✦ ✦ ✦ Mədəniyyəti, incəsənəti yaşadanlar ✦ ✦ ✦
47
“Oxuyan qız” adlı şeiri oxuyandasa, artıq şairin yurdunun talan
olduğunu. Yenə də viranəyə çevrildiyini görürük. şair indi də
Təbriz gözəlinə müraciətlə deyir ki, niyə Saib yurdunun şeiri, qəzəli
yanıqlı səsində ağlayır? Axı, bir zaman sən nəğməkardın, o səhnə, o
paltar, o səs, o mahnı, hələ də gözümün qabağındadır, hanı o
söhbətin, o sazın? Şair qıza deyir ki, susma, kədərli olsan da, oxu,
“Oxu həzin-həzin “Qaragilə”dən”. Şair inanır ki, bir gün yenə o
günlər qayıdacaq. Zəfər mahnısını dinləyənlər əl çalıb onu
alqışlayacaqlar.
Şairin “Təbriz aşığı” şeirində də eyni nisgili, həsrəti duyuruq.
Burada şair yandırılmış kitabları da xatırlayır, lakin aşığa
ürək-dirək verərək deyir ki, düşmən min qalın kitaba od vursa da,
anlamadı ki, sənin hər nəğmən duyan ürəklərin varağındadır. Səsin
Təbrizdə itsə də, diyardan-diyara getsə də, yenə də Azərbasycan
torpağındadır.
“Kamança” şeirində daha böyük nisgilin, ələmin şahidi oluruq.
Amma bununla belə şair yenə də bir gün insanların xilaskarı, nicatı
olan qurtuluş nəğməsinin yazılmasına, zəfər marşının çalınmasına
inanır.
“Qoca aşıq” şeiri yenə də Hüseyn Cavana həsr edilmişdir. Şair
aşığa təsəlli verir, deyir ki, düşünmə bu dünyada qonaqsan, bir gün
gedəcəksən, cahan qalacaq. sənin xatirən Vətən diyarında həmişə
anılacaq. Sən qocalsan da, bu dünyadan getsən də, adın tarixlərdə
cavan qalacaq. Şair burada təbiətin bir qaununu xatırladır:
Dostum, təbiətin qanunudur bu,
Onu poza bilməz nə torpaq, nə su.
Bir sənət əsəri, könül duyğusu –
Zamandan-zamana nişan qalacaq!..
Şairin ölməz bəstəkarımız Üzeyir Hacıbəyova ithaf etdiyi “Sənin
nəğmən” adlı şeiri də vardır. Burada şair həyatın bir bulaq kimi
axdığını, dünyanın sadəcə bir tamaşa olmadığını, zamanın hünər-
sizləri tez gəlib-gedən bir qonaq kimi az yaşatdığını qeyd edərək,
bəstəkarın bir sənətkar kimi müqəddəs diləklər duyduğunu, bəzən
şair kimi xəyala daldığını, qəmdən alışan ürəkləri bir tellı saz kimi
çaldığını, Təbriz səhnəsində bəstəkarın yaratdığı nəğmələrin şəlalə
✦ ✦ ✦ Sona Xəyal ✦ ✦ ✦
48
kimi qəlblərə axdığını, qoca Nizaminin şeirinin, qəzəlinin onun
avazında dil açdığını, Təbriz gözəlinin onun təranəsiylə güldüyünü,
sevindiyini səmimi qəlbdən etiraf edir, sabah Qoca Şərqin başı
üstündə dan qızaranda onun nəğməsinin qara məhbəsdəki insanları
qəm yuxusundan oyadacağına inanır.
“Sənətkarın şöhrəti” adlı şeirdə isə şair təbiətin ecazkar qüdrətini
vəsf edir və bu zaman radioda bir musiqi səslənir. Bu musiqi
sədaları altında meşələr də, dərələr də, buz bulaqlar da, nəğməli
quşlar da dincəlir, sükuta dalır. Bir rəssam şairdən soruşur ki, bu
hansı musiqidir? Şair tanımadığını bildirir. Rəssam “indi tanı-
yaram” deyib diqqətlə qulaq asır. Birdən qürurla gülümsəyib deyir:
”Bu Çaykovskinin öz dühasıdır, “Yevgeni Onegin” operasıdır”.
Şair rəssamın könlündə yurd salan sənətə olan hörmətə heyran qalır.
Şair öz fikrini poetik obrazlarla belə verir:
Deyirəm doğrudan hər sənətkarın,
İstər bəstəkarın, istər memarın,
İsər bir şairin, istər rəssamın,
Yaşayıb-yaradan hər bir adamın
Şöhrəti nə adı, nə sərvətidir,
Yalnız öz əsəri, öz sənətidir.
Şair Aşıq Cavana yazdığı “Saz” şeirində aşığa çalmağı, susma-
mağı məsləhət görür və yenə də burada şairin Təbriz həsrətini,
gələcək arzusunu duyuruq, eşidirik.
“Gələcəyin memarları” şeirində şair Azərbaycan Politexnik
İnstitutunun tələbələrini, gələcək sənətkarları alqışlayır.
“Müğənni”də Seyid Şuşinskinin sənətkarlığına heyrəti görürük,
onun səsindəki Qarabağ bulaqlarının nəğməsini, nəfəsindəki tər
güllərin nəfəsini hiss edən şairin alqışlarını eşidirik. Şair yazır:
Ölkəmin musiqi xəzinəsində
İncilər içində birincidir o!
Nə qədər xatirə var sinəsində,
Sənət dünyasının sevincidir o!
Şairin “Seçilmiş əsərlər”ində məşhur kaman ustası Habil Əliyevin
sənətini dəyərləndirən “Segah”, Aşıq Hüseyn Cavana ithaf edilmiş
✦ ✦ ✦ Mədəniyyəti, incəsənəti yaşadanlar ✦ ✦ ✦
49
“Qardaş” adlı şeirlərin hər birində Əli Tudə ömründən bir pay var.
Burada şair qəlbinin döyüntüləri eşidilir, şairin gah gülümsər, gah
kədərli çöhrəsi göz önünə gəlir, kövrək misralara tökülən alın təri,
ürək qanı duyulur. Bu kitabda şairin “İlham hardadır” adlı şeiri diqqəti
daha çox cəlb edir. Sənətə, sənətkara, ilhama, istedada olan hörmət,
inam burada daha çox əksini tapmışdır. Şair yazır ki, şair dostum,
gözlərini göyə dikib gözləmə ilham gələcək, ilham hər işdə, hər
peşədə, həvəsdə, qayğıda, var. İlham istedadın zəhmətlə,
hiss-həyəcanla, duyğu ilə, vüsət ilə birləşməsi, qaynaylb-qarışmasıdır,
“Bir ürəkdə çıraq-çıraq alışması”dır.
İlham nədir?
Səyyar xəyal, alıcı göz.
Dərin zəka, bol təcrübə, tutarlı söz!
Sanma ilham göydə olur, yerdə də var,
Güldə də var, neftdə də var, tərdə də var.
O qartalsa, qanadları bu həyatdır,
Min döyüşdür, min arzudur, min büsatdır!
Əli Tudənin “Rəssam” şeirində görünüşü sadə, geyimi adi olan,
fəqət yaratdığı əsərlərin heç biri adi olmayan bir rəssamın,
rənglərdə yaşayan hünər—rəssam ürəyinin odu, sənət incisinə
dönən dağlar, düzlər, meşələr, sənət otağından gözəlliklərə uzanan
yol–rəssamın barmaqları, rəngi güllərdən, odu al günəşdən alan
sənət lövhələri, sənət xətrinə çöllər gəzən rəssam—sənət məcnunu,
çiçəklərin öpüşdüyü, bulaqların dindiyi, aranların, yaylaqların
danışdığı sənət əsərləri, neçə kəndə, şəhərə baxan rəssam xəyalının
pəncərələri, fırça ilə yerdən göyə qalxan Azərbaycan mənzərələri,
boz torpaqlara da şöhrət gətirən sənət bulağı, istedad, şöhrət, rəssam
ilhamının təntənəsi, ilin dörd fəslini də özündə yaşadan əsərlər,
sənət qarşısında əyilən şair başı, şairin “Mənzərə şairi” adlandırdığı
rəssam—Səttar Bəhlulzadə gözümüz önündə canlanır.
“Bəstəkar” adlı şeirdə nələr bizi özümüzdən alır: Təbrizdə
söyüdlü arxın qırağında, yolçuların dodağında dostların ilham
aldığı “Təbrizim” nəğməsi qanad açır. Şair soruşur ki, bu hansı
bahadırındır? Cavab verirlər ki, bahadır demə, cavandır, bu nəğmə
bəstəkar dostumuz Cahangirindir. Şair bəstəkarın sənət dünyasına
dalır: Füzulinin şərəfinə yazılmış kantatanı yadına salır, Vaqifin
Dostları ilə paylaş: |