Mehman Süleymanov
156
Farsdilli mənbələrin verdiyi məlumata görə, Bakı sakinlərinin mal-
qarasının ruslar tərəfindən aparılması onların ərzaq ehtiyatlarının
tükənməsi ilə bağlı idi. Sərt qış şəraitində rusların kənardan tez bir
zamanda ərzaq yardımı almaq imkanı yox idi (102). Buna görə də onların
qarşılarına çıxan mal-qaranı aparmaqdan başqa çarələri yox idi.
Farsdilli mənbələrdə Hüseynqulu xanın rus qoşunlarından müdafiə
olunmaq üçün Abbas Mirzədən kömək istəməsi haqqında da məlumat
vardır (103). Bu zaman Abbas Mirzə Təbriz ətrafında idi və sonradan
Ərdəbil ətrafında düşərgə saldı. General Sisianovun Şamaxı və Qazax
yürüşləri onun tərəfindən də ciddi izlənilirdi. Lakin o da hava şəraitinin
mürəkkəbliyi üzündən Azərbaycan xanlıqları üzərinə çoxsaylı qoşun
dəstəsi aparmaq imkanına malik deyildi. Mənbələrdəki məlumata görə,
Abbas Mirzə Bakı xanı Hüseynqulu xandan kömək göstərilməsi haq-
qında xəbər alında Hüseynqulu xan Qacar adlı sərkərdəsini qoşun dəstəsi
ilə, habelə Əsgər xan Əfşarı 1000 atlı ilə köməyə göndərdi. Abbas Mirzə
özü isə rus qoşunları ilə növbəti döyüşə hazırlıq üçün düşərgəsini
Təbrizdən Ərdəbilə dəyişdi ki, döyüş bölgəsinə daha da yaxınlaşsın.
Verilən məlumatlara görə, Abbas Mirzənin göndərdiyi Hüseynqulu xan
Qacar dəstəsi ilə Kür çayı üzərindəki körpünün mühafizəsində dayandı.
Pirqulu xan Bakı ətrafında Şeyxəli xanın dəstəsi ilə birləşərək
Hüseynqulu xana kömək göstərilməsi üçün mövqe tutdu. Əsgər xan isə
dəstəsi ilə qalaya daxil ola bildi.
Hüseynqulu xanın qətiyyətli mövqe nümayiş etdirməsinə baxma-
yaraq, general Sisianov Bakı qalasını güc işlətmədən alacağına müəyyən
bir ümidlə yanaşırdı. Ona görə 1806-cı il fevral ayının 1-də o, Bakı
xanına növbəti məktubunu göndərdi. General Sisianov yeni məktubunda
Bakı xanının Rusiya təbəəliyini qəbul etməyə müsbət cavab verməmə-
sindən razı qalmadığını yazdı və əlavə etdi ki, onun Bakı xanına olan
narazılıqlarının əsasını Allahverdi bəy tərəfindən imzalanan müqavilənin
şərtlərinə əməl edilməməsi təşkil edir. Bu məktubun məzmunundan gör-
mək mümkündür ki, Bakı xanı şəhəri mühasirə etmiş rusları sadəcə
müşahidə etməklə kifayətlənmirdi, həm də ruslara qarşı silahlı müqa-
viməti davam etdirirdi. Bununla bağlı xan döyüşçüləri qaladan kənarda
mövqe tutaraq fürsət yaranan kimi rusları atəşə məruz qoyurdular. Bakı
xanının adamları ruslar haqqında məlumat da toplamağa çalışırdılar. Belə
məlumat toplayanların bəziləri hətta Sisianov tərəfindən həbs də edil-
mişdi. Bunlar isə rusların təşvişinə səbəb olurdu. Sisianov məktubunda
bir daha Bakı qalasının təhvil verilməsini tələb etdi və Hüseynqulu xanı
bu addımı atmağa inandırmaq üçün Volqa kazak alayının komandiri
mayor Tarasovu da onun yanına göndərdi (104).
Gülüstan müqaviləsi
157
Lakin Hüseynqulu xan Sisianovun hədə-qorxusu qarşısında Bakı
qalasının ruslara təhvil verməyə razı olmadı. O, Əbülhüseyn bəy adlı nü-
mayəndəsi ilə Sisianova göndərdiyi məktubunda da Sisianovun intizarın-
da olduğu cavabı vermədi. Ona görə general Sisianov Hüseynqulu xanı
bir daha xəbərdar etdi ki, Bakı şəhəri liman şəhəri olduğu üçün orada rus
qarnizonu yerləşdirilməlidir, liman şəhərində toplanan gömrük gəlirləri
yalnız xanın istifadəsində qalmamalıdır, Bakıda tacirlərin sıxışdırıl-
masına son qoyulmalıdır və nəhayət Bakı şəhəri təslim edilməklə bəra-
bər, Bakı xanı böyük oğlunu girov verməlidir. Sisianov bu şərtlərinin ic-
rasını Bakı xanından tələb edirdi. Bu tələblərin və şərtlərin əks olunduğu
məktubla bərabər, Sisianov bu dəfə Narv draqun alayının podpolkovniki
knyaz Elisbar Eristovu da Hüseynqulu xanın yanına göndərdi (105).
Hüseynqulu xan bu dəfə rus generalının bu məktubuna yazdığı
cavabında Bakını təhvil verməyə və Rusiya təbəəliyini qəbul etməyə
hazır olduğunu bildirdi. General Sisianov bu xəbəri sevinclə qarşıladı və
Bakı xanlığının hansı şərtlər altında təhvil alınacağını bildirdi: 1) xanlıq
ərazisində bütün əhalinin dini ibadətlərini azad şəkildə icra etmək hüququ
qorunacaq; 2) xanlığın idarə edilməsi hüququ Hüseynqulu xan və onun
varisləri üçün saxlanılacaq; 3) Bakı xanı məhkəmə və cəzalandırma
üzərində nəzarəti öz əlində saxlayırdı. Cinayət məsələlərinin həllində isə
Bakı komendantı iştirak etməli idi; 4) gömrük gəlirlərindən başqa xanlıq
ərazisində toplanan gəlirlər xanın ixtiyarında qalacaq; 5) Qafqazda
yerləşən rus qoşunlarının ehtiyacının ödənməsi üçün zəruri olan duz və
neft rus qoşunlarına havayı verilməli idi; 6) Bakı ətrafında rus qarnizonu
üçün münasib binalar ayrılmalı idi; 7) Bakı xanı Rusiyaya sədaqət andı
qəbul etməkdən əlavə, öz oğlunu da girov verməli idi; 8) Bakı xanı
bölgənin baş komandanına ( yəni Sisianova) və onun təmsilçisinə sözsüz
tabe olmalı idi; 9) qəbul etdiyi sədaqət andına əməl etməməsi xanın
xanlıqdan kənarlaşdırılması ilə nəticələnməli idi (106).
Hüseynqulu xan general Sisianovun irəli sürdüyü tələblərə qarşı öz
razılığını və münasibətini Əbülhəsən bəyə çatdırdı. Əbülhəsən bəy də Si-
sianovla görüşündə onun Hüseynqulu xanla görüşünün və Bakı qalasının
açarlarının ona təhvil verilməsinin tarixini razılaşdırdı. Bu razılaşmaya
əsasən, 1806-cı il fevral ayının 8-də səhər çağı Sisianov Bakı divarları
yaxınlığında Hüseynqulu xanla görüşməli və bu görüş zamanı Bakı
xanlığının Rusiyaya birləşdirilməsi haqqında müqavilə imzalanmalı idi.
Mövcud olan məlumatlara görə, fevral ayının 8-də tam piyada
generalı Sisianov parad geyimində Bakı xanı ilə görüşə hazır olduğunu
bəyan etdi. Bu görüşün onun üçün uğurla nəticələnəcəyinə əmin olan rus