Paris valyuta sistemi dünya pulu qismində yalnız qızılı qəbul edirdi.
Banklar əsginazları sərbəst qaydada qızıla dəyişirdi. İnkişaf etmiş ölkələrdə milli
pul vahidinin qızıl məzmunu, yəni qızıl pariteti qanunvericiliklə təsbit olunurdu.
Qızıl pariteti,
müxtəlif ölkələrin pul vahidlərinin rəsmi qızıl məzmunu əsasında
nisbətidir; valyuta məzənnələrinin fomıalaşmasınm əsasını təşkil edirdi və
1978-ci ildə BVF tərəfindən ləğv olunmuşdur. Qızıl sikkələrin kəsilməsi
dayandırıldıqdan sonra qızıl standartının qısaldılmış forması
olan, kredit
pullarının çəkisi 12,5 kiloqram olan qızıl külçələrinə dəyişdirilməsini nəzərdə
tutan qızıl-külçə standartı
tətbiq edilmişdir. Böyük Britaniyada qızıl- külçə
standartı 1925-1932-ci illərdə qüvvədə olmuşdur (bu standart Birinci Dünya
müharibəsi başlananadək (1914) tətbiq olunan qızıl-sikkə standartını əvəz
etmişdir). Həmin standartın müəyyən elementləri İkinci Dünya müharibəsi
başlanana (1939) qədərki dövrdə qüvvədə qalmışdı. Kredit pullarını qızıla
dəyişdirmək üçün banka kifayət qədər böyük məbləğ təqdim olunmalı idi. Bu
vəziyyət qızılın tədavüldən sıxışdırılaraq, böyük həcmidə beynəlxalq və
topdansatış dövriyyəsinə keçməsinə səbəb oldu. Qızıl standartı müəyyən
dərəcədə istehsalın, xarici iqtisadi əlaqələrin, pul tədavülünün tədiyyə
balanslarının və beynəlxalq hesablaşmaların avtomatik tənzimləyicisi rolunu
oynayırdı. Lakin müəyyən müddətdən sonra beynəlxalq hesablaşmalarda qızılla
yanaşı, funt sterlinqdən və ABŞ dollarından istifadə olunmağa başlandı. Bunun
nəticəsində Genuya valyuta-pul sisteminin təməlinə qoyulan qızıl-deviz standartı
meydana çıxdı.
Nəticələr. Qızıl standartından istifadə olunması nəticəsində milli
valyutanın məzənnəsi qızıl standartı olan başqa valyutalara nisbətdə məhdud
çərçivə daxilində sabitləşmişdir. Qızıl standartının digər nəticəsi, tədiyyə
balansında kəsir yarandığı hallarda qızılın ölkədən çıxarılmasına mərkəzi bank
tərəfindən əks-təsir göstərilmədikdə, pul kütləsinin azalmasıdır. Pulun kəmiyyət
nəzəriyyəsinə uyğun olaraq, qiymətlərin və gəlirlərin çevik dəyişdiyi şəraitdə pul
kütləsinin ixtisarı daxili qiymətlərin başqa ölkələrdəki qiymətlərə nisbətən
ucuzlaşmasına səbəb ola bilər, valyuta məzənnəsi təsbit edildikdə isə bu hal
ixracın stimullaşdırılmasma və idxalın məhdudlaşdırılmasma gətirib çıxarır.
Tarazlığa keçid prosesi, tədiyyə balansında kəsir yaranmış ölkədə daha yüksək
faiz dərəcələri müə)q/ən olunmaqla, kapital axınlarının cəlb edilməsi yolu ilə
asanlaşdırıla bilər’.
^ Walter A. World Power and World Money. Harvester Wheatsheaf. London, 1991.
512
Genuya valyuta-pul sistemi (1922-1944-cü ilhr). Birinci Dünya
müharibəsi qızıl standartına sarsıdıcı zərbə endirdi və Genuya valyuta-pul
sisteminin meydana çıxmasını şərtləndirdi. Onun əsas prinsipləri ABŞ, Böyük
Britaniya və Fransanın (Antantanın liderləri) təşəbbüsü ilə 1922-ci ildə Genuyada
(İtaliya) keçirilmiş Beynəlxalq konfransın qərarları ilə müəyyən edilmişdi.
Dünyanın aparıcı dövlətləri-nin bu konfransında bütün ölkələrin (ABŞ istisna
olmaqla) daxili tədavülündə qızıl standartı ləğv edilmiş, başqa dövlətlərin
(Böyük Britaniya, Fransa, Almaniya, İtaliya) kağız pullarının qızıla
dəyişdirilməsi dayandırılmışdı. Sonrakı illərdə London və Paris dünyanın əsas
ehtiyatı qismində qalan funt sterlinqin böyük həcmdə toplanılması yolu ilə qızıl
standartına qayıtmağa kifayət qədər güclü (və müəyyən dərəcədə uğurlu) səylər
göstənnişdir. Məsələn, Fransa və Amerikanın iri bankları funtla ifadə edilən
aktivlərini əvvəlki sistemin əsas elementi olan qızıla dəyişdirməyə cəhd
göstərirdi. Amma bu cəhdlər iki dünya müharibəsi arasındakı dövrdə yaranmış
yeni, dünyanın bütün aparıcı ölkələrində iqtisadi vəziyyətin qeyri-sabit olduğu
şəraitdə səmərə verə bilməzdi. Digər tərəfdən. Böyük Britaniya tutduğu
mövqeləri əldən verirdi və 1931-ci ildə kağız pulları qızıla dəyişdirmək
öhdəliyindən qəti imtina etdi (ümumdünya valyuta sisteminin təkamülünə şəkil
18.1-də bax).
1929-1933-cü illərdəki dünya iqtisadi böhranının təsiri. 1929-1933-cü illərdə
dünyada baş vermiş iqtisadi böhran nəticəsində kağız pullar kəskin dəyərsizləşdi.
«Genuyadan sonra» əldə olunan uğurlar (qızıl standartına qismən keçid) geri
qaytarılmadan itirildi və qızıl standartı bütün ölkələrin daxili dövriyyəsindən
kənarlaşdırıldı. ABŞ 1933-cü ildə öz valyutasının qızılla əlaqəsini kəssə də,
1934-cü ildə bu bağlılıq nisbətən aşağı səviyyədə (dollar devalvasiya edilərək,
məzənnəsi əvvəlkinin 54%-i qədər idi) bərpa olundu.
513
Şəkil 18.1.
Ümumdünya valyuta sisteminin təkamül mərhələləri
İkinci Dünya müharibəsinin təsiri. İkinci Dünya müharibəsi
beynəlxalq iqtisadi münasibətlərdə, o cümlədən dünya maliyyə sistemində
xaos yaratdı. Beynəlxalq ticarətin və beynəlxalq maliyyə münasibətlərinin
bazası dağıdıldı. Həmin illərdə beynəlxalq hesablaşmaların klirinq forması -
ticarətdə qarşılıqlı tələblərin və öhdəliklərin nəzərə alınması meydana çıxdı və
sürətlə yayılmağa başladı. İkitərəfli klirinqdə 2 ölkə xərclərinin qarşılıqlı
surətdə hesaba alınması barədə razılığa gəlirdi; çoxtərəfli klirinqdə isə sxem
mürəkkəb idi və çoxlu sayda amilləri, qarşılıqlı öhdəlikləri və xidmətləri
nəzərə almaq zərurəti yaranırdı. Dünyada vahid valyuta sisteminin bərpası
tələb olunurdu. Bu vəzifə İkinci Dünya müharibəsinin sonuna yaxın, «Ox»
ölkələrinə daxil olan Almaniya, İtaliya və Yaponiyanın iflasa uğraması
reallaşdıqda aktuallaşmışdı.
18.7.
Bretton-Vuds valyuta sistemi (1944-1976-cı illər)
Müharibədən sonra qələbə çalmış əsas ölkələrin qarşısında duran ən
mürəkkəb vəzifə beynəlxalq iqtisadi münasibətlərin yenidən qurmaq idi.
Dünya ticarətində və dünya maliyyəsində millətüstü tənzimləmə sisteminə heç
olmasa, minimum səviyyədə keçid, bəzi ölkələrin müharibə illərində yaranmış
borc öhdəliklərinin nizama salınması, dövlətüstü səviyyədə razılaşdırılmalı və
əlaqələndirilməli olan bir sıra məsələlərin həlli tələb edilirdi. 1944-cü ilin
iyununda Amerikanın Bretton-Vuds şəhərciyində yeni beynəlxalq valyuta
sistemi yaradıldı.
Onun mahiyyəti təsbit olunmuş valyuta məzənnələri sisteminə (milli
pul vahidlərinə - valyutalara) istinad edilməsindən ibarət idi. Bu sistemin
arxitektorları-nın (onların arasında Keyns də var idi) fikrincə, sabit, yalnız cüzi
tərəddüdlərə məruz qalan valyutalar bütün dünya pul sisteminin, ilk növbədə
isə, Bretton-Vuds kon-fransmın iştirakçısı və eyni zamanda BVF- in yaradıcısı
olan aparıcı kapitalist ölkə-lərinin milli sistemlərinin dayanıqlığını təmin
etməli idi. BVF-in Nizamnaməsini təsdiqləməklə, konfrans iştirakçısı olan
ölkələr, birincisi, yeni valyuta sistemini hüquqi rəsmiləşdirdi, ikincisi, onun
əsas prinsiplərini və vəzifələrini müəyyənləşdirdi. Sistemin ən mühüm
cəhətlərindən biri milli valyutaların məzənnələrinin ABŞ dollarında yaxud
qızılda (1 troya unsiyasına (31,1 qram) görə 35 dollar) təsbit olunması idi.
Valyutaların məzənnələri dollara
515
Dostları ilə paylaş: |