44
düzgün seçim gərəkdir. Aydındır ki, gələcək uşağı seçə bil-
məzsən, amma gələcək ananı seçmək mümkündür. “Yaxşı
və ləyaqətli ailədən evlənin. Çünki qanın təsiri var”.
“Öz nütfələriniz üçün seçin. Çünki qadınlar qardaşlarına
və bacılarına bənzəyən uşaqlar dünyaya gətirərlər”. Bu
məzmunlu hədislərin sayını artırmaq da olar.
Donuzdan çox doğan yoxdu,
Söyülməyən bir yeri yox.
Qoyun bir, ya iki doğur,
Yeyilməyən bir yeri yox.
Surətə bax, mənanı tut,
Nə say ara, nə bazburut.
Sən yabıdan gözləmə qurd,
Döyülməyən bir yeri yox.
Qul sınanar sərt günündə,
Qul ucalar dərd edəndə.
Qul odur ki, Haqq önündə
Əyilməyən bir yeri yox.
İbrət
Rəvayət edirlər ki, İmam Əli ( aleyhissəlam) Hz. Fati mə-
nin ( aleyhasalam) vəfatından sonra böyük qardaşı Əqil ibn
Əbu Talibə dedi: “Evlənməyim üçün mənə qeyrətli ərəb
qadının doğmuş olduğu və mənim üçün cəngavər bir oğul
doğa biləcək bir qadın tap”.
Əqil ibn Əbu Talib ərəb nəsəb elminin bilicisiydi. Bir
az düşündü və qardaşına Kilab qəbiləsindən olan Ummul-
Bəninlə evlənməyi məsləhət görərək dedi: “Ərəblər ara-
sında onun ata-babasından daha şücaətli kimsə yoxdur.”
İmam ( aleyhissəlam) o cür də etdi və bu nikahdan dörd
oğul dünyaya gəldi ki, onlardan biri də Kərbəla şəhidi Hz.
Əbul-Fəzl idi. Hamısına Allahın salamı olsun!
45
Saleh övlad uman üçün
Öncə saleh övrət gərək.
Saleh övrət uman üçün
Özündə bir qeyrət gərək.
Salehi hər ana doğmaz,
Hər surətdən məna doğmaz.
Qara qarğa sona doğmaz,
Yaşılbaşla ülfət gərək.
Saleh övlad zəhmətlədir,
İmanladır, ismətlədir.
Saleh övlad qismətlədir,
İlahidən niyyət gərək.
Bətnəqədərki tərbiyə
Uşağın nikahdan bətnəqədərki tərbiyəsinin əsasını
nika hın özü təşkil edir. Kəbinsiz uşaqdan uşaqsız kəbin
yaxşıdır. Qadının nəcib ailədən və imanlılardan olması
nikahdankənar uşaq doğmasına əsla bəraət qazandırmaz.
Belə bir doğuşun ən böyük zərbəsi, bəlkə də, doğandan çox
doğulana dəyəcəkdir. Allah Rəsulunun ( salləllahu aleyhi və
səlləm) “Kəbinsiz doğulan uşaq üçlüyün ən pisidir” buyur-
duğu rəvayət olunur. Hədisi hərfi mənada qəbul etsək,
həqiqətən, o uşaqdan bədbəxti yoxdur. El içində beləsinə
“vələdizzina” deyirlər. Əgər hədisi hərfi mənada qəbul
etməsək, bu hədislə bağlı təfsirlərə əsaslansaq, yenə kəbin-
siz doğulanın sonundan əndişə edilir. Çünki əvvəli Allahın
istədiyi kimi yox, Şeytanın istədiyi kimi olmuşdur. “zinaya
yaxın getməyin, şübhəsiz, o, fahişəlikdir və pis yoldur.”
( əl-İsra, 32) “Şeytan yoxsulluğu vəd edər və çirkin işləri
buyurar” ( əl-Bəqərə, 168) .
46
Haram ilə yoğurmayın
Mayasını körpələrin.
Doğulmamış doğramayın
Dünyasını körpələrin.
Bu soy işi, səhv etməyin,
Səhv edəni əfv etməyin.
Həya edin, məhv etməyin
Həyasını körpələrin.
Şeytanlara tay etməyin,
Cəhənnəmə pay etməyin
Zina ilə zay etməyin
Ziyasını körpələrin.
İbrət
İblis əsgərlərini yer üzünə yayar və onlara deyər: “Han-
sınız bir müsəlmanı ən çox yolundan azdırarsa, başına tac
qoyacağam”.
Şeytanlardan biri: “Filankəsə arvadını boşatdım” deyər.
Ona: “Mühüm bir iş görmüş deyilsən, çox çəkməz, başqa-
sını alar” cavabı verilər. Bir başqa şeytan gəlib iki qardaş
arasında ədavət salması ilə öyünər. Buna da “Böyük iş
deyil, yaxında barışarlar” deyilər. Bir şeytan da söyləyər:
“Filankəsə durmadan vəsvəsə verdim, o da zina etdi”. İblis:
“Etdiyin nə gözəldir!” – deyərək tacı onun başına qoyar.
Adam var, adamtək anadan olur,
Adam var, heyvantək zinadan olur.
İnsan surətində vəhşilər azmı?
Surətə uyanlar mənadan olur.
Kəbinsiz bətnə düşən uşaqların çox zaman doğul ma dan
elə bətndəcə tələf edildiyini, doğulduğu təqdirdə isə çox
47
erkən yaşlarından pozğun təbiətli insanlara qoşulduğunu
adi gözlə də görmək mümkündür.
Zina çoxaldıqca doğum azalır,
Tifil taleləri teldən asılır.
Dönür başdaşına qadın qəlbləri,
Bətndə körpələr qəbri qazılır.
Tifil tələfinə qabil olmayın,
Siz cahil olmayın, qafil olmayın!
Bir ana, bir ata olun körpəyə,
Siz cəllad olmayın, qatil olmayın!
Allah bilir, indiki nəsillərin arasında günahlardan çəki-
nən həqiqi möminlərin mütləq azlıqda olması, bəlkə elə bu
zina amilindən qaynaqlanır. Zina şirkdən sonra Qurani-
Kərimdə xatırladılan yeganə əməldir ki, ona mübtəla olan-
larla evlənmək möminlərə yasaq edilmişdir . “zina edən
kişi yalnız zina edən və ya (Allaha) şərik qoşan qadınla
nikaha girər. Bu, möminlərə haramdır” ( ən-Nur, 3) . Ayə-
dən göründüyü kimi, zinakar kimsə müşriklə bərabər tutu-
lur. Quranda şərab içmək, qumar, haqsız öldürmə, oğur-
luq, yalan, qeybət və sair kimi bir çox böyük günahların
sadalandığı və iman gətirənlərin onlardan çəkindirildiyi
bəllidir. Lakin iman əhlinin o günahların sahibləriylə nika-
hını qadağan edən ayə yoxdur. Allah-Təala bir müsəl ma nın
xaçpərəst, yaxud yəhudi qadınlarıyla evlənməsini də haram
buyurmadı. “Möminlərin, həmçinin sizdən əvvəl kitab
verilmişlərin azad və ismətli qadınları, mehrlərini verdi
yiniz, namuslu olub zina etmədiyiniz və aşna kimi sax la
madığınız təqdirdə sizə halaldır” ( əl-Maidə, 5). Rəhman və
Rəhim Allah hətta zinakarlar cəzalandırılarkən onlara acı-
mamağı da möminlərə əmr etdi. “zinakar kişiyə və zina
kar qadına yüz çubuq vurun. Allaha və Axirət gününə
inanırsınızsa, Allahın dini barəsində ürəyiniz onlara yum
Dostları ilə paylaş: |