Məhəmməd Hadi və mətbuat
79
həvəsin yarı... Şövq işığı hansı millətin afaqını tənvir edərsə,
oradan tənbəllik və qəflət zülməti qaçar, məhv olar..”(132, N 159).
Maarifçilik ənənəsinə sadiq qalan M. Hadi bu məqaləsində
də məktəb, xeyriyyə evləri, qirətxana və mətbuat orqanlarının
açılıb millətin istifadəsiə verilməsini zəruri hesab edir, “biz də
qeyri millətlər kimi icabati-əsriyyəmizdən bulunan maarifə,
tərəqqiyə həvəs edəlim, çalışalım”, - deyə fikrini tamamlayır.
Qeyd olunduğu kimi M. Hadi “Həyat” qəzetində çap
etdirdiyi əsərlərində maarifi tərəqqi və təkamülün əsas
hərəkətverici qüvvəsi hesab edirdi. Məktəblərdə hansı elmlərin
keçilməsi də müəllifi düşündürən başlıca məsələlərdən idi.
Mətbuatda “Bizə hansı elmlər lazımdır?” mövzusu ətrafında
müzakirələr gedərkən “Həyat”da M. Hadinin “Elmi-əbdanə həqiqi
bir nəzər” adlı iri həcmli bir əsəri çap olunur(133, N 182, 183,
184, 185, 191, 193, 194). M. Hadinin “Həyat” qəzetində dərc
olunmuş əsərlərindən ən irihəcmlisi olan bu fəlsəfi əsəri müəllifin
elm, sənət və bunların cəmiyyətdə, insan həyatında oynadığı rolu
barədə düşüncələri də adlandırmaq olar. Həzrət Məhəmmədin(s)
“Əlelmü elman elmül əbdan sümmə elmül-ədyan” kəlamına
istinad edən və bu hədisi-şərifi “Elm deyilən cövhəri-nurani
başlıca iki qismə bölünmüşdür. Bu elmi-cəlilin biri elmi-
maddiyyə və fənni-cismaniyyədir. İkincisi isə elmi-ruhaniyyə olan
ədyandır, yəni dəyanət və şəriət elmidir” şəklində şərh edən M.
Hadi bu elmlərin, xüsusilə təbiət elmlərinin səmərəsi haqqında
konkret dəlillərlə müfəssəl məlumat verir.
M. Hadi hesab edir ki, bəşəriyyətin inkişafı və bəşər
övladının həyatda müəyyən səmərə əldə etməsi üçün dünyəvi
elmlər çox böyük əhəmiyyətə malikdir. İnsan qüvvəsinə, ağılın və
zəkanın gücünə böyük inam ifadə olunan bu dərin məzmunlu
əsərində müəllif dönə-dönə belə bir fikri müxtəlif formalarda iqrar
edir ki, elmin və ağılın gücü ilə “insan təbiəti rövnəqləndirməli,
həyat üçün təbiətin verdiyi sərvətlərdən mükəmməl qaydada, elmi
əsaslarla istifadə olunmasını təmin etməlidir”(11, 31).
İslam Qəribli
80
“..İnsanın kəsbi-tərəqqi və təhsili-təməddün etməsi bittəb iki
şeyə möhtacdır. O iki şeyin birisi sərvət və biri də ifayi-vəzifə
etmək üçün səhhəti-bədəndir... İştə aləmi-insaniyyət üçün
əhəmiyyəti dərkar olan bu iki maddə, yəni kəsbi-dövlət və
mühafizeyi-səhhət şayani-etibar olduqlarından dolayı elmi-əbdan
müqəddəm, elmi-ədyan isə müəxxər söylənmişdir... Demək ki,
elmi-əbdan əsasi-mədəniyyət və binayi-aləmi-bəşəriyyətdir.
Ülumi-əbdaniyyə olmaz isə Adəm övladı tərəqqi, təali, təməddün
istehsalına bir dürlü müvəffəq olamaz”(133, N 182),- deyən
müəllif təvəzökarlıqla özünü “elmsiz bir fəqir” adlandraraq
oxuculardan belə bir çətin mövzuya girişdiyi üçün üzr istəyir və
təbiət elmlərindən (“elmi-əbdan”) birincisi hesab etdiyi tibb elmi
və bu elmin mahiyyəti, cəmiyyətdə oynadığı rol barədə ətraflı
məlumat verir.
“Kainatın vücudunu himayə və mühafizə etmək ”, “gülzari-
kainatın gözəlcə tərbiyə olunmasına və dürlü təbii təhlükə və
fəlakətlərdən azadə qalması” üçün təbabət elmini ən birinci vasitə
və səbəb hesab edən müəllif yazır: “Fünuni-aliyeyi-tibbiyyəni
gözəlcə düşünüb nəzəri-etibara alan mədəniyyətli və tərbiyəli
millətlər kamali-səhhət və səlamətlik ilə yaşamaqdadırlar...Bu
mübarək elmdən büsbütün cahil və qafil bulunan və ancaq elmi-
ədyana qənaət edib duran, dinində, həqayiq və fəlsəfəsində
büsbütün cahil olan qövmlər və millətlərin hər üzdən düçari-
səfalət olduqları məətəəssüf göz önündədir”(133, N 182).
Həzrət Əlinin (ə) “İnsanlar bütün ölü, fəqət ərbabi-elm
diridir” kəlamı ilə fikrini qüvvətləndirən mütəfəkkir qeyd edir ki,
“əgər biz də başqa mədəniyyətli millətlər, tayfalar kimi bilümum
fünuni-əbdaniyyə və bilxüsus elmi-təbabətə aşina olsaydıq,
bugünkü gündə böylə səfalət və rəzalət içərisində yaşamazdıq.
Təvarixin ən parlaq səhifələrində bir mövqeyi-mümtaz ehraz
etmiş hükəma, üdəba, füzəlamızın irzi ilə getsəydik əmrazi-
mənəviyyənin ən şiddətlisi bulunan cəhalətdən yaxamızı xilas
eyləyərək biz də miləli-məsudə kimi bəxtiyaranə təmini-məişət
eylərdik. Avropanın zeybi-lisanı olan İbn Xəldunlar, Fərabilər, İbn
Məhəmməd Hadi və mətbuat
81
Sinaların tarixlərinə, qanuni-tibblərinə mütabiət etsəydik, biz də
hər dürlü maddi və mənəvi mərəzlərdən şəfayab olmaqla bərabər
şəhərlərimiz bir xarabazar və kəndlərimiz bumi-məşumülqüdum
kimi bu viranələrdə aşiyansazi-nəhusat olmazdıq.... Təriqət,
həqiqət niqabının altında meydana çıxan mütəşeyxlərin,
adamyeyənlərin, təbibi-üləma namında bulunan bir sürü mənəvi
rahın kəsənlərin, təbib surətində görükən bir taqım adam öldürən
mütəbiblərin lafi-gəzaflarına qulaq verməyərək kəsbi-elmi-əbdan
eləsəydik, dəryayi-həlakətə düşən biçarə kimi hər bir çör-çöpdən
istimdad etməz idik”(133, N 183). Keçmişlə fəxr etməkdənsə,
“mən müsəlmanam, mən müsəlmanam” kimi boş-boş, səmərəsiz
sözlər söyləməkdəınsə, oxucularına “yalnız islamiyyətlə deyil,
səbəbi-müzəffəriyyəti olan fünunu əldə etməklə iftixar edəlim “,-
deyə müraciət edən müəllif onları gələcəyə açıq gözlə baxıb
dünya hadisələrindən ibrət götürməyə çağırır və yazır:
“ ...Fəlsəfeyi-Quraniyyəni parlaq bir surətdə kəşf edib aləmə
göstərən elmi-ədyan deyil, elmi-əbdandır. Elmi-əbdan olmayacaq
olsaydı fəlsəfeyi-islamiyyə ədəmabadi-nisyanda qalıb kimsəyə
bəlli olmayacaqdı”(133, N 183). Təbiət elmləri ilə yanaşı texniki
elmlərə də yüksək qiymət verən (M. Hadidə “elmi-sənaye” – İ.
Q.) müəllif bildirir ki, bunlarsız cəmiyyətin inkişafı, tərəqqisi
mümkün deyil. Dəqiq elmləri təbiətin əsrarəngiz sirlərinin
açılmasında, yeraltı və yerüstü sərvətlərin öyrənilməsində və
cəmiyyətin istifadəsinə verilməsində birinci dərəcəli vasitə hesab
edən müəllif çox doğru olaraq bildirir ki, “milyonlarca sənədən
bəri küreyi-ərzdə mədfun və məknuz qalmış mədənlər, mənbələr,
məxzənlərin, xəzaneyi-layüfnayi-təbiətin birər-birər kəşf olunması
və zühura çıxmasına səbəb elmi-sənayedir”(133, N 183). Başqa
əsərlərində olduğu kimi, bu əsərində də qəflət və cəhaləti insanları
bir-birindən ayıran vasitə hesab edən müəllif elmin gücü ilə
müxtəlif
coğrafi ərazilərdə yerləşən ölkələri bir-birinə
yaxınlaşdıran dəmir yollarının, paraxodlar, teleqraf və telefonların
kəşfindən söz açır. Başqa millətlərin elmin səmərəsindən istifadə
edərək ağ günlərə çıxmasını xatırladan M. Hadi müsəlmanların
Dostları ilə paylaş: |