50
mərhələdə
mətnkənarı sualların hər biri ilə bağlı dərketmənin hansı
səviyyədə olduğunun aşkara çıxarılmasına əlverişli imkan yaranır.
Əlbəttə, dərslikdəki mətn həmin sualların cavabını əhatə etmir, bu,
mənbələrin araşdırılması sayəsində mümkün olur.
Lakin dərslikdəki
cavablar mənbələr üzrə araşdırmalarda şagirdləri doğru olan
məlumatları öyrənməyə istiqamətləndirir. Məsələn, birinci sualla bağlı
dərslikdəki yığcam məlumata əsaslanmaqla mənbələr üzrə araşdırma
yazıçının bu mövzuya müraciət etməsinin səbəbini
əhatəli
aydınlaşdırmağa imkan verir. Eləcə də ikinci sualın
(Əsərdə qaldırılmış
problemlər və konflikt üçün özəl olan cəhətlər hansılardır?) dərslikdəki
cavabı müəyyən təsəvvür yaratsa da, əlavə məlumata ehtiyac duyulur.
Deyilənlərdən aydınlaşır ki, müzakirədə hər bir sualın cavabı ilə bağlı
mühüm cəhətlərin üzərində dayanmaqla onların başa düşülməsinə nail
olunmalıdır. Bu, şagirdlərin sonrakı fəaliyyətinin səmərəliliyi üçün
vacibdir. Müzakirədə müəllimin istiqamətləndirici suallardan yerli-
yerində istifadə etməsi bu ciddi vəzifələrin
həyata keçirilməsinə
əhəmiyyətli dərəcədə təsir edir.
Mənbələr üzrə iş zamanı əldə olunacaq məlumatların bu mərhələdə
bəndlər şəklində qeyd olunması məqsədəuyğundur. Şagirdlərin
qənaətləri ümumiləşdirildikdən sonra (nəticənin çıxarılması,
ümumiləşdirmənin aparılması təhlil başa çatdırıldıqda – növbəti dərsdə
reallaşdırılır) qiymətləndirmə aparılır.
Qiymətləndirmə. Formativ qiymətləndirmə aparılarkən 31-38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə
yetiriləcəyini şagirdlərə xatırladır.
51
Mövzu: C.Məmmədquluzadə. Anamın kitabı – 5 saat
Dördüncü saat: Təhlil üzrə iş
Standartlar
Təlim nəticələri
1.2.1. Müxtəlif vəznli (heca, əruz,
sərbəst) şeirləri
və süjetli əsərləri
(poema, hekayə, povest, roman,
dram, komediya, faciə)
kompozisiya, dil, üslub baxımından
təhlil edir.
Tragikomediyanı kompozisiya, dil,
üslub baxımından təhlil edir.
1.2.2. Obrazları xarakter və
əməlləri, yaşadıqları dövrün sosial-
siyasi şəraiti və əxlaqi-etik
dəyərləri ilə əlaqəli səciyyələndirir,
müqayisələr aparır.
Tragikomediyada obrazları xarakter
və əməlləri, yaşadıqları dövrün sosial-
siyasi şəraiti və əxlaqi-etik dəyərləri
ilə əlaqəli səciyyələndirir, müqayisələr
aparır.
1.2.3. Müxtəlif vəznli (heca, əruz,
sərbəst) şeirlərdə,
süjetli bədii
nümunələrdə bədii təsvir və ifadə
vasitələrinin obrazlılığın təmin
edilməsindəki roluna
əsaslandırılmış münasibət bildirir.
Tragikomediyada məcazların
obrazlılığın yaradılmasındakı roluna
əsaslandırılmış münasibət bildirir.
1.2.4. Bədii nümunələrin mövzusu-
na, ideyasına, başlıca probleminə,
konfliktinə dövrün ictimai-siyasi,
mənəvi dəyərləri kontekstindən
çıxış etməklə münasibət bildirir və
qiymətləndirir.
Tragikomediyanın
mövzusuna, ideya-
sına, başlıca probleminə, konfliktinə
dövrün ictimai-siyasi, mənəvi dəyər-
ləri kontekstindən çıxış etməklə mü-
nasibət bildirir və qiymətləndirir.
Dərsin gedişi
Ev tapşırığının yerinə yetirilməsi səviyyəsi müsahibə, təqdimatla-
rın dinlənilməsi və müzakirəsi əsasında müəyyənləşdirilə bilər. Mətnkə-
narı sualların hər biri ilə bağlı mənbələrdən hansı məlumatların əldə
olunduğu, onlardan istifadə ilə dərslikdəki mətnin necə zənginləşdiril-
diyi və tamamlandığı aşkara çıxarılır. Şagirdlər
qeyd edirlər ki, XX
yüzilliyin əvvəllərində Azərbaycan ziyalısının qarşısında duran tale-
yüklü vəzifələr yazıçının diqqətini xüsusilə cəlb edirdi. Bu vəzifələri
həll etməli olan ziyalıların arasında konfliktlərin yaranması, bəzi-
lərində milli-mənəvi dəyərlərə laqeydliyin güclənməsi C.Məmmədqulu-
zadəni ciddi düşündürən problemlərdən idi. Bütün bunlar yazıçını bu
mövzuda əsər yazmağa sövq edən mühüm səbəblər olmuşdur.
Şagirdlər müəllimin istiqamətləndirici suallarına əsasən Rüstəm
bəy, Mirzə Məhəmmədəli, Səməd Vahid obrazları ilə bağlı gəldikləri
nəticələri şərh edirlər. Təqdimat zamanı bu obrazların oxşar və fərqli
52
xüsusiyyətlərinin müqayisə cədvəli, yaxud Venn diaqramı ilə nümayiş
etdirilməsi məqsədəuyğundur.
Ev tapşırığındakı iki sual
(Əsərdə təsvir olunanlarla səsləşən real
hadisələri yazıçı harada və hansı illərdə müşahidə edə bilərdi?
Tragikomediyada diqqət mərkəzinə çəkilmiş problemlərdən hansılar bu
gün də aktual sayıla bilər?) şagirdlərdən axtarışlar aparmaqla yanaşı,
müstəqil düşüncə də tələb edir. Bu suallarla bağlı diskussiyaya vaxt
ayrılması faydalıdır.
Bu mərhələdə müəllimin müvafiq qiymətləndirmə meyarlarına
müraciət etməsi məqsədəuyğundur.
Dərsdə növbəti addım dərslikdəki təhlil materialının oxusunun
təşkili olur. Dərslikdə təklif edilmiş tapşırıq şagirdləri diqqətli olmağa,
məzmunu anlayaraq qavramağa istiqamətləndirir. Mətnkənarı sualla-
rın sayı qədər kiçik qruplar (sinifdə şagirdlərin sayı çox olarsa, bir
sualın üzərində iki qrup işləyə bilər) yaradılır. Qruplardan birinin üzvü
ilk mətnkənarı sualın cavabını ucadan və aydın şəkildə oxuyur. Oxunu
başa çatdıran şagird mətndəki əsas fikirləri (narahat ömür yaşayan
ananın arzusu, doğma xalqını, dilini sevən Gülbaharın qardaşlarına
qarşı çıxması) ümumiləşdirərək bir-iki cümlə ilə ifadə edir. Onun
dedikləri şagirdlərə tam aydın olmalıdır. Bunun ardınca mətnə aid
verdiyi sualları cavablandırmağı şagirdlərə təklif edir. Suallar təkcə
məzmunun necə qavranıldığını müəyyənləşdirmək
məqsədini
güdməməlidir. Suallar müəyyən nəticə çıxarmağa
(məsələn, Ana nara-
hat olmaqda haqlı idimi?), əsərdəki başlıca fikri anlamağa
(məsələn,
Qardaşlarının kitabını yandırmaqda Gülbaharın məqsədi nə idi?)
istiqamətləndirməlidir. Cavablar sinifdə müzakirəyə səbəb ola bilər.
Ortaq məxrəcə
gəlincəyə
qədər müzakirəni davam etdirmək
mümkündür. Müzakirədə səthi qavranılmış mətləblər də aşkara çıxır.
Mətni oxuyan şagird onlara aydınlıq gətirir, o, çətinlik çəkərsə,
müəllim digər şagirdlərin işə qoşulmasını təmin edir. Həmin şagirdin
sonuncu vəzifəsi oxuduğu mətni – birinci mətnkənarı sualın cavabını
hansı əlavələrlə zənginləşdirməyin lazım olması barədə fikrini bildir-
məsidir. Bu fikrə şagirdlərin münasibət bildirmələrinə imkan yaradılır.
Ayrı-ayrı qrupların şagirdləri növbə ilə digər mətnkənarı sualların
cavablarını da bu qayda ilə oxuyurlar. İkinci mətnkənarı sualın oxu-
sunda əsərin kompozisiyası, obrazların nitqi – danışığı barədə deyilən-
lərin əsərdən nümunələr göstərilməklə izahına xüsusi diqqət yetirilir.
Kiçik qrupların təqdimatları əsasında aparılan
məlumat müba-
diləsi və müzakirədə obrazlar, əsərin bədiiliyini artıran
vasitələr və
ideyası ilə bağlı öyrənilənlərin dərinləşdirilməsinə, möhkəmləndirilmə-
sinə nail olunur.