22
menen birge organizmlerdin’ tarqalıwı ten’iz ha’m atmosferanın’ jag’dayınan, atawlardın’
uzaqlıg’ınan g’a’rezli boladı.
Dj. Gressit ha’m S.İoshimoto (1963) ha’r qıylı sistematikalıq gruppag’a kiriwshi haywanlardın’
tarqalıw uqıplılıg’ın aytıp o’tedi. Olardın’ ko’rsetiwinshe reptiliyalar ma’selen, stsinkalar, gekkonlar
h.b. kesirtkeler, jılanlar, sonday-aq dushshı suw balıqları ko’pshilik atawlarda (okean atawlarında)-joq.
Omırtqasızlar arasında okean atawlarında nasekomalar, ekinshi gezekte jer u’sti mollyuskaları
u’stemlik etedi. Sebebi nasekomalar to’rt usıl menen (samal, ju’zip ju’riwshi ag’ashlar, quslar pa’ri h
pa’njesi ha’m adam arqalı) tarqaladı.
Nasekomalardın’ quslar arqalı keliwi siyrek boladı. Sonday-aq ju’zip keliwshi nasikomalarda
ko’p emes. Sebebi, duzlı suw olarg’a qolaysız ta’sir etedi. Ko’pshilik nasekoma tu’rleri ag’ash
paqalları arqalı tarqaladı. Mıs: qumırısqalar, termitler h.b. Samal menen qon’ızlar, gu’belekler h.b
nasekomalar, olardın’ quwırshaqları ushıp keledi (eki qanatlılar). Ma’selen, korabllerden uslang’an
omırtqasızlardın’ 40-76,7F in eki qanatlılar qurag’an.
Amfibiyalar duzlı suwdı ko’tere almaydı. Sonın’ ushın olardın’ okean arqalı tarqalıwı
sheklengen. Eresek o’simliklerdin’ okean arqalı tarqalıwında tiri qalıwı ju’da’ siyrek ushırasadı.
Ag’ash paqalları arqalı epifitler tarqalıwı mu’mkin. A’dette o’simliklerdin’ tarqalıwı diasporalar
ja’rdeminde o’tedi. Jen’il tuqımlar ha’m sporalar samal arqalı ushıp keledi. O’simliklerdin’
tarqalıwında a’hmiyetli roldi adam atqaradı. Olardın’ xızmeti na’tiyjesinde ko’pshilik o’simlikler
kosmopolit boladı.
Materik atawlarında organizmlerdin’ tarqalıwı onın’ razmerine, ko’lemine g’a’rezli boladı. Mıs:
bir kontinentten jaqında bo’leklengen eki atawdın’ u’lkeninde kontinenttegi organizmlerdin’ barlıg’ı
yamasa ko’bisi salanıp qaladı, al ekinshi kishilew atawda bolsa kerisinshe.
F.Darlington Antil atawları ushın ataw ko’lemleri ha’m amfibiya, reptiliya tu’rlerinin’ sanı
arasında to’mendegi qatnastı ornattı: ataw ko’lemlerinin’ 10 ma’rtebe qısqarıwı-bunda jasawshı
gruppa tu’r sanının’ eki ese azayıwına alıp keledi.
R.Mak-Artur ha’m E. Vilson to’mendegishe ko’rsetpe beredi: «Ataw faunası qanshelli bay
bolg’an sayın,olardın’ ishinde siyrek tu’rler ko’p boladı ha’m olardın’ o’liwi tez ju’redi».
Kontinentke jaqın jaylasqan atawlar faunası uzaq jaylasqan atawlar faunasına qarag’anda bay
boladı. Bul nızamlılıq okean atawlarına da tiyisli.
F.Darlingtonnın’ ko’rsetiwinshe eger 1000 osobtın’ bir osobı 100 mil enliktegi ken’islikti jaqsı
kesip o’tse, onda ol yag’nıy 1000 osobtın’ bir osobı keyingi 100 mil aralıqtı da basıp o’tedi. Basqasha
aytqanda migrantlardın’ oshag’ınan 200 mil uzaqlıqta jaylasqan atawg’a tek millionnan bir osob jetip
baradı, al kontinentten 300 mil uzaqlıqta jaylasqan ataw-tek 1000 millionnan birew (bir osob)
esaplanadı.
Eger uzınına sozılg’an ataw kontinentke perpendikulyar jaylassa, onda organizmlerdin’ atawg’a
tarqalıw mu’mkinshiligi ko’p boladı, al atawdın’ ushı kontinent ushına qarap jaylassa onda
organizmlerdin’ tarqalıw mu’mkinshiligi az boladı. Kontinentuallıq kelip shıg’ıwg’a iye ko’lemi
kishkene atawlar iri atawlarg’a salıstırg’anda taza (tolıq) okeanlıq faunag’a iye boladı.
Ku’shli samallar (uragan) atawlarg’a haywan ha’m o’simliklerdi tek a’kelip qoymay, sonın’
menen birge tereklerdi joq qılıp jiberedi. Tarqalıw, dispersiya-bul tek tu’rdin’ atawg’a ornalasıwının’
(bekiniwinin’)-birinshi etabı. Bunnan keyin olar F.Forsbergtin’ aytıwınsha etsezis stadiyasın yag’nıy
sol jerge iykemlesiw stadiyasın o’tiw kerek. Suw jag’aları o’simlikleri bul stadiyanı jaqsı basıp
o’tedi, al biyik taw o’simliklerine bul qıyınshılıqqa tu’sedi, ha’tte o’lipte ketedi.
Ataw biotalarının’ xarakterli belgisi- keliwshilerdi a’ste-aqırın a’keliw, ornalastırıw bolıp
tabıladı.
Atawg’a tazadan kelgen tu’r burın kelgen tu’r menen konkurentsiyag’a tu’sedi, biraq jen’ilip
qaladı, sebebi burın kelgenler ol jerge iykemlesip u’lgergen ha’m gruppalı tu’rde konkurentsiyag’a
qatnasadı. Sonday-aq burın kelgen yamasa sol jerde jasap atırg’an tu’r jan’a kelgen yamasa sol jerde
jasap atırg’an tu’r, jan’a kelegen tu’rge qolaylı sha’rayat jaratıp beredi (mıs: awqat boladı, baspana
boladı h.b.)
Kolonizatsiyanın’ son’g’ı etabı-organizmerdin’ birlikte tirishilik etiwine iykemlesiw, etsezis
stadiyasınan baslap soobshestvolardın’ du’ziliwi (payda bolıwı) baslanadı.
Atawlar ushın olardın’ biotalarının’ kosmopolitizatsiya protsessi xarakterli. Atawlardın’
kosmopolit wa’killeri ha’tte ha’r qıylı klimatlıq zona ha’m poyaslarda ushırasadı. Du’nya ju’zlik
o’simlik kosmopolitlerine ag’ıslar arqalı, quslar, arasında-samallar arqalı taralg’an tu’rler kiredi.
Adam atawdan atawlarg’a sayaxat etip kosmopolitizatsiya protsessin tezletedi.
23
Atawlarda qonıs basıw tezligi ju’da’ u’lken emes. F.Fosbergtin’ anıqlawınsha Gavay
atawlarında o’simliklerdin’ jaqsı kolonizatsiyalanıwı (qonıs basıw) ortasha 20-30 mın’ jılda
bir ret
boladı. Biraq bul tezlik barlıq atawlar ushın birdey emes. Jazıq atollarda bir kolonizatsiya tezligi 200-
300 jıl, al Nauru atollarında 1000 jıl-Okeanlıq kelip shıg’ıwg’a iye atawlar-biogen(korallı), vulkanlı
ha’m geosinklinal bolıwı mu’mkin.
Okeanlıq kelip shıg’ıwg’a iye atawlar ushın flora ha’m faunanın’ payda bolıwının’ eki tipi bar:
1-si reliktli-bul belgili bir arxipelagtın’ ayrım atawlarındag’ı a’yyemgi fauna ha’m floranın’ anaw
yaki mınaw tu’rlerinin’ joq bolıp ketiwi ha’m olardın’ basqa atawlarda saqlanıwı na’tiyjesinde ju’zege
keledi. 2-shi tipi-immigratsiyalı-olarg’a a’ste-aqırın tuwısqan formalar kelip tu’sedi. Tu’r payda
bolıw protsessi atawlarda qa’de boyınsha kontinentlerge qarag’anda tez ju’redi. Tu’r payda bolıw
protsessi atawdın’ ta’biyatının’ ha’r-qıylılıg’ına baylanıslı boladı, sonın’ menen birge ataw ko’lemine
de g’a’rezli boladı.
Endemizm da’rejesi qa’de boyınsha ataw ha’m og’an jaqın kontinent arasındag’ı aralıqqa
baylanıslı boladı. En’ aqırında endemizm mug’darı atawlardın’ ekologiyalıq jag’dayına g’a’rezli
boladı.
Atawlarda anaw yaki mınaw gruppa wa’killerinin’ gigant yaki irgejeyli formaları tez ushırasıp
turadı. Bunın’ sebebi anıqlanbag’an. Sonday-aq atawlarda ushpaytug’ın quslar ha’m nasekomalar da
ushırasadı. Ushpaytug’ın quslar tu’rinin’ kelip shıg’ıwında baslı roldi atawda olardı uslawshı (jewshi)
su’t emiziwshilerdin’ joqlıg’ı atqaradı. Al nasekomalarda bolsa ku’shli samallar baslı roldi atqaradı.
Atawlardın’ o’simlik ha’m haywanat du’nyası antropogen ta’sirinde tez qırılıp ketedi. Sebebi ol
izolyatsiyalang’an (bo’leklengen). Ayrım waqları bul protsess qaytımsız boladı. Mıs: Komandor
atawları jag’alarında jasag’an Steller ten’iz sıyırı, qanatsız chistik (o. Nyufawndlend) moa (Jan’a
Zelandiya), dront h.b.
Sonın’ menen birge atawg’a adamlardın’ basqa haywanlardı a’keliwi de sol atawdın’ o’simlik
ha’m haywanat du’nyasına keri ta’sirin tiygiziwi mu’mkin. Bug’ın mısal ju’da’ ko’p. Eshkiler
ko’plegen atawlarda (Sharapatlı Elena) o’simliklerdin’ ko’plegen tu’rlerin joq qılıp jiberdi.
Avstraliyadan Jan’a Zelandiyag’a alıp barılg’an o’simlik jewshi, qaltalı opossum bul eldin’ ko’pshilik
rayonlarının’ tog’ayların joq etti. Tıshqanlar (alamanlar) da faunag’a belgili zıyan tiygizedi. Olar
quslardın’ ma’yegin ha’m uyasın joq etedi. Mısalı, olar Raul atawındag’ı (Kermadek arxipelagı)
kermadek shag’alasın tolıq joq etip jiberdi.
Jabayı shoshqalar da haywanatlar elatına u’lken zıyan keltiredi. Jan’a Zelandiyada olar
monotipli endemik otryad wa’kili bolg’an-gatteriyanı, ushpaytug’ın qus-kivanı ha’m sovi popugayın
joq etti.
Sonın’ ushın atawg’a anaw yaki mınaw o’simlik ha’m haywan tu’rin alıp kelmesten burın sol
tu’rdin’ eklogiyasın u’yrenip alıw kerek.
9-lektsiya
Jer sharı suwlarındag’ı tirishilik.
Jobası:
1. İshki suw aydınlardag’ı tirishilik.
2.Okeandag’ı tirishilik.
3.Okeannın’ ekologiyalıq oblastları.
4.Okeannın’ biogeografiyalıq rayonları.
İshki suw aydınlarının’ eki tipi bar: 1. Aqpaytug’ın (ko’ller, batpaqlıqlar, suw saqlag’ıshlar). 2.
Ag’atug’ın (da’ryalar, salmalar h.b)
Ag’atug’ın suw aydınlar dushshı suwg’a iye boladı, al aqpaytug’ın suw aydınlar duzlılıg’ı
quramı, mug’darı boyınsha bir-birinen keskin ayrıladı. Tikenli balıq 59F ge shekem duzlılıqta jasaydı;