56
məlumat mübadiləsi və müzakirə aparır. Müzakirədə hər bir mətn-
kənarı sualla bağlı məlumatın necə qavranıldığı və ziddiyyətli məqam-
ların ortaya çıxma səbəbləri dəqiqliklə müəyyənləşdirilir. Müxtəlif
mənbələrdən əldə edilmiş məlumatların hansı məzmunda olduğu, onla-
rın oxşar və fərqli cəhətlərinin necə müəyyənləşdirildiyi təqdimatların
dinlənilməsində aşkara çıxarılır və dəyərləndirilir. Araşdırılan
problemə və dərsin mövzusu ilə bağlı mühüm məsələlərə şagirdlərin
sərbəst münasibət bildirmələrinə, tənqidi düşüncələrini ifadə etmələ-
rinə imkan yaradılır.
Bu mərhələnin əsasını qarşılıqlı öyrənmə və öyrətmə təşkil edir.
Müəllimin istiqamətləndirici sualları əsaslandırılmış
nəticənin
çıxarılmasına, ümumiləşdirmənin aparılmasına səmərəli təsir edir.
Şagirdlərdə belə bir
qənaət möhkəmlənir ki, M.Ə.Sabiri doğma
xalqından ayrı təsəvvür etmək mümkün deyildir. Xalqın dərdini,
problemlərini dərindən bilən və əsərlərində böyük ustalıqla əks etdirən
şairin ömrü boyu “bir gözü ağlamış, bir gözü gülmüşdür”. Oxucular
onun əsərlərini həmişə sevə-sevə mütaliə etmiş, onlarda gerçəkliyin
heyrətamiz ustalıqla əks olunduğunu görmüş, müəllifi özlərinə yaxın,
doğma saymışlar.
Müzakirənin sonunda mətnə hansı məzmunda əlavələr
etməyin
lazım olması barədə ümumi rəyə gəlinir.
Qiymətləndirmə. Formativ qiymətləndirmə aparılarkən 31-38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə
yetiriləcəyini şagirdlərə xatırladır.
57
Mövzu: M.Ə.Sabir. Neylərdin, ilahi?! – 2 saat
Birinci saat: Məzmun üzrə iş
Standartlar
Təlim nəticələri
1.1.4. Müxtəlif ədəbi növ və janrda
olan əsərlərdə (poema, hekayə,
povest, roman, dram, komediya,
faciə) əksini tapan mühüm milli-
mənəvi,
bəşəri dəyərlərə əsaslan-
dırılmış münasibət bildirir.
Şeirdə əksini tapmış mühüm milli-
mənəvi, bəşəri dəyərləri müəyyən-
ləşdirir.
Dərsin gedişi
Ev tapşırığının yerinə yetirilməsi səviyyəsi müsahibə, müzakirə,
təqdimatların dinlənilməsi və müzakirəsi ilə müəyyənləşdirilə bilər.
Mətnkənarı sualların cavabları ilə bağlı mənbələrdən hansı məlumat-
ların öyrənildiyi, ümumiləşdirmənin necə aparıldığı, çıxarılmış nəticə-
lərin nə cür əsaslandırıldığı ön plana çəkilir. Dərslikdə cavabları
açıqlanmayan, mahiyyətləri ilə bağlı yalnız istiqamət verilən sualların
(Sabirin lirikasında hansı ictimai-siyai hadisələrə münasibət bildiril-
mişdir? Sabirin satirik şair kimi formalaşmasına təsir edən amillər
hansılardır? Şairin satirik şeirlərini hansı mövzular üzrə qruplaşdır-
maq olar?) mənbələr əsasında necə araşdırıldığına xüsusi diqqət ye-
tirilir.
Məruzə üçün təklif edilmiş mövzularla
(Sabir və “Molla Nəsrəddin”
jurnalı; Sabir və İranda baş vermiş milli - azadlıq hərəkatı) bağlı
dərslikdə konkret istiqamətlə tanış olan, mənbələrdən isə kifayət qədər
məlumat öyrənən şagirdlərin çıxışları dinlənilir və onlara münasibət
bildirilir.
Ev tapşırığı ilə bağlı bütün məqamlarda müəllimin müvafiq
qiymətləndirmə meyarlarına müraciət etməsi məqsədəuyğundur.
Motivasiya, problemin qoyuluşu. Bu
mərhələnin əvvəlində
dərslikdə təklif edilmiş “Oxuya hazırlaşın” başlıqlı sualların üzərində
işin təşkili faydalıdır. Bu, motivasiyanın yaradılması üçün zəmin
rolunu oynayır. “Laqeydlik”, “biganəlik” anlayışlarının mahiyyətinin
açıqlanması, fikir mübadiləsi və müzakirənin aparılması tədqiqat
sualının formalaşdırılması ilə yekunlaşır.
Tədqiqat sualı: Laqeydliyə, ədalətsizliyə etirazın əks olunduğu
satirik əsərdə, sizcə, hansı məsələlərə önəm verilər?
Tədqiqatın aparılmasına şeirin oxusu ilə başlanılır. Oxunu,
ümumiyyətlə məzmun üzrə işi fərqli yollarla həyata keçirmək
mümkündür.
Dərslikdə təklif olunmuş yol şagirdlərin müstəqilliyinin
daha çox təmin edilməsi və əməkdaşlıq baxımından faydalıdır. Əsərin
fərdi oxusu üçün vaxt müəyyənləşdirilir. Tanış olmayan sözlərin məna-
58
sının aydınlaşdırılması, məcazların müəyyənləşdirilməsi
ilə müşayiət
olunan oxuda şagirdlərə məzmunla bağlı özlərini düşündürən sualları
dəftərlərində, yaxud iş vərəqlərində yazmaq təklif edilir. Oxu
tamamlandıqdan sonra şagirdlərin cütlük şəklində fikir mübadiləsi
aparmalarına vaxt ayırmaq mümkündür. Ardınca kiçik qruplarda
birləşən şagirdlər təkrar olunan suallar çıxılmaqla digərlərinə cavab
hazırlayırlar. Kiçik qruplarda iş zamanı sualların təkmilləşdirilməsinə
də xüsusi diqqət yetirilir. Müəllim çalışır ki, suallar rəngarəng olsun,
yalnız məzmunun qavranılmasına deyil, müəyyən nəticələrin çıxarılma-
sına, əsas fikirlərin başa düşülməsinə xidmət etsin.
Hər qrupdan bir nəfər cavabları artıq məlum olan öz sualları ilə
digər qruplara müraciət edir. Suallara
cavab prosesinin müzakirə,
diskussiya səciyyəli olması məqsədəuyğundur. Bu, dərsin
məlumat
mübadiləsi və müzakirə mərhələsi kimi qəbul edilə bilər. Şairi
düşündürən, narahat edən problemlərin (insan taleyinə laqeydlik,
haqsızlığın, ədalətsizliyin günbəgün artması, zəmanənin – dövranın
yaxşılıqların üstündən qələm çəkməsi və s.) açıqlanması, xeyirxahlıq,
yaxşılıq, cəhalətin aradan qaldırılması, dəstək olmaq kimi milli-mənəvi
və bəşəri dəyərlərdən uzaqlaşma hallarının kəskin tənqidi bu mərhələdə
ön plana çəkilir. Müəllimin istiqamətləndirici sualları əsaslandırılmış
nəticənin çıxarılmasına, ümumiləşdirmənin aparılmasına səbəb olur.
Şagirdlərdə belə bir qənaət möhkəmlənir ki,
insana laqeyd münasibətin
və ədalətsizliyin hökm sürdüyü dövrana – zəmanəyə etirazın əks
olunduğu satirik əsərdə bu bəlaları törədən səbəblər – soyuqqanlılıq,
həyasızlıq, istismar, cəhalət və s. kəskin tənqidinə geniş yer verilir.
Nəticələrin fərziyyələrlə müqayisəsinə vaxt ayrılır.
Bu məzmunda aparılan iş “Əsərdə əksini tapmış milli-mənəvi və
bəşəri dəyərlər” mövzusunda təqdimata hazırlaşan şagirdlərin səmərəli
fəaliyyətinə geniş imkan yaradır. Təqdimatlardan nümunələrin
dinlənilməsinə və müzakirəsinə diqqət yetirilir.
Qiymətləndirmə. Formativ qiymətləndirmə aparılarkən 31-38-ci
səhifələrdə verilmiş müvafiq qiymətləndirmə meyarları və səviyyələri
üzrə cədvəllərdən istifadə məqsədəuyğundur.
Müəllim dərslikdəki “Evdə iş” başlıqlı tapşırığın evdə yerinə
yetiriləcəyini şagirdlərə xatırladır.