✦ ✦ ✦ Mədəniyyəti, incəsənəti yaşadanlar ✦ ✦ ✦
53
sən daha qürurla, daha inamla səslənirsən…Mən Məcnunun ürək
döyüntüsünü, Leylinin yanaqlarına axan göz yaşının səsini
eşidirəm. Qulaqlarıma Əslini axtaran Kərəmin ayaq səsi gəlir. Əsli
ah çəkir, hənirini duyuram. Nənələrin hanada ərişə-arğaca dəyən
darağının nəfəsini dinləyirəm. Aylı gecədə salxım söyüdün altında
öz sevgilisinə nə isə deyən gözəlin pıçıltısını eşidirəm. Qarlı
axşamda öz oğlunu itirən ananın fəryadına qulaq asıram. Sonara
buludlar dağılır. Mən səsini eşidirəm. günəş çıxır, şölə çəkir. Mən
səsini eşidirəm. Güllər təbəssümlə bir-birinə baxıb öpüşür. Mən
səsini eşidirəm. Quşların nəğmə dolu ürəyi riqqətlə çırpınır. Mən
səsini eşidirəm. İnsanların genişlənən sinələrində böyüyən arzular
pərvazlanır. Mən səsini eşidirəm…”
Türk müğənnisi Əməl Sayına həsr olunmuş “Türk nəğməkarı”
şeirində tərcümansız da anlaşılan türk dilinin doğmalığı, nəğmə-
karın—türk qızının çağlayan səsi, dinləyənlərin heyrəti, gözdə yaşa
dönən sözlər, möcüzəli sənət uğrunda yanan ürəyin göz yaşı,
ürəkləri fəth edən nəğmə, gözəllər sərvəti sayılan gözəllik, şairin
ürəyinə öz nəğməsiylə köçən türk nəğməkarı tərənnüm olunur...
Bənzərsiz rəssamımız Səttar Bəhlulzadəyə həsr edilmiş “Təbiət
gözətçisi” şeirində şair pəssamı zəmanəsinin rəngkarlıq bəstəkarı,
gözəllik nəğməkarı, bakirlik fədakarı adlandırır. Şairin fikrincə,
rəssam öz yaratdığı təbiət əsərləri ilə, ölməz şəkillərlə bütün
fəsillərdə təbiəti qoruyur…
“Kredo” qəzeti, 20.11.10
ƏLİ KƏRİM POEZİYASINDA
SƏNƏTƏ VƏ SƏNƏTKARA MÜNASİBƏT
Əli Kərim yaradıcılığında incəsənətə münasibət, sənət adam-
larına hörmət, məhəbbət də diqqəti cəlb edir. Bu şeirlər az da olsa,
hərarəti, bədii siqləti ilə diqqəti çəkir. Ən gözəl şeirlərdən biri
“Muğamı dinləyirəm”dir. Şair sevinclə qəmin vəhdətində muğamı
dinləyir. Əllərini başının altında çarpazlayan şairin dodağında
təbəssüm var, alnında qırış. Həm istidən, həm soyuqdan, həm köl-
gədən, həm işıqdan yaranmış xoş bir aləmə səyahət edən şairin
ürəyinə tarın simlərindən qopan sevincli, qəmli sözlər axır,
✦ ✦ ✦ Sona Xəyal ✦ ✦ ✦
54
könlünün simi titrəyir, inildəyir, sökülür. Tar səsinin dalınca titrək,
kövrək, gah ucalan, gah kəsilən, gah da coşub tələsən kaman səsi
gəlir. Şair xəyala daldıqca bu səslər içində ilin dörd fəslini də duyur.
Bir anda həm üşüyür, həm yanır. Könlünün bir yanı isti, bir yanı qar,
bir yanı çisək, bir yanı çiçək. Səslər dağlara ucalır, yenidən yerə
enir və Füzuli qəzəli arzuları oyadır. “Ürəyimdə sevinc, qəm,
Muğamı dinləyirəm”,-deyən şair ürəyinə müraciət edir:
Ürəyim, nə var yenə!
Ürək, döyünmə belə!
Duyan sən, səs salan sən,
Qoy eşidim, nə olar
Bir az yavaş döyünsən!
Əli Kərimin məşhur “İlk simfoniya” poemasında isə tamam başqa
obrazlarla qarşılaşırıq. İlhamla Azadın müqayisəsi. Yanlışlıqlar.
Həqiqi sənətlə zahiri bayağı notlara bürünmüş səslər. insanı aldadan
zahiri parıltılar. Hətta bir sevgini məhv edən, bir ailəni dağıdan, iki
ürəyi viranə qoyan təntənəli akkordlar. Amma sonunda şair həqiqətin
qalib gəldiyini qeyd edirsə də, artıq verilən itkiləri qaytarmaq çətin,
itirilən səadəti yenidən tapmaq müşküldür. Şair əsəri belə bitirir:
Simfoniya susmayır,
Simfoniya çağlayırdı.
Elə bu vaxt uzaqda
Yerə dikib gözünü,
Qucaqlayıb dizini
Bir gözəl ağlayırdı…
İlhamın simfoniyası çağlayan zamanda həqiqi sənətin səsi Azadı
boğurdu. İlhamın şöhrətini özünün əlindən alınmış şöhrəti hesab
edən Azad özünü qarət olunmuş hesab edirdi və həqiqi sənətin
ecazkar səsi ilə parallel mənfur düşüncənin hakimi olan “sənət-
kar”ın boğuq harayı eşidilirdi. Paxıllıq zəhəri ilə zəhərlənmiş bu
“sənətkar” artıq özünün yoxluğunu görürdü. Dərk etmək, anlamaq
istəməsə də bu fakt qarşısında məğlub idi. Paxıllıq zəhərini İlhamın
məhəbbət piyaləsinə tökərkən, öz sənət dünyasını zəhərlədiyinin
fərqində olmayan Azad üçün artıq sənətdə yer yox idi.
✦ ✦ ✦ Mədəniyyəti, incəsənəti yaşadanlar ✦ ✦ ✦
55
Əli Kərimin “Salyeri” adlı şeirindəsə həqiqi istedada malik olan
Motsartla, ona fiziki mənada zəhər verən Salyeri paraleli
verilmişdir. Şair sözünə belə başlayır:
Motsarta yox,
Deyərdim:
Özünə verdi zəhərini.
O vaxtdan heç kim çalmır
Onun bircə əsərini.
Şair Salyerinin həyatını bir qızdırmalının gördüyü yuxu hesab
edir. Onun yazdıqlarının , “Dahiliyin şahlıq taxtına yozduqlarının”
“Namərd qardaşlıq məzarında” basdırıldığını qeyd edərək, düşünür
ki, Salyeri Motsartı dirildib, öz puluna aldığı zəhəri geriyə istərdi, o
zəhərin öz boğazına tökülməsini istərdi, təki, bir əsərinin çalındığını
eşidəydi. Burada Salyeri Motsart paralelində şərlə xeyirin
mübarizəsi var. Amma sonda yenə də xeyir qalib gəlir, həmişə ol-
duğu kimi. Motsartın əsərləri zaman-zaman yaşayır, xeyirxahların
əməli kimi. Hər dəfə bu mövzuya müraciət edən bir sənətkar Mot-
sarta sevgi, Salyeriyə nifrət dolu duyğularla bu faciəni qələmə alır.
Şairin “Habilə” şeirində də muğama olan hüsn-rəğbəti görürük.
Damcılı bulaqda bütün könüllərin sifarişilə kaman çalan Habilin və-
ziyyətini poetik obrazlarla təsvir edən şair özünün də muğama vur-
ğunluğunu bizə çatdırır. Habilin sanki ətrafdakıları unutduğunu, dərin
bir yuxuya yuvarlandığını, hansı əsrdəsə ilişib qalıbmış kimi xumar-
landığını qeyd edən şair, burada çox incə bir mətləbi diqqətə çatdırır:
Əli kəmanədir,
kəmanə əli,
Çalır kamançanı
kəmanə özü.
Gözümdə ilk məna dəyişir,
dönür,
Dünya düşəcəkmi səhmana özü.
Bu şeirdə gözəl obrazlar var: “Habil ilan dili çıxarır, nədir Arzu
qızmarında ilantutantək”, “Ürəyi çırpınır barmaqlarında, Onlardan
tökülür simlərə nəbzi”, “Segah gah uzanır bir ağrı kimi, Onu
üfüqlərə sancır kəmanə” və s.
Dostları ilə paylaş: |