41
Zabit müəllim dostlarının xatirələrində
Əzizim axar gedər
Su gələr axar gedər.
Dünya bir pəncərədir
Hər gələn baxar gedər.
O, olduğu kimi görünərdi
Mən onu az bir müddət ərzində tanımışdım. Bu universitetə rektor təyin
olunanda fakültə dekanları və kafedra müdirləri ilə tez-tez görüşməli olduğumdan
Zabit müəllimlə də əlaqədə olurdum. Onun haqqında digər yoldaşların də rəylərini
soruşurdum. Əksər yoldaşlar onun barəsində olduqca yüksək fikir söyləyir,
səmimi bir insan, bacarıqlı təşkilatçı və gözəl bir ziyalı olduğunu vurğulayırdılar.
42
Sonra iş prosesində mən onun həqiqətən də belə bir keyfiyyətlərə malik olduğunun
şahidi oldum. Və pedaqoji fakültədə dekan müavini kimi öz işini davam
etdirməsini arzuladım. Aradan keçən müddət ərzində bu fikrimdə yanılmadığımı
gördüm. Çünki pedaqoji fakültə tələbələrinin yüksək nailiyyət qazanmasında onun
da xüsusi payı var idi. Bunu yəqin etdim ki, Zabit müəllim ona tapşırılan hər bir
işin məsuliyyətini dərk edir və onu layiqincə yerinə yetirirdi.
Heyif ki həyat vəfasızdır. Biz Zabit Məmmədovu tez itirdik.
Dos. Zabit Məmmədov mənim nəzərimdə bir alim, ziyalı, səmimi və
olduğu kimi görünən bir insan olaraq qalacaqdır. Allahdan ona rəhmət diləyirik.
ADPU-nun rektoru, AMEA-nın müxbir üzvü
professor
Yusif Məmmədov
ADPU-nun tədris işləri üzrə
prorektoru: prof.M.S.Cəbrayıl-
ov
Hamıya dost olan insan
Zabit müəllim ilə tanışlığımız tələbəlik illərindən olub. Mən institut
komsomol komitəsinin katib müavini, o isə “Komsomol projektoru” qəzetinin
redaktoru idi. Xoş münasibətimiz var idi. Novbəti seçkidə mənim katib seçilmək
məsələm yuxarı komsomol orqanlarında razılaşdırıldıqdan sonra məndən kiminlə
işləmək istədiyimi soruşdular. Bir neçə namizəd var idi. Mən Zabiti seçdim. O
gündən 3 il birgə işlədik. Bu illərdə yaranan dostluq son günədək davam etdi. O,
çox səmimi, həyatsevər, mərd dost idi. Demək olar ki, bir-birimizdən sirrimiz yox
idi. Yəqin hər ikimiz sadə kənd ailəsindən çıxdığımız üçün həyata baxışımız çox
məsələlərdə üst-üstə düşürdü.
Təbii ki, gənclik illəri birgə işlədiyimizdən çox xatirələrimiz var. Dəfələrlə
birgə səfərlərimiz olub. Bir dəfə Gədəbəydən toydan gəlirdik. Ağdaşda onun
qohumlarıgildə qonaq olduq. Nahardan sonra yola çıxdıq. Şamaxıda Muğanlı kəndi
yaxınlığında bir “Bənövşə” deyilən restoran var idi. Ora çatanda maşını saxladı.
Dedi burda oturaq. Dedim axı təzəcə süfrədən durmuşuq. Dedi ki, mən tələbəlik
illərində burada istirahət edənlərə çox baxmışam, pulum olmayıb. Bu gün əvəzini
çıxmalıyam.
Diyallı kəndində evlərində olmuşam. Anası Əminə xala çox mehriban insan
idi. Həmişə bizi mehribanlıqla qarşılayardı. Kənddə yaşayan qardaşı Cavad
müəllim də çox səmimi, mehriban bir insandı.