368
Milli Qəhrəman
Milli Qəhrəmanlar
60
illiyi
Riad Əhmədov
1956-1992
DEKABR
Riad Fikrət oğlu Əhmədov 1956-cı
il dekabr ayının 20-də Bakı şəhərində
anadan olmuşdur. 1972-ci ildə Ba-
kıdakı 134 saylı məktəbi bitirmiş,
Azərbaycan Dövlət Universitetinə (in-
diki Bakı Dövlət Universiteti) daxil ol-
muşdur. 1976-cı ildə hüquq fakültəsini
bitirərək 1981-ci ilə qədər Azərbaycan
Respublikası Ədliyyə Nazirliyində hü-
quq məsləhətçisi vəzifəsində işləmişdir.
1982-ci ildə Minsk Ali Hərbi Məktəbini
bitirmiş, Bakıya qayıdaraq Milli
Təhlükəsizlik Nazirliyinin əks kəşfiyyat
idarəsində
fəaliyyətə
başlamışdı.
Azərbaycan torpağında gedən müharibə
bir zabit kimi onu rahat buraxmamış,
1989-cu ildən etibarən tez-tez Qarabağın
sərhəd bölgələrinə getmiş, döyüşlərin
fəal iştirakçısına çevrilmişdi. 1991-ci
ildə erməni yaraqlılarının mühüm stra-
teji dayaq məntəqələrindən biri sayılan
Çaykəndin azad edilməsi əməliyyatında
xüsusi xidmət göstərdiyinə görə yüksək
mükafata layiq görülmüşdü. 1992-ci
ilin yanvar ayında keçmiş Əfqanıstan
döyüşçülərindən xüsusi təyinatlı dəstə ya-
radan polkovnik-leytenant R.Əhmədov
Şuşaya göndərilmişdir. Yanvarın 26-da
ona daha bir çətin döyüş tapşırılmış, Riad
dəstədən 11 nəfər götürərək Şuşa-Laçın
yolunun üstündə ən böyük maneə olan
Daşaltının düşməndən təmizlənməsində
iştirak edənlərə kömək göstərmişdir.
Qeyri-bərabər gedən döyüşdə Riad it-
kin düşmüşdür. Sonrakı taleyi haqqında
məlumat yoxdur.
Azərbaycan Respublikası Preziden-
tinin 7 iyul 1992-ci il tarixli 833 saylı
Fərmanı ilə Əhmədov Riad Fikrət oğ-
luna “Azərbaycanın Milli Qəhrəmanı”
fəxri adı verilmişdir.
203 saylı orta məktəb onun adını da-
şıyır. Yaşadığı binaya və adını daşıdığı
məktəbə xatirə lövhəsi vurulmuşdur.
Ə d ə b i y y a t
Azərbaycan Respublikasının Müdafiə Nazirliyinin hərbi qulluqçularına “Azərbaycanın Milli Qəhrəmanı” adı verilməsi haqqında
[Əhmədov Riad Fikrət oğlu - podpolkovnik - Azərbaycan Respublikasının suverenliyi və ərazi Dekabr 55 illiyi Riad Əhmədov 1956-1992
Milli 20 Qəhrəman 341 bütövlüyünün qorunmasında, dinc əhalinin təhlükəsizliyinin təmin edilməsində göstərdiyi şəxsi igidlik və şücaətə
görə]: Azərbaycan Respublikası Prezidentinin Fərmanı, 7 iyun 1992-ci il //Azərbaycan Respublikası Ali Sovetinin Məlumatı.- 1992.-
№13.-S.25.-(Ölümündən sonra).
Cavadlı M. Riad: poema /M.Cavadlı; red. və ön sözün müəl. F.Qoca.-Bakı: Qismət, 2011.- 115, [5] s.
Əhmədov Riad Fikrət oğlu //Azərbaycanın Milli Qəhrəmanları /M.F.Axundov adına Milli Kitabxana; tərt. ed. H.Həmidova.- Bakı, 2008.-
S.52.
Əsgərov, V. Əhmədov Riad Fikrət oğlu /V.Əsgərov //Azərbaycanın Milli Qəhrəmanları.- Yenidən işlənmiş II nəşr.- Bakı, 2010.- S.71-72.
Xaçınçaylı, Q. Qan yaddaşımıza çevrilən Daşaltı harayı: Azərbaycanın Milli Qəhrəmanı, polkovnik-leytenant Riad Əhmədovun döyüş
yolu /Q. Xaçınçaylı //Həftə içi.-2014.- 28 yanvar.- S.7.
Nazirlər Kabineti Milli Qəhrəman Riad Əhmədovun xatirəsinin əbədiləşdirilməsi barədə qərar qəbul etmişdir //Azərbaycan.- 2012.- 2
fevral.- S.1.
İ n t e r n e t d ə
www.anl.az
www.az.wikipedia.org
www.milliqahraman.az
www.e-qanun.az
20
369
Milli Qəhrəmanlar
60
illiyi
Vəzir Orucov
1956-1993
DEKABR
Vəzir Surxay oğlu Orucov 1956-cı il
dekabr ayının 26-da Tərtər rayonunun
Xoruzlu kəndində anadan olmuşdur.
Orta təhsilini burada almış, 1974-cü
ildə Bakı Yüngül Sənaye Texnikumu-
na daxil olmuş və bir ildən sonra hərbi
xidmətə çağırılmışdır. 1977-ci ildə hərbi
xidmətdən tərxis olunaraq, yarımçıq
qalmış təhsilini davam etdirmişdir.
İlk əmək fəaliyyətinə Tərtər Çörək
Zavodunda başlamışdır. 1984-cü il Rusi-
yanın Arxangelsk vilayətinə köçmüş, la-
kin 1992-ci ildə Qarabağ müharibəsində
iştirak etmək üçün könüllü olaraq
Vətənə dönmüşdür. 1992-ci il 4 may
Tərtər özünümüdafiə batalyonlarından
birinə daxil olmuşdur. Vəzir sıravi dö-
yüşçü olduğu halda komandir müavini
vəzifəsinədək yüksəlmişdir. Batalyo-
nun kəşfiyyat bölməsinin rəhbərliyini
öz üzərinə götürmüşdür. Onun həmişə
uğurlu keçən əməliyyatları döyüş yol-
daşlarını ruhlandırmış, onları qələbəyə
səsləmişdir.
V.Orucov Marquşevan, Drombon,
Levonarx, Madagiz, Akop Komari,
Sərsəng su ambarı, Çıldıran, Vaqauz
kəndləri uğrunda gedən döyüşlərdə
kəşfiyyatçı olaraq düşmənin saysız plan-
larını puç etmişdir. 1 sentyabr 1992-ci il
Çıldıran kəndi uğrunda gedən döyüşdə
ağır yaralanmışdır. Bir müddət müalicə
olunan Vəzir yenidən cəbhəyə dönmüş-
dür. Cəsur bir döyüşçü kimi həmişə
döyüş əməliyyatlarının önündə getmiş,
əfsanəvi qəhrəman kimi tanınmışdır.
22 mart 1993-cü ildə Ağdərənin
Qlobus yüksəkliyi uğrunda gedən ağır
döyüşdə qəhrəmancasına həlak olmuş-
dur.
Azərbaycan Respublikası Preziden-
tinin 27 mart 1993-cü il tarixli 495 saylı
Fərmanı ilə Orucov Vəzir Surxay oğ-
luna ölümündən sonra “Azərbaycanın
Milli Qəhrəmanı” fəxri adı verilmişdir.
Bakı şəhərinin Şəhidlər Xiyabanında
dəfn edilmişdir.
Ə d ə b i y y a t
Vəzir Surxay oğlu Orucova “Azərbaycanın Milli Qəhrəmanı” adı verilməsi haqqında: [Batalyon komandirinin müavini- Azərbaycan
Respublikasının suverenliyi və ərazi bütövlüyünün qorunmasında, dinc əhalinin təhlükəsizliyinin təmin edilməsində göstərdiyi şəxsi
igidlik və şücaət göstərdiyinə görə]: Azərbaycan Respublikası Prezidentinin Fərmanı, 27 mart 1993-cü il //Azərbaycan Respublikası Ali
Sovetinin Məlumatı.-1993.- № 6.- S.7.- (Ölümündən sonra).
Əsgərov V. Orucov Vəzir Surxay oğlu /V.Əsgərov //Azərbaycanın Milli Qəhrəmanları.- Bakı, 2010.- S.235-236.
O, vətən torpağı üçün doğulmuş bir qəhrəman idi...: Orucovların faciəvi ailə dramı //Azadlıq.-2011.- 27 oktyabr.- S.14.
Orucov Vəzir Surxay oğlu: (1963-1993) //Azərbaycanın Milli Qəhrəmanları /M.F.Axundov adına Milli Kitabxana; tərt. ed. H.Həmidova.-
Bakı, 2008.- S.168.
Səmədov, V. Vəzir Surxay oğlu Orucov (1963-1993) /V.Səmədov, S.Aslanov //Təki vətən yaşasın.- Bakı, 1992.- S.49-54.
Zeynalov, R. Orucov Vəzir Surxay oğlu: (1963-1993) /R.Zeynalov //Azərbaycanın Milli Qəhrəmanları.- Bakı, 1996.- S.37.
İ n t e r n e t d ə
www.anl.az
www.az.wikipedia.org
www.milliqahraman.az
www.e-qanun.az
26
Milli Qəhrəman