vergiyə cəlb edilən mənfəətin əldə edilməsi ehtimalının mövcud olacağı zaman
hesablanır.
Təxirə salınmış mənfəət vergisi, Qrupun müvəqqəti fərqlərin bərpası dövrünə
nəzarət etməsi və müvəqqəti fərqlərin yaxın gələcəkdə bərpa edilməməsi ehti-
mal olunan hallar istisna olmaqla, törəmə və əlaqəli müəssisələrə investisiyaların
qoyulmasından yaranan müvəqqəti fərqlər üçün hesablanır.
Təxirə salınmış mənfəət vergisi, aktivlərin ləğv olunması üzrə öhdəliklər üçün
ehtiyatın, eləcə də əsas vəsaitlərin ilkin dəyəri üzrə müvafiq düzəlişlərin uçota
alınması və sonrakı dövrdə qiymətləndirilməsindən yaranan müvəqqəti fərqlər
üçün tam şəkildə hesablanır.
Mal-material ehtiyatları. Mal-material ehtiyatları maya dəyəri və xalis satış
dəyəri arasında ən aşağı olan dəyərdə qeydə alınır. Maya dəyəri orta çəki metodu
ilə müəyyən edilir. Maya dəyərinə birbaşa alış xərcləri, hasilat xərcləri, nəqliyyat və
istehsal xərcləri (normal iş həcminə əsasən) daxildir.
Dostları ilə paylaş: |