Microsoft Word Esref Veyselli Qarsima siz cixin cap docx
Yüklə 1,96 Mb. Pdf görüntüsü
|
88 Niyə tələsdin, niyə? Axı qəbristanlığa. Şəhərdə gül qalmayır, Axır qəbristanlığa... Ağlı olan ölərmi?
Axı Rüstəm kimi də Oğlu olan ölərmi? Ölümün ağzı yansın, Ölüm ağıla baxmır. Ölüm gəlir gələndə, Ölüm oğula baxmır...
Ölüm adlı rəssamın Əsəridir qəbirlər. Bu torpağın kor olmuş Gözləridi qəbirlər.
Ay dolanıb, il keçib, Neçə cür fəsil keçib. Burdan əzrayıl keçib, İzləridir qəbirlər.
Dostlar gör nə haldadır, Allah, bu neçə işdir- Bir yanında molladır, Bir yanında keşişdir.
89 Bu xəbəri eşidən, Bilən gəlir dəfninə “Tövrət” gəlir dəfninə, “İncil” gəlir dəfninə, “Quran” gəlir dəfninə... Məsləhət eyləyən kim, Məşvərət eyləyən kim. Müsəlman məzarlığı Tapmaq vəd eyləyən kim. Biri deyir işini Çox salmayaq çətinə, Biri deyir nəşini Hazırlayaq vətənə... Qovrulur için-için, Alışır Nina xanım. Eşit, ay keşiş qağa, Dayan, ay molla qardaş. Danışır Nina xanım: Biz birləşib bir evin Yükünü daşımışıq. Əsrin dörddə birini Birlikdə yaşamışıq. Yaxşı gündə, pis gündə Həmişə bir olmuşuq. Biz həmürək olmuşuq, Biz həmfikir olmuşuq... Ey müsəlman qardaşlar, Xeyir ola, yoxsa siz Bizi öləndən sonra Ayırmaq istəyirsiz?! Yox –yox, bu mümkün deyil Biz öləndən sonra da Bir yerdə olmalıyıq.
90 Harda mərhəmət ölsə, Harda ədalət ölsə, Harda məhəbbət ölsə, Biz orda olmalıyıq. Təzədən yer üzünə Orda doğulmalıyıq!..
Ömrün ahıl çağında Əfv edirik biz onu. Xristian torpağında, Rus məzarlığında Dəfn edirik biz onu. Bu necə can sevdası? Hansı məzhəbə sığar Bu xristian sevdası, Bu müsəlman sevdası? Rusiya torpağında Bir Şeyx-Sənan sevdası... Nina xanım hamıya Ad verir, ünvan verir Hər gələnə- gedənə Qəbrini nişan verir. Bir otaqda “Pominka”, Birində ehsan verir. Bir müsəlman önündə Dinlər imtahan verir. Baş sağlığı verməkçün Nina İvanovnaya Şəhər axışır bura. Öz mövcud dinləriynən, Mövcud məzhəb,təriqət, Mövcud ayinləriynən
91 Bəşər axışır bura... Bir müsəlman uyuyar Ətirli çələnglərin, Çiçəklərin içində... Biz gedərik, o qalar. Boylanar neçə- neçə Ürəklərin içindən, Hər kəs öz ürəyində Bir “Xəlilov” aparar...
Biz gedərik o qalar, Bir cüt göyərçin gələr, Dimdikləyər şəklini, Qonar hasarı üstə Yoxlayar o məzarı. Enər məzarı üstə, Sinər məzarı üstə, Ağlayar o məzarı.
Baxıb yan-yörəsinə, Dağına, dərəsinə. Dünya öz yarasına Bağlayar o məzarı.
Durub sözü üstündə, Hər gün əsib üstündə, Torpaq gözü üstündə Saxlayar o məzarı.
92 5 Səma da, günəş də ,torpaq da birdir, Dilimiz ayrıdır, dilimiz ayrı. Düzünə qalanda, Allah da birdir, Bəs niyə ayrıdır dinimiz ayrı?
Beyinə od vuran, qəlbə çat salan Qəzəb nəyə gərək, kin nəyə gərək! Xalqlar arasına təxribat salan Məzhəb nəyə gərək, din nəyə gərək!
Ümidlə döyünsün ürəklərimiz, Zülmətin də sonu nur olmalıdır. Bir günəş altında isinirik biz, Bu dünya birləşib bir olmalıdır!...
Şimşəklər göylərin bağrını dəlib, Gah yağış ələnib, gah çisəkləyib. Bəlkə eynilikdən acığı gəlib, Tanrı da sevməyib yeknəsəkliyi.
Hamar yaranmayıb yolu bəşərin, Həyatın mənası bəlkə bundadır. Yaxşıynan yamanın, xeyirnən şərin, Gecəynən gündüzün qovğasındadır...
6 Sən ey bizi xəlq eyləyən, Sənə səcdə qılmalıyıq. Aya salavat çevirib, Günə səcdə qılmalıyıq.
93 Dillərdə söz- söhbət olan, Sevgi olan, heyrət olan, Damarlarda qeyrət olan Qana səcdə qılmalıyıq.
Köksü daşı dəlib-deşən Gövdəsi göynən əlləşən, Sünbüllərdən yerə düşən Dənə səcdə qılmalıyıq.
Yoxdurmu dini- imanı, Yandırır insan insanı. Kim xilas etsə dünyanı Ona səcdə qılmalıyıq.
Sayəsi insanlıq olan, Mayası insanlıq olan, Qayəsi insanlıq olan Yolu tolirantlıq olan Dinə səcdə qılmalıyıq!
7
Oxu, ucalsın səsin, Sükut olma, ey Vətən. Olursansa günəş ol, Bulud olma, ey Vətən.
Qoy dolaşsın adın da Göyün yeddi qatında. Şimşəklərin altında Palıd olma, ey Vətən.
Yüklə 1,96 Mb. Dostları ilə paylaş:
|