Ömrün etməyəcək vəfa dedilər
345
də dastan teatrına çevirmək fikrindəyik. Bu, çətin olduğu qədər də
şərəfli bir işdir.
“İncəgülü” ansamblının ilk qədəmləri uğurludur. Bu ansam-
blı yeni çıxışlar, yeni baxışlar, yeni uğurlar gözləyir. Bu yolda
“İncəgülü”nə uğurlar arzulayırıq.
Kamilə AXUNDOVA
“Azərbaycan gəncləri” qəzeti,
13.05.1986
Aydın Çobanoğlu
346
SEVGİ GƏLİR QƏLBİMİZƏ
El sənətini yaşadanlar
Saz səsi. Ulu sənətimizin müqəddəs xatirəsi. Məhəbbətin
hicranlı günlərinin təsəllisi. Sevgi dolu bir ürəyin həzin nəğ-
məsi, həyat adlı bir hikməti dərk edənin hafizəsi.
Saz səsi eşidəndə sevgi gəlir qəlbimizə. Anaya sevgi, Və-
tənə sevgi, ürəyimizdə yaşayanlara sevgi. Saz səsində böyüyü-
rük, ülviyyətə qayıdırıq.
Hər dəfə Aşıq Aydın bu ecazkar səsi qəlbimizə axıdanda
vüsətli, mənalı duyğular aləminə qovuşur, kamil, parlaq, ülvi
anları yaşayır, onların şeiriyyətinə qayıdırıq. Qüvvə zəifliyi, ira-
də tərəddüdü, fədakarlıq qorxunu əvəz edir. Möhtəşəm saz səsi
bizi hikmət, məna bulaqlarına gətirib çıxarır.
Aşıq Aydın saz çalır. Dinləyicilərin nəzəri səhnəyə dikilir.
Aşığın gözlərində bir məna, duruşunda əzəmət və təmkin oxu-
nur. Kədərin, nakam məhəbbətin fəryadı “Yanıq Kərəmi” onun
sazında təzədən doğulur. İnam məcrasına sığmayan bir çılğın-
lıq, atəşin etiraz ifadə edir. Qəm, iztirab sədaları ətrafa yayılır.
Kərəmin kədəri dözülməz bir ağrıya çevrilir, şiddətlənir və
məcrasına sığmır. Saz havasının heyrətindən insan xəyalı səma-
nın əlçatmaz yüksəkliyinə can atır. Aşıq elə ustalıqla çalır ki,
cavanın da, qocanın da qəlbindən gəncliyin, coşğunluğun, mə-
həbbətə vurğunluğun munis sədaları səslənir.
Sazı dilləndirmək asan deyil. Qəlbin atəşi, ürəyin odudur
sazı dilləndirmək. Elə buna görə də Aşıq Aydın saz çalanda
adamda yalnız hisslər axını yox, eyni zamanda dərin düşüncələr
aləmi yaradır. Musiqinin böyüklüyündən hissimizlə düşüncəmiz
birləşir. Çünki Aydının çaldığı saz havaları emosional hadisə
Ömrün etməyəcək vəfa dedilər
347
kimi yox, etirazların güclü zəka vasitəsilə nizama salınması
kimi meydana çıxır. Bir-birini əvəz edən, tamamlayan, qızğın
ahənglər silsiləsi narahatlığın coşğun, etirazın məcraya sığma-
yan qüdrətini ifadə edir. Saz havalarından hiss, qadir qüdrət qı-
ğılcımları qopur.
Məhəbbət, sevinc, vəcd, heyrət, qəm kimi hissləri ifadə
edən saz havaları olduqca çoxcəhətli assosiasiyalar axını yara-
dır. Axı, Aydın sənətinin vurğunu kimi bu axını məcrasına yö-
nəltməyi bacarır. O, saz çalarkən adamın gözü qarşısından müx-
təlif hadisələr gəlib-keçir. Lakin aşığın sənət yanğısı nəticəsində
bu hadisələr bir ahəng vasitəsilə qəlbimizdə vahidləşir. Musiqi
nidaları qəribə bir çılğınlıqla pərdə-pərdə yüksəlir, enir, yüksəl-
dikcə, endikcə şiddətlənir, yenidən daha möhtəşəm bir ehtirasla
səslənir. Musiqinin ritmi, sürəti, istiqaməti və məzmunu dəyişir.
Aşığın ustalığıdır bu, aşığın bacarığıdır bu.
Aşıq Aydın Çobanoğlu hansı məclisdə çıxış etmişsə, hə-
mişə müvəffəqiyyət qazanıb. Saz-söz sənətini qiymətləndirən
dinləyici məhəbbətin nəsibi olub. Bu yaxınlarda SSRİ Xalq Tə-
sərrüfatı Nailiyyətləri Sərgisində Böyük Oktyabr Sosialist İnqi-
labının 70 illiyinə həsr edilmiş II Ümumittifaq Xalq Yaradıcılı-
ğı Festivalında iştirak edib. Xalq yaradıcılığı və mədəni-maarif
işləri üzrə Respublika Elmi Metodiki Mərkəzinin “Gülüstan”
folklor teatrının tərkibində Aydın Çobanoğlu paytaxt zəhmət-
keşləri qarşısında aşıq sənətimizi təmsil edib.
Sentyabrın 13-dən 22-dək Aydın Çobanoğlu M.V.Lomo-
nosov adına Moskva Dövlət Universiteti, Moskva Dövlət Səna-
ye Tikinti Layihəsi İnstitutu tələbələri, Moskva Kauçuk İstehsa-
lat Birliyi əməkçiləri qarşısında öz sazının ecazkar səsi ilə neçə-
neçə qəlbi oxşayıb. Ən çox Vətən, partiya və Azərbaycan haq-
qında mahnılar oxuyub.
Aydın Çobanoğlu
348
Ümumittifaq Lenin Komsomolu adına Moskva Avtomobil
Zavodunun Mədəniyyət Sarayında festivalda fərqlənən bir qrup
incəsənət işçisinə mükafatlar təqdim olundu. Aşıq Aydın festi-
valın laureat medalına layiq görüldü.
O, daim arayıb-axtaran sənətkardır. Özünün çoxlu şeirləri,
qoşmaları var. “Səyyadı”, “Çobanoğlu”, “Ana laylası”, “Niya-
zi” və “Aygün” kimi saz havalarını bəstələyib.
Aşıq Aydın folklorumuzun tədqiqi ilə də məşğul olur, ye-
ni-yeni axtarışlar aparır. “Artan tələbat qanunu və xalq yaradıcı-
lığı” mövzusunda elmi iş yazır. Qədim el sənətimizin inkişafı
üçün daim düşünür, yeni yollar axtarır.
O, Respublika Aşıqlar Birliyində fəaliyyət göstərən “İncə-
gülü” aşıqlar ansamblının rəhbəri və yaradıcısıdır. Ansamblın
iki nəfər üzvü – Ulduz Quliyeva və Zülfiyyə İbadova Moskvada
II Ümumittifaq festivalında laureat adına layiq görülüb.
Abşeron rayonunda, eləcə də respublikamızın digər rayon-
larında “Günay” ailə ansamblının adı hamıya yaxşı tanışdır.
Aşıq Aydın Çobanoğlunun qızları – Aygün, Aytəkin, Aytən,
Günay, oğlu Səyyad Musayevlərdən ibarət ansambl ötən il Sülh
fonduna 200 manat pul köçürüb.
Elimizin, obamızın söz sənətini yaşadan aşıqla redaksiya-
da görüşdük. Aşıq sənətinin bu günü və sabahı haqqında maraq-
lı söhbət açdı. Saz havalarında biz yalnız zirvə səviyyəsinə qal-
xan duyğu və düşüncələrlə rastlaşırıq, – deyə Aşıq Aydın Ço-
banoğlu aramla danışmağa başladı. – “Misri”də, “Qəmərca-
nı”da hiss, fikir sadə təhlil, təsdiq edilmir, daha yüksək səviyyə-
yə qaldırılaraq yenidən yaradılır. Saz havaları vasitəsilə demək
istəyirəm ki, həyat tək sevinc, tək qəm, tək fərəh deyil, onların
vəhdətidir.
Dostları ilə paylaş: |