✦ ✦ ✦ Sona Xəyal ✦ ✦ ✦
50
“Durnalar”ını anır, “Ana” nəğməsinin səsləndiyi anda anaların
köksünün qabarmasını, anadan-anaya aparılan salamı düşünür, bu
zaman sinəsi günəşli, zirvəsi qarlı dağlar görür, anaların saçında ağ
dən görür. Şair bu ecazkar nəğmələri, özündə günəş hərarəti, göy
dərinliyi, Kəpəz əzəməti, Kür şirinliyi yaşadan füsunkar nəğmələri
alqışlayır, bu alqış misralanır. Bəli, belə yaranır Əli Tudə şeiri...
Şairin ”Tarzən” şeirində də sarı simə dəyən mizrabın ağ saçlı bir
millətin tarixindən danışmasını, gah döyüş, gah təntənə havasına
köklənən tarın gah intizar, gah vüsal nəğməsi çalmasını, tarzənin
alqışlanmasını, şeirin sonunda şairin “Tarzən qalxdı, baş əydi, nə
dindi, nə danışdı, Qolundan kimsə deyil, öz sənəti yapışdı”
misraları ilə tarzənə verdiyi qiyməti görürük. “Zeynəbin nəğmələri”
şeiri isə belə başlayır:
Bir səs dalğa-dalğa gəzir havada,
De, eşidirmisən o nəğməni sən?
Nə külək, nə sazaq əsir havada,
Yaxşı duyurmusan hər kəlməni sən?
Sanma ki, oxuyan ya bülbül, ya da
Qocaman dağların çeşmələridir,
Xeyr, dinlədiyin o səs həyatda
Nəğməkar Zeynəbin nəğmələridir.
Şairin gözü önündə Zeynəbin xəyalı durur, o səs pərdələrdə
yayılır, nəğməyə ikinci ömür verən xanəndənin ilhamını, həvəsini,
təbini tərənnüm edən şairin sənətə verdiyi qiymətsə misralanır. Şair
üçün nəğmə insan əməyidir, nə yağışdır, nə küləkdir, sevilən nəğmə
ilhamdan doğulan hər bir yaradıcılıq məhsulu isə daha mənalıdır,
daha gözəldir...
“Araz üstdə palıd” kitabında “Yanar ürəklər” silsiləsində doğrudan
da yanan ürəklərin şahidi oluruq. Tək sevgilisinə baş əyən, kimsəyə
əyilməz, eşqinə sadiq Aşıq Abbas Tufarqanlının faciəsinin, varı bir
saz, bir rübab olan, qəbrində də yanan, öz Yaxşısını anan, nakan Sarı
Aşığın hikmətini bizə çatdıran “Aşıq Abbas” və “Sarı Aşıq” adlı
şeirlərdə də ürəkləri yaxıb-yandıran, eşqi yolunda daim məşəl kimi
alovlanıb yanan aşiqlərin ömür yolundan fraqmentləri görürük.
Burada Qurban Pirimovun lent yazısına qulaq asarkən keçirdiyi
hissləri əks etdirən “Çobanbayatı” şeirində şair səyyar xəyallı ustad
✦ ✦ ✦ Mədəniyyəti, incəsənəti yaşadanlar ✦ ✦ ✦
51
sənətkarın doğma yerindən, Bakı gecələrinin birindən, “nadir
lövhələrin mində birindən” söz açdığını qeyd edir. Şairə elə gəlir ki,
Qurbanın sinəsinə basdığı tar deyil, sənətkar öz ürəyini çalır. Sanki
tar bir orkestri əvəz edir, kimin oxuyub-çalmasından asılı olmaya-
raq da “Çobanbayatı” ürəkləri fəth edir. Üstəgəl, Qurbanın dilsiz
barmaqlarının məharəti ilə dilə gətirilən simlərin bəmdən zilə qədər
irəliləyən ahəngini… Məhəbbətilə ürəklərdəki qəzəbi kövrəldən,
dəyanətilə təlaşı, həyəcanı dincəldən, təlatümüylə sükutu coşduran,
tərənnümüylə ürəklərdəduyğuları daşdıran doğma musiqimiz öz
həqiqətiylə həsrətə ümüddür, sevincə inam, ülviyyətilə nəğməyə
qanaddır, sənətə məqam. Şeirin sonunda şair Qurbanın ürək odunu
öz sənətinə qurban elədiyini, sənətinsə öz növbəsində qurbanın sadə
adını ecazkar rübablı dastan elədiyini bildirir. Burada şairin sənətə
verdiyi dəyər, insanlara – sənətkarlara verdiyi nəsihət bu şeirin əsas
qayəsini təşkil edir.
Əhsən Dadaşovun xatirəsinə həsr olunmuş “Ud” adlı şeirdə isə
şair tarıxə səyahət edir, udun yaradılmasından başlayır. Onun in-
sanda yaratdığı qəribə hissləri, ecazkar duyğuları tərənnüm edir,
həmin aləti çalan nəğməkara alqışlar deyir, həzin-həzin axan sənət
bulağını tarda şəlaləyə çevirən, rübablı dolaylarında “Ud” deyə
gecəni gündüzə qatan sənətkarın sənət dünyasından söz açan şair
şeiri belə bitirir:
Daha həm Qatarı, həm Çahargahı
Tarın tellərinə tapşır inamla!
Sən kövrək Şüştəri, Yetim segahı
Məsud simlərində dindir ilhamla!
Sənin həzinləşən rübablarından
Qərib Füzulinin nəfəsi keçsin!
Ancaq zənginləşən rübablarından
Nə həsrət, nə kədər nəğməsi keçsin!
Şairin vəsf eldiyi musiqi alətlərinə həsr olunmuş “Balaban”,
Ney”, “Nağara”, “Orqan” adlı şeirlərdə də musiqi sənətimizin tə-
rənnümünü görürük. Gileyli-gileyli danışan, səsindən şikayət daman,
günəş kimi yandırıb yaxan balaban da. Körpələrin beşildə ana laylası
kimi dinlədiyi, hər dəliyində vüsalla ayrılıq, sevinclə kədər yatan, pa-
yızın xəzəllərində alovlu qəlbindən qopan, dahi Füzulinin qəzəl-
✦ ✦ ✦ Sona Xəyal ✦ ✦ ✦
52
lərində misradan-misraya hopan nalələrilə ürəkləri odlayan neydə,
hikmətlərə dolu, mərdliklə döyüşən insanların qəhrəmanlıq yolu olan
nağara da, doğma muğamatımızı dilləndirən, buna görə də şairə yaxın
olan, doğmalaşan orqan da şair qələmi ilə öz dəyərli qiymətini alır…
Amma şair musiqiyə nə qədər qiymət versə də, yenə də şeiri ondan
yüksəkdə görür. Şairin dörd misralıq şeirində də bunu hiss edirik:
Müğənni! Könlünə qonmasın nisgil,
İstər zildə oxu, istərsə bəmdə -
Üzünü ağ edən tək səsin deyil,
Ağsaçlı şairin şeridir həm də…
Əli Tudənin nəsr əsərlərinin bir qismi də musiqi sənətinə həsr
olunmuşdur. “Lent yazıları” adlı lirik hekayədə şairi şeir yazan
görürük. Birdən şairin masa arxasından qalxıb radionu açdığının
şahidi oluruq. “Çobanbayatı” çalınır. Şair tara da, çalana da heyran
qalır. Burada şair sənəti, sənəkarı tərənnüm edən düşüncələrini ve-
rir. Tar çağlayıb susur. Şair radionu bağlayıb, pəncərəni açır,
dənizə baxır və birdən möcüzə baş verir, şair bayaqdan bəri
axtardığı sözü mavi dalğaların arasında tapır. Bu hekayəni
oxuyanda bir anlıq həmin sətirlərin sehrinə düşürsən. yazmağa söz
tapmırsan, istəyirsən durub radionu açasan, bir tar çalına, sona bir
dalğalı dəniz sahilinə gedəsən və…
“Qaval” əsərində şair qavalı xanəndənin sənət taleyindən
dünyaya açılan girdə, zərif. Məhrəm pəncərə, ilhamlı sənətkar
ömrünün parlaq gözü hesab edir. “Qarmon” şeirində qarmonu ro-
yalın kiçik bacısı adlandıran şair, sənətkar sinəsində uzalıb-yığılan
aləti musiqi tariximizin açılıb-örtülən hikmət dolu kitabı hesab edir.
Kamil Cəlilova həsr edilmiş “Qaboy” əsərində isə şair qaboyun
bir zaman yad dildə danışdığını, amma yaxın danışdığını, indi isə
onun doğma dilində də tar kimi, kaman kimi, ney kimi, tütək kimi
dindiyini qeyd edərək, qədim muğamatımızı öz ifasında səsləndirən
qaboyu alqışlayır. Şair yazır: ”Sənin o “Bəstənigar”ında su şırıltısı,
yarpaq xışıltısı, insan pıçıltısı vardır. Sən narahat duyğuları ya-
tırırsan, yatan xatirələri oyadırsan. Sən bəzən təlatümlü ümmana
dönürsən, dağ boyda dalğaların sahilləri döyür. Bəzən tənha bulaq
olursan. Kimsəsizlik üzündən kövrəlib həzin-həzin axırsan. Ancaq
susmursan. Bilirsən ki, susmaq yox olmaq deməkdir. Ona görə də
Dostları ilə paylaş: |