48
şalmasın və möminlərdən bir dəstə də onların əzabına
şahid olsun” ( ən-Nur, 2) .
Zina haqqındakı bu ayələr ilahi qeyrəti və zinanın müd-
hiş miqyasını anlatmaqdadır. İbrət almaq istəyən üçün bun-
lar yetər. Allah Rəsulu ( salləllahu aleyhi və səlləm) buyurdu:
“Namus qısqanclığı baxımından AllahTəaladan daha qıs
qanc olan heç bir kimsə yoxdur. Bu səbəbdən dolayı açıq
və gizli bütün fühşiyati (əxlaqsızlıqları) haram qılmışdır”.
Hər uşaq ilahi qüdrət əsəri!
Heyranlıq əsəri, heyrət əsəri!
Nikahsız təmasdan həya eyləyin,
Hər uşaq ilahi qeyrət əsəri!
Nə yazıq ki, şəhvətlər şüurları üstələməkdə, öncə cinsi
münasibətə, sonra nikaha girənlərin və bunu təbii sayan-
ların sayı sürətlə artmaqdadır. Nəticədə bir çox övladların
dünya həyatı öncə küçə mühitində, yaxud uşaq evlərində,
sonra həbsxanalarda, digər xoşagəlməz yerlərdə keçmək-
dədir. Axirət həyatlarının harada keçəcəyini isə ancaq Allah
bilir.
Qadın kəsdirməsə kişiylə kəbin,
Cinə övrət olur, iblisə gəlin.
Beləsi iblisə nəvələr doğar,
Beləcə kəsilər, ey Adəm, nəslin.
Dövrümüzdə kəbinsiz, amma bir ailə kimi yaşayan,
uşaqlarını böyüdən cütlər az olmadığı kimi, dünyaya övlad
və ya övladlar gətirdikdən sonra nikahlarını rəsmiləşdirən
ana-atalar da kifayət qədərdir. Bəziləri uşaq amilindən
dolayı, bəziləri rüsvay olmaqdan qorxduqlarına görə, bəzi-
ləri də qadını taleyin ümidinə buraxıb getməyi, sadəcə, kişi-
likdən saymadıqları üçün bu addımı atır və bununla işi
yoluna qoyduqlarını zənn edirlər. Ancaq ən vacib məsələ
49
unudulur. Zinadan sonra nikah kişilik məsələsi deyil, tövbə
məsələsidir. Bu da ki kişi və qadın arasında yox, qul və Rəbb
arasında həll olunur. Nikah nikaha qədərki günahları əsla
silməz. O günahlardan peşman olmaq, sidq-ürəklə tövbə
etmək gərəkdir. Əks təqdirdə, zinanın toxunduğu hər kəs,
yəni kişi, qadın, o cümlədən, uşaqlar onları dünyada və
Axirətdə gözləyən fəlakətlərdən yaxa qurtarmaz. “Bundan
sonra tövbə edib özlərini islah edənlər istisnadır. Çünki
Allah bağışlayandır, rəhmlidir!” ( ən-Nur, 5) .
Oddan törəyənə əsla uymayın,
Hələ doğulmayan cana qıymayın!
Özünüz şeytana qardaş oldunuz,
Çocuğa o cürə əmi qoymayın!
Qadın gözəl, zəngin, arxalı ola bilər. Lakin bütün bun lar
müvəqqətidir, keçib gedəcək. Qadına qalan yalnız dinidir,
imanıdır. Ona görə də Allah Rəsulu ( salləllahu aleyhi və səlləm)
buyurdu: “Qadın dörd şeyə görə nikah edilir: malına, so
yuna, gözəlliyinə və dininə görə. Sən dindar qadına bax,
məsud olarsan”. Dindən, ibadətdən uzaq qadınların hüsnü,
soyu, malı özlə rinin də, doğduqlarının da əleyhinə işlər.
Çünki Allahla yox, şeytanladırlar. Belələrini tələyə salmaq,
yaxud başqa ları üçün tələyə çevirmək şeytana çətin deyil.
Qadın dinini qorumayanda ismətini də qorumağa həvəsli
olmur. Kişi nin də, qadının da ismətinin əsas qoruyucusu
məhz dindir – İslamdır. “Mömin qadınlara de: “göz lərini
haram buyu rulmuş şeylərdən çevirsinlər, ayıb yerlərini
qorusun lar...” ( ən-Nur, 31) .
Adəm qızı, nə olsan ol,
Bircə əhli zina olma!
Bu dünyanın kişisi bol,
Hər saqqala həna olma!
50
Yad qapını açacaqsan,
Bundan hara qaçaqcaqsan?
Quştək sən də uçacaqsan,
Hər cür gölə sona olma.
Qaxac kimi qurusan da,
Tənhalıqdan zarısan da,
Evdə qalıb qarısan da,
Sən nikahsız ana olma!
Nikahsız münasibətə razılıq verən qadınlar özlərinin və
sevdiklərinin, xüsusən də doğduqlarının gələcəyini, yəni
Axirətini düşünməyənlərdir. Bəllidir ki, uşaqların tərbiyə-
silə daha çox analar məşğuldur. Məsəl var: “Anası çıxan
ağacı balası budaq-budaq gəzər”. Gerçəkdən, övladları
Cəhənnəm atəşinə sürükləyən ilk öncə valideynlərdir.
“Ey iman edənlər! özünüzü və əhliəyalınızı elə bir atəş
dən qoruyun ki, onun yanacağı insanlar və daşlar, xid
mətçiləri isə Allahın əmrlərinə asi olmayan, buyuru lan
ları yerinə yetirən çox sərt mələklərdir” ( ət-Təhrim, 6) .
Tifili zinayla zəlil etməyin,
Dumduru bulağı tez lil etməyin
Əbədi şikəstdir mənən şikəstlər;
Uşaq doğulmamış əlil etməyin.
Zina təkcə Axirətdə deyil, dünyada da cəzasız qalma-
yan günahlardandır. Allah Rəsulu ( salləllahu aleyhi və səlləm)
buyurdu: “Zinadan qorunun! Onun, üçü dünyada, üçü də
Axirətdə olmaqla, altı zərəri vardır: Dünyadakı zərərləri
bunlardır: 1) üzün nuru gedər; 2) ömür qısalar; 3) fəqirlik
davam edər.
Axirətdəki zərərləri bunlardır: 1) Allahın qəzəbini cəlb
edər; 2) hesab şiddətli olar; 3) Cəhənnəm əzabına yol açar”.
51
Gözün və bədənin zinasından qaç!
Özgənin qızından, anasından qaç!
Sənin olmayanın yaxşısından qorx!
Sənin olmayanın fənasından qaç!
İnsan Axirətdən çox dünyanı düşündüyündən axirəti-
nin deyil, dünyasının itkilərini hesablar. Hədisdə xatırla dı-
lan üç dünyəvi zərər istənilən müasir ailədə övlad tərbi yə-
sini axsatmaq, hətta tamam kəsmək üçün yetərlidir. Çünki
üzdən nurun getməsi rüsvayçılıqlardan, ömrün qısalması
xəstəlik və şikəstliklərdən, fağırlığın davam etməsi də aman-
sız ehtiyaclardan xəbər verməkdədir. Bu halların yaşan dığı
evlərdə daima şikayət, dava, Allaha üsyan olar, böyüklər
dindən, uşaqlar tərbiyədən uzaq düşər. “Ey rəbbimiz! Bizə
dünyada da həsənatlar, Axirətdə də həsənatlar əta eylə!
Bizi atəş əzabından qoru! “ ( əl-Bəqərə, 201) .
Ata övladına hər bir şey versə,
Tərbiyə verməsə, mirası yoxdur.
On belə oğul da belindən gəlsə,
Qısırdır, özündən sonrası yoxdur.
Miras mənəvidir, maddi deyildir,
Miras hər pullunun həddi deyildir.
Heç nə tərbiyədən ciddi deyildir,
İslami olmasa, bəhrəsi yoxdur.
Başından aşsa da hər mal, hər sərvət,
Əlindən gəlsə də hər iş, hər sənət,
Yerində olsa da sağlamlıq, səhhət,
Daxilən şikəstdir, yarısı yoxdur.
Övlad gözümüzün qarası, ağı,
Kimə göz nurudur, kimə göz dağı.
Bunlar tərbiyəyə, ədəbə bağlı,
Azmı göz ağı var, qarası yoxdur?!
Dostları ilə paylaş: | 
