10
sonsuz məhəbbətlə sevən, insanların azad, firavan yaşaması üçün əlindən gələni edən
böyük bir ziyalıdır. Onun bütün fəaliyyəti xalqımızın maariflənməsinə, mənəvi
inkişafına, mədəni yüksəlişinə həsr edilmişdir. İnsanların mənəvi inkişafına,
kamilləşməsinə, yüksəlməsınə can atan və bütün fəaliyyətini bu istiqamətdə quran
Vasim müəllim yüzlərlə gəncə, cavana rəhbər və yolgöstərəndir. Onun ibrətamiz
söhbətlərini dinləyən hər kəs həqiqətən mənəvi cəhətdən saflaşır və zənginləşir.
Akademik Vasim Məmmədəliyevin xalqımızın qarşısında xidmətlərindən bəlkə
də ən önəmlisi onun mərhum akademik Ziya Bünyadovla birlikdə Qurani-kərimin
Azərbaycan dilinə izahlı tərcüməsidir. Olduqca səlis, oxunaqlı olan Qurani-kərimin
tərcüməsinin neçə-neçə nəşri işıq üzü görmüşdür. Görkəmli alim təkcə ərəbcədən
tərcümələrlə kifayətlənməmiş, həm də doğma dilimizdən ərəb dilinə bir sıra
tərcümələr etmişdir. Mirzə Cəlilin "Saqqallı uşaq" hekayələr məcmuəsini, Fikrət
Əmirov haqqında monoqrafiyanı, Həmid Araslının "Xaqani Şirvani" kitabını və
başqalarını buna misal göstərmək olar.
Artıq qeyd etdiyimiz kimi, təkcə Azərbaycanda deyil, dünyanın əksər ölkələrində
məşhur olan Vasim müəllimin tədqiqatlarına həmişə böyük ehtiyac olubdur. Ona görə
də akademikin bir sıra elmi tədqiqatları fars, türk, ingilis, rus, gürcü və digər dillərə
çevrilmiş, dünya elmində böyük əks-səda doğurmuşdur.
1959-cu ildən taleyini Bakı Dövlət Universiteti ilə bağlayan Vasim müəllim
işlədiyi ayrı-ayrı vəzifələrdə həmişə öz sözünü deməyi bacarmış, dəyərli məsləhətləri,
yüksək elmi səviyyəsi, geniş erudisiyası ilə bütün kollektivin rəğbətini qazanmışdır.
V.Məmmədəliyev istər vaxtilə Şərqşünaslıq fakültəsinin dekanı, istər həmin fakültədə
Ərəb filologiyası kafedrasının müdiri, istərsə də hazırda İlahiyyat fakültəsinin dekanı
kimi işinin öhdəsindən layiqincə gəlmiş və gəlməkdədir. Vasim müəllim 1981-ci ildə
Şərqşünaslıq fakültəsinin dekanı olarkən mən tədris hissəsinin rəisi vəzifəsində
işləyirdim. Yaşının cəmi 40 olmasına baxmayaraq, Vasim müəllim işinin öhdəsindən
yüksək səviyyədə gəlməyə və cavan yaşında ağsaqqal adını qazanmağa müvəffəq ola
bilmişdi. Məhz onun rəhbərliyi sayəsində fakültədə hər bir iş, demək olar ki, yenidən
qurulmuşdu.
Bir məqamı da xüsusilə vurğulamaq lazımdır ki, Vasim müəllim dərs dediyi
tələbələrə həmişə atalıq qayğısı göstərmiş, onların problemlərini həll etməyi ən
mühüm vəzifə hesab etmişdir. Universitetdə elm adamı, müəllim, ziyalı və müdrik
ağsaqqal kimi sevılməsi məhz onun insani xüsusiyyətlərindən irəli gəlir.
Vasim müəllimin BDU-da müəllim işləməyə başladığı dövrdə fakültənin
Mübariz Əlizadə, Rəhim Sultanov, Ələsgər Məmmədov kimi nəhəngləri var idi.
İstedadı, əməksevərliyi, böyük daxili mədəniyyəti ilə bir müddətdən sonra o, həmin
nəhənglərin arasında seçilməyə başladı. İndi nə Ərəb filologiyası kafedrasını, nə
İlahiyyat, nə də Şərqşünaslıq fakültələrini onsuz təsəvvür etmək mümkündür.
Biz qürur hissi keçiririk ki, Bakı Dövlət Universitetində Vasim Məmmədəliyev
kimi dünya şöhrətli alim, ziyalı çalışır və o məhz buradan elmin zirvələrinə ucalmış,
məhz burada xalq qarşısında böyük xidmətlərinə görə "Əməkdar elm xadimi" fəxri
adına, Prezident təqaüdünə, "Şöhrət" və "Şərəf" ordenlərinə və nəhayət "Qızıl çinar"
11
beynəlxalq mükafatına layiq görülmüş, məhz buradan Azərbaycan Milli Elmlər
Akademiyasına həqiqi üzv seçilmişdir.
Onu dünyanın hər yerində tanıyırlar. Misir, İraq, Suriya, İran, Türkiyə, Səudiyyə
Ərəbistanı, Birləşmiş Ərəb Əmirlikləri, Polşa, Amerika Birləşmiş Ştatları və keçmiş
sovet respublikalarında keçirilmiş elmi konfrans və simpoziumlarda ən ciddi
məruzələri ona həvalə edirlər. Vasim müəllim ərəb dili üzrə nadir mütəxəssisdir. Bir
məqamı da vurğulamaq istərdim. Bu yaxınlarda ərəb ölkələrindən bir neçə alim və
təhsil işçisi universitetimizi ziyarətə gəlmişdi. Onlarla görüşdə Vasim müəllim də
iştirak edırdı. Maraqlıdır ki, ərəb dili müxtəlif ölkələrdə çox fərqli ləhcələrlə işlənir
(məsələn, tunisli ilə misirli az qala bir-birini başa düşmür - təxminən bizimlə qırğızlar
kimi). Ona görə də qonaqlar müxtəlif ləhcələri eyni dərəcədə tərcümə edən Vasim
müəllimin qarşısında heyrətlərini gizlədə bilmirdilər. Onlar V.Məmmədəliyevin ərəb
dilində onlardan yaxşı danışdığına, özü də ərəb dilinin bütün ləhcələrinə yüksək
səviyyədə bələd olduğuna məəttəl qalmışdılar.
Şəxsən mən özüm Vasim müəllimlə bir neçə dəfə xarici ölkələrdə konfrans və
simpoziumlarda olmuşam. Azərbaycanı layiqincə təmsıl edən alimin ərəb ölkələrində
hörməti, bəlağətli çıxışları, söylədiyi parlaq nitqlər, gətirdiyi dəlillər hamını, elə
mənim özümü də heyrətdə qoymuş, elmi səviyyəsi bütün konfrans iştirakçılarının
böyük marağına səbəb olmuşdur.
Bir elm adamı kimi akademik V.Məmmədəliyevin fəaliyyəti çoxşaxəli və
genişdir. Onun 1991-ci ildən indiyə qədər müəllifı olduğu və xalq tərəfindən böyük
məhəbbətlə qarşılanan "Haqqın dərgahı" televiziya verilişi də alimin nə qədər zəngin
biliyə malik, İslamın incəliklərinə dərindən bələd olduğunun göstəricisidir.
Bəli, Vasim müəllim böyük alimdir. Azərbaycanın fəxr edəcəyi bir ziyalıdır. O,
vətəninə, elinə, obasına bağlı olan şəxsiyyətdir. Əminəm ki, alimliklə insanlığın bu
vəhdəti Vasim müəllimə hələ çox uğurlar qazandıracaqdır.
Abel Məhərrəmov
BDU-nun rektoru, akademik
12
BÖYÜK ALİM, SADƏ İNSAN VƏ DƏRİN BİLİK SAHİBİ
Bismillahir-Rəhmanir-Rəhim!
2017-ci il ölkəmizin tarixində və xalqımızın həyatında mühüm yeniliklərlə, eləcə
də mötəbər tədbirlərlə yadda qaldı. Nəinki Azərbaycanın, hətta bütövlükdə İslam
dünyasının böyük alimlərindən biri olan mənim dəyərli və sınanmış dostum akademik
Vasim Məmmədəliyevin 75 yaşının tamam olması da məhz bu ilə təsadüf etdi. Vasim
müəllimlə bizi bir-birimizə əsası hələ Sovet dövründə qoyulmuş və uzun illərin
sınağından keçmiş dostluq əlaqələri bağlayır. Mən bu illər ərzində onu həm elmin
incəliklərinə dərindən bələd olan bir alim kimi, həm də gözəl, nəcib və sadə bir insan
kimi tanımışam.
Akademik Vasim Məmmədəliyev Azərbaycanda şərqşünaslıq və ilahiyyat
elmlərinin inkişafında, İslam dininin elmi şəkildə öyrənilməsində böyük xidmətləri
olan bir alimdir. Vasim Məmmədəliyevin xüsusilə müqəddəs Kitabımız Qurani-
Kərimin ana dilimizə tərcüməsi üzərində əməyi olduqca dəyərlidir. Onun İlahi kəlama
olan marağı hələ uşaqlıq illərindən başlamışdır. Atası Məmmədəli müəllim həkim
olmaqla yanaşı, həm də bir çox dilin, o cümlədən ərəb dilinin dərin bilicisi olmuşdur.
Vasim müəllim ərəb dilini ilk dəfə məhz atasından öyrənmişdir. Beləcə, kiçik
yaşlarından o, ərəb dilini və Allah-Təalanın bu dildə nazil etdiyi Qurani-Kərimi
öyrənməyə başlamışdır.
Vasim Məmmədəliyev dünyanın bir çox yerində fəaliyyət göstərən müxtəlif elmi
akademiyaların həqiqi üzvü olmaqla yanaşı, 20 kitabın, 600-dən çox məqalənin
müəllifidir. Əsərləri dünyanın 15-dən artıq ölkəsində nəşr edilmişdir. Lakin mənim
fikrimcə, onun Azərbaycan islamşünaslıq elminə ən böyük töhfəsi Qurani-Kərimin
doğma dilimizə olan tərcüməsidir. O, çox böyük məsuliyyət tələb edən bu işə hələ
dinə qarşı qadağaların hökm sürdüyü Sovet dövründə başlamış, nəhayət Qurani-
Kərimin tərcüməsi 1991-ci ildə işıq üzü görmüşdür. Azərbaycan öz müstəqilliyini
əldə etdikdən sonra bir çox həmvətənimiz müqəddəs Kitabımızla məhz Vasim
Məmmədəliyevin tərcüməsi sayəsində tanış olmuşdur. Daha sonrakı dövrdə Qurani-
Kərimin dilimizdə başqa tərcümələri də nəşr olunmuşdur. Lakin bu tərcümələrin heç
biri Vasim müəllimin tərcüməsi qədər xalqın rəğbətini qazana bilməmişdir. Şübhəsiz
ki, bunun da obyektiv səbəbləri var. Belə ki, Vasim Məmmədəliyev Qurani-Kərimi
tərcümə edərkən ərəb və Azərbaycan dilinin qrammatik qaydalarının incəliklərinə
riayət etmiş, bununla yanaşı, mötərizə içərisində oxucu üçün aydın olmayan
məqamları izah etmişdir. Bu baxımdan, onun tərcüməsini “təfsiri tərcümə” adlan-
dırmaq olar. Maraqldır ki, Vasim Məmmədəliyevin tərcüməsində ayələri həm
mötərizə ilə, həm də mötərizəsiz oxuduqda cümlənin strukturu pozulmur, hər iki halda
cümlələr Azərbaycan dilində normal səslənir. Bu, şübhəsizki, Vasim Məmmədəli-
yevin təkcə ərəb dilini deyil, həm də Azərbaycan dilini mükəmməl bilməsi sayəsində
mümkün olmuşdur.
Dostları ilə paylaş: |