212
Zənənlər ən zəif cinahımızdır,
Ən odlu, ən dadlı günahımızdır.
Zorumuz, zövqümüz şeytana bəlli,
Yaradan yeganə pənahımızdır.
İbrət
Bəra ibn Azibdən ( radiyallahu ənh): “Üzü qara rənglə
boyanmış və dəyənək vurulmuş bir yəhudi Peyğəmbərin
( salləllahu aleyhi və səlləm) yanından keçirildi. Rəsulullah
(salləllahu aleyhi və səlləm) onları çağıraraq soruşdu: “Zina
edənin cəzası Kitabınızda bu şəkildəmidir?” Onlar “Bəli”
dedikdə onların (yəhudilərin) alimlərindən bir kimsəni ça-
ğırdı və soruşdu: “Musaya Tövratı endirənin (Allahın) eş-
qinə, (deyin görüm) zina edənin cəzasını Kitabınızda bu
şəkildəmi oxudunuz?” O da dedi: “Xeyr. Əgər məndən bu
qay dada söz almasaydın, sənə bildirməzdim. Zina cəza sının
rəcm olduğunu bilmədəyik. Ancaq şərəflilərimiz arasında
zina çoxaldı. Sonda elə hala gəldik ki, şərəflilərimizi yaxa-
larsaq onu buraxır, zəifi yaxalarsaq, ona zina cəzası tətbiq
edərdik. Ona görə də “Gəlin həm şərəfliyə, həm də zəifə
tətbiq edə biləcəyimiz ümumi bir cəza üzərində birləşək”
dedik və nəticədə rəcm cəzasını üzünü qara rəngə boyama
və dəyənək cəzası ilə əvəz etdik”.
Rəsulullah ( salləllahu aleyhi və səlləm): “Allahım, Sənin
əmrini öldürdüklərində onu ilk dirildən mənəm” buyura-
raq əmr verdi və (zina etmiş yəhudiyə) rəcm tətbiq olundu”.
Ey qadın, qəhqəhən nə yaman şaqraq,
Qadın da çəkərmi bu cür şaqqanaq?
Sonu Axirətdə bunun od, atəş,
Dünyada şallaqdı, ya da daşqalaq.
Allah qurtuluş yolunu insanlara göstərmişdir. Allahın
göstərdiyi yolu qoyub başqa yollar aramaq qurtulmaq istə-
213
məməkdir. Çünki qurtaran, nicat verən Odur. Onun buyur-
duğu yolla getməyəni nə deyib qurtarsın. “Allah və Pey
ğəmbəri bir işi hökm etdiyi zaman heç bir mömin kişiyə
və qadına öz işlərində başqa yol seçmək yaraşmaz”
( əl-Əhzab, 36) .
Müasir dünya, cinsindən asılı olmayaraq, hər kəsin bəra-
bər hüquq və azadlıqlarından çox bəhs edir, bu sahədə
qazanılan nailiyyətlərlə çox öyünür. Əgər yer üzündə zina-
nın, ər-arvad xəyanətlərinin, boşanmaların, ailədəki stress
və xəstəliklərin, zədəli, yaxud anormal uşaqların, sərxoş-
edici, uyuşdurucu şeylərə aludəçiliyin heç bir dövrdə gö-
rünməyən sürətli artımı gerçəkdən nailiyyətlərdirsə, onda
İblisi təbrik etmək olar. Çünki niyyətinə çatmışdır. Dindən
uzaqlaşmanın aqibəti budur.
Qadını mədh etmək şeytan fətvası,
Qadını fəth etmək nəfs davası.
Dünyanı iki şey islah edəcək:
Kişi tövbəsiylə qadın təqvası.
İslam heç də müasir qadının cəmiyyətdə rolunun art-
masına, mövqeyinin güclənməsinə qarşı deyil. Sadəcə, dini-
miz əks cinslər arasında zinalara, xəyanətlərə yol açan saxta
bərabərliyi, azadlığı yox, hər cür zinaya, xəyanətə yolu bağ-
layan gerçək bərabərliyi, azadlığı təbliğ edir. “Həqiqətən,
Allah məhz müsəlman kişilər və müsəlman qadınlar,
mömin kişilər və mömin qadınlar, (Allaha) müti kişilər,
müti qadınlar, doğru danışan kişilər, doğru danışan qa
dınlar, səbirli kişilər, səbirli qadınlar, təvazökar kişilər,
təvazökar qadınlar, sədəqə verən, oruc tutan kişilər, sə
dəqə verən, oruc tutan qadınlar, ayıb yerlərini qoruyub
saxlayan kişilər və qadınlar və Allahı çox zikr edən kişi lər
və qadınlar üçün məğfirət və böyük əcir hazırlamışdır”
( əl-Əhzab, 35) .
214
Cahan da, canan da zinətdi, kişi,
Zinətin axırı möhnətdi, kişi.
Nə dünya qadını Cənnət hurisi,
Nə qadın dünyası Cənnətdi, kişi.
Zinanı qadağan etməmək ona icazə vermək kimidir.
Dinimizdə zinaya heç bir halda izin yoxdur. Əks cinslər ara-
sındakı cütləşmə ehtiyacını ödəməyin yeganə vasitəsi nikah-
dır. Subaylığın dəstəklənməməsi, evliliyin isə sıx-sıx təbliğ
olunması, hətta dördə qədər qadınla evlənməyə icazə veril-
məsi həm də bu hikmətdən qaynaqlanır. “onlar ilə rahat
olasınız deyə nəfsinizdən (özünüzdən) zövcələr xəlq et
məsi aranızda sevgi və mərhəmət yaratması da onun qüd
rət əlamətlərindəndir” ( ər-Rum, 21) .
Bu dünyanı o dünyaya
Sən nəbadə calaq eylə.
Könlünü ver bir sevdaya,
Şəhvətləri şallaq eylə.
Yüz tərəfə axmaqdansa,
Yüz oyundan çıxmaqdansa,
Yüz gözələ baxmaqdansa,
Bir nəfsini təlaq eylə.
Səndə Haqq da, batil də var,
Məsum da var, qatil də var,
Zalim də var, adil də var,
Şərləri daşqalaq eylə.
Allah Öz qullarının təmiz olmasını, ilahi hüzura pak
gəlməsini istər. Zindanı zinadan və Züleyxalardan üstün
tutan Hz. Yusif (aleyhissəlam) bütün nəsillər üçün örnək dir.
“Ey rəbbim! zindan bu qadınların məndən istədiklərini
etməkdən daha yaxşıdır” ( Yusif, 33). Allaha və Axirət gü-
215
nünə inanan kimsə evləndiyi qadınla kifayətlənib ona sadiq
olmalı, evlənmədiyi bütün naməhrəm qadınlara da evlənə
bilməyəcəyi məhrəm qadınlara baxdığı gözlə baxmalıdır.
Allaha və Axirət gününə inanmayan üçünsə inanmaması
günah olaraq ona yetər.
İbrət
Bir gənc Rəsulullahın ( səllallahu aleyhi və səlləm) yanına
gələrək “Zina etmək üçün mənə izin ver” – dedi. Səhabələr
onu tənbeh etmək istədilər. Rəsulullah ( salləllahu aleyhi və
səlləm) əshabını saxlayıb gənci yanına çağırdı və ondan
soruşdu: “Ananla zina edilməsinə razı olardınmı?” Gənc
“Razı olmaram” – dedi. Rəsulullah ( salləllahu aleyhi və səlləm)
buyurdu: “Bacınla zina edilməsinə razı olardınmı?” Gənc
yenə: “Razı olmaram”, – dedi. Rəsulullah ( salləllahu aleyhi
və səlləm) bu qaydada gəncin qadın qohumlarının hamısını
saydı, sonra mübarək əlini onun köksünə qoyaraq dua etdi:
“Allahım, onun günahlarını bağışla, qəlbini təmizlə və övrət
yerini (zinadan) qoru”.
O gənc bundan sonra ömrünün sonuna qədər heç bir
naməhrəm qadına gözünün ucu ilə də baxmadı.
Adəm oğlu, nəfsin diri,
Öldürməyən ələmdədir.
Bir sümük qal, bir də dəri,
Yol şəhvani ölümdədir.
Demirəm ki, cəhənnəmdi,
Dünya nazlı bir sənəmdi.
Möminlərə naməhrəmdi,
Zina edən zülümdədir.
Özünü bil, cinsini bil,
Ruhunu bil, cismini bil.
Şeytanını, cinini bil,
Qurtuluşun elmdədir.
Dostları ilə paylaş: |