İslam Qəribli
76
ədalət və həqqaniyyət deyil, bəlkə zülm və insafsızlığın nəhayət
dərəcəsidir”(130, 155).
Bir millət ki, cahilə alim, qafilə hüşyar, qarğaya bülbül, gülə
xar deyib, o millət mütləq zəlalətə düçar olub və bu işdə başqa
millətləri günahkar qismində qələmə vermək sadəlövhlükdən
savayı başqa bir şey deyil. “Məmləkət küfr ilə baqi qalar, zülm ilə
baqi qalmaz” kəlamı ilə fikrini qüvvətləndirən müəllif daha sonra
yazır: “Əlhasil, hər cəhətdən olursa-olsun bir millətin, istər bir
fərdin hüquqi-məşruəsi ibtal və pamal olursa, buna zülm və cövr
deyilir”(130, N 155).
Müəllifin çox doğru olaraq qeyd etdiyi kimi, zülm olan
yerdə bəxtiyarlıq, məsudiyyət olmaz. İslam məmləkətlərini zülm
və
həqqaniyyətsizlik
“başdan-başa
təhti-hakimiyyətinə
aldığından”dır ki, ən mühüm işlər “bir sürü elmsiz, bir taqım
naəhlə” tapşırılmış, “ərbabi-ləyaqət və zəkavət olanlar isə xaki-
səfalət
və
guşeyi-rəzalətdə çürüməkdə və ağuşi-ədəmə
düşməkdədirlər. Zülm deyilmi bu? Millətin qəflətindən,
cəhalətindən fürsətyab olaraq bir bölük kəmşüurlar, bir alay
maarif müflisləri birər məqami-sədarətə və kürsiyi-məmuriyyətə
minmişlər... Ədalətmi bu?.. Gülün yerini xar, bülbülün
nişiməngahını qarğa tutmuş, nurun əvəzinə zülmət, hurun qəsrində
ifritlər oturmuş”(130, N 155).
“Bu uyğunsuz, bu ədalətsiz işlərin səbəbi-həqiqisi
nərədəndir?” sualını verən müəllif bunların iki başlıca səbəbini
göstərir ki, bunlardan biri rüşvətxorluq, ikincisi isə nadanlıq,
maarifsizlikdir.
“Hüququnu anlamayan, tapdanan haqqını tələb etməyə
cürəti çatmayan millətlə insaniyyət və mədəniyyət karvanına
qoşulmaq olmaz”,- deyə haray çəkən müəllif bir daha bəyan edir
ki, “hər işi öz əhlinə, hər əməli öz sahibinə tapşırmalı. “Geridə,
dalda qaldıq”,- deyə çığırmaq, bağırmaqdan bir şey hasil ola
bilməz:
Ayinəsi iĢdir kiĢinin, lafə baxılmaz,
ġəxsin görünür rütbeyi-əqli əsərində”(130, N 155).
Məhəmməd Hadi və mətbuat
77
Qəzetin 18 iyul 1906-cı il 157-ci sayında M. Hadinin
“Qəflət və cəhalət aləmi-insaniyyətin ən böyük düşmənləridir”
adlı məqaləsi dərc olunur. Qəflət və cəhaləti göyün üzünü bürüyən
kəsif, qəliz buludlara bənzədən müəllif bildirir ki, qara buludlar
Günəş şəfəqlərinin qarşısına səf çəkib yer üzünü qaranlıqlara qərq
etdiyi kimi, qəflət də insanlığı yaxıb-yandırar, “hansı şəhərdə,
hansı ölkədə yuva yapar isə, nəğməpərdazi-məşamət olar isə
xarabazara döndərər”(131, N 157). Qəflət və cəhalətin yer üzünə
fəlakətlər gətirdiyini, bir çox tayfa və qövmlərin cəhalət, qəflət və
səfalətləri ucbatından Allahın qəzəbinə düçar olmalarını Quranın
on birinci surəsi olan “Hud” surəsinin 101, 102, 103 və 107-ci
ayələrini misal gətirməklə əsaslandıran müəllif oxucusuna üz
tutaraq yazır: “Düşünəlim, vətəni-bədbəxtimizi başdan-başa əhatə
etmiş bu böyük bəla, bu əzim bədbəxtlik qəflət və cəhalətin
nəticeyi-zalimanə və lənətkəranəsi deyilmidir? Bu qədər yanmış
xanimanlar, tökülmüş nahaq qanlar, xaki-məzəllətə yuvarlanmış
ətfali-məsumlar, karü kəsbsiz minlərcə füqərayi-kasıblar, nələr və
nələr...”(131, N 157).
Müəllifin qənaətinə görə qəflət və cəhalətdən uzaq
olduqlarından Şərqdə yaponlar, Qərbdə avropalılar maddi və
mənəvi tərəqqiyə nail olaraq rahatlıqlarını təmin etdikləri halda,
“bizlər ləbtəşnələriz”. Səbəb isə cəhalət və qəflətdir.
M. Hadinin nəzərində “Qəflət öylə qorxunc, öylə qəddar bir
düşməndir ki, mövqeyi-icraya qoyduğu qəbih əməlləri, uyğunsuz
işləri kəcrov olan qafillərə, cahillərə yaxşı göstərir, gözəl tanıtdırır,
batil görünür. Tədənni tərəqqi kimi tələqqi olunur”. Hələ bu
hamısı deyil və zaman elə bir zamandır ki, “Qəflət və cəhalətə
uyanların “əmali-saniələrini şeytan öylə pirayələndirib, öylə
bəzəyib ki, küfrlərini iman, nadanlıqlarını irfan, qəflətlərini ayıqlıq
hesab edirlər”(131, N 157).
Qəflət və cəhaləti Allahın bəyənmədiyi “şan deyil, şini-
adəmiyyət” hesab edən müəllif bildirir ki, cəhalət və qəflət insanı
təkcə bu dünyada yox, axirətdə də bədbəxt edər, çünki “hər kəs
İslam Qəribli
78
dünyada bəsirət sahibi olmasa, yəni adamda qəlb gözü kor olsa,
axirətdə də kor olacaqdır:
Zülmətə əshab əma bəndədir,
Nur isə binalərə tabəndədir”(131, N 157).
“Şövq və həvəs” adlı məqaləsində(132, N 159) M. Hadi
belə bir fikri ifadə edir ki, bir fərd və ya bir millət hər arzusuna və
istəyinə ancaq şövq, həvəs və zəhmət sayəsində nail ola bilər.
Bütün ixtira və icadların, kəşflərin istək və zəhmət sayəsində
meydana gəldiyini qeyd edən müəllif insana zövq verən zəhməti
bir quşcuğazın yuva qurması, “mini-mini, körpə-körpə balalarına
yem və danə gətirərək onları bəsləməsi” ilə müqayisə edir və
bunların, yəni şövq və həvəsin yaradılmışların hamısının fitrətində
olduğunu bəyan edir.
Müəllifi belə bir məsələ düşündürür: bütün kainat şövq və
həvəs ilə inkişafda, tərəqqidə, yeniləşməkdə ikən bizim həvəs
qanadımız sınmış, “şəhpəri-şövqümüz qırılmışdır”. Bunun səbəbi
nədir?
Cavabı yubatmayan müəllif yazır: “Bunun səbəbi
himmətimizin düşkünlüyü, vətənpərvərsizliyimizdir... Mənafeyi-
şəxsiyyə və fəvaidi-zatiyyəsinə məşğul əfraddan mürəkkəb olan
millət və qövmün həvəsi-milliyyəsi ola bilərmi? Haşa, həvəsi
bizlər yalnız fəhm etmişik”(132, N 159).
Şəxsi mənafelərin təmin edilməsinə yönəldilən zəhmət və
səyləri həvəs deyil, ruh üçün bir qəfəs adlandıran M. Hadi “Həvəs
nədir?” sualına belə bir cavab verir: “Həvəs hər kəs mükəlləf
olduğu vəzaifi-insaniyyəni kəmali-eşq və şövq ilə ifa etmək və
yorulmaz bir səy ilə məmur bulunduğu əmrə iqdam qılmaqdır”
(132, N 159).
“Xoşbəxt gələcək arzuları təkcə şeirlərinin deyil, həm də
çox zəngin publisistik əsərlərinin ana xəttini təşkil edən”(9; 84),
səy və bacarıqlarını məmləkət yolunda sərf edənləri “Səadət
olsun belə həvəspərvər milləıtə!” sözləri ilə alqışlayan müəllif çox
doğru olaraq yazır ki, “Səadət səyin aşiqidir, səy isə şövq və
Dostları ilə paylaş: |