47
cavabını şagirdlərin müstəqil müəyyənləşdirmələrinə səy göstərilir.
Müəllim müvafiq qiymətləndirmə meyarlarına müraciət edə bilər.
Sonrakı tapşırıqlar cütlük şəklində yerinə yetirilir:
a)
Cəmiyyəti-xeyriyyənin iclasında ilk mübahisəyə səbəb nə olur?
Bu mübahisədə hansı tərəfin mövqeyini müdafiə edərdiniz?
b)
İclasın gündəliyinə daxil edilmiş məsələlər hansılardır, onları
əhəmiyyətli saymaq olarmı?
c)
Cəmiyyətin illik hesabatı barədə nə danışılır, icra olunmuş işlər,
sizcə, faydalıdırmı?
d)
Məktəb proqramı ilə bağlı məsələdə diqqətinizi çəkən nə oldu,
onun necə həll olunmasını istərdiniz?
e)
Ehtiyacı olan, aclıq çəkən insanların ərizəsi ilə bağlı məsələnin
müzakirəsi nə ilə nəticələndi, siz problemin necə həll olunmasını
ədalətli sayardınız?
f)
Senzorun qardaşlarla bağlı ittihamları və gəldiyi nəticə sizdə
hansı qənaətin yaranmasına səbəb oldu?
g)
Oxuduğunuz məclislər hansı mənəvi dəyərlər barədə danışmağa
imkan verir?
Göründüyü kimi, suallar yalnız məlumatın xatırladılmasına xidmət
etmir, şagirdləri həmçinin səbəb-nəticə əlaqələrini aydınlaşdırmağa,
nəticə çıxarmağa, qiymət verməyə istiqamətləndirir.
Qənaətləri yaxın cütlər birləşib kiçik qruplar yaradırlar. Fikir
mübadiləsi onlara cavablarını dəqiqləşdirmək və ümumiləşdirmək
imkanı yaradır. Yalnız bundan sonra təqdimatlar əsasında qruplararası
fikir mübadiləsi və müzakirə aparılır. Şagirdlər Əbdüləzimovların
ailə
münasibətlərində mənəvi dəyərlərdən üz çevrildiyini göstərir və bunun
səbəblərini aydınlaşdırmağa səy göstərirlər. Şagirdlərin qənaətləri
ümumiləşdirildikdən sonra sonuncu tapşırığın (Məclislərin birindən
seçdiyiniz hissənin məzmununu iki formada – yığcam və yaradıcı
danışmağı öyrənin, nümunələri dinləyib, onlara münasibət bildirin)
yerinə yetirilməsinə vaxt ayrılır. Təqdimatların müzakirəsində bütün
şagirdlərin fəal iştirakına, sərbəst fikir söyləmələrinə imkan yaradılır.
Qiymətləndirmə. Formativ qiymətləndirmə aparılarkən 31-38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə
yetiriləcəyini şagirdlərə xatırladır.
48
Mövzu: C.Məmmədquluzadə. Anamın kitabı – 5 saat
Üçüncü saat: Təhlil üzrə iş
Standartlar
Təlim nəticələri
1.2.1. Müxtəlif vəznli (heca,
əruz, sərbəst) şeirləri və süjetli
əsərləri (poema, hekayə, povest,
roman, dram, komediya, faciə)
kompozisiya, dil, üslub ba-
xımından təhlil edir.
Tragikomediyanı kompozisiya, dil, üslub
baxımından təhlil edir.
1.2.4. Bədii nümunələrin möv-
zusuna, ideyasına, başlıca prob-
leminə, konfliktinə dövrün icti-
mai-siyasi, mənəvi dəyərləri
kontekstindən çıxış etməklə mü-
nasibət bildirir və qiymətlən-
dirir.
Tragikomediyanın mövzusuna, ideyası-
na, başlıca probleminə, konfliktinə döv-
rün ictimai-siyasi, mənəvi dəyərləri kon-
tekstindən çıxış etməklə münasibət bildi-
rir və qiymətləndirir.
2.1.2. Dil və üslub xüsusiyyət-
lərinə istinad edərək yazıçı möv-
qeyi ilə bağlı mühakimələrini
faktlarla əsaslandırır.
Tragikomediyanın dil və üslub
xüsusiyyətlərinə istinad edərək yazıçı
mövqeyi ilə bağlı mühakimələrini
faktlarla əsaslandırır.
Dərsin gedişi
Ev tapşırığının yerinə yetirilməsi səviyyəsinin müəyyənləşdirilmə-
sinə bu dərsdə xeyli vaxt ayırmaq lazım gəlir. Buna səbəb “Anamın
kitabı” əsərinin məzmunu üzrə işin həmin mərhələdə yekunlaşdırılma-
sıdır. İlk növbədə, komediyanın dördüncü məclisinin məzmununun necə
qavranıldığı yığcam müsahibə ilə aşkara çıxarılır. Əsərin məzmunu
üzərində aparılan əhatəli iş qardaşların hər biri haqqında aydın
təsəvvürün qazanılmasına səbəb olur. Bu, qardaşlar barədə “obrazlar
xəritəsi”ndə zəruri qeydlərin aparılmasına imkan verir. Bu işin
müstəqil olaraq necə icra olunduğu müəyyənləşdirilərkən əsərdən
seçilmiş nümunələrin müvafiqliyinə xüsusi diqqət yetirilir. Ayrı-ayrı
şagirdlərin təqdimatlarının dinlənilməsi əsasında mənası aydın olma-
yan sözlər və məcazlarla bağlı icra edilmiş işlərin səviyyəsi barədə
təsəvvür qazanılır. Diqqət yetirilən mühüm məsələlərdən biri də milli
birlik, bütövlük kimi dəyərlərə etinasız münasibətlə barışmazlığın bu
məclisdə qabarıq ifadə edilməsidir. Müəllimin istiqamətləndirici
sualları əsasında nəticə çıxaran şagirdlərdə belə bir qənaət möhkəm-
lənir ki, keçmişin unudulması, doğma olanlara laqeydlik, yad təsirə
uymaq xalqdan ayrı düşməyə, ana dilinə xor baxmağa, vətənin taleyinə
biganəliyə gətirib çıxara bilər.
Müvafiq qiymətləndirmə meyarlarına müraciət etməklə formativ
qiymətləndirməni həyata keçirmək məqsədəuyğundur.
49
Motivasiya, problemin qoyuluşu. Bunun reallaşdırılması fərqli
yollarla həyata keçirilə bilər. Vaxta qənaət baxımından suallardan
istifadə yolunun seçilməsi məqsədəuyğundur. Müəllimin “ Qardaşlar
haqqında hər şeyi bilirikmi? Onlar barədə daha nələri bilmək
istərdiniz?” kimi sualları əsasında yığcam müsahibə aparılır. Sonda
tədqiqat sualı formalaşdırılır.
Tədqiqat sualı: Qardaşların durumunu necə dəyərləndirmək doğru
olar: komik, yoxsa faciəvi?
Fərziyyələr dinlənilir və qeyd edilir.
Araşdırmaya dərslikdəki təhlil materialının öyrənilməsi ilə başla-
nılır. Bu, müəllimin məqsədindən, sinfin səviyyəsindən asılı olaraq
fərqli şəkillərdə həyata keçirilə bilər. Şagirdlərin müstəqilliyinin daha
yüksək səviyyədə təmin olunması baxımından dərslikdə təklif edilmiş
aşağıdakı tapşırıq daha məqsədəuyğundur:
1. Birinci mətnkənarı sualı və onun cavabı ilə bağlı hissənin ilk
cümlələrini oxuyun. Düşünün: Mətn sizin üçün gücçatandırmı?
2. Mətndəki başlıca fikirləri oxuda anlamağa çalışın. Bunun üçün
mətnkənarı sualların məqsədini, onlardan irəli gələn fərziyyələri
müəyyənləşdirin.
3. Hər bir sualla bağlı hissənin oxusu başa çatdıqdan sonra onu necə
anladığınız barədə düşünün.
4. Oxu başa çatdıqdan sonra bütövlükdə mətndə əks olunmuş başlıca
fikirləri necə anladığınızı yoxlayın. Öyrəndiklərinizi fərziyyələrlə
müqayisə etməklə bunu aydınlaşdıra bilərsiniz. Lazım gələrsə, mətni
yenidən nəzərdən keçirin.
5. Vacib saydığınız fikirləri silinə bilən işarə ilə mətndə oxu zamanı
qeyd edin və gəldiyiniz nəticələri qısaca yazın.
6. Kiçik qruplarda birləşərək qənaətlərinizi bölüşün, təqdimatlar
etməklə müzakirə aparın. Qardaşların səciyyəvi xüsusiyyətlərini
“xarakterlər xəritəsi”ndə əks etdirin.
Müəllimin təklifi ilə şagirdlər öncə tapşırıqla tanış olur, özləri üçün
aydın olmayan mətləblərlə bağlı suallar verirlər. Fərdi səssiz oxuya
ayrılan vaxt elan olunur. Oxuda şagirdlərin daha çox ikinci bəndlə bağlı
fəaliyyətlərinə diqqət yetirilir; fərziyyələrin məntiqli olması bu mə-
qamda əhəmiyyətlidir. Əsərin məzmununun öyrənilməsində obrazların
nitqi üzərində aparılan müşahidələr müəllifin mövqeyi barədə əsas-
landırılmış fikir söyləməyə imkan verir. İkinci bəndin üzərində işləyən
şagirdlərin diqqəti bu cəhətə də yönləndirilir.
Şagirdlər kiçik qruplarda birləşməzdən əvvəl cütlük şəklində fikir
mübadiləsi apara bilərlər. Yalnız bundan sonra fikirləri oxşar, yaxın
olanlar kiçik qruplarda birləşərək qənaətlərini bölüşürlər. Bunun
ardınca qruplararası məlumat mübadiləsi və müzakirə aparılır. Bu
Dostları ilə paylaş: |