165
BÖYÜK BRİTANİYANIN AZƏRBAYCANDAKI
FÖVQƏLADƏ VƏ SƏLAHİYYƏTLİ SƏFİRİ
ENDRYU TAKER İLƏ GÖRÜŞDƏ SÖHBƏT
29 oktyabr 2003-cü il
E n d r y u T a k e r: Cənab Baş nazir! Cənab yeni seçilmiş Prezident, mən Böyük Britaniyanın Baş
naziri cənab Toni Bleyrin şəxsi məktubunu Sizə təqdim etmək istəyirəm. O Sizi prezident seçilməyiniz
münasibətilə təbrik edir, bu məsul vəzifədə Sizə uğurlar diləyir və ölkələrimiz arasında əlaqələrin daha da inkişaf
edəcəyinə ümidvar olduğunu bildirir.
Mən də öz adımdan Sizə növbəti beş ildə ölkənizin inkişafı naminə müvəffəqiyyətlər arzulayıram.
İ l h a m Ə l i y e v: Çox sağ olun, cənab səfir!
Mənim təşəkkürümü və ən xoş arzularımı cənab Baş nazirə çatdırmağı xahiş edirəm.
Bizim əlaqələrimiz çox sürətlə inkişaf edir. Birləşmiş Krallıq və Azərbaycan bir çox sahələrdə uğurlu
əməkdaşlıq edirlər. Ölkələrimiz arasında çox yaxşı iqtisadi əməkdaşlıq mövcuddur. Britaniya şirkətləri
Azərbaycana sərmayə qoyuluşunda liderdirlər. Biz iqtisadi əlaqələrimizdən çox məmnunuq. Xüsusilə neft-qaz
sektorunda və iqtisadiyyatın digər sahələrində əməkdaşlıq çox yüksək səviyyədədir.
Bildiyiniz kimi, son illər ərzində Azərbaycanda xarici sərmayələrin qorunması üçün xeyli iş görülmüşdür.
İqtisadiyyatımıza qoyulan sərmayələrin böyük həcmi də məhz bununla əlaqədardır. Bu siyasət gələcəkdə də
davam etdiriləcək, biz xarici sərmayələrin qorunmasına böyük diqqət yetirəcəyik. Əminəm ki, bu,
ölkəmizə
xeyli mənfəət gətirəcəkdir.
Biz həmçinin Böyük Britaniya ilə dostluq əlaqələrimizi bütün səviyyələrdə davam etdirəcəyik. Bu əlaqələr
müxtəlif sahələrdə əməkdaşlıqla yanaşı, ən mühüm məsələlərdən olan terrorizmə qarşı mübarizə sahəsində
müttəfiqliyimizə də aiddir. Azərbaycan etibarlı müttəfiqdir və bunu dəfələrlə əməli addımlarla sübut etmişdir.
Növbəti beş il ərzində mənim fəaliyyətim ölkələrimiz arasında münasibətlərin daha yüksək pilləyə qalxmasına
yönələcəkdir.
166
İSRAİL DÖVLƏTİNİN AZƏRBAYCANDAKI
FÖVQƏLADƏ VƏ SƏLAHİYYƏTLİ SƏFİRİ
EYTAN NAYE İLƏ GÖRÜŞDƏ SÖHBƏT
29 oktyabr 2003-cü il
E y t a n N a y e: Cənab yeni seçilmiş Prezident!
İcazə verin, İsrail dövləti prezidentinin təbrik məktubunu Sizə təqdim edim. Cənab Moşe Katsav Sizə ən
xoş arzularını bildirir, ölkənizin gələcək inkişafı naminə fəaliyyətinizdə uğurlar diləyir. İsrail dövlətinin başçısı
həm də iki dost ölkə arasında əlaqələrin yüksələn xətlə inkişafına ümidvar olduğunu bildirir.
İ l h a m Ə l i y e v: Sağ olun, cənab səfir. Mənim təşəkkürümü və xoş arzularımı cənab Prezidentə
yetirməyinizi xahiş edirəm.
Ölkələrimiz arasında münasibətlər sürətlə inkişaf edir. Bizim istər iqtisadi, istərsə də mədəni sahələrdə çox
yaxşı əlaqələrimiz vardır. Əlbəttə, mən çox istəyirəm ki, əlaqələrimiz bütün sahələrdə daha da inkişaf etsin.
Azərbaycanın böyük gələcəyi vardır. Son 10 il ərzində ölkəmiz inkişaf edərək
regionda mühüm dövlətə
çevrilmişdir. Deyə bilərəm ki, indi Azərbaycan ümumən regionun inkişafında fəal rol oynayır. Əlbəttə, biz
dostlarımızın köməyini də hiss edirik və bu, məqsədlərimizə nail olmaqda bizə yardım edəcəkdir. Biz iqtisadi
cəhətdən daha güclü dövlət olacağıq, demokratiyanı inkişaf etdirəcəyik. Regionda sabitlik və təhlükəsizlik də
bizim üçün öncül məsələlərdəndir. Əminəm ki, biz qarşımıza qoyduğumuz vəzifələri uğurla həyata keçirəcəyik.
Ümidvaram ki, ölkələrimiz və xalqlarımız arasında mövcud olan dostluq və əməkdaşlıq gələcəkdə də daha
sıx əlaqələrin formalaşmasına imkan verəcəkdir. Biz İsrail şirkətlərinin Azərbaycanda fəaliyyətini çox yüksək
qiymətləndiririk və onların iqtisadiyyatımıza daha çox sərmayə qoymasını istəyirik.
Bildiyiniz kimi, ölkəmizdə
sərmayələrin etibarlı qorunması üçün münbit şərait mövcuddur. Ona görə də biz biznesmenləri Azərbaycanda
fəaliyyətlərini gücləndirməyə çağırırıq.
167
TÜRKİYƏNİN AZƏRBAYCANDAKI
FÖVQƏLADƏ VƏ SƏLAHİYYƏTLİ SƏFİRİ
ƏHMƏD ÜNAL ÇEVİKÖZ İLƏ
GÖRÜŞDƏ SÖHBƏT
29 oktyabr 2003-cü il
İ l h a m Ə l i y e v: Hörmətli cənab səfir, Türkiyə Cümhuriyyətinin qurulmasının 80-ci ildönümü
münasibətilə sizi ürəkdən təbrik edirəm. Xahiş edirəm ki, mənim təbriklərimi bütün türk xalqına çatdırasınız.
Bu, eyni zamanda, bizim üçün də böyük bayramdır.
Çünki biz bir millət, iki dövlətik. Türkiyənin bütün
bayramlarını biz öz bayramımız hesab edir və onları qeyd edirik. Cümhuriyyətin qurulması tarixdə böyük bir
hadisədir. Böyük öndər Mustafa Kamal Atatürkün qurduğu Türkiyə qüdrətli dövlətə çevrilibdir. Bölgədə,
regionda, dünyada çox möhkəm mövqelərə sahib olubdur və çox güclü təsirə malikdir.
Azərbaycan da öz müstəqilliyini əldə edəndən sonra onu ilk tanıyan, ona dəstək verən məhz qardaş Türkiyə
olubdur. Biz bunu heç vaxt unutmayacağıq. Son 12 il ərzində biz Türkiyədən daim diqqət, hörmət, məhəbbət
görmüşük. Əminəm ki, Azərbaycan tərəfindən də eyni münasibət özünü göstəribdir.
Bizim ikitərəfli münasibətlərimiz çox uğurla inkişaf edir, bütün sahələrdə qardaşlıq, dostluq prinsipləri
əsasında qurulur. Əminəm ki, gələcəkdə də biz bu münasibətləri daha da inkişaf etdirəcəyik. İqtisadi sahədə
dünya üçün çox əhəmiyyətli Bakı–Tbilisi–Ceyhan neft kəməri inşa edilir. Məhz iki
ölkənin səyləri nəticəsində
bu kəmərin tikintisini həyata keçirmək mümkün olmuşdur. İşlərin xeyli hissəsi artıq görülür və böyük həcmdə
vəsait qoyulur. İnşallah, gələn ilin sonlarında biz onun açılışında bərabər iştirak edəcəyik.
Bakı–Ərzurum qaz kəməri layihəsi də uğurla həyata keçirilir. Bu işdə də heç bir problem yoxdur. Bu bir
daha onu göstərir ki, iki ölkə arasında mehriban münasibətlər mövcud olanda bütün məsələlər öz həllini tapa
bilər.
Siyasi müstəvidə də münasibətlərimiz çox yüksəkdir. Siz bilirsiniz ki, mən Baş nazir vəzifəsinə təyin
olunandan sonra məni ilk təbrik edən Türkiyənin hörmətli Baş naziri cənab Ərdoğan olubdur. O məni
Türkiyəyə
dəvət etdi və çox məmnunam ki, mənim ilk səfərim qardaş ölkəyə olubdur.
Bundan sonra da biz hamımız çalışmalıyıq ki, bu münasibətləri inkişaf etdirək, Azərbaycan və Türkiyəni bir-
birinə daha da sıx bağlayaq və xalqlarımız da bir-birinə daha da bağlı, daha da yaxın olsun. Xahiş edirəm mənim
səmimi təbriklərimi bir daha qəbul edəsiniz.
Ə h m ə d Ü n a l Ç e v i k ö z: Hörmətli Baş nazir, çox təşəkkür edirəm. Bu gün Türkiyə
Cümhuriyyətinin qurulmasının 80-ci ildönümüdür. Türkiyə Cümhuriyyəti 80 ildir çağdaş səviyyəyə çatmış bir
müstəqil ölkə kimi dünya dövlətləri arasında öz həqiqi yerini almışdır. Atatürkümüzün əmanət etdiyi bu dövləti
biz öz çiyinlərimizdə daha neçə səksən illər boyunca irəli aparmağa hazırıq.
Bugünkü məmnunluğumun başqa bir səbəbini xüsusilə vurğulamaq istəyirəm. Bir neçə gündən bəri
Azərbaycanın
hər yerindən, hər kəsdən, dövlət təşkilatlarından bir çox təbrik məktubu alıram. Əslində, bu da
Türkiyə Cümhuriyyətinin 80-ci ildönümünün bizə verdiyi qüruru Azərbaycanda bütün xalqın hiss etdiyini
göstərir. Bu mənim üçün çox böyük sevincdir. Bunu xüsusilə vurğulamaq istəyirdim.
Cümhuriyyətimizin qurulmasının 80-ci ildönümü münasibətilə təbriklərinizi hörmətli cümhur başkanımıza,
Baş nazirimizə çatdıracağam. Sizin vurğuladığınız kimi, Türkiyə ilə Azərbaycan arasında əlaqələr son 12 ildə,
Azərbaycanın müstəqillik qazanmasından bəri güclü surətdə inkişaf etmişdir. Bu gün Türkiyə ilə Azərbaycan
arasında siyasi, iqtisadi, ticarət, hərbi və mədəniyyət sahələrində fövqəladə yaxın bir işbirliyi, qardaşlıq əlaqələri
mövcuddur.
Təbii, bütün bunların hamısının başında duran, bu əlaqələrin irəliyə aparılmasında
böyük rolu olan
Cümhurbaşkanı hörmətli Heydər Əliyevin adını çəkməmək və onun xidmətlərini xatırlamamaq mümkün
deyildir. Mən hörmətli Heydər Əliyevin ən qısa zamanda sağlamlığını bərpa edərək Azərbaycana dönməsini
bütün könlümlə səmimi arzu edirəm.
Cənab Baş nazir!
Prezident seçilməyinizdən sonra Sizi ziyarət edib Cümhurbaşkanımızın, Baş nazirimizin və Xarici İşlər
nazirimizin təbriklərini çatdırdığım zaman söylədiyim kimi, biz Sizin prezidentliyiniz dövründə də Türkiyə–
Azərbaycan əlaqələrini və bu yaxın qardaşlığın daha yüksək səviyyələrə çatdırılacağına əminik.
Həqiqətən, bu gün 80-ci ildönümü münasibətilə çox həyəcanlı və duyğuluyam. Məni bu gün qəbul etdiyiniz
üçün və bizim bayramımızı, tariximizin şanlı səhifəsini bu şəkildə təbrik etdiyiniz üçün Sizə minnətdaram. Çox
təşəkkür edirəm.
İ l h a m Ə l i y e v: Cənab səfir, mən də demək istəyirəm ki, hörmətli Prezidentimizin, Heydər Əliyevin
səyləri nəticəsində bizim münasibətlərimiz daha da güclü inkişaf edibdir və Bakı–Tbilisi–Ceyhan neft kəməri