✦ ✦ ✦ Sona Xəyal ✦ ✦ ✦
32
əvvəlki kimi doğacaq, sönəcək, kiçik qızın göz yaşı tökəcək,
için-için ağlayacaq, sonra siləcək göz yaşını, yenə də həyat öz axa-
rında davam edəcək, vüsal, hicran olacaq, bircə sən dönməyə-
cəksən…
Şairin “Çal” adlı şerində isə təbiət təsvirilə yanaşı sazın tərən-
nümünü də görürük. Şair sazəndəyə “çal” deyir və onun çalğısını
hətta dağların belə dinlədiyini, dağ döşündə buludun dayanıb
durduğunu, sazın səsinin hətta dağlarda coşğun baharı da ilham
gətirdiyini qeyd edir və şerin ikinci bəndində yazır:
Ayna bulaqların ləzzəti varmı,
Üstündə oxuyan, çalan olmasa?!
Coşqun mizrabıyla, xoş nəğməsiylə
Dərələrə səs-küy salan olmasa?!
Yaşıl yamacların, uca dağların
Bəzəyi, zinəti nazlı gözəllər
Saz səsi, ney səsi olmasa bil ki,
Gözəl təbiətdən çox tez bezərlər.
Odlu mizrabına qurban olum, yar!
Çal, səni dinləyir səfalı dağlar!
“Ulu məkan”, qəzeti, 15.11.10
RƏSUL RZA VƏ İNCƏSƏNƏT
Azərbaycanın xalq şairi Rəsul Rza ədəbiyyatımızda novator
kimi tanınan, özündən sonra məktəb qoyub gedən şairlərimizdəndir.
İstər ədəbiyyatın, istərsə də dilçiliyimizin problemlərini düşünən
şairi, eyni zamanda xalqın mədəni problemləri də həmişə narahat et-
mişdir. Onun istər şeirlərində, istərsə də məqalələrində incəsənətlə
bağlı məsələlər öz əksini tapmış, habelə bir sıra inzəsənət xadim-
lərinin portreti yaradılmışdır. Problemlərdən narahat olan şairi
müvəffəqiyyətlər sevindirmiş və o bu fərəh hissini də qələmə almış-
dır. “Yeni dram teatrı yaradaq” adlı məqaləsində öz narahatlığını və
iftixar hissini açıq-aydın göstərən Rəsul Rza yazır:”Gərgin
mübarizələrlə dolu bir yol keçmiş teatrın səhnəsində hər hansı bir
xalqın iftixarı ola biləcək aktyorlar dəstəsi yetişmişdir. Mübaliğəsiz,
demək olar ki, xalqımızın minnətdarlıqla xatırladığı aktyorluq
sənətimizin klassik ustaları Hüseyn Ərəblinski, Cahangir Zeynalov,
✦ ✦ ✦ Mədəniyyəti, incəsənəti yaşadanlar ✦ ✦ ✦
33
Mirzağa Əliyev, Abbas Mirzə Şərifzadə, Sidqi Ruhulla, Ülvi Rəcəb,
İ.Hidayətzadə, Kazım Ziya ilə yanaşı, indi də Azərbaycan aktyorluq
sənəti məktəbinin ən gözəl ənənələrini davam etdirən müxtəlif
yaradıcılıq xüsusiyyətlərinə malik qüvvətli səhnə ustalarımız vardır”.
Azərbaycan kinosunun taleyi də Rəsul Rzanı çox maraqlan-
dırırdı. Bakı kinostudiyasının nüdiri işlədiyi vaxtlarda da, Azər-
baycan kino idarəsinin sədri, həmin idarə nazirliyə çevriləndə Kino
naziri işlədiyi vaxtlarda da daim onun problemlərilə məşğul olan,
böyük zəhmətlə onun müvəffəqiyyətlərinə çalışan Rəsul Rza istər
məqalələrində, istərsə də plenum və müşavirələrindəki çıxışlarda
odlu-alovlu sətirləri, səmərələşdirici təkliflərilə diqqəti cəlb edir.
1944-cü ildə Azərbaycan Yazıçılar İttifaqının Plenumundakı
çıxışında deyirdi:”Biz kinoya kömək etmirik. İclaslarda danışırıq və
orada da yadımızdan çıxır. Azərbaycanda adam arasına çıxa biləcək
gözəl kino əsərlərimiz çox azdır. Bizdə musiqi kadrları vardır.
Bizim hər sahədə kadrlarımız vardır. Hətta Azərbaycanda yeti-
şib-böyümüş bir sıra yoldaşlar indi başqa respublikalarda, Mosk-
vada rəhbər işdədirlər. Ancaq kino sahəsində kadr azlığı hələlik həll
olunmamış bir məsələ kimi qarşımızda durur, mövcud kino
işçilərinin sənətkarlıq səviyyəsi hələ aşağıdır. Buna görə də biz bu
cəhətə ciddi fikir verməliyik...
Azərbaycanda kino sənəti Rusiyadan başqa, digər respub-
likaların hamısından qabaq başlamışdır. Bu, bizim kino tarixidir.
Məşhur Azərbaycan aktyoru Hüseyn Ərəblinski hələ 1916-17-ci
illərdə “Neft və milyonlar səltənətində” adlı kino-şəklində baş rol
oynamışdır. Bu, bizim fəxrimizdir. Əvvəllər öz dövrünə görə bizim
tam yaxşı əsərlərimiz, kino əsərlərimiz olmuşdur. Ancaq kino
işçilərinin son illərdə pis işləməsi nəticəsində kino işlərimiz geridə
qalmışdır”. Burada müəllif kino sahəsindəki geriliyi tənqid etməklə
yanaşı, kinomuzun keçmişinə səyahət edir. Azərbaycan kinosunun
ittifaqda bütün respublikalardan əvvəl yarandığını deməklə bərabər,
həm də nəzər-diqqətə çatdırır ki, kino sovet dövrünün müvəffə-
qiyyəti deyildir, hələ hakimiyyətdən, hətta Oktyabr inqilabından
əvvəl Azərbaycanda kino yaradılmasına cəhd olunub və Hüseyn
Ərəblinski kimi aktyor baş rola çəkilib. Bu gün bu fakt və bu faktın o
zaman sovet dövründə yüksək tribunadan deyilməsi təqdirəlayiqdir. O
zaman bunu deməyə bəlkə də heç kimin hünəri çatmazdı, amma Rəsul
Rza belə həqiqətləri həmişə, özü də təkcə Azərbaycanda yox, hətta
✦ ✦ ✦ Sona Xəyal ✦ ✦ ✦
34
onun hüdudlrından kənarda olanda da deyirdi. Bu günün özündə
Azərbaycan kinosu bərbad gündədir və azərbaycanlılar xarici ölkə-
lərin istehsalı olan mənasız epizodlarla, mənəvi-əxlaqi dəyərlərimizə
əks olan faktlarla dolu seriallara baxmağa məcburdurlar. Bu günün
özündə də o dövrdə çəkilən Azərbaycan kinolarını göstərəndə
dəfələrlə baxdığımıza baxmayaraq, yenə də baxırıq və hər dəfə də
orada nəsə tapırıq. Bu gün kinomuzu bu böhrandan çıxarmaq üçün
Rəsul Rza kimi adamlara nə qədər ehtiyac vardır.
Rəsul Rza kino ilə bağlı məqalələrində kinonu hərtərəfli elə
təhlil edir ki, oxucu məəttəl qalır. Bilmirsən ki, bu adam
kinossenaristdir, rejissordur, aktyordur, rəssamdır. “Xalqın “Arşın
mal alan”ı adlı məqalədə əsərin yazıldığı dövrü, rəssam Ədhəm
Sultanovun səhnə tərtibatını, artistlərin sənətkarlığını, musiqi
tərtibatını, eyni zamanda əsərdəki nöqsanları göstərən müəllif yazır:
”Respublikamızın əməkdar artisti, rejissor İ.Hidayətzadə “Arşın
mal alan”ın bu yeni quruluşu ilə Azərbaycan xalqının həyatını, ona
xas olan adətləri dərindən öyrənmiş olduğunu bir daha göstərdi.
Quruluşçu rejissor, rəssam, dirijor və ifaçı artistlər işinin vəhdəti, bu
vəhdətdən doğan bütövlük, bitkinlik, dolğunluq–quruluşun ən
qiymətli cəhətləridir”. Bu sətirlər yazılandan illər keçdi. “Arşın mal
alan” Azərbaycan hüdudlarını aşdı. Azərbaycan teatrı, kinosu,
musiqisi tezliklə İttifaqda və İttifaqdan kənarda tanındı, sevildi.
Rəsul Rza kino məsələləri üzrə ümumittifaq müşavirəsindəki
çıxışında iftixarla bunu qeyd etdi:”Milli studiyalar, o sıradan Bakı
studiyası bizim milli nailiyyətimizdir. Azərbaycan incəsənəti yalnız
Sovet İttifaqında deyil, vətəndən uzaqlarda, xarici ölkələrdə də
böyük məhəbbət və rəğbət qazanmışdır. Bizim bədii əsərlərimiz,
musiqimiz, poeziyamız Yaxın Şərqdə böyük təsirə malikdir.
Azərbaycan kinematoqrafiyası yalnız bizim milli mədəniyyətin
deyil, eyni zamanda xaricdəki təbliğat və təşviqatımızın əsas
faktorlarından biridir”. Müəllifin “O gün-bu gün” və “Əziz
xatirələr” adlı məqalələrində də kino ilə bğlı fikirlərinin şahidi
oluruq. Keçmiş kinostudiya ilə yeni kinostudiyanı müqayisə edərək,
illərlə bir yerdə keçirdikləri günlərin acılı-şirinli anlarını,
böyüklü-kiçikli insanlara arzulanan uğurları, birgə bölüşdükləri
sevinci, kədəri xatırlayan Rəsul Rza bu günün müvəffəqiyyətinə
sevinir. “Arşın mal alan” filmini Moskva kino nazirliyində
Dostları ilə paylaş: |