Mehman Süleymanov
148
minlik silahlı dəstəsinin müqavimət göstərməsi haqqında məlumat vardır.
Verilən məlumata görə, guya yerli silahlıların çox olması general
Zavalişinin dəstəsinin irəliləməsinə imkan vermədi. Ruslar Rəştə qədər
olan yolun yarısını keçə bildilər. General Zavalişin geri çəkilmək
haqqında əmr verdi. Ruslar yerli silahlıların davamlı atəşləri altında geri
çəkilməli oldular. Ruslar Pəribazara çəkilə bilsələr də orada dayanmağı
da təhlükəli hesab etdilər. Belə olanda onlar Ənzəliyə üz tutdular.
Bununla ruslar qarşılarına qoyduqları məqsədə nail ola bilmədilər.
Ənzəlini işğal edəndən sonra general Zavalişin yerli əhalinin
nümayəndələri vasitəsilə general Sisianovun məktubunu Fətəli şaha
göndərdi. Rəşt istiqamətində başlanan hücumda uğursuzluğa düçar olub
yenidən Ənzəliyə qayıdan rusların son ümidi Fətəli şahdan rusların
şərtlərini qəbul edəcəyi haqqında məktub almaq idi (78).
Yerli silahlı dəstələr Ənzəlidə də rusları sakit buraxmadılar. Ruslar
hər gün silahlı hücuma məruz qalırdılar. Bundan əlavə əsgərlər arasında
yayılan xəstəlik rusların gücünü daha da zəiflətdi. Belə olanda general
Zavalişin Ənzəlidə qalmağın təhlükəli olduğunu anladı. O eyni zamanda
Fətəli şahdan da cavab məktubu alacağına ümidini itirdi. Nəticədə iyul
ayının 26-da rus dəstəsi Ənzəlidən uzaqlaşmağı qərara aldı. Dəstə
əvvəlcə Lənkərana, oradan da Bakıya doğru hərəkətə başladı. 1805-ci il
avqust ayının 12-də rus dəstəsi Bakı yaxınlığına gəlib çıxdı (79).
General Zavalişinin rəhbərliyi altında rus hərbi dəniz dəstəsinin
Ənzəliyə və Rəştə hücumu haqqında Qacarların tarixi haqqında yazılmış
bəzi məlum farsdilli mənbələrdə də müxtəlif məlumatlar mövcuddur. Bu
məlumatlar hadisələrin təsvirində rus mənbələri ilə müqayisədə bəzi
fərqli məqamları ortaya qoyurlar. Həm "Məəssər-e Soltaniyyə"də, həm
də Mirzə Məhəmməd Sadıq Vəqayeneqarın əsərində Ənzəli və Rəştə
hücum edən rus dəstəsinin rəhbəri olan generalın adı Şeft (Shaft) kimi
göstərilmişdir. Bu adın haradan götürüldüyünü söyləmək çətindir.
Ə.Dündəli reyddə iştirak edən gəmilərin sayının 12 ədəd olduğunu
göstərmişdir. Onun yazdığına görə, Ənzəliyə doğru irəliləyərkən rus
dəstəsi Talış yaxınlığında ləngər atdı və 2 gündən sonra yoluna davam
etdi. Rusların Ənzəliyə yaxınlaşı zamanı Dilman hakiminin göstərişinə
əsasən, yerli silahlıların Ənzəlidə mövqe tutduqları bildirilir. Müəllif
səbəbini göstərməsə də müəllif onların Ənzəlini tərk etdiyini və rusların
şəhərə daxil olduğunu yazır (80).
Mirzə Məhəmməd Sadıq Vəqayeneqara görə, ruslar Ənzəliyə daxil
olanda şəhərdəki məmurların sayı kifayət qədər deyildi və olanların da
ruslara müqavimət göstərmək imkanı yox idi. Ona görə də onlar ruslara
müqavimət göstərmədən geri çəkildilər. Ruslar da yaranmış fürsətdən
Gülüstan müqaviləsi
149
istifadə edərək Ənzəliyə daxil oldular, şəhər daxilində talanlara başladılar
və əllərinə keçənləri gəmilərə daşıdılar (81).
Adları çəkilən hər iki əsərdə bildirilir ki, Gilanda idarəçiliyin
qurulmasına göndərilmiş olan Mirzə Musa Münəccimbaşı adlı birisi
rusların hücum xəbərini alan kimi yerli hakimləri, əyanları və əhalini
müqavimət üçün öz ətrafında birləşdirməyə nail oldu. Yenə hər iki əsərdə
Mirzə Musa Münəccimbaşının rəhbərliyi altında yerli qüvvələrin
Pəribazar ətrafında səngərləndikləri yazılmışdır. Bu əsərlərə görə, belə
bir qənaət əldə etmək mümkündür ki, ruslar ümumiyyətlə Rəştə hücum
etməyə cəsarət etməmişlər və hadisələrin əsas gərginliyi də məhz
Pəribazar ətrafında baş vermişdi.
Ə.Dünbəliyə görə, Mirzə Musa Münəccimbaşı tüfəngdarlar dəstəsini
Pəribazarın küçələrində yerləşdirdi. Şəhər kənarındakı səngərlərdə də
döyüş mövqeləri tutuldu. Pəribazar ətrafındakı meşələrdə tərəflərin güclü
atışması baş verdi. Gərgin keçən döyüşlər rusların geriləməsi və yerli-
lərin təzyiqlərinə dözməyərək Ənzəliyə geri çəkilməsi ilə nəticələndi.
Mirzə Musa Münəccimbaşının rəhbərliyi altında ruslara səmərəli
müqavimət göstərilməsi şah tərəfindən də təqdir olundu və Pəribazarın
müdafiəçiləri Fətəli şahın ənam və mükafatlarına layiq görüldü (82).
M. Məhəmmədsadıq Vəqayeneqar isə yazırdı ki, 15 gün Ənzəlidə
qalandan sonra ruslar Pəribazarı tutmaq istədilər. Bu məqsədlə ruslar
Pəribazara doğru irəliləyərkən meşələrin içərisində Mirzə Musa
Münəccimbaşının güclü müqaviməti ilə rastlaşdılar. Müəllifə görə, ruslar
burada üç gün yerli dəstənin müqavimətini qırmağa çalışdılar. Çoxlu
adam və silah itkisi verəndən sonra ruslar Ənzəlidən çəkildilər və öz
gəmilərinə minib Bakıya doğru üz tutdular (83).
General Zavalişin Ənzəlinin və Rəştin işğalını həyata keçirə bilmə-
diyi kimi, Fətəli şah qoşunlarının Qarabağ cəbhəsindən yayındırılmasına
və bununla da rus qoşunlarının vəziyyətinin yaxşılaşdırılmasına da nail
ola bilmədi. Pəribazar və Ənzəli ətrafında ruslara qarşı vuruşanlar əsasən
yerli qüvvələr idi və Təbriz ətrafına toplanan Qacar qoşunlarından ora
hər hansı bir qüvvə göndərilməmişdi. Sisianov da çox böyük təəssüflə
general Zavalişinin diqqətinə çatdırırdı ki, onun ləngliyi üzündən Fətəli
şah bütün qoşunları Qarabağ xanlığına istiqamətləndirə bilmişdi (84).
General Zavalişinin Bakı ətrafına gəlməsi və Bakını mühasirəyə
almaq cəhdi haqqında rus mənbələrində olduğu kimi, farsdilli mən-
bələrdə də məlumat mövcuddur. Lakin bu məlumatlar bir-birindən xeyli
fərqlidir. Rus mənbələrinə istinad edən rus tarixçilərinin yazdığına görə,
Bakı buxtasına yetişən günün sabahı Hüseynqulu xan öz nümayən-
dələrini rusların yanına göndərdi ki, onların gəlişinin məqsədilə maraq-