Beynəlxalq hüququn nizamasalma predmeti günbəgün genişlənir;
buraya beynəlxalq münasibətlərin yeni sahələri daxil olur. Hətta, ənənəvi
olaraq, dövlətdaxili (milli) hüquq çərçivəsində tənzimlənən bir sıra
məsələ (məsələn, insan hüquqları, dövlət ərazisindən təsərrüfat
məqsədləri üçün istifadə və s.) artıq beynəbcalq hüquq müstəvisində və
kontekstində həll olunur.
Beynəlxalq hüququn köməyi ilə, əsasən, ciddi xarakterli qlobal
beynəlxalq problemlər (təhlükəsizlik məsələləri, narkobiznes və
terrorizmlə mübarizə, iqtisadi əhəmiyyətli məsələlər, transmilli
mütəşəkkil cinayətkarlıqla mübarizə, beynəlxalq münaqişələr, mali}^'ə
böhranı və s.) həll edilir.
1995-ci ildə Nyu-York şəhərində birinci ümumdünya beynəlxalq
hüquq konfransı' keçirilmişdir; həmin konfrans beynəlxalq hüququn rolu
və əhəmiyyətini belə müəyyən etmişdir: beynəlxalq hüquq beynəlxalq
ünsiyyət dilidir.
1.2.3.
Beynəlxalq hüququn xüsusiyyətləri
Beynəlxalq hüququn əsas xüsusiyyətləri dedhikdə onun xarakterik
cəhətləri başa düşülür. Başqa sözlə, beynəlxalq hüququ xarakterizə edən
əlamətlər onun əsas xüsusiyyətləri hesab olunur; spesifik xarakterə malik
olan həmin əlamətlər məhz beynəlxalq hüquqa xasdır. Odur ki, belə
əlamətlər beynəlxalq hüququ dövlətdaxili (milli) hüquqdan
fərqləndirməyə imkan verir.
Beynəlxalq hüququn birinci əsas xüsusiyyəti ondan ibarətdir ki, o,
bütün dövlətlər üçün ümumidir. Belə ki, beynəlxalq hüququn tərkibinə
həm də elə hüquq normaları daxildir ki, bu normalar bütün dövlətlər (və
ya onlann əksəriyyəti) üçün vahid olub, məcburi xarakter daşıyır. Buna
görə onlar hamılıqla qəbul olumuş və ya universal hüquq normaları
adlanır. Universal hüquq norraalanna dünyamn bütün dövlətləri əməl
edirlər; belə normalar
URL:http://www'.kontrolnaja.ru
39
bütün dünya dövlətləri üçün məcburidir. Digər tərəfdən, beynəlxalq
hüquq bir sıra hamılıqla qəbul olunmuş prinsipə (ümumtanınmış
prinsipə) malikdir ki, həmin prinsiplərə də bütün dünya dövlətləri riayət
etməlidirlər (kitabın fəsillərindən biri, xüsusi olaraq, məhz beynəlxalq
hüququn hamılıqla qəbul olunmuş prinsiplərinə həsr olunmuşdur). Qeyd
etməliyik ki, beynəlxalq hüququn hamılıqla qəbul olunmuş prinsipləri
universal hüquq normaları ilə birlikdə onun əsas məzmununu xarakterizə
edir. Bu mənada beynəlxalq hüquq bütün dünya dövlətləri üçün ümumi
olub, «universal (ümumi) beynəlxalq hüquq» anlayışı ilə əhatə edilir.
Bununla beynəlxalq hüquq dövlətdaxili (milli) hüquqdan fərqlənir. Belə
ki, bildiyimiz kimi, hər bir dövlətin öz daxili (milli) hüququ vardır. Təbii
ki, müxtəlif dövlətlərin daxili (milli) hüquqlan (məsələn, Fransa
Respublikasınm daxili hüququ, Türkiyə Respublikasınm daxili hüququ,
Azərbaycan Respublikasının daxili hüququ və s.) bütün dünya ölkələri
üçün ümumi ola bilməz. Bu, sübuta ehtiyacı olmayan məlum məsələdir.
Beynəlxalq hüququn bütün dünya dövlətləri üçün ümumi olması
«sivil xalqlann beynəlxalq hüququ» kimi diskriminasiya xarakterli
konsepsiyaya ziddir. Bu konsepsiya beynəlxalq hüquq tarixinin klassik
dövründə irəli sürülmüşdü; həmin konsepsiyaya görə, yalnız «sivil
xalqlar» beynəlxalq birliyə aid ola bilərdilər; zəif inkişaf etmiş ölkələr isə
bərabərhüquqlu
qarşılıqlı
münasibətlərdən
təcrid
olunmuşdu.
Hal-hazırda isə göstərilən konsepsiyadan tam şəkildə imtina
olunmuşdur. Belə ki, müasir dövrdə beynəlxalq hüquq həm inkişaf etmiş,
həm inkişaf etməkdə olan, həm də az (zəif) inkişaf etmiş dövlətlər üçün
ümumi olan hüquqdur. Deyilənləri bununla təsdiq edə bilərik ki,
BMT-nin Nizamnaməsi beynəlxalq hüququn əsası sayılır; həmin sənədə
görə, bütün sülhsevər dövlətlər BMT-nin üzvü ola bilər. Bu gün
dünyanın istənilən müstəqil dövlətinin beynəlxalq birlikdə iştirak etməsi
mümkündür; müasir dövrdə bütün maraqlı dövlətlər beynəlxalq
əməkdaşlığın həyata keçirilməsində, eləcə də beynəlxalq müqavilələrin
bağlanmasında iştirak edə bilərlər.
40
Universal (ümumi) beynəlxalq hüququ partikulyar beynəlxalq
hüquqdan fərqləndirmək lazımdır. Beynəlxalq hüquq universal
normalardan başqa, həm də lokal normalardan ibarətdir. Lokal normalar
dedikdə müəyyən qrup dövlətlərə və yaxud iki və ya daha artıq dövlətə
aid olan, ikitərəfli və çoxtərəfli beynəlxalq müqavilələrdə nəzərdə tutulan
normalar başa düşülür. Məhz belə normalann sisteminə partikulyar
beynəlxalq hüquq deyilir; partikulyar beynəlxalq hüquq bütün dünya
dövlətləri üçün deyil, yalnız bu və digər region dövlətləri, yaxud iki və ya
daha artıq dövlət üçün məcburidir.
Beynəlxalq hüququn ikinci əsas xüsusiyyəti ondan ibarətdir ki, o,
yalnız hakimiyyət xarakterli, yəni dövlətlərarası (hakimiy- yətlərarası)
beynəlxalq münasibətləri tənzimləyir. Bu xüsusiyyəti ilə də o,
dövlətdaxili (milli) hüquqdan fərqlənir. Belə ki, dövlətdaxili (milli)
hüquq həmin dövlətin daxilində yaranan ictimai münasibətləri (məsələn,
konstitusiya münasibətlərini, maliyyə münasibətlərini, inzibati
münasibətləri, mülki münasibətləri, cinayət münasibətlərini və s.)
tənzimləyir. Qeyd etmək lazımdır ki, beynəlxalq hüquq dövlətdaxili
(milli) hüququn nizamasalma predmetinə daxil olan ayn-ayrı ictimai
münasibətləri beynəlxalq-hüquqi tənzimləməyə qadir deyildir;
dövlətdaxili (milli) hüquq da, öz növbəsində, beynəlxalq hüququn
nizamasalma predmetinə aid olan dövlətlərarası beynəlxalq
münasibətləri tənzimləmək iqtidarında deyildir.
Beynəlxalq hüququn üçüncü əsas xüsusiyyəti bundan ibarətdir ki,
onun subyekti qismində yalnız dövlətlərarası beynəlxalq münasibətlər
sisteminin iştirakçılan, başqa sözlə, hakimiyyət xarakterli beynəlxalq
münasibətlərin iştirakçıları çıxış edə bilərlər; hansı qurum belə
münasibətlərdə iştirak edə bilərsə, o, beynəlxalq hüququn subyekti
sayılır. Dövlətdaxili (milli) hüququn subyektlərinə gəldikdə isə, qeyd
etməliyik ki, həm hakimiyyət səlahiyyətinə malik olan qurumlar
(məsələn, dövlət, dövlət orqanlan, bələdiyyə, bələdiyyə orqanlan və s.),
həm də hakimiyyət səlahiyyətinə malik olmayan qurumlar (məsələn,
fiziki şəxslər, hüquqi şəxslər) dövlətdaxili (milli) hüququn subyekti ola
bilərlər. Beynəlxalq hüququn
41
Dostları ilə paylaş: |