Filologiya
məsələləri, № 15 2017
24
Digər müəlliflər isə paronimiyadan bəhs edərkən məhz eyniköklü
sözləri nəzərdə tuturlar və bunu onların eyni morfoloji kökə malik olmaları
ilə əsaslandırırlar .
Paronimlərə həmçinin ümumi tarixi köklərə malik olub, müasir dildə
etimoloji bağlılığını itirən sözləri də aid etmək olmaz. Bura alınma sözlərin
bəzilərini də (eyni kökə malik olub, deetimologizasiya olunmuş) daxil etmək
məqsədəuyğun deyil: roman – romans.
Paronimlərin aşağıdakı özəllikləri var:
a) suffiks cəhətdən fərqlənənlər;
b) paronimlərdən birinin qeyri-törömö köklü, digərinin isə törəmə köklü
olub , sözönü şəkilçi ilə işlənənlər.
Əksər paronimlər müxtəlif məna incəlikləri ilə fərqlənirlər. Məna cəhət-
dən kəskin fərqlənən paronimlər azlıq təşkil edir. Digər qrup paronimlərə isə
semantik cəhətdən oxşar olub, leksik uyğunluqca fərqlənənlər aiddir .
Paronimlər həm də stilistik rəngarənglikdən, işlənmə yerindən asılı
olaraq fərqlənirlər. Bəzi müəlliflər paronimləri tədqiq edərkən onların
omonim, sinonim və antonimlərlə əlaqəsi məsələlərinə də toxunurlar. Ş.Balli
paronimiya ilə omonimiyanın yaxınlığını göstərərək, onları “psevdo
omonimlər” adlandırır. Lakin paronimlərlə omonimlər bir-birinə yalnız
oxşayırlar. Omonimiyada mənaca müxtəlif olan sözlərin bütöv müvafiqliyi
müşahidə olunursa, paranomiyada bu yalnız nisbi xarakter daşıyır, çünki
onlar sözyaradıcılığında mütləq hər hansı bir müxtəlifliyə malik olurlar. Söz-
paronimin kökündə etimoloji cəhət, söz-omonimin kökündə yalnız təsadüfi
müvafiqlik olur ki, bu da özünü yazı və tələffüzdə əks etdirir .
Paronimlər sinonimlərdən də fərqlənirlər. Paronimiyada eyni cür
səslənən sözlər arasında mənaca fərqlər o qədər güclüdür ki, bir sözü digəri ilə
əvəz etmək mümkünsüzdür. Sinonimlərsə məna cəhətdən az-çox fərqlənsələr
də, müəllif üçün uyğun seçim imkanı genişdir. Qeyd etmək lazımdır ki, bəzən
paronimlərin sinonimlərə keçmək faktlarına da rast gəlinir. Bu, paronim sözlərin
nitq prosesində qarşılaşdırılması nəticəsində baş verir və müəyyən zaman axını
tələb edir. Lakin keçmiş paronimlərin qarşılıqlı dəyişməsi yalnız o zaman
mümkündür ki, yaranan yeni məna lüğətlərdə əks olunsun. Paronimlərin məna
fərqləri adətən antonimliyə uğramır, çox nadir hallarda bəzi paronimlər mətn
daxilində ziddiyyətə çevrilirlər.
Paronomaziya müxtəlif morfoloji köklərə malik, eyni cür səslənən
sözləri əhatə edir. Losman-bosman, klarnet-kornet, inyeksiya-infeksiya və s.
Paronimlərdə olduğu kimi, paronomaziyada leksik cütlüklər eyni nitq hissəsinə
mənsub olaraq, cümlədə eyni analoji sintantik funksiyanı yerinə yetirirlər.
Belə sözlərdə eyni sözönü şəkilçilər, suffisklər, söz sonluqları ola bilər, kök
əsasları isə mütləq müxtəlif olur.
Filologiya məsələləri, № 15 2017
25
Təsadüfi fonetik oxşarlıq
istisna olmaqla, bu tip
leksik cütlüklərdə ümümilik
olmur, onların əşya-məna münasibliyi müxtəlifdir. Paronomaziya
paronimiyadan fərqli olaraq, qanunauyğun və müntəzəm xarakter daşımır.
Dildə fonetik cəhətdən oxşar sözlərin olmasına baxmayaraq, bu cür leksik
cütlüklərin müqayisəsi fərdi qəbul olunur. Bəziləri paronomaziyanı tiraj-
tipaj, digərləri tiraj-miraj, başqaları isə tiraj-vitraj formasında qəbul edirlər.
Nəzərdən qaçırmamalayıq ki, nitqdə işlənmə nöqteyi-nəzərindən paronomiya
ilə paronomaziya sözlərin səslənməsi cəhətdən yaxındırlar.
Paronimlər (bəzən eyniköklü olmasalar da) nitqdə müxtəlif üslubi
funksiyaları yerinə yetirilər. Hər bir müəllifin qarşısında paronimlərdən
birinin seçilməsi problemi dayana bilər.
Əgər leksik materialın sinonimik seçimi söz yaradıcılığı ilə müşayiət
edilərsə, onda paronimlərdən hər hansı birinin seçilməsi yalniz o hallarda baş
verə bilər ki, nitqdə yeni paronomik sözlər yer alsınlar. Paronimlərdən
düzgün istifadə yazıçıya və ya söz müəllifinə fikrini dəqiq ifadə etmək
imkanı verir, çünki paronimlər Azərbaycan dilinin bütün incəliklərini
göstərməyə xidmət etməklə onun daxili imkanlarını açırlar.
Bəzən bir cümlədə eyni vaxtda iki paronim sözə rast gəlmək olur.
Bunlar stilistik fiqurun –paronomaziyaının tətbiqinə xidmət edir. Bu proses
həmçinin “binar stilistik fiqur” da adlandırılır. Paronomaziyanin köməkliyi
ilə müəllif fikrinin obrazlılığı ön plana çəkilir. Paronomaziyadan folklorda,
poeziyada, publisistikada istifadə olunur.
Paronomaziyada adətən qohum sözlər ön plana keçir. Paronomaziyadan
istifadənin stilistik effekti ilk növbədə qarşılaşdırılan sözlərin səs oxşarlığı
ilə ölçülür .
Yazıçılar bəzi hallarda paronimləri yanaşı işlədirlər ki, bununla
onların məna müxtəlifliyini ön plana çəkirlər. Bu zaman paronimlər nitqin
təsirini gücləndirməklə, müxtəlif stilistik funksiyaları yerinə yetirirlər.
Paronimlərin qarşılıqlı işlədilməsi tavtoloji səs təkrarlığı yaradır.
Paronimlərin tətbiqi fikrin dəqiqliyinə də xidmət edir, stilistik effekti artırır.
Qohum olmayan, lakin səs oxşarlığı olan sözlər də qarşılaşdırılır:
Firma deyil, formadır. Paronimlərin leksik müqayisəsi mətn daxilində üzə
çıxır. Paronimiya və paronomaziya komik situasiyalara da səbəb ola bilər .
Həkim nekroloq xəstəni müayinə edirdi. Siz belə ciddi təşkilatın makula-
turasısınız. Ümumüyyətlə, paronomaziyadan istifadə edərkən çox diqqətli
olmaq lazımdır ki, leksik səhvlərə yol verilməsin.