İstibdad dövləti başçısının xüsusi mövqeyi onunla şərtlənirdi ki, hökm-
dar qanunverici, icraçı və məhkəmə hakimiyyətinin tam hüquqlu daşıyıcısı
hesab edilirdi, onun şəxsiyyəti isə ilahiləşdirilirdi. Bununla bərabər Qədim
Şərq ölkələrində, xüsusən, Qədim Hindistanın bir sıra dövlət qurumlarında
və Finikiyanın bəzi şəhərlərində dövlətçiliyin qeyri-monarxiya formasını
təmsil edən “oliqarxiya respublikaları” mövcud idi.
Mədəni inkişafın qeyri-bərabərlik qanununa uyğun olaraq, Qədim Şər-
qin ayrı-ayrı ölkələri sivilizasiyanın müxtəlif pillələrinə çatmışdılar. Döv-
lətçilik mədəniyyəti və dövlət idarəçiliyi mədəniyyətində - Qədim Misir,
Şumer-Mesopotamiya sivilizasiyası, Finikiya, Het şahlığı, Qədim Hindistan
və Çin liderlik mövqeləri əldə etmişdilər.
Şumer-Mesopotamiya sivilizasiyası
Dünya sivilizasiyası və şəhər mədəniyyətinin mühüm mərkəzlərindən
biri, əvvəli b.e.ə. IV minilliyə aid olan Mesopotamiyadır. Mesopotamiyanın
etnogenezində şumerlər, akkadlar, amoreylər, haldeylər, subareylər, kutilər,
lulubilər, aşşurlar, hetlər, hürritlər, kaslar, arameylər və bir çox digər etnos-
lar iştirak etmişlər. Bu sivilizasiyanın əsasını, yazını yaratmış və onu insa-
nın həyat fəaliyyətinin xidmətinə vermiş şumerlər qoymuşdur. Onların nai-
liyyətləri babilistanlılar və assuriyalılar tərəfindən mənimsənilmiş və inki-
şaf etdirilmişdir. Şumer-Mesopotamiya sivilizasiyasında geniş riyazi, astro-
nomik və coğrafi biliklər toplanmış, kitabxanalar, məktəblər, muzeylər, ar-
xivlər, zəngin ədəbiyyat və incəsənət abidələri, dini və hərbi institutlar,
həmçinin digər ölkələrin və xalqların mədəniyyətinə təsir göstərmiş dünya-
nın elmi dərk edilməsi sistemləri, müxtəlif hüquqi sistemlər və dövlət idarə-
çiliyi sistemləri yaradılmışdır.
Şumer-Mesopotamiya dövlətçiliyinin təşəkkülü və inkişaf tarixi haqqın-
da hökmdarların çoxsaylı yazıları, həmçinin Eredu, Ur, Uruk, Laqaş, Nip-
pur, Mari, Aşşur, Nineviya, Babilistan, Arrapxa və s. şəhərlərin dövlət, mə-
bəd və şəxsi arxivlərindən tapılmış minlərlə təsərrüfat, hüquqi və diploma-
tik sənədlər danışırlar. Onlar İkiçayarası ölkələrin qarışıq etnik tərkibi, siya-
si quruluşu, dövlət quruluşu və idarəetmə, iqtisadi və sosial münasibətlər,
ailə mədəniyyəti, hüquq normaları, dini baxışları və beynəlxalq münasibət-
ləri haqqında təsəvvür yaradırlar. Şumerin qədim şəhər-dövlətlərinin siyasi
quruluşu və hökmdarların idarəçiliyi haqqında məlumatlar Şumer epik poe-
malarında əks olunmuşdur. Çoxlu sayda inzibati və digər sənədlər “hökm-
dar siyahıları”, “salnamələr”, padşahların və onların canişinlərinin, məmur-
ların, sərkərdələrin, kahinlərin məktublarında və “limmu” məmurlarının
Assuriya siyahılarında saxlanılır.
Fuad Məmmədov
120
İdarəetmə mədəniyyəti
Mesopotamiyanın dövlətçilik mədəniyyəti haqqında məsələ uzunmüddətli
elmi diskussiya mövzusu olmuşdur. Hələ XIX əsrin sonlarında Ed.Meyer tərə-
findən “dövrilik nəzəriyyəsi” yaradılmışdır ki, ona uyğun olaraq, hər bir sivili-
zasiya feodolizmdən başlayır, kapitalizm səviyyəsinə çatır və sonra daxili zid-
diyyyətlər nəticəsində məhv olur, bundan sonra inkişaf dövrəsi yenidən təkrar-
lanır. Bu konsepsiyaya uyğun olaraq, Şərq “daimi feodalizm” vəziyyətində
olan bir cəmiyyəti ifadə edir. V.V.Struve qədim Şərq cəmiyyətinin quldarlıq,
Asiya xarakteri haqqında nəticə çıxarmışdır. İ.M. Dyakonov idarəetmənin qə-
bilə formalarından monarxiya dövlətinin formalaşmasına doğru tədrici keçidi
haqqında özünün elmi müddəası ilə Qədim Ön Asiyada quldarlıq cəmiyyəti
konsepsiyasını təsdiq etmişdir. Şumerdə dövlətçiliyin ibtidai demokratiyanın
ilkin formasından istibdad hakimiyyətinə doğru təşəkkülü ilk dəfə keçən əsrin
ortalarında Torkild Yakobsen tərəfindən aşkarlanmışdır.
Arxeoloqlar tərəfindən Şumer-Mesopotamiya sivilizasiyasının formalaş-
masından əvvəl mədəniyyətin uzun müddətli tarixi inkişaf prosesi haqqında
bir sıra mədəni qatlar aşkar edilmişdir. Bu, b.e.ə. VII-IV minilliklər dövrü-
nü əhatə edən Carmo, Xassun, Xalaf, Übeyd mədəniyyətləri, Uruk mədə-
niyyəti və Cəmdət-Nəsr mədəniyyətidir.
Sinfi cəmiyyətin və dövlət quruluşunun əmələ gəlməsi, Şumer sivilizasi-
yası əsaslarının yaranması b.e.ə. IV minilliyin II yarısına aiddir və Uruk
mədəniyyəti ilə bağlıdır. Bu dövrdə yaşayış məskənlərinin artması, əmlak
təbəqələşməsi, cəmiyyətin differensiasiyası, məbədlərin və saray kompleks-
lərinin tikintisi müşahidə olunur, sənət, ticarət və nəqliyyat inkişaf edir,
əmək bölgüsü baş verir, piktoqrafik yazı yaradılır, ilk şəhərlərin formalaş-
ması prosesi başlayır. Sivilizasiyanın təşəkkülü və sosial infrastrukturun
mürəkkəbləşməsi dövlət hakimiyyəti orqanlarının xüsusiləşməsini tələb
edirdi. Kahin-hökmdarlar və sərkərdə-hökmdarlar meydana çıxdı. Dövlət
idarəetmə mərkəzləri kimi, məbədlərin rolu yüksəldi. Hakimiyyəti öz əlin-
də cəmləşdirən kahinlər yalnız dini funksiyaları yerinə yetirməyə deyil,
həm də suvarma əkinçiliyini idarə etməyə, istehsal və məhsulların bölüşdü-
rülməsi üzərində nəzarəti həyata keçirməyə başladılar. Bu dövrdə Şumerdə
Səma allahı Anunun Urukdakı “Ağ məbədi” və Tell-Brakdakı “Müqəddəs
göz” məbədi seçilirdi. Bu dövrə, həmçinin xüsusiyyət nişanəsi olan möhür-
lərin yaradılması da aiddir.
İlkin sülalə dövründə (b.e.ə. XXVIII-XXVII əsrlər) hakimiyyət struktur-
larının ibtidai demokratiyadan istibdad monarxiya formasına keçidi baş ve-
rir. İlkin sülalə dövrünün əvvəlində Şumer şəhər-dövlətinin başında baş ka-
hin (və ya kahinə) - “en”, “ensi” (qurucu-kahin) və ya daha geniş səlahiy-
yətlərdə, “luqal” (böyük adam, ağa, hərbi rəhbər, hökmdar) dururdu. Bu
dövrdə ibtidai demokratiya institutunun saxlandığını nəzərə alaraq bu vəzi-
121