göstərir. Yalnız milli pul vahidinin bütün dünyada əsas yaxud ehtiyat valyuta
vahidi qismində tanınıldığı hallarda «valyuta sistemi» məfhumu ilə «pul sistemi»
anlayışı bütövlüklə üst-üstə düşür.
Aydındır ki, «pul» və «valyuta» tenninlərindən sinonim kimi istifadə
olunması (buna isə nüfuzlu nəşrlərdə, o cümlədən dərsliklərdə rast gəlmək
mümkündür) o qədər də düzgün deyil. Müasir zamanda «pul» məhdudiyyət
qoyulmadan dövriyyə edən «pul vahidi» qismində universal mənasını getdikcə
itirərək, yalnız daxildə dövretmə imkanına malik olduğundan və «valyuta» sözü
«pul» sözünün hərfi mənasında başa düşüldüyünə görə, müəlliflərin çoxu onların
bir-birindən fərqləndirilməsinin çətin olduğunu etiraf edir.
Görünür ki, ifadə etdiklərimizin müə}q>^ən izahata ehtiyacı var. Uzun
müddət ərzində (Orta əsrlərdən) Qərbi Avropa dövlətlərində puldan (valyutadan)
ölkə daxilində və ondan kənarda istifadəsində heç bir fərq olmamışdır. Həmin
şəraitdə həm «pul» və «valyuta», həm də «valyuta sistemi» və «pul sistemi»
anlayışları bütövlüklə analoji idi. Daha dəqiq desək, «iki sistem» - dünya
valyutasını və daxili dövriyyəni tənzimləyən pul sistemləri, ümumiyyətlə,
mövcud olmamışdır. Tarixən birinci olaraq pul sistemi yaranmış və burada pulun
universal daşıyıcısı kimi qızıl çıxış etmiş, tədavül prosesində, yəni mallar pula
dəyişilərkən qızıl külçələrdən və sikkələrdən istifadə olunmuşdur. Qeyd
etməliyik ki, müxtəlif formalarda olsa da, qızıl standartı sistemindən bir neçə
minillik ərzində istifadə olmuşdur. Rəsmən, qızıldan pul qismində istifadə
sistemi XVIII əsrdə Böyük Britaniyada yaradılmış, sonradan Fransada, İtaliyada,
alman
dövlətlərində,
Rusiyada
və
s.
yayılmışdır.
Bu
sistemin
beynəlmiləlləşməsinin səbəbi, güman ki, onun həmin dövrdə bazarın tələbatlarını
təmin etməyə qadir olmasıdır. Zaman dəyişdikcə, yeni valyuta- maliyyə
sistemlərinin meydana çıxmasına baxmayaraq, onlar da əbədi deyil. Qızıl
standartı valyutaların qızıl paritetləri (yəni qızılın müxtəlif valyutalarla ifadə
olunan dəyəri) əsasında mübadilə nisbətlərini müəyyən edirdi. Bretton- Vuds
sistemi 1944-1971-ci illərdə mövcud olan, qızılın təsbit edilmiş dollar qiymətinə
və təsbit olunmuş valyuta paritetlərinə əsaslanan valyuta rejimi idi. Yamayka
sistemi 1976-cı ildən qüvvədə olan multi-valyuta standartıdır. Bu standart
valyutaların rəsmi bərabərliyinə və hər bir ölkə tərəfindən mübadilə- məzənnə
rejiminin müstəqil seçiminə əsaslanır.
Beləliklə, iqtisadi tarixin müəyyən mərhələsində vahid olan valyuta yaxud
pul sistemi iki hissəyə parçalandı:
497
1)
milli «valyuta altsistemləri» - vahid dünya təsərrüfatının fəaliyyət
göstənnəsini təmin
edən valyuta sistemi;
2)
milli təsərrüfatların və əhalinin müvafiq tələbatlarını ödəyən dövlət pul
sistemi.
Burada belə bir cəhət qeyd edilməlidir ki, beynəlmiləlləşmə indeksi
yüksək olan açıq iqtisadiyyatda valyuta sistemi inkişaf etmiş xarakterdədir; bu
sistem ölkənin getdikcə genişlənən xarici iqtisadi və başqa əlaqələrini bilavasitə
təmin edir. Bu cür ölkələrin milli pul vahidi dünya ehtiyat valyutası statusuna
malikdir; ölkənin pul sistemi isə onun valyuta sisteminə möhkəm nüfuz etmişdir
və onunla ziddiyyətə girmir.
Qapalı, avtargiya tipli milli təsərrüfatlarda valyuta sistemləri inkişaf etmiş
təsisat kimi, ümumiyyətlə, yoxdur:
milli iqtisadiyyatla dünya
iqtisadiyyatı arasında institusional formada fəaliyyət göstərən daxili valyuta
sistemi şəklində birləşdirici həlqənin olmaması səbəbindən, xarici iqtisadi
əməliyyatlar hətta müəyyən dərəcədə mütəmadi və intensiv aparıldıqda belə,
birdəfəlik əqdlər prinsipi üzrə həyata keçirilir. Buna müvafiq olaraq, milli pul
sistemi də qapalı xarakter daşıyır.
Dünya maliyyə sistemi (geniş mənada) - milli mali}^ə sistemlərinin
tarixən təşəkkül tapmış həlqələrinin, habelə ssuda kapitalının beynəlxalq
hərəkətində və maliyyə resurslarının digər yerdəyişmələrində iştirak edən, onların
beynəlxalq səviyyədə razılaşdırılmış hüquq normaları və qaydaları (müqavilələr,
sazişlər və s.) əsasında tənzimlənməsini həyata keçirən millətlərüstü
(dövlətlərarası) təşkilatların və idarələrin məcmusudur.
Maliyyə sistemlərinin tipləri. Dünyada maliyyə sisteminin 3 tipi
mövcuddur və fəaliyyət göstərir:
1)
milli valyuta yaxud pul sistemləri - müəyyən dövlətin ərazisində
müvafiq milli qanunvericiliyin əsasında fəaliyyət göstərən valyuta
münasibətlərinin təşkili formasıdır. Bu sistem ümumdünya valyuta sistemi ilə sıx
bağlıdır və beynəlxalq müqavilələr, sazişlər nəzərə alınmaqla onun tərkib
hissəsidir, onunla müvafiq maliyyə, ticari və başqa mexanizmlər vasitəsilə
qarşılıqlı əlaqədədir;
2)
regional valyuta sistemləri - müəyyən qrupa daxil olan ölkələrin
ərazisində müvafiq beynəlxalq (dövlətlərarası) müqavilələr və sazişlər əsasında
həmin ölkələrin valyuta (pul) münasibətlərinin təşkili formasıdır. Onun bəzi
elementləri Latın Amerikası, Afrika və Asiyada mövcud olsa da, hazırda yalnız
498