39
2.3. XAM NEFTİN PİROLİZİ PROSESİNDƏ ALINAN
MƏHSULLARIN FİZİKİ XASSƏLƏRİ
Piroliz rejimi daha sərt rejimdə neft və qaz xammalının termiki krekinqi
deməkdir. Bu proses bir qayda olaraq, 700−900ºC temperaturda aparılır. Prosesi
aparmaqda əsas məqsəd tərkibi olefinlərlə zəngin olan qaz karbohidrogenləri
almaqdır.
Rejimi düzgün götürməklə piroliz prosesində maksimum miqdarda, etilen,
propilen, butilenlər, butadien və.s almaq olar. Bu prosesdə qaz karbohidrogenləri
ilə birlikdə bir qədər də maye məhsullar alınır. Bunların tərkibində monotsiklik
(benzol, toluol, ksilollar) və politsiklik aromatik karbohidrogenlər (naftalin,
antrasen) olan qatranlar alınır.
Katalitik riforminq prosesi sənayeyə tətbiq olunana qədər aromatik
karbohidrogenlər almaq üçün piroliz yeganə proses idi. Hazırda piroliz prosesinin
məqsədi məhsulu, tərkibi olefinlərlə zəngin olan qaz karbohidrogenlərdir ki, bunun
da içərisində etilen əsas yer tutur.
Məlumdur ki, ABŞ-da minik maşınları çox olduğu üçün benzinə tələbat da
yüksəkdir. Ona görə də bu ölkədə 70-ci ilə qədər piroliz prosesində xammal kimi
yalnız təbii qazlardan istifadə edilirdi. O vaxt keçmiş ittifaqda və qərbi Avropa
ölkələrində neftin emal dərinliyi bir qədər az idi.
Motor yanacağı kimi işlədilən benzinə təlabat artdığı üçün piroliz prosesində
xammal kimi qaz benzinlərindən və aşağı oktanlı ilk distillə benzinlərindən (eyni
zamanda xammal kimi təbii və zavod qazlarından da) istifadə etmək lazım gəlir.
Maye məhsulların pirolizinə nisbətən qaz karbohidrogenlərin pirolizində etilenin
çıxarı daha yüksək olur.
70-ci illərdən sonra bütün dünyada neftin emalı daha da dərinləşdirilirdi və
benzinin satış qiyməti artırıldı. Bununla əlaqədar olaraq piroliz prosesində xammal
kimi benzin fraksiyasından deyil, kerosin-qazoyl fraksiyasından, vakkum
qazoyldan və daha ağır fraksiyalardan istifadə etmək təklif edildi.
40
Sənayedə daha geniş yayılan proses borulu sobalarda aparılan piroliz
prosesidir. Borulu sobaların konstruksiyasının təkmilləşdirlməsi xammalın fraksiya
tərkibinin genişləndirilməsinə imkan verdi.
70-ci ilin axırlarında cəmisi bir neçə ədəd olan borulu piroliz qurğularının
gücü etilenə görə ildə 700000 tona çatdırıldı. Eyni zamanda geniş tətbiq tapmayan
ağır qalıqların və xam neftin termokontakt üsulu ilə pirolizi də geniş tətbiq
olunmağa başlanıldı.
Piroliz prosesinin sənayedə tətbiq edilməsinə göstərilən çətinliklər
aşağıdakılardır:
1. Yüksək temperatur və saniyədən az olan reaksiya müddətinin dəqiq tənzim
edilə bilməməsi;
2. Reaksiya mühitində koks və qurum yığılması və piroliz qazlarının tez
soyudulması (bərkidici aparatda);
3. Odadavamlı materialların tələb olunması;
4. Yüksək temperatur və alçaq təzyiq şəraitində reaksiya qarışığı həcminin
çox olması və onun əlavə su buxarı ilə durulaşdırılması qurğunun müəyyən
məhsuldarlığa malik olmasını tələb edir. Xammala su buxarı da əlavə edildikdə
orta və yüksək məhsuldarlıq olan qurğularda bir neçə soba (8-10) tikməsi tələb
olunur.
Aşağıdakı cədvəllərdə müxtəlif xammalların pirolizindən alınan məhsulların
miqdarı (maddi balansı) göstərilmişdir (cədvəl 2.3 və 2.4)