İlham A.Mazanlı_________________________________________________________
63
milli varlığımızın yox, həm də siyasi varlığımızın - dövlət
quruculuğu prosesinin mühüm atributu kimi dəyərləndirir.
29
Heydər Əliyevin - “ Mən fəxr edirəm ki, azərbaycanlıyam.
Mən fəxr edirəm ki, Azərbaycan torpağı mənim doğma
torpağımdır. Mən fəxr edirəm ki, mənim Azərbaycan kimi
millətim var. Mən fəxr edirəm ki, mənim doğma ana dilim -
Azərbaycan dilim var. Mən fəxr edirəm ki, müstəqil, azad,
qüdrətli Azərbaycan dövləti var.”
30
- qanadlı sözləri hər bir
Azərbaycanlı körpədən tutmuş ağsaqqala, ağbirçəyə qədər
hamının dilində bütün dünyanı fəxarətlə dolanır və hər bir
Azərbaycanlını həyatı boyu milli, mənəvi-əxlaqi və dini
dəyərlərimizin, adət-ənənələrimizin keşiyində durmağa
səfərbər edir.
Hazırda Azərbaycan öz milli inkişafının yeni
mərhələsini yaşayır. Milli-mənəvi dəyərlərin qorunması bu
dövrün ən ümdə vəzifələrindən biri kimi qiymətləndirilir.
Sahə mütəxəssislərinin fikrinə görə, gələcəyini düşünən
xalq daim irəliyə baxmalı, insani, maddi və mənəvi
resursları səfərbər etməlidir. Millətin tarixi keçmişi onun
gələcəyə uğurla addımlaması üçün həm etibarlı zəmin, həm
29
Cəbrayılov R. Heydər Əliyev və Azərbaycançılıq ideologiyası.
“Azərbaycan” qəzeti, 17 may 2011-ci il.
30
“Azərbaycan” qəzeti, 15 oktyabr 1999-cu il.
KİV millətlərarası və dövlətlərarası münasibətlərin təkmilləşdirilməsi faktoru kimi
64
də ibrət dərsidir. Xalqın inkişaf yolunda varisliklə
novatorluq vəhdət təşkil etməlidir.
31
Bir sıra ictimai-siyasi xadimlər və tətqiqatçılar yeni
dövr milli inkişaf siyasətinin davamlı şəkildə həyata
keçirilməsini milli dövlətçiliyin, milli ruhun qorunmasının,
inkişaf etdirilməsinin və yeni nəsillərə çatdırılmasının
mühüm şərtlərindən biri kimi xarakterizə edirlər. Filologiya
elmləri doktoru, professor N.M.Əliyeva zamanla
mübarizənin qalibi, böyük siyasət xadimi Heydər Əliyevin
“milli dövlətin ancaq ərazinin, maddi sərvətlərin deyil, həm
də milli-mənəvi dəyərlərin qorunmasına xidmət etməsi”,
“dövlətçilik hisslərinə malik olmayan xalq öz milli dövlətini
inkişaf etdirə bilməz” və s. diskurslarını zəngin empirik
materiallara istinad edərək elmi cəhətdən peşəkarlıqla
əsaslandırır.
32
Bu səpkidən olan materialların respublikanın
ən populyar KİV-lərində yayılması onların daha geniş
ictimai auditoriyanı əhatə etməsi və cəmiyyətin qarşısında
duran problemlərin həllində
KİV-in iştirakının
səmərəliliyinin artırılması baxımından da olduqca
əhəmiyyətlidir.
31
Mehdiyev R. İctimai və humanitar elmlər: zaman kontekstində baxış.
http://azertag.com/store/News/Politics/ICTIMAI-VA-HUMANITAR-
ELMLAR.htm
32
Əliyeva N. Zamanla mübarizənin qalibi. “Azərbaycan” qəzeti, 2013,
7 may.
İlham A.Mazanlı_________________________________________________________
65
M
illətlərarası və dövlətlərarası münasibətlərlə
kütləvi informasiya vasitələri arasında qarşılıqlı təsir
problemləri KİV
əməkdaşlarından nəzəri bilik, müvafiq
məsələlərə aid fakt və məlumatları toplamaq, elmi təhlil
metodundan istifadə etmək, elmi ədəbiyyat və mənbələrlə
işləmək bacarığı tələb edir. Milli inkişaf siyasətinin,
millətlərarası və dövlətlərarası münasi-bətlərin kütləvi
informasiya vasitələrin
də işıqlandırılması jurnalistdən
yüksək səriştəlilik və sənətkarlıq keyfiyyətləri ilə yanaşı,
həm də böyük məsuliyyət tələb edir.
Beynəlxalq təcrübə göstərir ki,
kütləvi informasiya
vasitələri
nin millətlərarası və dövlətlərarası münasibət-
lərə ikili (xüsusilə də neqativ) təsiri müəyyən dərəcədə bu
problemlərin işıqlandırılması zamanı cəmiyyətdə baş verən
bütün proseslərdə, o cümlədən, dövlətçilik və dövlət
quruculuğu prosesində hansısa xalqın (əsasən, çoxsaylı)
istisnalığının xüsusi vurğulanması ölkədə yaşayan digər
xalqlarda (əsasən, azsaylı) assimilyasiya assosiasiyası
yaradır. Əksər hallarda, azsaylı xalqlar bu amilə çox
həssaslıqla yanaşır və assimilyasıyanın məqsədli şəkildə və
zorla həyata keçirildiyini düşünürlər. Məhz bu xüsusiyyəti
nəzərə alaraq, media öz fəaliyyətində bu mühüm sosial-
psixoloji amili daim nəzərə almalı, yerli etnosların
minillər boyu dinc-yanaşı yaşamalarını, etnik
özəlliklərini, mədəniyyətlərini, dilini və dinini, milli
adət-ənənələrini qoruyub-saxlamalarını və inkişaf
etdirmələrini bu ərazidə məskunlaşmış bütün xalqların,
KİV millətlərarası və dövlətlərarası münasibətlərin təkmilləşdirilməsi faktoru kimi
66
ilk növbədə isə Azərbaycan xalqının xoşbəxtliyi kimi
səciyyələndirməlidir. Təəssüf ki, qonşularımızın hamısı
haqqında bu fikri qətiyyətlə söyləyə bilmirik.
Hazırda Azərbaycanda yaşayan etnik icmaların
dilində 15-dən, təkcə rus dilində isə 30-dan çox qəzet və
jurnal nəşr olunur. Televiziya kanallarında milli azlıqların
etnik-mədəni həyatı, etnoqrafiyası barədə müntəzəm olaraq
materiallar nümayiş etdirilir. Milli azlıqların sıx yaşadıqları
5 bölgədə yerli televiziya və radio kanalları fəaliyyət
göstərir. Azərbaycan Dövlət Radiosu
33
ilə mütəmadi olaraq
rus, kürd, ləzgi, talış, gürcü və s. dillərində 15-ədək veriliş
yayımlanır. Azərbaycan və talış dillərində “Talışın səsi”
(“Talışi sədo”) qəzeti nəşr olunur.
İctimai Televiziya fəaliyyətə başladığı vaxtdan (26
avqust 2005-ci il) burada Milli Azlıqlar üçün Verilişlər
Departamenti fəaliyyət göstərir. Departament ölkədə
yaşayan bütün xalqların və etnik qrupların, hətta bir və ya
bir neçə kənddə məskunlaşmış, sayları bir neçə mindən artıq
olmayan etnosların maddi mədəniyyət nümunələrini, etnik
və məişət özəlliklərini geniş ictimaiyyətə çatdırır.
Departamentin təqdim etdiyi “Körpü”, “Bura vətəndir”,
“Danışan tarix” və s. verilişləri televiziya publisistikasının
33
Azərbaycan Dövlət Radiosu 6 noyabr 1926-cı ildə yaradılmışdır. Hal-
hazırda Azərbaycan Dövlət Teleradio Şirkətinin tərkibinə daxildir. 3
proqramı və 1 səsyazma evi mövcuddur. Problematika istiqamətlərinə
görə 13 şöbə fəaliyyət göstərir. 105 FM dalğasında yayımlanır.
Dostları ilə paylaş: |