Mehman Süleymanov
144
Desant dəstəsinin rəhbəri təyin olunan general-mayor Zavalişin
Gizlər yaxınlığındakı Sladkosroçnı limanına yollanmalı və orada həm
hərbi qüvvənin gəmilərə yüklənməsinə və dəstə üçün zəruri olan ərzaq və
təchizatın yetərli olmasına nəzarət etməli və sonra da Xəzərin qərb sahili
boyu hərəkətə başlamalı idi. Ekspedisiyanın uzunmüddətli səfər üçün
hazırlığına general Zavalişin məsuliyyət daşıyırdı və anlaşılırdı ki,
ekspedisiyanın qarşısına qoyulan vəzifələrin həlli də dəstənin
hazırlanmasının yüksək səviyyədə olmasından asılı idi. Ənzəli
ekspedisiyasının fəaliyyəti haqqında hazırlanmış təlimatdan aydın olur
ki, rus qoşun dəstəsi Ənzəli və Rəştdə öz vəzifələrini icra etdikdən sonra
Bakıya qayıtmalı və bu şəhəri nəzarət altına almalı idi. Dəstə Ənzəliyə
çatandan sonra quruya çıxmalı və topların daşınması üçün at və digər
heyvanlar tapmalı, habelə yerli əhalinin qorunması üçün onlardan ipək
almalı idilər. Bildirilir ki, yerli tacirlər talanlara məruz qaldıqları üçün
onların mühafizəyə ehtiyacları var idi. Tövsiyə olunurdu ki, rus hərbçiləri
istər Rəştdə, istərsə də Bakıda əhalini talan etməkdən çəkinməli və
bununla da yerli əhalinin Rusiyaya qarşı düşmənçiliyinə yol
verilməməlidir (71).
Rəşt və Bakıya münasibətdə ekspedisiyanın qarşısında fərqli vəzifələr
dayanırdı. Rəşt şəhəri ruslar tərəfindən müvəqqəti işğal edilməli idi. Rəşt
şəhərini işğal etməklə Fətəli şaha rus silahının gücü nümayiş etdirilməli
və eyni zamanda ondan müharibə xərclərinin alınmasına cəhd
göstərilməli idi. Bakı isə birdəfəlik işğal edilib Rusiya imperiyasının
tərkibinə qatılmalı idi. Bu şəhər liman şəhəri kimi rus tacirlərinin Xəzər
dənizindəki sığınacağı olmalı idi. Rus dəstəsi Rəşt şəhərindən 8 verst
aralı olan Pəribazar çayı mənsəbində sahilə çıxmalı və orada möhkəmlən-
məli idi. İlkin olaraq sahilə iki bölüyün və bir ədəd topun çıxarılması
lazım bilinirdi. Bu dəstə sahilə çıxan kimi çayın hər iki sahilində
səngərlər qazaraq orada yerləşməli idi. Adı çəkilən çayın mənsəbində
ruslar yerli əhalinin silahlı müqaviməti ilə rastlaşsaydılar, onda
qamışlıqdan və ya tüstü pərdəsindən istifadə etməklə başqa bir ərazidə
sahilə çıxmağa nail olmalı idilər. Sahilə çıxdıqdan sonra Pəribazar
yaxınlığında mühafizə postu saxlamaqla ruslar topların müşayiəti ilə
Rəştə doğru irəliləməli idi. Rus dəstəsi vaxtilə polkovnik Şişkovun
yerləşdiyi karvansaranın qarşısındakı meydana toplaşmalı idi.
Pəribazarda sahilə çıxan kimi ruslar Rəştə öz nümayəndəsini göndərib
şəhərin təslim olmasını tələb etməli idilər. Ruslar ümid edirdilər ki,
rəştlilər şəhəri təhvil verməklə bərabər, müharibə xərci də ödəyəcəklər.
Rəştin tutulmasından sonra ruslar Qəzvin yolunun nəzarət altına
alınmasını planlaşdırırdılar. Çünki güman edirdilər ki, bu yolla Fətəli şah
Gülüstan müqaviləsi
145
Rəştin azad edilməsi üçün qoşun dəstəsi göndərə bilər. Rəştin ruslara
qarşı müqavimət göstərməsinin aradan qaldırılması üçün yerli əyanların
ailələrindən girov götürülməsi də planlaşdırılırdı. Rəştin tam nəzarət
altında alındığına əminlik hasil olduqdan sonra ruslar yerli əyanların
nümayəndələri ilə birlikdə Sisianovun məktubunu Fətəli şaha aparmalı
idilər (72).
Sisianov Qacar şahına yazdığı məktubunda bildirirdi ki, Rusiya
imperatoru Qara dənizlə Xəzər dənizi, Volqa çayı ilə Kür-Araz çayları
arasındakı əraziləri onun rəhbərliyi altına verib və ona qədim İberiyanın
bərpa edilməsini tapşırıb. Onun yazdığına görə, guya Gürcüstan əraziləri
vaxtilə Qara dəniz sahilində olan Abxaziyadan Xəzər sahilində olan
Dərbəndə qədər uzanırmış və indi həmin ərazilərin geri qaytarılması ilə
məşğuldur. Sisianov bu istiqamətdə artıq ilk addımları atdığını, İrəvan
xanlığı ərazisində Abbas Mirzənin rəhbərliyi altında olan şah qoşunlarını
geri qovduğunu, Qacar qoşunlarına çoxlu itki yetirdiyini yazırdı.
Sisianov sonra İrəvan xanlığı ərazisində göstərdiyi şücaətini şişirdir və
bunun üçün müxtəlif rəqəmlər sadalayırdı. Onun sözlərinə görə, İrəvan
xanlığı ərazisində bir sıra gürcü zadəganları və ermənilər qacarlara əsir
düşüblər. Onların geri qaytarılması üçün irəli sürülən tələb yerinə
yetirilmədiyi üçün Sisianov Fars sahillərinə dəniz qüvvələri göndərdiyini
bildirirdi. Sisianov yazırdı ki, onun tələblərinə yenə də əməl olunmasa
onda Qacar əraziləri qılıncdan keçiriləcək, yandırılacaq və viran
qoyulacaqdır. Onun tələbləri isə aşağıdakılar idi: 1) Qacar qoşunlarına
silahla və ya silahsız əsir düşmüş bütün rusların geri qaytarılması; 2) Qa-
carlara əsir düşmüş bütün gürcü knyazlarının və zadəganlarının geri
qaytarılması; 3) Ağa Məhəmməd xan Qacarın Tiflisə hücumu zamanı ələ
keçirdiyi bütün topların geri qaytarılması; 4) Əvvəlki müharibə
kampaniyasına görə, rus pulu ilə bir milyon rubl təzminat ödənməsi. Bu
tələblər yerinə yetiriləcəyi təqdirdə rus qoşunları geri qayıda bilərdilər.
Sisianovun tələbləri bununla bitmirdi. O rus qoşunlarını o şərtlə geri
çəkmək istəyirdi ki, Qacar qoşunları daha Arazdan şimalda olan ərazilərə
gəlməsinlər. Sisianov Qacar şahını hədələməkdən də çəkinmirdi və ona
çatdırırdı ki, əgər tələblərini qəbul etməsə Qacar ərazisindən keçməklə
Hindistana qədər irəliləyə bilər (73).
Təkəbbürlü Sisianov hədə-qorxularının Tehran sarayı tərəfindən
qəbul olunacağına o dərəcədə əmin idi ki, hətta məğlub hesab etdiyi
Fətəli şahla müqavilə bağlanması üçün də öz məsləhət və təkliflərini
hazırladı. Bu təkliflər əsasən onun məktubunda açıqlanan tələblər idi.
Sisianov Tehran sarayının təkid göstərəcəyi təqdirdə müharibə
təzminatının 800 min rubla, sonra da 600 min rubla qədər endirilməsinə