41
təbliği romantiklərin əsərlərinin əsas mövzusunu təşkil edir. Onların
ilham mənbələrindən biri də vətən, millət sevgisidir.
(Məmməd Cəfər Cəfərov)
İşin icrasına ayrılan vaxt başa çatdıqdan sonra kiçik qrupların təq-
dimatları əsasında məlumat mübadiləsi və müzakirə aparılır. Müza-
kirə diskussiya şəklində həyata keçirilir. Diskussiya zamanı XX əsrin
əvvəllərində ədəbiyyatımızda realizm və romantizmin ədəbi cərəyana
çevrilməsini şərtləndirən amillər, bu cərəyanların oxşar və fərqli cəhət-
ləri, istər tənqidi realizm, istərsə də romantizm metodu ilə yazan apa-
rıcı sənətkarların yaradıcılığını səciyyələndirən əsas cəhətlər, “Molla
Nəsrəddin” və “Füyuzat” ədəbi məktəblərinin ədəbiyyatımızın inkişa-
fında rolu və s. məsələlər üzrə mülahizələr dinlənilir və onlara əsas-
landırılmış münasibət bildirilir.
Qeyd edilir ki, «Molla Nəsrəddin» ədəbi cəbhəsinin konsepsiyasın-
dakı azərbaycançılıq və müstəqil dövlətçilik ideyaları milli istiqlala
doğru mübarizənin meydanını daha da genişləndirmişdir. Bu dövrdə
Azərbaycan ədəbiyyatında mövcud ictimai sistemin tənqidi ciddi şəkil-
də qüvvətlənmiş, milli istiqlal axtarışları dönməz xarakter almışdır.
Realist-satirik ədəbiyyatın nümayəndələri öz əsərlərində milli istiqlala
çatmaq yollarındakı maneələri, müstəmləkə sistemi və despotizmin
bütün təzahürlərini kəskin tənqid etmişlər. Milli istiqlal uğrunda mü-
barizə, azadlıq və müstəqillik ideyaları ədəbi fikrin və mətbuatın baş
mövzusuna çevrilmişdir.
XX əsrin əvvəllərində meydana çıxmış romantizm ədəbi cərəyanı isə
Azərbaycan ədəbiyyatına vətən və xalq ideallarını, insan mənəviyyatının
romantik zənginliyini gətirmişdir. Ə.Hüseynzadənin redaktorluğu ilə
nəşr olunan «Füyuzat» jurnalı romantikləri öz ətrafında birləşdirərək
ədəbi məktəb yaratmışdır. Romantizm ədəbi cərəyanının nümayəndələri
öz əsərlərində həyatı tipik bədii vasitələrlə deyil, xəyala və arzuya uyğun
şəkildə ifadə etməyə üstünlük verirdilər. Turançılıq ideyaları, ortaq
ünsiyyət dili və vahid ümumtürk əlifbası yaratmaq, ümummilli ideyalar
və maarifçi-demokratik baxışlar füyuzatçıların əsərlərində əsas yer
tuturdu. Füyuzatçılar bolşevizmi “qırmızı qaranlıq” hesab edir, türk-
islam birliyinə “yaşıl işıq” kimi böyük ümidlər bəsləyirdilər.
Müzakirədə sərbəst fikir mübadiləsinə, söylənilən mülahizələrin
diqqətlə dinlənilməsinə şərait yaradılır, hər bir tənqidi fikrin, fərqli
mülahizənin əsaslandırılmasına nail olunur.
Nəticə və ümumiləşdirmənin aparılması məqsədilə müəllimin ye-
kunlaşdırıcı sualları üzrə müsahibə aparılır. Müxtəlif mülahizələrin
ortaq məxrəcə gətirilməsi nəticəsində şagirdlərdə “XX əsrin əvvəl-
42
lərinin ədəbiyyatımızda tənqidi realizm və romantizm dövrü adlanması
nə ilə əlaqədardır?” sualı ilə bağlı dolğun qənaət hasil olur.
Şagirdlərdə icmal mövzusu üzrə sinifdə öyrəndiklərinə müstəqil
tədqiqat zamanı nələri əlavə edəcəkləri barədə aydın təsəvvür yara-
dılmalıdır. Mətndəki suallarla bağlı mənbələrdən daha çox aşağıdakı
istiqamətlərdə məlumatların mənimsənilməsi və dəyərləndirilməsi məq-
sədəuyğundur:
– romantizm və realizmin məhz XX əsrin əvvəllərində ədəbi cərə-
yana çevrilməsini şərtləndirən başlıca amillər;
– “Molla Nəsrəddin” jurnalının müəllifləri, gülüş-tənqid hədəfləri,
ilk nömrəsində ifadə olunan məramın şərhi;
– “Füyuzat” jurnalının ana xəttini təşkil edən ideyaların şərhi;
– “Molla Nəsrəddin” ədəbi məktəbinin nümayəndələri Ömər Faiq
Nemanzadə, Əliqulu Qəmküsar, Mirzəli Möcüz, Əbdürrəhimbəy Haq-
verdiyev və b. yaradıcılığı;
– “Füyuzat” ədəbi məktəbinin nümayəndələri Əli bəy Hüseynzadə,
Məhəmməd Hadi, Abbas Səhhət, Abdulla Şaiq və b. yaradıcılığı.
Qiymətləndirmə. Formativ qiymətləndirmə aparılarkən 31–38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə yeti-
riləcəyini şagirdlərə xatırladır.
Mövzu: Cəlil Məmmədquluzadənin həyatı, yaradıcılıq yolu – 1 saat
Standartlar
Təlim nəticələri
1.2.4. Bədii nümunələrin möv-
zusuna, ideyasına, başlıca prob-
leminə, konfliktinə dövrün icti-
mai-siyasi, mənəvi dəyərləri
kontekstindən çıxış etməklə mü-
nasibət bildirir və qiymətlən-
dirir.
Povestin, komediyanın mövzusuna, ide-
yasına, başlıca probleminə, konfliktinə
dövrün ictimai-siyasi, mənəvi dəyərləri
kontekstindən çıxış etməklə münasibət
bildirir və qiymətləndirir.
2.1.1. Müxtəlif mənbələrdən
topladığı materiallara əsaslan-
maqla təqdimat və çıxışlarında
bədii-emosional və obrazlı ifa-
dələrdən istifadə edir.
Mənbələrdən topladığı materialları
müqayisə etməklə və onlara əsaslanmaqla
təqdimat və çıxışlarında bədii-emosional
və obrazlı ifadələrdən istifadə edir.
Dərsin gedişi
Ev tapşırığının (1. Sinifdə öyrəndiklərinizi göstərilən mənbələrdən
topladığınız məlumat əsasında zənginləşdirin və tamamlayın. 2. Araş-
43
dırma apararkən aşağıdakı sualların cavablarını da əhatə etməyə
çalışın:
a) Hansı sənətkarların əsərləri tənqidi realizm ədəbi cərəyanının
formalaşmasında mühüm rol oynayıb?
b) Romantizm ədəbi cərəyanının nümayəndələrinin yaradıcılığında
hansı məsələlər daha qabarıq əks olunub?
“Yazılı qeydlər əsasında şifahi təqdimata hazırlaşın”) yerinə
yetirilmə səviyyəsi yoxlanılır. Bu zaman mənbələrdən əldə edilmiş mə-
lumata istinadən hazırlanmış təqdimatların dinlənilməsi əsasında
müzakirənin aparılması məqsədəuyğundur. Müvafiq qiymətləndirmə
meyarlarına müraciət edilir.
Şagirdlərin diqqəti dərslikdəki “C.Məmmədquluzadə barədə bildik-
lərinizi yada salıb yığcam müzakirə aparın” tapşırığına cəlb edilir.
Yazıçının həyatı, yaradıcılığı, “Qurbanəli bəy” hekayəsi ilə bağlı VIII
sinifdə öyrənilmiş məlumat suallar əsasında yada salınır. Bu,
müzakirənin təşkilinə imkan yaradır. Yazıçının həyatı, yaradıcılığı ilə
bağlı şagirdləri maraqlandıran suallar, onların öyrənmək istədikləri
məsələlər ortaya çıxır. Müzakirənin sonunda araşdırılacaq problem
tədqiqat sualı şəklində müəyyənləşir: Ədibin Azərbaycan tarixində
şərəfli yer tutmasının səbəbini nə ilə izah etmək olar?
Araşdırmaya dərslikdəki mətnin oxusu ilə başlanılır. Mətnin oxu-
sunu fərqli şəkillərdə təşkil etmək olar. Dərslikdə təklif edilmiş yol
vaxta qənaət və şagirdlərin fəallığının təmin edilməsi baxımından
faydalıdır. Onun reallaşdırılması üçün mətnkənarı sualların sayı qədər
kiçik qruplar (az sayda da olar, iki qrup bir sualın üzərində işləyə bilər)
yaradılır. Birinci qrupdan bir şagird ilk mətnkənarı sualın (C.Məm-
mədquluzadənin həyat yolunun başlanğıcı hansı cəhətləri ilə diqqəti cəlb
edir?) cavabını dərslikdən tələsmədən, aydın və uca səslə oxuyur. O,
mətndə ifadə olunmuş əsas fikirləri (yazıçının təhsili, müəllimlik
fəaliyyəti, bədii yaradıcılığa həvəsi) ümumiləşdirərək bir-iki cümlə ilə
söyləyir. Bu məqamda ehtiyac yaranarsa, müəllim istiqamətləndirici
suallardan istifadə etməklə şagirdə yardım edir. Oxuduğu parça ilə
bağlı yoldaşlarına sual vermək şagird üçün çətinlik törətmir. Lakin
sualların tələblərinin (mətndəki məlumatın yada salınması, müəyyən
nəticə çıxarmaq və s.) fərqli olmasına müəllimin istiqamət verməsi
məqsədəuyğundur. Yoldaşlarının cavablarındakı birtərəfli, səthi mə-
qamlara aydınlıq gətirməyə çalışan şagirdə müəllim yeri gəldikcə isti-
qamətləndirici suallarla kömək edir. Bu mərhələdə tərəflərin hər biri
haqlı olduğunu əsaslandırmağa çalışdığı üçün müzakirəyə əlverişli im-
kan yaranır. Bundan səmərəli istifadə olunması oxunmuş parçanın
dərindən və hərtərəfli mənimsənilməsinə şərait yaradır.
Dostları ilə paylaş: |