Mehman Süleymanov
152
Mirzə Məhəmməd Sadıq Vəqayeneqarın qeydlərinə görə, general
Zavalişinin Gilandan Bakıya gəlməsi P.D.Sisianovun göstərişi əsasında
baş verdi. Sisianov Bakının işğalına üstünlük verdiyi üçün ona tezliklə
Bakı ətrafına yollanmağı tapşırdı. Müəllif yazırdı ki, Sisianov generaıl
Zavalişinə ünvanladığı məktubu bir rusa verdi və onu bir erməni ilə
Zavalişinin yanına göndərdi. Bildirilir ki, həmin günlərdə ləzgi Surxay
xanın oğlu bir neçə nəfərlə Bakı yaxınlığında ovla məşğul idi. Onlar
Sisianovun məktubunu aparan adamları görüb onları dayandırdılar.
Tutulanlar hara və nə məqsədlə getdiklərini gizlətməyə çalışsalar da,
Sisianovun məktubu tapılandan sonra onlar həbs edilərək Hüseynqulu
xanın yanına göndərildilər. Hüseynqulu xan da məktubun məzmunu ilə
tanış olandan sonra məsələ ilə bağlı Quba xanı Şeyxəli xana məlumat
göndərdi. Müəllifin yazdığına görə, Şeyxəli xan da məlumatı Abbas
Mirzəyə çatdırdı və Sisianovun Bakı ilə bağlı niyyətləri haqqında onu
məlumatlandırdı. Abbas Mirzə də bundan xəbər tutan kimi 12 minlik
qoşun dəstəsini Əsgər xan Urmiyalının rəhbərliyi altında Şeyxəli xanın
köməyinə göndərdi (91).
Mirzə Məhəmməd Sadıq Vəqayeneqarın yazdığına görə, general
Zavalişin Sisianovdan gözlədiyi məktubu almadıqda özü öz qərarı ilə
Bakının mühasirəsinə yollandı. O, dənizlə hərəkət edərək Bakı
buxtasında lövbər saldı. Bildirilir ki, Abbas Mirzənin köməyə göndərdiyi
dəstənin Bakıya yetişməsi rus dəniz dəstəsinin Bakı buxtasına yetişməsi
ilə bir vaxta təsadüf edirdi. Abbas Mirzənin göndərdiyi dəstənin rəhbəri
Əsgər xan ixtiyarında olan toplardan birini sahilə yaxınlaşdırdı və rus
gəmilərini atəşə tutdu. Məlumata görə, bu atəşdən sonra rusların bir neçə
gəmisinə ziyan dəydi və onlardan biri də dənizdə batdı. Mirzə
Məhəmməd Sadıq Vəqayeneqar rusların sahilə çıxmasını da bu atışma ilə
əlaqələndirir. Quruya çıxan rus qoşun dəstəsi Əsgər xanın dəstəsi ilə
döyüşə girdi. Bundan xəbər tutan Hüseynqulu xan əvvəlcə qala daxilində
müdafiə tədbirləri həyata keçirdi və sonra da qala xaricində döyüş
mövqeləri tutdu. Bildirilir ki, bu zaman Şeyxəli xanın və Surxay xanın
oğlu Nuh bəyin də dəstələri Bakı xanının köməyinə gəldilər. Bundan
sonra rus qoşun dəstəsi geri çəkilmək məcburiyyətində qaldı və ruslar
gəmilərə doluşaraq Sara adasına doğru hərəkətə başladılar (92).
Mirzə Məhəmməd Sadıq Vəqayeneqar yazır ki, general Zavalişin
Sara adasında olarkən ermənilərin vasitəsilə Mir Mustafa xanla təmas
qurdu, onu Rusiyaya tərəf meylləndirməyə çalışdı. Bildirilir ki, bu
yazışmalardan sonra Mir Mustafa xan general Zavalişinin yanına
yollandı və onunla görüş keçirdi (93).
Gülüstan müqaviləsi
153
General Zavalişin yuxarıda qeyd edildiyi kimi, Sara adasında uzun
müddət qala bilmədi və yenidən Bakı ətrafına qayıtdı. Bakıdan 40 verst
aralıda sahilə çıxan general Zavalişin Hüseynqulu xana məktub göndərib
onu Rusiya təbəəliyini qəbul etməyə çağırdı. O, Rusiya təbəəliyinin
qəbul edilməsi üçün imzalamalı olacaq müqavilə layihəsini Hüseynqulu
xana Bakıya əvvəlki səfəri zamanı çatdırmalı idi. Lakin Bakı ətrafında
yaranmış şərait üzündən rus generalı bunu edə bilmədi. Bu müqavilə
layihəsi digər Azərbaycan xanları ilə imzalanmış müqavilənin oxşarı idi.
Müqavilə layihəsinin birinci maddəsinə əsasən, Hüseynqulu xan Rusiya
imperatorunun hakimiyyətindən başqa digər bir kimsənin hakimiyyətini
tanımadığını öz öhdəsinə götürməli idi. Bunun əvəzində də ikinci mad-
dəyə əsasən, Rusiya imperatoru onun və varislərinin xanlıq haqqını
tanımalı idi. Üçüncü maddəyə görə, Rusiya imperatoru Hüseynqulu xa-
nın xanlığını möhürlənmiş fərmanla təsdiq etməli idi. Hüseynqulu xan
Rusiyaya sədaqət andı qəbul etməli idi. Dördüncü maddəyə görə, Bakı
xanı Sisianovun razılığı olmadan qonşu hakimlərlə əlaqəyə girməli de-
yildi. Beşinci maddəyə görə, Bakı şəhərinin bütün gəlirləri toplanıb Ru-
siya xəzinəsinə verilməli idi. Bakı xanına isə ildə 10 min rubl maaş ve-
rilməli idi. Bakı qalasında 800-1000 nəfər arasında rus qarnizonunun yer-
ləşdirilməsi də bu maddəyə əsasən tənzimlənməli idi. Altıncı maddəyə
əsasən Bakı xanı rus qarnizonunu bina ilə təmin etməli idi. Digər mad-
dələr də Kürəkçay müqavilələrinin maddələrinin təkrarı idi. Hüseynqulu
xan girov kimi öz böyük oğlunu Sisianovun yanına göndərməli idi (94).
Rus mənbələrinə görə, general Zavalişinin məktubuna Hüseynqulu
xan özünə məxsus cavab verdi və özünün artıq rus təbəəsi olduğunu da
yazdığı məktubunda general Zavalişinin diqqətinə çatdırdı. Hüseynqulu
xan bildirdi ki, əgər müqavilə layihəsini əvvəlcə almış olsaydı, artıq
imzalanardı da. Yeni şəraitdə Hüseynqulu xan buna tələsmədiyini ona
çatdırdı. Hüseynqulu xan şübhə etmirdi ki, ona imzalanmaq üçün
göndərilmiş müqavilə Sisianov tərəfindən hazırlanmışdır (95).
Beləliklə də general Zavalişinin yeni hədə-qorxuları bir nəticə
vermədi və Bakı xanlığını Rusiya tabeliyinə gətirmək ona qismət olmadı.
Ona görə də general Zavalişinin Sisianovun dəstəsinin gəlib çıxmasını
gözləməkdən başqa çarəsi qalmadı.
Bakı şəhərinin yenidən ruslar tərəfindən mühasirəyə alınmasını
görəndə Hüseynqulu xan öz nümayəndələrini kömək üçün Şeyxəli xanın
və Şamaxı xanı Mustafa xanın yanına göndərdi. Hüseynqulu xan onların
hər birindən 500 nəfərlik dəstənin göndərilməsini xahiş etdi. Onlar da bu
köməyi Hüseynqulu xana göndərməyə razı oldular (96).