44
Mətni oxuyan şagird mənbələrdən istifadə etməklə ondakı hansı
məqamlara əlavə edilməsinin vacib olduğu barədəki qənaətlərini
bildirir. Bu məsələyə bütün şagirdlərin münasibət bildirmələri təmin
edilməlidir. Əlavə edilməli olan məlumatların bəndlər şəklində
yazılması faydalıdır. Bu, mənbələr üzrə işin aydın təsəvvür edilməsinə,
konkretləşməsinə səbəb olur.
Yazıçının nəsr və dramaturji yaradıcılığı ilə bağlı mətnkənarı
sualların (Yazıçının nəsr əsərlərində hansı problemlər diqqət mərkəzinə
çəkilmişdir? Bu problemlərin yaranmasının səbəbini o nədə görürdü?;
Yazıçının dramatik əsərlərinin mövzu, problem, konflikt özəlliyi han-
sılardır?) oxusunda diqqətin daha çox “Danabaş kəndinin əhvalatları”
və “Ölülər” əsərləri ilə bağlı deyilənlərə yönəldilməsi məqsədə-
uyğundur. Mənbələr üzrə araşdırma aparan şagirdlərin bu nümunələrlə
əlaqədar məlumatlarla ciddi maraqlanması, əsərlərlə tanış olmaları
faydalıdır. Bununla bağlı nəzərdə tutulmuş standartın (1.2.4) reallaş-
ma səviyyəsi növbəti dərsdə müəyyənləşdirilir.
Digər mətnkənarı sualların cavabları da ayrı-ayrı qrupların üzvləri
tərəfindən yuxarıdakı qaydada oxunur. Sonda kiçik qrupların təqdi-
matları əsasında fikir mübadiləsi və müzakirə aparılır. Bu mərhələ
mətnlə bağlı qazanılmış məlumatın bütöv, tam
halında mənim-
sənilməsində əhəmiyyətli rol oynayır.
Nəticə və ümumiləşdirmə mərhələsində müəllimin istiqamətləndi-
rici suallarına ehtiyac olur. Şagirdlərdə belə bir qənaət möhkəmlənir ki,
C.Məmmədquluzadə xalqına, vətəninə misilsiz xidməti ilə seçilən
şəxslərdəndir. O, kamil bədii əsərləri, kəsərli publisistikası, faydalı
ictimai fəaliyyəti ilə ölkəmizin tarixində ləyaqətli yer tutmuşdur.
Qiymətləndirmə. Formativ qiymətləndirmə aparılarkən 31–38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə
yetiriləcəyini şagirdlərə xatırladır.
Mövzu: C.Məmmədquluzadə. Anamın kitabı – 5 saat
Birinci saat: Məzmun üzrə iş
Standartlar
Təlim nəticələri
1.1.3. Mürəkkəb süjetli və kom-
pozisiyalı bədii nümunələrdə əhvalat
və hadisələr arasındakı səbəb-nəticə
əlaqələrini müəyyənləşdirir, mətni
hissələrə ayırır, plan tərtib edir,
məzmununu müxtəlif formalarda
(geniş, yığcam, yaradıcı) nağıl edir.
Tragikomediyanı hissələrə ayırır,
seçdiyi hissənin məzmununu ha-
zırladığı plan əsasında yığcam na-
ğıl edir.
45
Dərsin gedişi
Ev tapşırığının yerinə yetirilməsi səviyyəsi müsahibə, müzakirə,
təqdimatların dinlənilməsi və s. tətbiqi ilə müəyyənləşdirilə bilər.
Şagirdlərin hansı mənbələrdən və necə bəhrələndikləri aydınlaşdırılır,
müvafiq qiymətləndirmə meyarlarına müraciət olunur.
Motivasiya, problemin qoyuluşu. Bu mərhələyə dərslikdəki “Oxuya
hazırlaşın” tapşırığı üzrə işlə başlamaq olar. Şagirdlər müəllimin təklifi
ilə həmin sualların (Milli birlik nə deməkdir? Sizcə, milli birlik hansı
hallarda daha önəmli olur? Milli birliyə necə nail olmaq mümkündür?)
üzərində düşünürlər. Təklif edilmiş cədvəldə qeydlər edən şagirdlər kiçik
qruplarda qənaətlərini bölüşdükdən sonra təqdimatlar əsasında müzakirə
aparırlar. Bu iş motivasiyanın yaradılması, tədqiqat sualının müəy-
yənləşdirilməsi üçün zəmin ola bilər. Yaxud əsərin səhnə variantından
kiçik bir parçanın nümayiş etdirilməsi, mətndən seçilmiş yığcam his-
sənin (məsələn, senzor Mirzə Cəfərin sonuncu monoloqunun) oxusu, ko-
mediya haqqında tanınmış alimin sözlərinin xatırladılması və s. moti-
vasiyanın yaradılması üçün vasitə ola bilər. Bütün hallarda yığcam mü-
sahibənin aparılmasına ehtiyac duyulur və sonda tədqiqat sualı müəy-
yənləşdirilmiş olur.
Tədqiqat sualı: Doğma xalqa, ana dilinə yadlaşmaya səbəb nə ola bi-
lər?
Fərziyyələr dinlənilir və qeyd edilir.
Tədqiqata əsərin oxusu ilə başlanılır. O, fərqli şəkillərdə həyata
keçirilə bilər. Bütün hallarda oxuya başlamazdan əvvəl tanış olmayan
sözlərin mənasının, məcazların müəyyənləşdirilməsinin vacib olduğu
şagirdlərə xatırladılır.
Oxu üçün dərslikdə təklif edilmiş qayda şagirdlərin diqqətli və fəal
olmaları, eləcə də vaxta qənaət baxımından faydalıdır. Əsərdən
dərslikdə verilmiş parçanın birinci səhifəsi rollar üzrə oxunur.
Müəyyənləşdirilmiş cütlər mətni oxuyanlara suallar verir. Sualların
fərqli məzmunda olmasına diqqət yetirilir. Suallar şagirdlərin mətn-
dəki məlumatlara hansı səviyyədə diqqət yetirdiklərini müəyyənləşdir-
məyə (məsələn, Rüstəm bəy hansı işlə məşğul idi?), nəticələr çıxarmağa
(məsələn, Qardaşların analarına münasibəti hansı cümlələrdə əksini
tapıb?), mühüm fikirləri anlamağa (məsələn, Rüstəm bəy Mirzə Məhəm-
mədəlinin lüğətlə bağlı təkliflərini necə qəbul etdi?) xidmət etməlidir.
Mətni oxuyanların
cavabları cütləri qane etməsə, digər şagirdlərin
cavabları dinlənilir. Müzakirə ortaq məxrəcə gəlincəyə qədər davam
etdirilir.
Mətni oxuyanlar və cütlər əvəzlənməklə əsərin növbəti səhifələri
oxunur və iş əvvəlki qayda gözlənilməklə davam etdirilir.
46
Bu, əslində, məlumat mübadiləsi və müzakirə mərhələsinin tələb-
lərinə uyğun gəlir.
Dərslikdə verilmiş parçanın oxusu tamamlandıqdan sonra seçilmiş
kiçik bir hissənin məzmununun yığcam nağıl edilməsinə hazırlıq işi
aparılır. Seçilmiş hissənin özündən əvvəlki hissə ilə əlaqəsi müəyyənləş-
dirilir, plan tərtibinə diqqət yetirilir. Bir neçə təqdimatın dinlənilib mü-
zakirə edilməsi məqsədəuyğundur. Şagirdlərin qənaətləri yekunlaşdırı-
lır, (nəticənin çıxarılması, ümumiləşdirmənin aparılması məzmun üzrə
iş tamamlandıqdan sonra həyata keçirilir), qiymətləndirmə aparılır.
Qiymətləndirmə.Formativ qiymətləndirmə aparılarkən 31–38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə
yetiriləcəyini şagirdlərə xatırladır.
Mövzu: C.Məmmədquluzadə. Anamın kitabı – 5 saat
İkinci saat: Məzmun üzrə iş
Standartlar
Təlim nəticələri
1.1.3. Mürəkkəb süjetli və kompo-
zisiyalı bədii nümunələrdə əhvalat və
hadisələr arasındakı səbəb-nəticə əla-
qələrini müəyyənləşdirir, mətni hissə-
lərə ayırır, plan tərtib edir, məzmu-
nunu müxtəlif formalarda (geniş, yığ-
cam, yaradıcı) nağıl edir.
Tragikomediyanı hissələrə ayırır,
seçdiyi hissənin məzmununu hazır-
ladığı plan əsasında yığcam nağıl
edir.
1.1.4. Müxtəlif ədəbi növ və janrda
olan əsərlərdə (poema, hekayə, po-
vest, roman, dram, komediya, faciə)
əksini tapan mühüm milli-mənəvi, bə-
şəri dəyərlərə əsaslandırılmış müna-
sibət bildirir.
Tragikomediyada əksini tapmış mü-
hüm milli-mənəvi, bəşəri dəyərləri
müəyyənləşdirir.
Dərsin gedişi
Ev tapşırığının yerinə yetirilməsi səviyyəsi aşkara çıxarılarkən, ilk
növbədə, şagirdlərə fərdi olaraq aşağıdakı sualların üzərində düşünmək
və onlara cavab hazırlamaq təklif edilir:
a)
Mənasını aydınlaşdırdığınız sözlər hansılardır?
b)
Bu sözlərdən hansılar alınma, hansılar öz sözlərimizdir?
c)
Seçdiyiniz məcazların növünü dəqiqləşdirin. Onları daha maraqlı
hesab etməyinizə səbəb nədir?
Bir-iki dəqiqədən sonra ayrı-ayrı şagirdlərin təqdimatlarının din-
lənilməsi əsasında müzakirəyə başlanılır. Sualların hər birinin həqiqi
Dostları ilə paylaş: |