177
56. Demokratlar Partiyası – ABŞ-ın iki əsas partiyasından biri. Əsası 1828-ci ildə qoyulmuşdur.
XIX əsrin
birinci yarısında Cənub plantasiyaçılarının və bankirlərin mənafeyini müdafiə edirdi. 1829-41, 1845-49, 1853-
61, 1885-89, 1893-97, 1913-21, 1933-53, 1961-69, 1977-81,1993-2001-ci illərdə hakimiyyətdə olmuşlar. – 96.
57. Çin Xalq Respublikası, ÇXR – Mərkəzi və Şərqi Asiyada dövlət. Sahəsi 9,6 milyon km
2
, əhalisi 1219
milyon nəfərdir. İnzibati cəhətdən 22 əyalətə (Tayvansiz), 5 muxtar rayona və mərkəz tabeliyində olan 3
şəhərə (Pekin, Şanxay, Tyantszın) bölünür. Ali dövlət hakimiyyəti orqanı Ümumçin Xalq Nümayəndələri
Məclisidir. Dövlət başçısı – Çin Xalq Respublikasının sədridir. Paytaxtı Pekindir. – 96,122-126,173.
58. «907-ci maddə» – ABŞ Konqresinin 1992-ci il oktyabrın 24-də erməni lobbisinin təzyiqi ilə qəbul etdiyi
«Rusiyanın və yeni müstəqillik qazanmış dövlətlərin azadlığını müdafiə aktı»na 907-ci düzəliş nəzərdə tutulur.
Düzəliş ABŞ hökumətinin Azərbaycan hökumətinə yardımını qadağan edir. Buna baxmayaraq, istər Bill
Klinton, istərsə də ondan sonra ABŞ prezidenti seçilən Corc Buş administrasiyası bu düzəlişin reallığı nəzərə
almadığını təsdiq edərək onun ləğv edilməsi təklifini müdafiə etmişlər. C.Buş hökuməti 2002-ci ildə bu
düzəlişin fəaliyyətdən düşdüyünü qərara almışdır. – 98.
59. Fransa, F r a n s a R e s p u b l i k a s ı – Qərbi Avropada dövlət. Sahəsi 551 min km
2
, əhalisi 58,4
milyon nəfərdir. İnzibati cəhətdən 95 departamentə bölünür. Qanunverici hakimiyyəti iki palatadan (Milli Məc-
lis və Senat) ibarət parlament həyata keçirir. İcra hakimiyyəti prezident və Nazirlər Şurasına məxsusdur.
Paytaxtı Paris şəhəridir. – 101-104,137,151.
60. Fransa Senatı – Qanunverici hakimiyyət orqanı. – 101-104.
61. Gülər Əhmədova, G ü l ə r M i k a y ı l q ı z ı (d.1965) – psixologiya elmləri namizədi. Heydər
Əliyev tərəfindən yaradılmış Respublika Uşaq Təşkilatının (1996) sədridir. 2000-ci ildən
Azərbaycan
Respublikası Milli Məclisinin deputatıdır. – 102.
62. Jak Şirak (d.1932) – Fransanın görkəmli siyasi və dövlət xadimi. 1974-76 və 1986-88-ci illərdə
Fransanın Baş naziri, 1977-95-ci illərdə Paris şəhərinin meri, 1995-2007-ci illərdə Fransa Respublikasının
prezidenti. «Heydər Əliyev» ordeni ilə təltif olunmuşdur. – 102.
63. Natiq Əliyev, N a t i q A g a ə l i o ğ l u (d.1947) – 1993-2006-cı illər Azərbaycan Respublikası Dövlət
Neft Şirkətinin prezidenti olmuşdur. Hazırda Azərbaycan Respublikası Sənaye və Energetika naziridir. Azərbaycan
Respublikasının «Şöhrət» ordeni ilə təltif edilmişdir. – 106.
64. Merzlyakov Yuri (d.1949) – Rusiya Federasiyasının fövqəladə və səlahiyyətli səfiri. 2003-cü ildən
ATƏT-in Minsk qrupunda Dağlıq Qarabağ məsələsinin nizamlanması üzrə həmsədrlərindən biri. – 110-114.
65. Sergey Mironov, S e r g e y M i x a y l o v i ç (d.1953) – Rusiya dövlət xadimi, mühəndis-geofizik.
1994-2001-ci illərdə Sankt-Peterburq
Qanunverici məclisinin üzvü, 2001-ci ildə Rusiya Federasiyası Federal
Şurasının üzvü, 2001-ci ilin dekabrından Federal Şuranın sədridir. – 113.
66. Əziz Əliyev, Ə z i z M ə m m ə d k ə r i m o ğ l u (1897-1962) – görkəmli dövlət
və siyasi xadimi,
səhiyyə təşkilatçısı. Tibb elmləri doktoru, professor. Əziz Əliyev müxtəlif illərdə Azərbaycan Klinik
İnstitutunun direktoru, Bakı Səhiyyə Şöbəsinin müdiri, Azərbaycan Xalq Səhiyyə Komissarının müavini və
Xalq Səhiyyə Komissarı, Azərbaycan Dövlət Tibb İnstitutunun və Azərbaycan
Dövlət Universitetinin rektoru,
Azərbaycan SSR Ali Soveti Rəyasət Heyətinin katibi, Azərbaycan KR MK-nın katibi, Dağıstan MSSR Vilayət
Komitəsinin birinci katibi, Azərbaycan SSR Nazirlər Soveti Sədrinin birinci müavini, Azərbaycan Elmi-
Tədqiqat Ortopediya və Bərpa Cərrahiyyə İnstitutunun direktoru, Azərbaycan Həkimləri Təkmilləşdirmə
İnstitutunun direktoru vəzifəsində çalışmışdır. SSRİ Ali Sovetinin və Azərbaycan SSR Ali Sovetinin deputatı
olmuşdur. – 115-121,287.
67. Niyazi, T a ğ ı z a d ə – H a c ı b ə y o v N i y a z i Z ü l -f ü q a r o ğ l u (1912-1984) –
görkəmli Azərbaycan
dirijoru, bəstəkar. Azərbaycan milli dirijorluq məktəbinin formalaşması, inkişafı Niyazinin adı ilə bağlıdır. SSRİ xalq artis-
ti, Sosialist Əməyi Qəhrəmanı, iki dəfə SSRİ Dövlət mükafatı laureatı idi. –115.
68. Bakı–Supsa neft kəməri – 1994-cü ilin sentyabrında Azərbaycan hökumətinin xarici neft şirkətləri ilə
imzaladığı «Əsrin müqaviləsi»nin həyata keçirilməsinin mühüm bir vəsiləsi Bakı–Supsa neft kəməridir.
178
Kəmərin uzunluğu 830 km, gündəlik maksimum ötürmə gücü 115 min barreldir. Supsada hər birinin tutumu
250 min barrel olan dörd terminal tikilmişdir.
1999-cu il aprelin 17-də Supsada ilkin Xəzər neftinin Qərb istiqamətində nəqli üçün Bakı–Supsa ixrac
boru kəmərinin və Supsa yerüstü terminalının təntənəli rəsmi açılış mərasimi olmuşdur. – 116,216.
69. Bakı–Novorossiysk neft kəməri – 1994-cü ilin sentyabrında Azərbaycan Respublikası hökumətinin xarici
neft şirkətləri ilə imzaladığı «Əsrin müqaviləsi»nin həyata keçirilməsinin mühüm bir hissəsi Bakı–Novorossiysk
neft kəməridir. Bu kəmər 1997-ci ilin noyabrında istifadəyə verilmişdir. –
70. Nazim Hüseynov, N a z i m Q a l i b o ğ l u (d.1969) – Azərbaycan cüdoçusu, azərbaycanlı ilk Olimpiya
çempionu (1992), 2 qat Avropa çempionu (1992-93). Dünya çempionatının gümüş və bürünc mükafatçısı. 1992-ci ildə
bütün çəkilərdə Avropanın ən güclü cüdoçusu adına layiq görülmüşdür. Azərbaycan Respublikasının «Şöhrət» ordeni ilə
təltif edilmişdir. – 119,120.
71. Li Pen (d.1928) – Çinin siyasi və dövlət xadimi. 1979-98-ci illərdə bir sıra məsul vəzifələrdə
çalışmışdır. 1998-ci ildən ÇXR Ümumçin Xalq Nümayəndələri Məclisi Daimi Komitəsinin sədridir. – 124.
72. Abdullah Gül (d.1950) – Türkiyə dövlət və siyasi xadimi, iqtisad elmləri doktoru, professor. 1983-91-
ci illərdə İslam İnkişaf Bankında Türkiyə təmsilçisi olmuşdur. 1991-ci ildə TBMM-nın üzvü seçilmişdir.
Abdullah Gül Rəcəb Ərdoğanla Ədalət və İnkişaf Partiyasının (Adelet və Kalkinma Partisi) yaradıcılarından
biridir. 2002-ci il seçkilərində AKP qalib gəlir və A.Gül Baş nazir vəzifəsini tutur. 2003-cü ildə Rəcəb Tayyib
Ərdoğan Baş nazir, Abdullah Gül isə Baş nazirin müavini olur. 2007-ci il avqust ayının 28-də Abdullah Gül
Türkiyənin 11-ci prezidenti seçildi. – 127,138,187.
73. Əhməd Necdət Sezər (d.1941) – 2000-2007-ci illərdə Türkiyə prezidenti. 1962-83-cü illərdə bir sıra
məsul vəzifələrdə çalışmışdır. 1993-cü ildə Türkiyə Kassasiya Məhkəməsinin, 1988-ci ildə isə Türkiyə
Konstitusiya Məhkəməsinin üzvü seçilib. 1998-2000-ci illərdə Türkiyə Konstitusiya Məhkəməsinin sədri
olmuşdur. – 127,138.
74. Müşavirlər Palatası – Yaponiya ali qanunverici orqanının iki palatasından biri. – 141.
75. İpək yolu, b ö y ü k İ p ə k y o l u – beynəlxalq
tarixi tranzit-ticarət yolu; eramızdan əvvəl II əsrin
sonlarından eramızın XVI əsrinədək fəaliyyət göstərmiş, Çindən Şimali Afrika və İspaniyaya qədər uzanaraq,
ayrı-ayrı qolları ilə o zaman dünyanın, demək olar ki, bütün ölkələrini birləşdirmişdir.
Əlverişli coğrafi mövqedə yerləşməsi və zəngin maddi sərvətlərə malik olması sayəsində Azərbaycan qədim
zamanlardan dünya ölkələri arasında iqtisadi və mədəni əlaqələrdə mühüm yer tutmuşdur.
XX əsrin sonunda Azərbaycan Respublikasının Prezidenti Heydər Əliyevin böyük İpək yolunun yenidən
dirçəldilməsi ideyasını irəli
sürməsi bütün dünyada, xüsusilə də böyük İpək yolu üstündə yerləşən ölkələrdə
ciddi maraqla qarşılandı. Bu məqsədlə 1998-ci ilin sentyabrında Bakıda 33 dövlətin və Avropa Birliyinin iştirakı
ilə beynəlxalq konfrans keçirildi; TRASEKA proqramı çərçivəsində nəzərdə tutulan Asiya–Qafqaz–Avropa
ticarət dəhlizinin – böyük İpək yolunun bərpasının və onun imkanlarından hamılıqla bəhrələnməyin vacibliyi
qeyd olundu. – 142.
76. Xaçmaz – Azərbaycan Respublikasında inzibati rayon. 1930-cu ildə təşkil edilmişdir. 1963-cü ildə ləğv
edilərək ərazisi Quba və Qusar rayonlarına verilmiş, 1965-ci ildə yenidən müstəqil rayon olmuşdur.
Sahəsi
1045 km
2
, əhalisi 111,6 min nəfərdir. – 143-149,203,218,226.
77. Voloşin Aleksandr Stalyeviç (d.1956) – inşaatçı-mühəndis. 1992-95-ci illərdə AO «ESTA Korp»
prezidenti. 1997-98-ci illərdə Rusiya Federasiyası Prezidentinin İcra Aparatı rəhbərinin müavini, 1999-cu ildən
isə rəhbəri olmuşdur. – 152-154.
78. İkinci dünya müharibəsi (1939-45) – Almaniya, İtaliya və Yaponiya tərəfindən başlanmış böyük
müharibə. İkinci dünya müharibəsi 1939-cu il sentyabrın 1-də Almaniyanın Polşaya girməsi ilə başlandı.
Sentyabrın 3-də Böyük Britaniya və Fransa Almaniyaya müharibə elan etdi. 1940-cı ilin ortalarından alman
qoşunları Danimarka, Norveç, Belçika, Niderland, Lüksemburq, sonra isə Fransanı işğal etdi.
1941-ci il iyunun 22-də Almaniya SSRİ-yə qarşı müharibə elan etdi. 1942-43-cü
illərdə sovet ordusunun
Stalinqrad və Kursk vuruşmalarında qələbəsi Almaniyanı qəti surətdə sarsıtdı.