31
İbrət
Muhəmməd Şuveymi həzrətlərinin yanına bir kişi gələ-
rək bir qadını sevdiyini, onunla evlənmək niyyətində oldu-
ğunu, lakin qadının onu qəbul etmədiyini söyləyib yardım
istədi. Həzrət ona boş bir otağı göstərərək buyurdu: “Bu
otağa gir, qapını bağla. Davamlı olaraq o qadının ismini
söylə!”
O kişi buyurulana tabe oldu. Aradan bir müddət keçdi.
Bir gün heç kəsin gözləmədiyi halda bir qadın gəldi, qapını
döyərək dedi: “Mən filan qadınam. Sənin üçün gəldim, aç
qapını!”
Amma indi də kişi onu qəbul etmədi. Dərgahdakı tələ-
bələrin heyrətli baxışları altında qadını geri qaytardı. Bu
hərəkətini isə belə izah etdi: “Bir halda ki sevdiyinin adını
çox anmaqla ona qovuşmaq mümkündür, onda elə mənim
üçün daha xeyirli olan Rəbbimi anıb Ona qovuşmaqdır”.
Bundan sonra o, davamlı olaraq, Allah-Təalanı zikr
etməyə başladı. Beş gün ərzində qəlb gözü açıldı və böyük
nemətlərə qovuşdu.
Kişilik, sadəcə, erkəklik deyil,
Qadınlıq, sadəcə, göyçəklik deyil.
Kişi də, qadın da quludur Onun,
Qeyri söz batildi, gerçəklik deyil.
Doğru seçim istəyə bağlıdır. “ kim istərsə, rəbbinə
qa yıdan yol tutar” ( ən-Nəbə, 39) . Yəni heç kəs üçün yasaq
yoxdur. İrqindən, dinindən, millətindən, cinsindən, imka-
nın dan, mövqeyindən və digər fərqlərdən asılı olmayaraq,
hər kəs Rəbbinə yaxınlaşmağı, qovuşmağı diləyə bilər. Yetər
ki, diləsin. Fəqət “ Aləmlərin rəbbi olan Allah istəməsə,
siz istəyə bilməzsiniz” ( ət-Təkvir, 29) ayəsinin hökmünə
görə, doğru seçim kimi doğru istək də insanın ixtiyarında
deyil və bu hökm bir sıra digər ayələrdə də vurğu lan maq-
dadır. Sual doğur: əgər O istəmədən biz istəyə bilməriksə,
32
onda bizim istəməyimizə yasaq qoyulmamasının nə önəmi
qalır və istəyənlə istəməyən, yaxud istəməklə istəməmək
eyni olmurmu? Bu suala Quran işığında aydınlıq gətir məyə
çalışaq.
Əvvəla, Allaha yaxınlaşdıran doğru yolu hamı istəyə
bilsə də, hər kəs istəmir və istəməyənlər istəyənlərdən qat-
qat çoxdur. İstəyən ancaq Onu çağırar. Kim Onu çağır-
mazsa, yaxud Ondan başqasını çağırarsa, deməli, istəyi yox-
dur. İstəməyənə də önəm verilməz. “De: “Duanız olmasa
(onu çağırmasanız), rəbbim sizə nə deyib dəyər versin?”
( əl-Furqan, 77) . “Yalnız ona edilən dua haqdır. ondan baş
qasını çağıranların duasına cavab verilməz” ( ər-Rəd, 14) .
Tutalım başdayam, hamıdan başda,
Əlimdən nə gələr, duadan başqa?
Xaliqə möhtacdır hər cürə məxluq:
İnsan da möhtacdı, heyvan da, quş da.
Beləliklə, Ondan istəməyənlərlə bağlı məsələ aydındır.
Rəbbimizin dəyər vermədiklərinə biz də vaxt ayırmayaq.
İkincilərə, yəni Ondan istəyənlərə gəldikdə isə bir qədər
geniş şərhə ehtiyac vardır. Sirr deyil ki, Adəmoğlunun
istəkləri çoxdur. Lakin onlar, bir qayda olaraq, nəfsanidir.
“Allah istəməsə, siz istəyə bilməzsiniz” ayəsi nəfsin
istəklərini deyil, Allahın istəklərini nəzərdə tutur. Çünki
Aləmlərin Rəbbinə yol onlardan keçir. Rəbbini istəyən
Onun istəyini də istəməlidir. Bəs nəfsin istəkləri Rəbbin
istəklərindən nəylə fərqlənir? Allahın Kitabında bu suala
cavab qısa və aydındır. “Siz dünyanı istəyirsiniz, Allah
isə Axirəti istəyir” ( əl-Ənfal, 67).
Kim nəfsinə arxalanar,
Şeytanını yıxa bilməz.
Kim könlündən axtalanar,
Hurilərə baxa bilməz.
33
Bu dünyadan daralmayan,
Ayrılıqdan saralmayan,
Bulud olub qaralmayan
Rəhmət olub yağa bilməz.
Yalnız Haqdan zövq alanlar,
Yalnız Onu Haqq bulanlar,
Yalnız Ona qul olanlar
Başqasını ağa bilməz.
Rəbbinə yaxın olmaq istəyənlər hər halda anlayırlar ki,
Allahın dəvət etdiyi özlərinin can atdığından xeyirlidir.
Lakin nəfslərinə güc gəlib o dünyanı, heç olmasa, bu dünya
qədər sevə bilmirlər. “Qullarım məni səndən sorarlar, de:
“Mən yaxınam, Məni çağırsalar, cavab verərəm. Qoy onlar
da düz yolla gedənlərdən olmaq üçün mənim dəvətimi
qəbul edib mənə iman gətirsinlər” ( əl-Bəqərə,186) .
“Mən” demə; möminin zilləti budur.
“Allah” de; möminin izzəti budur.
Dünyasız qəlb ilə yaşa dünyada;
Dünyanın yeganə ləzzəti budur.
Quran ilahi dəvətdir. “Aləmlərə öyüddür. Sizdən doğru
istiqamətdə olmaq istəyənlər üçündür” ( ət-Təkvir, 27-28) .
İnsan Dəvətçini arzulayıb, dəvəti qəbul etməyi bacar mırsa,
Allaha yaxınlaşmağı istəyib, Ona aparan yeganə yolu istəyə
bilmirsə, o, doğru istiqamətdə olmağı diləmiş sayılmaz.
Kimsə ona bacarmadığını bacarmaq üçün yardımda bulun-
malı, istəyə bilmədiyini istətməlidir. Bu yardımçı isə Aləm-
lərin Rəbbindən başqası deyildir. Deməli, diləyən Odur.
O diləməzsə, insan nəfsinə zor gələn şeyləri diləyə bilmir.
İbrət
Bəyazid Bistami həzrətlərindən rəvayət edilmişdir:
“Haqq-Təala həzrətləri, hüzurunda min yerdə məni dur-
34
durdu. Hər dəfəsində mənə iki cahanı ərz eylədi. Mən:
“İstəmirəm”, – dedim. Sonuncuda mənə buyurdu ki: “Ey
Əba Yezid! Sən nə istəyirsən?”
Mən də: “Bir şey istəməməyimi istəyirəm”, – dedim.
Bu zaman: “Sən Mənim həqiqi və sadiq qulumsan”, – deyə
buyurdu.
Yalnız onu diləyənlər
Yalnız Ondan dilər bunu.
Onu murad eyləyənlər
Yalnız Ondan bilər bunu.
Kim nəfsini fəda edər,
Yalnız o bir fayda edər.
Yaxşılığı qayda edər,
Yaddaşından silər bunu.
Arxalansa kim elminə,
Bilməz Dinin təməli nə?
Güvənmə min əməlinə;
Rəbbin bir-bir ələr bunu.
Doğru istiqamətdə olmağı diləyən kimsə bu diləyində
səmimi olub-olmadığını sübut etməlidir. O, haqqı həqiqə-
tənmi istəyir, doğrunu doğrudanmı arzulayır, yoxsa bu
istəyin, bu arzunun arxasında, yaxud altında, yəni qəlbdə
başqa niyyət vardır? Çünki “AllahTəala surətlərinizə və
üzlərinizə baxmaz. Ancaq qəlblərinizə, daşıdığınız niyyətə
və ixlasa baxar” ( hədis) .
“Mən”dən qurtul, ixlas odur,
Kim qurtulsa xilas olur.
Sanma qula bu xas olur;
Rəbbi qismət elər bunu.
Əgər niyyət düzdürsə, safdırsa, Allah-Təala o kimsənin
qarşısıalınmaz istəyini ehtiyaca, tələbata çevirər, düz de yilsə,
Dostları ilə paylaş: |