16
Vasim müəllim yorulmaz və gərgin əməyi, dərin savadı və xoş niyyətli əməlləri
sayəsində insanlığın ən ali zirvəsində dayanaraq öz zəngin
bilik və təcrübəsini bu gün
də gənc nəslin vətənpərvər ruhda yetişməsi yolunda sərf etməkdədir.
Vasim müəllimi 75 illik yubileyi münasibətilə ürəkdən təbrik edir, görkəmli
alimimizə Allahdan cansağlığı, uzun ömür, məsuliyyətli işində yeni-yeni uğurlar və
müvəffəqiyyətlər arzu edirəm.
Mübariz Qurbanlı,
Azərbaycan Respublikası
Dini Qurumlarla İş üzrə
Dövlət Komitəsinin sədri
Mövlana Cəlaləddin Ruminin “Məsnəvi” əsəri və onun şərhləri
17
MÖVLANA CƏLALƏDDİN RUMİNİN
“MƏSNƏVİ” ƏSƏRİ VƏ ONUN ŞƏRHLƏRİ
Q.T.Məmmədəliyeva
BDU-nun baş müəllimi
Açar sözlər: Mövlana Cəlaləddin Rumi, Məsnəvi, sufilik, Məsnəvi şərhləri.
Ключевыеслова: Мовлана Джалаладдин Руми, Маснави, суфизм,
комментарии Маснави.
Key words: Mawlānā Jalāl ad-Dīn Rūmī, The Mathnawi, Sufism, Commentaries
on the Mathnawi.
Mövlana Cəlaləddin Rumi (1207-1273) İslam sufi ədəbiyyatının ən öndə gələn
nümayəndələrindən biridir. İlahi eşqin tərənnümçüsü olan bu böyük mütəfəkkir öz
fikirlərini və duyğularını ifadə etmək üçün “Məsnəvi” “Fihi ma fih”, “Divani-kəbir”,
“Məcalisi-səb`ə” kimi farsca əsərlər qələmə almışdır. Bu əsərlərin
içərisində özündən
sonrakı dövrə təsiri baxımından ən mühümünün“Məsnəvi” olduğunu irəli sürsək,
yanılmarıq.
Bir-biri ilə qafiyəli ikili misralardan ibarət olan məsnəvi janrı ilk dəfə fars
ədəbiyyatında istifadə olunmuşdur. Bəzi tədqiqatçılar ərəb ədəbiyyatında müzdəvic
və ya rəcəz bəhri ilə nəzmə çəkildiyi üçün
ürcuzə adlanan şer növünün məsnəvi
janrının ilkin primitiv nümunəsi olduğunu irəli sürüblər.
Lakin qeyd ettiyimiz kimi,
bu janr tam şəkildə ilk dəfə fars ədəbiyyatında ortaya çıxmışdır. Məsnəvi qəzəl və
qəsidə ilə yanaşı, mənzum fars ədəbiyyatının üç əsas janrından birdir. Məsnəvi fars
ədəbiyyatının təsiri ilə türk və urdu ədəbiyyatında da mövcud olmuşdur.
1
Məşhur türk
ədibi Tahir-ül Mevlevi (1877-1951) məsnəvi janrının farslara türklərdən keçə
biləcəyini qeyd edir. Ona görə, qədim türklərin sazla oxuduqları və “qoşuq”
adlandırdıqları şer növü məsnəvi formasında idi.
2
Sənainin “Hədiqətül-hədiqə”si, Sədi Şirazinin “Bustan”ı, Firdovsinin
“Şahnamə”si, Əsədi Tusinin “Gərşaspnamə” epopeyası, Nizami Gəncəvinin
“Xəmsə”si fars ədəbiyyatında ən gözəl məsnəvi nümunələrindən hesab olunur.
3
Bu
məsnəvilər içərisində Mövlana Cəlaləddin Ruminin “Məsnəvi”si
özünəməxsusluğu
ilə seçilir. Bu əsər İslam sufi ənənəsində o qədər təsirli olmuşdur ki, hətta ona Quranın
1
Mustafa Çiçekler. “Mesnevi”. Türkiye Diyanet Vakfı İslam Ansiklopedisi (DİA). Ankara, 2004, c. 29,
səh. 320.
2
Tahir-ül Mevlevi. Edebiyat Lügatı. nəşrə hazırlayan: Kemal Edib Kürkçüoğlu. İstanbul, 1994, səh. 99
3
لکش ظاحل زا رعش عاونا , http://adabiyatfarsi1.blogfa.com/post-5.aspx; Mustafa Çiçekler. “Mesnevi” səh.
320
Q.T.Məmmədəliyeva
18
farsca təfsiri deyilmişdir. Əbdürrəhman Cami Məsənvinin böyüklüyünü vurğulmaq
üçün Mövlana haqqında belə demişdir:
“Mən o uca insan haqqında nə deyə bilərm ki?! Peyğəmbər deyil, amma kitabı
var. (!باتک دراد یلو ،ربمغيپ تسين ؟بانجیلاع نآ فصو ميوگ هچ نم)”. Caminin “kitab”la nəzərdə
tutduğu Məsnəvidir.
Əflaki özünün “Mənaqibul-arifin” adlı əsərində Məsnəvinin yazılma səbəbini
belə açıqlayır: “Bir gün bütün məxluqat içərisində Tanrının
xəlifəsi və həqiqət
yolunun yolçusu, Haqqın və dinin qılıncı (Hüsaməddin Çələbi)
4
bəzi dostlarının tam
bir istək və böyük bir eşqlə Həkimin (Sənainin) “İlahinamə”si, Fəridəddin Əttarın
“Məntiqut-teyr” və “Müsibətnamə”si ilə məşğul olduqlarını və onların sirlərindən çox
ləzzət aldıqlarını, onların qəribə mənalarına təəccüb etdiklərini gördü və (bunları
Mövlana ilə müzakirə etmək üçün) fürsət axtardı, çünki fürsətlər bulud kimi gəlib
keçir. Bir gecə Mövlanın yanına gəlib onunla tək qaldıqda başını yerə əyib belə dedi:
“Qəzəl divanları çoxaldı. Onların sirlərinin nurları dənizi və qurunu, şərqin və qərbin
hər tərəfini bürüdü. Tanrıya həmd olsun, bütün söz xiridarları bu sözlərin əzəməti
qarşısında çaşıb qaldılar. Əgər Həkimin “İlahinamə”si tərzində və “Məntiqut-teyr”in
vəznində bir kitab yazılsa, bu, bütün insanlar arasında
xatirə kimi qalar, aşiqlərin və
dərdlilərin sirdaşı olar. Bu, olduqca böyük bir mərhəmət və inayət olar. Bəndəniz
istəyir ki, dəyərli dostlar üzlərini sizin mübarək üzünüzə çevirib başqa bir işlə məşğul
olmasınlar. Artıq bundan sonrası Xüdavəndigarın lütf və inayətinə qalıb”. Bundan
sonra Mövlana dərhal mübarək əmmaməsinin içindən bütün külli və cüzi sirləri izah
edən bir cüz çıxarıb Çələbi Hüsaməddinə verdi. Orada Məsnəvinin girişindəki 18 beyt
yazılmışdı.”
5
Əflakinin verdiyi yuxarıdakı məlumatdan
belə məlum olur ki, Cəlaləddin Rumi
Hüsaməddin Çələbinin xahişindən əvvəl Məsnəvini yazmağa başlamış və Məsnəvinin
xülasəsi kimi qəbul olunan ilk 18 beyti yazıb qurtarmışdı.
Məsnəvinin nə vaxt yazılmağa başlandığı dəqiq bilinməsə də,
6
bəzi
tədqiqatçıların fikrinncə, Məsnəvinin birinci cildi 1258-1261-ci illər arasında
yazılmağa başlanmış, 1263 və ya 1264-cü illərdə tamamlanmışdır. Əsərin ümumilikdə
8-10 il ərzində yazıldığı güman edilir. Mövlana şerləri deyir,
Hüsaməddin Çələbi isə
yazırdı. Sonra yazılmış mətnlərə Mövlana özü baxır və lazımi yerləri düzəldirdi. Altı
cilddən ibarət olan Məsnəvidəki beytlərin sayı haqqında müxtəlif məlumatlar verilir.
Bu fərqin səbəbi Məsnəvinin müxtəlif əlyazma nüsxələrinə malik olmasıdır.
Ümumiyətlə əsərdə olan beytlərin sayı 25585-26660 arasındadır. Lakin bu,
4
Hüsaməddin Çələbi Mövlanın katibi (əsərlərini yazıya köçürən) və ilk xəlifəsi olmuşdur. Hüsaməddin
Çələbinin Məsnəvinin ərsəyə gəlməsində və Mövləvi təriqətinin inkişafındakı rolu haqqında bax.
Alkış, Abdurrahim. Mesnevînin İnşasında ve Mevleviliğin Müesseseleşmesi Sürecinde Çelebi
Hüsâmeddinin Yeri, Dicle Üniversitesi İlahiyat Fakültesi Dergisi, 2011, cilt: XIII, sayı: 2, s. 1-40
5
Eflaki, Ahmet. Ariflerin Menkıbeleri. trc. Tahsin Yazıcı. İstanbul, 1973 , c.2, səh. 167.
6
Semih Ceylan. “Mesnevi”. Türkiye Diyanet Vakfı İslam Ansiklopedisi. Ankara, 2004, c. 29, səh. 326.