✦ ✦ ✦ Sona Xəyal ✦ ✦ ✦
20
çevirir, hər yerdə günəşli yurdumuzu, qədim Odlar diyarını vəsf
edir. Müğənninin səsindəki məlahət, mahnının psixoloji ruhuna
aşıladığı təravət, ifa üslubundakı orijinallıq hər yerdə dinləyicilərin
qəlbinə yol tapır. Sevimli sənətkarımızın səsində, ədalarında hər
sözün öz rəngi, öz boyası var. Həm də onun ifa etdiyi nəğmə mətni
özü yenidən doğulmuş olur. Zeynəb Xanlarovanın təkrarsız isteda-
dının hüsnü bir də orasındadır ki, musiqi ilə mətn arasındakı əlaqəni
emosional şəkildə dinləyiciyə çatdırır. Aydın diksiyası, zil və
bəmdə sözlərin məntiqini, şeirin, qəzəlin musiqi ahəngini gözləməsi
oxuduğu hər hansı muğamın və mahnının təsir gücünü artırır.
Z.Xanlarova mənim sözlərimə yazılmış bir neçə mahnı ifa edir.
Etiraf edim ki, müğənninin məlahətli ifasına qulaq asdıqca, heyran
olmuşam. Bu şeiri sanki yenidən dinləmişəm.
Bəli, Z.Xanlarova yaradıcı müğənnidir. Oxuduğu hər mahnıya
elə forma, elə ifa manerası, elə hərəkətlər tapır ki, sanki bütün bun-
lar nəğmə ilə bir yerdə nota düzülmüşdür”. Bu məqaləni oxuyanda
Zeynəb xanımın televiziya ekranlarında bizə çatdırılan xarici
qastrol səfərlərindəki konsertləri yadıma düşdü. Mən o qədər də
musiqiyə aludə olan adam deyiləm, amma həmişə Zeynəb
Xanlarovanın konsertin əvvəlində dediyi bir sözü həmişə
qulaqlarımdadır, söz düşəndə də həmişə onu sitat gətirirəm. Zeynəb
xanım səhnəyə çıxan kimi “Sizə Azərbaycandan salam gətirmişəm”
deyərdi, baxmayaraq ki, o qastrola SSRİ xətti ilə gedirdi və o zaman
hamımız üçün vahid vətən–SSRİ var idi. Mən məhz bu hərəkətinə
görə ona hörmət bəsləyirəm...
Nəriman Həsənzadənin Xan Şuşinskinin ölümünə həsr olunmuş
“Heyrət” adlı olduqca kiçik bir şeiri var. Amma bu kiçiklikdə elə bir
böyüklük yerləşdirilib ki:
Bir heyrət bürüyüb məni bu yerdə.
Dolub izdihamla Fəxri Xiyaban.
Tabutu - çiyində, səsi–efirdə,
Susan da Xan idi,
oxuyan da Xan...
Nəriman Həsənzadənin istər şeirində, istər məqalələrində sənətə,
sənətkara verdiyi qiymət təqdirəlayiqdir.
“Kredo” qəzeti, 20.11.10
✦ ✦ ✦ Mədəniyyəti, incəsənəti yaşadanlar ✦ ✦ ✦
21
MUSİQİ SƏNƏTİMİZ FİKRƏT QOCA YARADICILIĞINDA
Xalq şairi Fikrət Qocanın yaradıcılığında sənətə və sənət dost-
larına ünvanlanmış əsərlər çox olmasa da, səmimiliyinə görə diqqəti
çəkir. “Dədəm Qorqud” adlı şeirində nəğməmizi, musiqimizi təqdir
edən şair, sənətdən çox sənətkarı ön plana çəkir. Şair üçün insan hər
şeydən qiymətlidir. “Dədəm Qorqud nəğməmizin yaşıdı, Dilin,
könlün, sözün məhək daşıdı”,- deyən şair nəğməmizin qədimliyinə
işarə edir.
Fikrət Qocanın “Qara Qarayevin əziz xatirəsinə” adlı şeirində
sənətkarın vida mərasiminin təsviri verilir. Susan musiqinin son
nidası, Qara ömrünün əlvidası kimi lalələr öz rəngiylə musiqini
oxuyur. Şair düşünür ki, “Bu gecə ildırımlı yollarla bir zənci gələr
tabutunun ayağına”. Şair mənalı bəstəkar ömrünə nə az deyə bilir,
nə çox. Yalnız bir həyat həqiqətini xatırladır: ”İnsan əvvəl-axır
torpaqdır”. Şeir belə bitir:
Abşeron qayalarında
Xəzərin duzlu göz yaşı axdı.
Qara Qarayev
Ömrünü musiqiyə, səsə döndərib.
Səs ömrünün ölçüsü yoxdur...
Azərbaycan yola salacaq onu,-
Qaradağlı, Qarayazılı, Qarabağlı
Yeddi gözəl gələcək bu gün
qara duvaqlı.
Qara bir axşam gələcək
Qara geyinib Qarasız qalmış
bir ilham gələcək.
Bu qara torpağın yaşı qədər
Xalqımız səni salacaq yada...
İndi... Əlvida,
Əzizim, əlvida...
Fikrət Qocanın görkəmli kaman ustası, xalq artisti Habil Əliyevə
ünvanlanmış şeiri elə “Habilə” adlanır. Şair burada kaman yerinə öz
ürəyini çalan, sənət qarşısında əyilib xalqın gözündə ucalan bir
sənətkardan danışır. Elə bir sənətkar ki, kamanı ilə nəinki insan
✦ ✦ ✦ Sona Xəyal ✦ ✦ ✦
22
qəlbini, hətta dağı-daşı da yandırıb tökür. Şair sənətkar dostunu
alqışlayır, onun sənətini tərənnüm etməkdən həzz alır, “Sən əlvan
musiqi xalları ilə Gözəl duyğuların rəsmini çəkdin” deyə onu
qiymətləndirir. Şair düşünür ki, Habil rəssam olsaydı da indiki kimi
şöhrətlənə bilərdi. Şair olsaydı da, yenə də bu cür sevilərdi. İnsan-
ların dərdini, zamanın, cahanın ağlasığmaz, dəhşətli bəlalarını
kamanda musiqi dili ilə bizə çatdıran sənətkar fırça ilə də, qələmlə
də bu yanğıda, bu rəngdə, bu ahəngdə danışacaqdı. “İstəsən baharı
qış eyləyərsən, İstəsən sən elə ağı deyərsən, Dağların gözündə ağlar
bulaqlar”. Şair sənətçi dostu ilə, eloğlusu ilə fəxr edir, həm də ona
ərkyana müraciət edərək, “çal” deyir:
El oğlu, kaman çal, çiçəklər açsın,
Qoy bahar bəzəsin bizim elləri.
Ruhum havalansın, xəyalım uçsun,
Düşsün rəngdən-rəngə qəlbin telləri.
Çal, sənin dünyanda şadlansın ellər,
Bahar aləmidir sənin aləmin.
Fişəng tək göylərdə oynasın əllər,
Yandır babasını kədərin, qəmin.
Fikrət Qocanın publisistik yazılarında da sənətə, sənətkara hörmət
və məhəbbətin şahidi oluruq. Onun “Qovbustan” jurnalında çap
olunmuş “Polad Bülbüloğlu” adlı məqaləsində həm Bülbülü, həm
Poladı, həm də sənətkar obrazını görürük. Müəllif əvvəlcə Bülbüldən
söz açır, onun sənətinə qiymət verir. Sonra Polad ilə Kubada səfərdə
olduğunu qeyd edir və səfər təəssüratını oxucularla bölüşür. Nəhayət,
sənətkar haqqında sənətkar sözü deyərək onu qiymətləndirir:
”Poladın mahnılarında işıq bolluğu var. Onlar yaxşı mənada yüngül,
şən, oynaq mahnılardır. Əsl gənclik mahnılarıdır. Adam Poladın lirik
qəhrəmanının şənliyinə inanır, ona qoşulur, oxuyur, oynayır. Həm də
bu yalançı bayram əhval-ruhiyyəsi deyil. Poladın musiqisi yalançı
nalədən, yalançı fəlsəfəçilik iddiasından çox uzaqdır.
Mahnılarını özü oxuyur. Mahnılarını öz səsi ilə təhlil edir, çat-
dırmaq istəyir. Demək istəyir ki, belə oxumaq lazımdır. Azərkeş-
lərinə, dinləyicilərinə ürək-dirək verir ki, hamınız oxuya bilərsiniz.
Mahnılar hamımız üçündür”. Fikrət Qocanın müğənni haqqında
Dostları ilə paylaş: |