34
Tuproq - qattiq, suyuq, gazsimon komponentlardan iborat bo’lib, iqlim tog’ jinslari, o’simliklar va
hayvonlar mikroorganizmlarning o’zaro murakkab tasiri natijasida hosil bo’ladi.
Tabiatda moddalarning almashinuvida tuproq ham ishtirok etadi. Buni olim V.R.Vilyams
biologik
aylana deb atagan. Bu jarayonlar tufayli tuproqning unumdorlik xususiyati doimo saqlanib turadi. Tuproq
eng avvalo o’simlik, hayvonlar va mikroblar bilan birga murakkab ekotizimni vujudga keltiradi va
sayyoramiz biosferasida xayotning yashashini taminlashdek muxim vazifani bajaradi.
Tuproqning inson hayotidagi ahamiyati shundan iboratki, u o’zi-o’zini tozalash xususiyatiga ega
ekanligi tufayli tabiatdagi iflos moddalarni biologik yo’l bilan o’ziga singdiruvchanlik adsorbent),
tozalovchanlik (purifikator) va neytrallashtiruvchanlik xususiyatiga egadir.
Tuproq xalqning bebaxo boyligi va insonning yashashi uchun hayot manbaidir. Inson o’zi uchun zarur
bo’lgan ozuqa resurslarini, kiyim-boshni tuproqdan oladi. Chunki tuproq qishloq xo’jalik
ekinlarining asosiy
manbai hisoblanadi.
Tuproq tugaydigan va tiklanadigan resurslarga kiradi. Tuzilishiga ko’ra tuproqda 3 asosiy qatlam
ajratiladi:
A – eng ustki gumus (chirindili) qatlam;
V – yuqori qatlamdan mineral va organik birikmalar to’planadigan gorizont;
S – tuproq vujudga keladigan ona jinsi, tuproqning har bir gorizonti organik va mineral brikmalar
aralashmasidan iborat.
Tuproq – tarixiy tarkib topgan murakkab mustaqil tabiiy jism bo’lib, o’zgaruvchan dinamik hosiladir. Er
yuzi turli qobiqlari o’rtasidagi aloqadorlik tuproq orqali amalga oshadi. Tuproq tabiiy manfaatlarning asosi
hisoblanadi.
Biosferada bajaradigan faoliyatiga qarab tuproqni organik hayot zanjirining eng muhim xalqasi deb
yuritsa bo’ladi.
Tabiat komponentlari - tog’ jinslari, suv, havo, tuproq, o’simlik va hayvonlar o’ziga xos
xususiyatlari bilan rivojlansa ham o’zaro uzviy bog’langan. Ular o’rtasida to’xtovsiz modd
almashinuvi
amalga oshadi va natijada tabiiy xududiy komplekslar – landshaftlar hosil bo’ladi. Cho’l, o’rmon, dasht, to’qay
va boshqa landshaftlarni ajratish mumkin. O’zaro ichki aloqalari va birligiga ko’ra boshqa joylardan farq
qiluvchi, tabiiy chegaralariga ega bo’lgan xududiy komplekslarga landshaftlar deyiladi.
Tuproqda u yoki bu mikroelementlarning etishmasligi yoki ortiqchaligi organizmlarning rivojlanishi va
insonning sog’ligiga bevosita tasir ko’rsatadi. Tuproqda sil, vabo, bryutsellyoz va boshqa kasalliklarning
qo’zg’atuvchilari bo’lishi mumkin.
Biosferada tuproqning eng muhim roli shundaki, barcha organizmlarning qoldiqlari tuproqda
parchalanadi va yana mineral birikmalarga aylanadi. Tuproq qatlamisiz er yuzida hayotni tasavvur ham
qilib bo’lmaydi.
Er yuzining hozirgi mavjud tuproq qatlami - jamiyat taraqqiyoti natijasida kuchli o’zgargan. Insoniyat
tarixi davomida 2 mlrd dan ortiq unumdor tuproqli erlar yaroqsiz xolga keltirilgan.
xar yili sayyoramizdagi
qishloq xo’jaligi uchun yaroqli erlar maydoni sho’r bosishi, cho’llanishi, emirilishi natijasida 5 - 7
mln ga
kamaymoqda.
Er yuzida dehkonchiliq maqsadlarida ishlatiladigan erlar mavjud erlar xududning 80 % ni tashkil
qiladi
va dunyo aholisi son boshiga 0,5 ga dan to’g’ri keladi.
L.I.Kurakova (1983) malumotiga ko’ra xozir er yuzidagi quruqlikning 1,9 mlrd ga xaydab ekin
ekiladigan maydonlarga to’g’ri keladi, Hali dunyoda xaydab dexqonchilik qilishga yaroqli erlar maydoni
ko’p. Masalan: faqat Janubiy Amerikada xozir umumiy er maydonining 5 % dangina qishloq xo’jaligida
foydalanishmoqda. Vaholanki bu joyda qishloq xo’jaligiga yaroqli erlar maydoni 25 % ni tashkil qiladi yoki
Afrikada jon boshiga 12 ga qishloq xo’jaligiga yaroqli erlar to’tri kelsa, hozir shundan faqat 1 ga dan xaydab
foydalanilmoqda xolos.
Yuqorida aytib o’tildi, er yuzasida o’rtacha har bir kishiga 0,5 ga xaydaladigan er to’g’ri keladi deb, bu
ko’rsatkich yana L.I.Kurakova (1983) malumotiga ko’ra: Yaponiyada - 0,7 ga, Misrda - 0,10 ga, AQShda - 2 ga
dan ko’p, Argentinada - 6 ga, Avstraliyada - 40 ga dan ko’p ekan.
Respublikamizda har bir odamga 0,17 ga ekin maydoni to’g’ri keladi. Qozog’istonda - 1,54 ga,
Qirg’izistonda - 0,26 ga, Ukraina - 0,59, Rossiya - 0,67 ga ekin maydoni to’g’ri keladi.
Er yuzi tuproq qatlamining hozirgi holati kishilik jamiyatini ko’p asrlik tasiri natijasida o’zining
dastlabki tabiiy xususiyatini ancha o’zgartirgan. Insonning tuproqlarga ijobiy va salbiy tasiri ajratiladi.
Inson tuproq hosildorligini oshirishi, erlarning holatini yaxshilashi mumkin. O’rmonlarni tashkil
qiladi, tuproq flora va faunasini muhofaza qiladi. Shuning
bilan birga shahar qurilishi, atrof - muhitni
ifloslanishi, agrotexnik tadbirlarni talabga javob bermasligi natijasida tuproqlar bevosita yo’q qilinishi,
yaroqsiz xolga kelishi, emirilishi mumkin.
35
Hozirgi kunda tuproqlar maydonning kamayishi uning tiklanishidan minglab marta tezroq amalga
oshmoqda. Inson o’zining xo’jalik faoliyatida tuproqdan foydalanish jarayonida ijobiy tasir etib, tuproqga har
xil o’g’itlar soladi, sug’oradi, zaxini qochiradi, almashlab ekin ekadi, tuproqni ustki unumdor qismini yuvilib
ketishdan saqlaydi. Erni agrotexnika qoidalariga rioya qilib xaydaydi va unda namni uzoq vaqt saqlanishini
taminlaydi.
O’rmonlarni noto’g’ri kesishga chek qo’yadi, o’rmonlar barpo etiladi, tuproq flora va faunasini muhofaza
qiladi va boshqa choralar ko’rishi orqali tuproqning
tarkibini yaxshilaydi, natijada tuproq hosildorligi oshadi.
Inson o’zining xo’jalik faoliyatida tuproqqa salbiy tasir ham qiladi. Uning unumdorligini
pasaytirib hosildor erlar maydonining qisqarishiga sababchi bo’ladi. Agrotexnika qoidalariga rioya
kilmasligi tufayli tuproq eroziyasi kuchayadi: sug’orish qoidasi va meyoriga amal qilmaslik oqibatida tuproq
qayta sho’rlanadi, botqoqlashadi, mineral o’g’itlardan noto’g’ri foydalanish va zaharli ximikatlarni ishlatish
qoidalariga rioya qilmaslik natijasida tuproq kimyoviy moddalar bilan zaharlanadi: almashlab ekishga etibor
bermaslik tufayli tuproqda ozuqa moddalar miqdori kamayadi, shamol eroziyasiga qarshi ixota o’rmonlar
tashkil etilmasa, tuproqning ustki hosildor
qismi uchirilib ketadi, yonbag’irlarni, tik erlarni noto’g’ri xaydash
oqibatida suv eroziyasi kuchayadi. Bunday salbiy oqibatlar natijasida hozir dunyoda yiliga 6 - 7 mln ga
qishloq xo’jaligi aylanmasidagi er ishdan chikmoqda. Tuproq sifatini buzilishida injenerlik
kommunikatsiyaning tasiri ham bor bo’lib, gaz, neft, issiqlik, kanalizatsiya, suv quvurlari atrofdagi
tuproqning biologik va issiqlik rejimining buzilyshiga sabab bo’ladi. So’ngi yillarda 75 - 80 % shaxtalarda
ochish usulda madanlar qazib olinishi natijasida qishloq xo’jaligi aylanmasidagi er maydoni qisqarmoqda.
Erlarning ustki hosildor qismini suv va shamol tasirida yuvib yoki uchirib ketishiga eroziya deyiladi.
Eroziya dexqonchilik uchun juda katta zarar keltiruvchi ofat hisoblanib, lotincha «erosia» degan so’zdan
olingan bo’lib «kemirish» yoki «emirilish» degan manoni bildiradi. Tuproq eroziyasi – tabiiy va suniy bo’lishi
mumkin.
Tuproqlarni kishilarni xo’jalik faoliyati tasirisiz tabiiy holda eroziyaga uchrashi – tabiiy eroziya,
kishilarning tasiri natijasida eroziyaga uchrashi esa – suniy (antropogen) yoki tezlashtirilgan eroziya deb
ataladi.
Eroziyaga uchragan tuproqda hosildorlik 5 – 10 marta kamayib, har yili begona o’tlar 2 - 4 marta
ko’payadi. Shu sababli dunyo bo’yicha eroziya natijasida yiliga 1000 mlrd dollar zarar ko’rilmoqda.
Tabiatda tuproqning tabiiy holda eroziyaga uchrashi jarayonlari bo’lib,
uni geologik eroziya deb
yuritiladi. Demak, geologik eroziya bu insonning tasirisiz ro’y beradigan jarayon bo’lib, bu jarayon tuproq hosil
bo’lishi jarayoni tezligiga tengdir. Geologik eroziya Er evolyutsiyasining bir qismi hisoblanib, uni oldini olish
mumkin emas. U butun geologik davrda davom etadi.
Geologik eroziya tektonik jarayonlar tufayli ro’y beradi. Tektonik jarayonlar tasirida tog’lar
ko’tariladi, muzlar harakat qiladi, daryo vodiylarida qator qayirlar vujudga keladi. Vaqt o’tishi bilan nurash
tufayli baland tog’lar (Qozog’iston past toglari) pasayadi, muz qaytadi, dengiz chekinadi. Ular urnida asta-
sekin
tuproq vujudga kelib, o’simliklar o’sadi, tuproqni ustki qismida yana hosildor qatlam vujudga kela
boshlaydi.
Tuproqning suniy yoki tezlashtirilgan eroziyasi ham bor. Bu eroziya Er yuzida inson paydo bo’lganidan
beri erlardan noto’g’ri foydalanish tufayli ruy bera boshlagan bo’lib, uning asosiy sabablari o’rmon va
to’qaylarni kesib yuborish, yaylovlarda chorva mollarini boqish normasiga amal qilmaslik, dehkonchiliq
yuritishning noto’g’ri metodlaridan foydalanish va h.
Turli malumotlarga ko’ra har kuni Er yuzida eroziya natijasida 3500 ga unumdor tuproqli erlar ishdan
chiqadi.
O’simliklar tuproqda chirindi miqdorini ko’paytirishdan tashqari qor va yomg’ir suvlarining er sirtidan
oqib ketishni kamaytiradi, aksincha ularning tuproq orasiga singishiga yordam beradi, natijada tuproqda
nam saqlanib qolishiga imkon beradi.
F.K.Kocherga malumotiga ko’ra O’rta Osiyo tog’li rayonlarida o’rmonlar er
usti oqimini kamaytirib,
tuproqqa singdirish orqali yog’in suvlarini 50 % tutib qoladi. Aksincha, o’rmon va butalarni ko’plab kesish
natijasida yoqqan yog’inning 90 % i tog’ yonbag’irlari orqali oqib ketadi.
O’simliklar qoplami qanchalik zich bo’lsa, tuproq eroziyasi shunchalik sustlashadi.
Eroziya jarayonining tezlashishida yaylovlardan noto’g’ri foydalanish ham muhim omil hisoblanadi.
Bir rayonda doimo mol boqilishi natijasida, o’sha joyning o’simlik qoplami siyraklashadi, tuyoqlari bilan
o’simliklarni kesib, bosib tuproqni bo’shatib yuboradi. So’ngra yog’in suvlari yoki shamol tufayli u erlarda
tuproq eroziyasi boshlanadi.