53
Müəllimin istiqamətləndirici sualları
nəticənin çıxarılması,
ümumiləşdirmənin aparılması mərhələsinin səmərəliliyinə əhəmiyyətli
dərəcədə təsir edir.
Şagirdlərdə belə bir qənaət möhkəmlənir ki, qardaşların həyata
baxış, davranış və danışıqlarında gülüş doğuran cəhətlər çox olsa da,
ailədə və cəmiyyətdə mövqeləri faciəvi, kədərli və təəssüfləndiricidir.
Qiymətləndirmə. Formativ qiymətləndirmə aparılarkən 31–38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə
yetiriləcəyini şagirdlərə xatırladır.
Mövzu: C.Məmmədquluzadə. Anamın kitabı – 5 saat
Beşinci saat: Tətbiq. Müzakirə. Yaradıcı iş
Standartlar
Təlim nəticələri
3.1.1.
Yaradıcı yazıların məz-
mununa uyğun üslub müəyyən-
ləşdirir, müxtəlif mənbələrdən seç-
diyi inandırıcı faktlardan, şəxsi
təəssüratlarından istifadə edir.
İnşanın, essenin məzmununa uyğun
üslub müəyyənləşdirir, müxtəlif
mənbələrdən seçdiyi inandırıcı fakt-
lardan, şəxsi təəssüratından istifadə
edir.
3.1.2. Müşahidələrinə, əlavə məlu-
matlara əsaslanmaqla əsərin ideya-
sına, probleminə, bədii xüsusiyyət-
lərinə münasibət bildirir, ümumiləş-
dirmələr aparır, nəticə çıxarır.
Müşahidələrinə, əlavə məlumatlara
əsaslanmaqla faciənin ideyasına,
probleminə münasibət bildirir,
ümumiləşdirmələr aparır, nəticə
çıxarır.
3.1.3. 3,5-4 səhifə həcmində nəqli,
təsvir, təhlil xarakterli mətnlər
(ədəbi və sərbəst mövzuda inşa, es-
se, məqalə, məruzə) yazır.
Təhlil xarakterli inşa, esse yazır.
Dərsin gedişi
Ev tapşırığının yerinə yetirilməsi səviyyəsi müəyyənləşdirilərkən
mənbələrdən əldə edilmiş məlumatın məzmunu, dərslikdəki mətnlərlə
necə səsləşməsi üzərində dayanılır. Ana obrazının digər bir ədəbi qəhrə-
manla müqayisə edilməsi üzrə tapşırığın necə yerinə yetirilməsi müəy-
yənləşdirilərkən seçimin nə dərəcədə uğurlu olduğuna, müqayisənin
necə aparıldığına diqqət yetirilir.
İlk dəfə olaraq məqalə yazmaq üzrə tapşırıq alan şagirdlərin mə-
qalənin xüsusiyyətləri ilə bağlı məlumatları aşkara çıxarılır və zəruri
əlavələr edilir.
Məqalə üçün təklif olunmuş mövzular (“C.Məmmədqulu-
zadənin “kiçik” qəhrəmanlarının böyük faciəsi”; C.Məmmədquluzadə-
nin publisistikasında ana dili məsələsi) asan deyil, ciddi araşdırma tələb
edir. Lakin hər iki mövzu ilə bağlı dərslikdəki məlumat şagirdlərə isti-
54
qamət verir. Təqdimatlar dinlənilərkən şagirdlərin hansı qəhrəmanları
seçdikləri, onların əsl faciəsini nədə gördükləri diqqət mərkəzində
saxlanılır.
Motivasiya, problemin qoyuluşu. Şagirdlərin təhlil xarakterli inşa
və esse ilə bağlı bilik və bacarıqlarını xatırlamağa yönəlmiş yığcam
müzakirə aparılır. Müzakirənin sonunda tədqiqat sualı müəyyənləş-
dirilir.
Tədqiqat sualı: Tragikomediya üzrə təhlil xarakterli inşa və essedə
daha çox önəm verilən məsələlər hansılardır?
Şagirdlərin fərziyyələri dinlənilir, təkrara yol verilmədən qeyd
edilir.
Mövzular elan olunur: “Qardaşların müqayisəli təhlili” mövzusunda
inşa; “Ana” obrazı məndə hansı təəssürat yaratdı?” mövzusunda esse.
Seçilmiş mövzular üzrə fikir mübadiləsi aparılır. Şagirdlər mənbələr
üzrə apardıqları araşdırmaların nəticələrini nəzərdən keçirir, onlardan
necə istifadə edəcəklərini müəyyənləşdirirlər. Ümumi hazırlıq başa
çatdıqdan sonra yığcam müsahibənin aparılması məqsədəuyğundur.
Yazı prosesini müşahidə edən müəllim ehtiyac yaranan məqamlarda
istiqamətləndirici suallarla şagirdlərə kömək edir.
Şagirdlər mənbələrdən əldə etdikləri məlumatlarla məhdudlaşmır,
tragikomediyanın səhnə həyatının onlarda yaratdığı təəssüratdan bəh-
rələnirlər.
İşin icrasına ayrılmış vaxt başa çatdıqdan sonra şagirdlərin bir-bi-
rinin yazısını oxumalarına imkan yaradılır. Onlar oxuduqları yazının
uğurlu cəhətlərini göstərməklə yanaşı, öz arzularını da (yazıya nə əlavə
etmək, nələri dəyişmək, yaxud təkmilləşdirmək və s. ilə bağlı) ifadə
edirlər.
Sinfin səviyyəsindən asılı olaraq, meyarlar daha sadə məzmunda
hazırlana bilər.
Yazılardan nümunələrin oxunmasına və müzakirəsinə vaxt ayrılır.
İnşada və essedə müşahidə olunan üslub fərqinə, ayrı-ayrı şagirdlərin
fikirlərini ifadə tərzinə diqqət yetirilir. Şagirdlərə öz yazıları barədə
yoldaşlarının arzu şəklində bildirdiklərinin üzərində evdə düşünmək,
deyilənləri nəzərə almaq və təkmilləşdirmə aparmaq təklif edilir.
Müəllimin istiqamətləndirici sualları şagirdlərin əsaslandırılmış
nəticə çıxarmalarına imkan verir. Şagirdlərdə belə bir qənaət möh-
kəmlənir ki, təhlil xarakterli inşada başlıca olaraq, əsərin mövzusu,
ideyası, onda qaldırılmış mühüm problem ön plana çəkilir. Essedə isə
şəxsi təəssüratın ifadəsi önəmli yer tutur.
Qiymətləndirmə. Formativ qiymətləndirmə aparılarkən 31–38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
55
Müəllim dərslikdəki “Evdə iş” başlıqlı tapşırığın evdə yerinə yeti-
riləcəyini şagirdlərə xatırladır.
Mövzu: Mirzə Ələkbər Sabirin həyatı, yaradıcılıq yolu – 1 saat
Standartlar
Təlim nəticələri
2.1.1. Müxtəlif mənbələrdən
topladığı materiallara əsas-
lanmaqla təqdimat və çıxış-
larında bədii-emosional və
obrazlı ifadələrdən istifadə edir.
Müxtəlif mənbələrdən topladığı mate-
riallara əsaslanmaqla təqdimat və
çıxışlarında bədii-emosional və obrazlı
ifadələrdən istifadə edir.
2.2.1. Müzakirələrdə mövzuya,
problemə, yazıçının mövqeyinə
tənqidi münasibətini əsaslandı-
rır, dinləyicilərin rəyini nəzərə
alır, mimika və jestlərdən məq-
sədyönlü istifadə edir.
Müzakirələrdə mövzuya, problemə tən-
qidi münasibətini əsaslandırır, dinləyi-
cilərin rəyini nəzərə alır.
Dərsin gedişi
Ev tapşırığının yerinə yetirilməsi səviyyəsi müəyyənləşdirilərkən
yazıçının Cənub mövzusunda yazdığı əsərlərlə şagirdlərin tanışlıq sə-
viyyəsi məruzələrin dinlənilməsi və müzakirə edilməsi yolu ilə aşkara
çıxarılır.
Motivasiya, problemin qoyuluşu. Bu mərhələdə işi fərqli məzmunda
təşkil etmək mümkündür. Tapşırıqlardan istifadə yolu ilə motivasiya
yaratmağı qarşısına məqsəd qoyan müəllim dərslikdəki tapşırıq üzrə işi
(M.Ə.Sabir haqqında bildiklərinizi yada salıb yığcam müzakirə aparın)
bu məqsədə yönəldə bilər. Müzakirənin sonunda tədqiqat sualı
formalaşdırılır.
Tədqiqat sualı: M.Ə.Sabirin şəxsiyyətinə və yaradıcılığına bütün
zamanlarda böyük maraq göstərilməsinə səbəb nədir?
Fərziyyələr dinlənilir və qeyd edilir.
Araşdırmaya dərslikdəki materialın oxusu ilə başlanılır. Oxunun
təşkili ilə bağlı dərslikdə təklif edilmiş tapşırıq şagirdlərin fərdi
işləmələrinə və diqqətli olmalarına imkan yaradır. Oxuya başlamazdan
əvvəl müəllim nişanlama ilə oxu barədə şagirdlərin bildiklərini bir neçə
sualla yada salır. Çıxarılan nəticələrin cədvəldə çox yığcam şəkildə qeyd
edilməsinin vacib olduğu nümunə əsasında izah olunur. Oxu prosesi
diqqətlə izlənilir, ehtiyac yaranan hallarda şagirdlərə istiqamətləndirici
suallarla kömək göstərilir.
Oxuya ayrılan vaxt başa çatdıqdan sonra
şagirdlərin cütlük şəklində fikir mübadiləsi aparmalarına şərait yarat-
maq olar.
Nəticələri oxşar olan cütlər kiçik qruplar yaradır və qənaət-
lərini bölüşürlər. Yalnız bundan sonra kiçik qruplar təqdimat əsasında
Dostları ilə paylaş: |