30
Düzgün nəfəsalma üçün tənəffüs əzələlərini
idarə etmək, onları inkişaf
etdirmək və möhkəmləndirmək lazımdır. Üç tənəffüs tipi mövcuddur: sinə, qarın
və qarışıq.
Sinə tənəffüsü zamanı nəfəsalma vaxtı döş qəfəsi irəliyə, arxaya və yan
istiqamətlərə genişlənir; nəfəsvermədə qabırğalar aşağı enir, döş qəfəsinin həcmi
kiçilir.
Qarın tənəffüsündə nəfəsalma diafraqmanın təqəllüsü və aşağı enməsi
hesabına baş verir. Beləliklə, döş qəfəsinin həcmi yuxarıdan aşağıya
genişlənir,
nəfəsvermə isə diafraqmanın yuxarı qalxmasına, döş qəfəsinin həcminin azalması
hesabına icra olunur. Nəfəsalma zamanı qarının ön divarı irəliyə çıxır, nəfəsvermə
zamanı isə arxaya dartılır.
Qarışıq tip tənəffüsdə nəfəsalma və nəfəsvermə döş
qəfəsinin bütün istiqamətlərdə – irəliyə, arxaya, yanlara və yuxarıdan aşağıya
genişlənməsi hesabına həyata keçirilir. Bu tənəffüs tipi daha çox təbii hesab olunur.
Bu tənəffüs tipi uşaqlarda və yaşlılarda adi həyat tərzində və hərəkətlərin icrası
zamanı rast gəlinir. Lakin xüsusi məşq və təlim olmadan bu tənəffüs tipini
qənaətedici hesab etmək olmaz. Sinə və qarın tənəffüs tipləri tənəffüs əzələlərinin
möhkəmləndirilməsi, mütəhərrikliyin inkişafı üçün tövsiyə olunur.
Aşağıda 9-cu sinif şagirdləri üçün AHT göstəriciləri verilir. Siz ağciyər-
lərinizin hava tutumunun həcmini bilirsinizmi?
Cədvəl 2
Yaş
Аğciyərin
həyat tutumu, litr
Oğlanlar Qızlar
14 2750-2900 2150-2300
15 2950-3100 2350-2500
M
ÖVZU ÜZRƏ SUALLAR
1.
Tənəffüs aktı nədən ibarətdir?
2.
Tənəffüs əzələlərini möhkəmləndirmək üçün nələrdən istifadə
etmək lazımdır?
3.
Hansı tənəffüs formaları mövcuddur?
4.
Sizin AHT göstəricisi neçədir və yaş qrupuna uyğundurmu?
Ürək-damar sisteminin möhkəmləndirilməsi
Ürəyin işinin yüksək funksional səviyyəsi çox ciddi ardıcıllıqla növbələşən,
asta lakin, güclü təqəllüs və boşalma prosesləri ilə təyin olunur.
Ürəyin təqəllüs və
boşalma proseslərinin müəyyən vaxt fasilələrlə (nisbətən az nəbz vurğusu) baş
verməsi ürək əzələlərinin qidalanması və bərpası üçün əlverişli şərait yaradır. Məhz
Çap üçün deyil
31
bu səbəbdən də nəbz vurğuları göstəricisi, onun ritmi, davamlılığı ürək-damar
sisteminin funksional vəziyyətinin ən informativ göstəricisi hesab olunur.
Ürəyin ritmi ürək əzələlərinin gücündən, onun qanla təchizindən, sinir
impulslarının tənzimlənməsindən, yerinə yetirilən fiziki yükün intensivliyindən və
həcmindən asılıdır. Ürək məşq olunan orqandır. O, yerinə yetirilən
fiziki yükün
intensivliyinə müvafiq ani olaraq öz işini tənzimləyir. Ürək əzələlərinin güclən-
dirilməsinə müsbət təsir göstərən ən effektli fiziki yük orta intensivlikdə yerinə
yetirilən uzun müddətli yeriş, qaçış, üzgüçülük,
veloidman və xüsusi ümumin-
kişafetdirici hərəkətlərdir. Qeyd olunan hərəkət qruplarının təsiri altında ürək
əzələləri güclənir, təqəllüs ritminin sayı azalır, təqəllüslər arası pauza uzanır və
beləliklə ürək əzələləri daha qənaətlə işləyir. Təsadüfi deyildir ki, ürək-damar
sistemi güclü olan insanlarda ürək vurğularının sayı daha azdır.
Ürək fiziki yükün intensivlik və çətinlikliyinin orqanizm qarşısında yaratdığı
tələbləri: daha çox oksigen və enerji məhsullarına olan ehtiyacı ödəmək üçün
dərhal yüksək iş rejimini keçir, ona uyğunlaşır.
Yuxarıda sadalanan fiziki hazırlıq vasitələrindən sağlamlıq qaçışı xüsusi
qeyd olunmalıdır. Sağlamlaşdırıcı qaçış ürək-damar sisteminə olduqca müsbət təsir
göstərir. Belə qaçış zamanı ilk növbədə ürəyin özünü qanla təchiz edən damarlar
şəbəkəsi genişlənir, onların keçiricilik qabiliyyəti yüksəlir. Eyni zamanda ətraflarda
qan dövranı yaxşılaşır. Bundan başqa qanın qırmızı kürəciklərinin sayı artır,
hemoqlabin yüksəlir, bu da ağciyərlərdən oksigenin orqanizmin müxtəlif orqan və
toxumalarına daşınmasını asanlaşdırır.
Sağlamlaşdırıcı qaçışla məşğul olarkən fiziki yük intensivlik dərəcəsindən
asılı olaraq üç zonaya bölünür:
I zona – bu zonada qaçış sürəti elə olmalıdır ki, nəbz vurğularının sayı 100-
130 vurğu/dəq. arasında olsun. Bu rejimdəki qaçış gövdə, xüsusən də qıç
əzələlərinin kapilyar sisteminin işini fəallaşdırır və daxili orqanların
qanla təchizini
yaxşılaşdırır. Bu rejimdə ürəyin iş qabiliyyəti artır.
II zona – bu zonada qaçış tempi elə olmalıdır ki, ürək vurğularının sayı 130-
150 vur/dəq. arasında yerləşsin. Mütəxəssislər belə intensivlikdə olan sağlam-
laşdırıcı qaçışı «əsas və ya kompensator» zona adlandırırlar. Bu rejimdə ürək
əzələlərinin iş qabiliyyəti sürətlə artır və əzələlərin kapilyar sisteminin güclənməsi
baş verir. Belə sağlamlıq qaçışının ürək əzələlərinə təsiri kifayət qədər inkişaf-
etdirici olub, ilk növbədə ürəyin bir dəqiqəlik həcminin artmasına gətirib çıxarır ki,
bu da ürək əzələlərinin güclənməsinə dəlalət edir.
III zona – bu zonaya daxil olan qaçış intensivliyi ürək vurğularının 150-170
vur/dəq. arasında olmasını təmin etməlidir. Belə fiziki yük
ürək-damar sisteminin
submaksimal iş qabiliyyətini artırır. Qeyd etmək lazımdır ki, III zonaya aid olan
qaçış rejimindən daha çox idmançılar ümumi hazırlıq vasitəsi kimi istifadə edirlər.
Qeyd etmək lazımdır ki, sağlamlıq qaçışı ürək-damar sisteminin iş qabiliy-
yətini yüksəltməklə yanaşı tənəffüs aparatının möhkəmlənməsinə şərait yaradır. Bu
da özünü ağciyərin həyat tutumunun yüksəlməsində büruzə verir.
Çap üçün deyil