✦ ✦ ✦ Sona Xəyal ✦ ✦ ✦
44
yanır, sanki əlində piyalə yox, əfi ilan tutub və birdən salona üz
tutub, piyaləni yerə çırpır və otağı tərk edir. Şair şeiri belə bitirir:
Güllə atacaqlar bəlkə qoçular
Ona arxadan?
Polis tutacaqdır onu bəlkə də
Dönəndə tini?
Qoy olsun, bildirdi o gəlmələrə -
Elin kinini.
İndi lap ölsə də xalqın yanında
Alnı açıqdır.
Fateh qədəhini sındıran oğul
Yaşayacaqdır!
Yaşayacaqdır!
Şairin “Qatil unuduldu” adlı şeiri Hüseyn Ərəblinskiyə həsr
edilib. Burada şair sənətkarın güllə ilə vurulmasından danışır, yazır
ki, qatil ağasından ənam aldı, amma zaman keçdi, qatil yaddan
çıxdı, sənətkar isə unudulmadı, ürəklərdə yaşadı. Burada şair həqiqi
sənətin heç bir zaman ölmədiyini, daim yaşadığını göstərmək
istəyir: sənətkarı güllə ilə vurub cismən öldürmək olar, amma onun
amallarını, əqidəsini, xalq qarşısındakı xidmətlərini tarixdən silmək
mümkün deyildir.
Adilin “Qaraçı qız” adlı şeiri isə xalq artisti Fatma Muxtarovanın
xatirəsinə ithafdır.
Musiqiçilərin sənətkarlığını əks etdirən şeirlər daha yanğılı, daha
təsirlidir. Qara Qarayevə həsr olunmuş “Monoloq”da şair insan
adlanan varlığın XX əsr adlanan zaman kəsiyində yaşadığını qeyd
edir, yazır ki, onun beynində təfəkkürün çırağı, əlində zəhmətin
şəfəq rəngli bayrağı, dodaqlarında hicran yanğısı, məhəbbət
mahnısı var. Dünyanın atom qorxusu da, radiasiya təhlükəsi də, hər
cür qovğalar da onun içindən keçir, amma o dözür. Bu əzablara,
iztirablara sinə gərir, çünki sabaha inanır. Şair şeirin sonunda bu
inamdan yeni, gözəl sabahlar doğulacağını və məhz buna görə də
yaşamağa dəyər fikrini ön plana çəkir.
Bəstəkar Qənbər Hüseynlinin xatirəinə ithaf olunmuş “Dillərə
düşdü” adlı yığcam şeirdə şair odlu-alovlu, mehriban bir insan kimi
xatırladığı sənətkarın gənc ikən ellərdən-ellərə düşdüyünü, eşqinin
✦ ✦ ✦ Mədəniyyəti, incəsənəti yaşadanlar ✦ ✦ ✦
45
ellər, amalının sənət olduğunu, lakin çox yaşamayıb vaxtsız dünyadan
köçdüyünü, amma yaratdıqlarının dildən-dilə düşdüyünü söyləyir.
Şairin “Qoca tarzən tar çalırdı” şeiri gözəl sənətkarımız Qurban
Pirimova ithaf olunub. Şair sənətkarın tar çalmasını şeir boyu təsvir
edir və gözümüz qarşısında onu canlandırır: “o zaman tarzən şəfəq
donlu salonda tar çalır, amma elə bil ki, bir bulağın başında
tək-tənha oturub, ətrafında da insanlar yox. Sürüsünü dağın ətəyinə
yayan, tütək çalıb yerin, göyün ürəyinə nur axıdan çoban, al günəşin
şəfəqləri, çayın gur suları, bulaq üstdə bitən yarpız, suya gedən
örpəkli qız keçir xəyalından. Qoca tarzən sanki gəncliyinə qayıdır,
gah qızğın, gah asta çalır, vətənin dağlarını yad edir. Şair bu ilhamın
sirrini belə açıqlayır və şeiri bitirir:
O qocaya qüvvət verən,
Sanma, quru bir şöhrətdir.
İlhamının sönməz odu,
Ana yurda məhəbbətdir.
Adilin musiqini tərənnüm edən ən gözəl şeirlərindən biri də
“Paqanininin barmaqları”dır. Şeir belə başlayır:
Kim görüb barmaqlardan
günəş süzüldüyünü?
Kim görüb barmaqlardan
simlərin üzərinə,
insanın xəyalına,
qəlbinə, gözlərinə
yaqut səpildiyini,
inci düzüldüyünü?
Eləysə diqqətlə bax,
işıqlı səhnəyə sən,
xəbər tut dünyamızın
təzə möcüzəsindən.
Sonra şair kamançının həyat yolunu bizə açıqlayır. Onun cılız,
çəlimsiz bir uşaq olduğunu, hələ doqquz yaşında kaman çaldığını,
lakin atasının ona zülm etdiyini, hətta onu həyətdə oynamağa,
təbiəti seyr etməyə belə qoymadığını, acılar çəkən bu insanın
“dünyaya adi gəldiyini, dünyadan dahi getdiyini”, yoluna nə qədər
✦ ✦ ✦ Sona Xəyal ✦ ✦ ✦
46
daşlar tökülsə də, kaman tutan qolundan nə qədər qibtələr çəksə də,
titrək barmaqlarından nə qədər həsəd yapışsa da, nə qədər kinayəli
gülüşlər, böhtanlar eşitsə də, onu şeytan adlandırıb qəhr etmək
istəyənlərin amansızlığı ilə üz-üzə dayansa da, o çalır, İtaliyanı
barmaqları ilə yenidən tanıdır. Bir ürəyə, dörd simə arxalanan
yoxsul bir kamançalan nəhayətdə qəlblərə hakim olur.
Adil Babayev daim sənət eşqilə yanan, sənət qayğıları ilə ya-
şayan şair kimi həmişə sənəti, sənətkarları yüksək qiymətlən-
dirmişdir.
“Real-Press” qəzeti, 04.05.10.
ƏLİ TUDƏ YARADICILIĞINDA SƏNƏT, SƏNƏTKAR
Əli Tudə sənətin, sənətkarın vəsfinə hələ yaradıcılığa başladığı
gənc yaşlarından yer vermişdir. Şairin yaradıcılığını izlədikcə,
bütün kitablarında sənətdən söhbət açdığının şahidi oluruq. Şairin
sənətə, sənətkara verdiyi qiyməti şeirləri və məqalələri əsasında
dəyərləndirmək və oxuculara çatdırmağa çalışacağıq.
Şairin elə ilk kitabında ilk vəsf olunan sənətkar Aşıq Hüseyn
Cavandır. Əli Tudənin həmin aşığa həsr olunmuş bir neçə şeiri
vardır. “Aşıq” şeirində şair aşığın özünə müraciət edir. Şeir 1946-cı
ilin martında yazılmışdır. Ancaq şeirdən görünür ki, o zaman
cənubda azad günlər yaşanılırdı. Şair aşıqdan sazını dindirməyi rica
edir və deyir ki, bu həyat, bu vətən, bu el sənindir. Şair xatırladır ki,
bir vaxt yurdu viranə idı və həmin aşıq da meyxanələrdə
çalıb-oxuyardı. Onun sənəti çox ucuz tutulardı. Amma indi qələm
azad, sənət azaddır, milli məclis, dövlət var, millət aşığa qiymət
verir. Şair istəyir ki, aşıq keçmişi unutsun, millətin bugünkü
zəfərindən, al günəşli səhərindən oxusun, bu ağ günlərdən bir
dastan yaratsın, aşığın sözü dalğa-dalğa Tehrana düşsün, düşməni
öz evində həyəcana salsın. Şair aşığın qismətini alqışlayır:
Şairin sərvəti, varı şeirdir,
Əkdiyi bağçanın barı şeirdir.
Yaxın ürək dostu, yarı şeirdir,
Sənin də saz olmuş qismətin, aşıq!
Dostları ilə paylaş: |