Fuad Məmmədov
570
mütəşəkkillik, məsuliyyət və iradə, öz fəaliyyətinə daimi nəzarət, planların
və alınan nəticələrin tutuşdurulması lazımdır. Öz fəaliyyət və nəticələrinin
qeydini,- nailiyyətlərini özünütənqid şəklində təhlil etməklə, gündəlikdən
yaxud öz fəaliyyətinin səmərəliliyinin digər yazılı monitorinq formaların-
dan istifadə edərək, yazılı formada aparmaq lazımdır. Özünün bütün fikrini
və qüvvəsini, onları dağıtmayaraq, bir işin üzərində cəmləşdirməyi bacar-
maq və yalnız onu tamamladıqdan sonra digərinə keçmək lazımdır. Öz fi-
kirlərinə nəzarət etmək və diqqəti nə isə bir işin üzərində cəmləşdirmək bi-
zim işimizin faydalı əmsalını dəfələrlə yüksəldir və səmərəli nəticə əldə et-
məyə inkan verir.
Çətinliklərin, uğursuzluqlaın və məğlubiyyətlərin
aradan qaldırılması
Həyat yalnız inkişaf imkanlarından deyil, həm də mürəkkəb problemlər-
dən və çətinliklərdən ibarətdir ki, onları mərdliklə qəbul etmək və onlarla
ləyaqətlə mübarizə aparmaq lazımdır. Erazm Rotterdamski hesab edirdi ki,
“hətta ən pis talelərdə belə xoşbəxt dəyişikliklər üçün imkanlar var”. “Əlve-
rişli imkanın çətinliklərin və problemlərin arasında gizləndiyini” qeyd edən
Albert Eynşteyn də onunla həmrəydir. Uğursuzluqlar bizi özümüzə olan
inamdan məhrum etməməlidir. Yadda saxlamaq lazımdır ki, ilin fəsilləri
bir-birini əvəz etdiyi kimi, insanın həyatında işıqlı və qaranlıq zolaqlar bir-
birini əvəz edir, bu - qanunauyğunluqlardır ki, onlara psixoloji cəhətdən ha-
zır olmaq, şəxsi uğursuzluqlar kimi qəbul etməmək, məqsədə çatmaq üçün
yalnız əqli və fiziki qabiliyyətlərini deyil, həm də öz qəlbini qoymaq lazım-
dır. Onu da yaddan çıxarmaq lazım deyil ki, özünüidarə prosesi, insanın in-
kişafının dəyişməz yol yoldaşı olan səhvlərsiz ötüşmür. Bu, düzgün qərarlar
qəbul etməyə və müvəffəqiyyət qazanmağa imkan verən təcrübə mənbəyi-
dir. Şəxsi hazırlıqsız, müntəzəm olaraq biliklərini artırmadan, özünün şəx-
siyyət dəyərlərini yüksəltmədən effektiv özünüidarə mümkün deyil. İnsan
özünün, onun həyat fəaliyyəti nəticələrinin ailə, cəmiyyət, dövlət və bütün
bəşəriyyət üçün faydalılıq dərəcəsi ilə müəyyən edilən qiymətini bilməlidir.
Gələcək haqqında düşünərkən indiki zamanı və ətrafdakı insanları qiymət-
ləndirmək, həyatın hər bir pozitiv anını taleyin şansı və hədiyyəsi kimi qə-
bul etmək lazımdır.
İşdə olduğu kimi, həyatda da, uğursuzluqlardan qorxmaq və məğlubiy-
yəti faciəvi qəbul etmək lazım deyil. Problemə hər bir yeni yanaşma - müəy-
yən uğursuzluğa düçar olmaq riskidir. Buna görə də biz, biliyə istinad edə-
rək, qorxu və qətiyyətsizliyi, məğlubiyyət əhval-ruhiyyəsini qəbul etməmə-
li, mərdlik və möhkəm iradə göstərməli, yeni ciddi nailiyyətlərlə özünü
İdarəetmə mədəniyyəti
571
doğrulda biləcək şüurlu riskə getməliyik. Dialektika qanunlarını xatırlaya-
raq, nəzərə almaq lazımdır ki, həyatda uğursuzluqlar və məğlubiyyətlər qa-
çılmazdır. Başlıcası, onları güclü şəxsiyyət formalaşdıran və onun özünüi-
darə qabiliyyətini inkişaf etdirən dərslər kimi qəbul etmək lazımdır. Həyat
prosesini məktəbdə uşağın təlim prosesi ilə müqayisə edərək, Templton bi-
zim həll etməli olduğumuz problemlərin çətinliklərinin daim artması haq-
qında danışır. Bu həm də yeni insanlar, amillər, şəraitlər, düşüncələr, vəziy-
yətlərdir ki, onlara uyğunlaşmaq lazımdır. Başlıcası - mürəkkəb vəzifələrin
yaranmasından qorxmamaq, lakin öz praktikasını genişləndirərək və şəxsi
təcrübəsini zənginləşdirərək, “yolun öhdəsindən yalnız yolu gedən kəsin
gələ biləcəyini” xatırlayaraq, onları ardıcıl surətdə və inamla həll etmək la-
zımdır. Problemləri nikbinlliklə, düzgün həllini tələb edən təbii, qanunauy-
ğun həyat hadisələri kimi qəbul etmək gərəkdir. Situasiyanı və onunla bağlı
olan çətinlikləri aydınlaşdırmaq, vəzifəni və onun bilik və təcrübəyə əsasla-
nan həllini müəyyən etmək lazımdır. Bu pillələrin dərk edilməsi və ardıcıl
fəaliyyət, - inamsızlığı və qorxunu aradan qaldırmağa, məsələnin düzgün
həllini tapmağa və pozitiv nəticələr əldə etməyə yardım edir. Öz növbəsin-
də, yüksək nəticələrin əldə edilməsi arzularımıza çatmaqda yeni qələbələrə
stimul olur. Bu mənada müvəffəqiyyət - ən çox istənilən məqsədə nail ol-
maqda yeni qələbələrə aparan pilləkənlərdə bir pillədir. Beləliklə, zəhmət,
inad və dözüm – güclü alətlərdir ki, onlarsız insanın inkişafı ağlasığmazdır.
Xalq hikmətini xatırlayaq: “tərpənməyən daşın altından su axmır”, “səndən –
hərəkət, Allahdan – bərəkət”.
Öz imkanlarından aşağı olmayan səviyyədə yaşamaq və işləmək üçün
nə etmək lazımdır? Özünüidarə məsələlərinə yaradıcılıq və məsuliyyətlə
yanaşmaq. Bilmək azdır, öz biliklərini praktik surətdə həyata keçirməyi ba-
carmaq lazımdır. Bacarmaq azdır, mütəşəkkil, məsuliyyətli və iradəli olmaq
gərəkdir. Mütəşəkkil olmaq azdır, ətrafdakılara münasibətdə nəcib, etik ol-
maq lazımdır. Etik olmaq azdır, işgüzar olmaq, bunun üçün konkret fəaliy-
yət sahəsi seçib, strategiya, metodika və texnologiyanı düzgün müəyyən
edib, çalışmaq, yaratmaq lazımdır. Bu gün etmək mümkün olan işi sabaha
qoymamaq. Sağlamlıq, başqa insanlarla qarşılıqlı münasibətlər, maddi rifah
məsələləri, hisslər və əmək – prioritet işlər hesab edilir. Bodo Şefer müvəf-
fəqiyyətə aparan yolda, insanın xarakteri və
keyfiyyətləri ilə şərtlənən
altı
maneəni göstərir. Bu - təkəbbür, cahillik, şöhrətpərəstlik, tənbəllik, şübhə-
lər və günah hissidir. Bu maneələrin aradan qaldırılması yolu – sadəlik,
təhsillilik, inadlı zəhmət, mərdlik, öz qüvvəsinə inam, möhkəm iradədir.
Razılıq və xoşbəxtlik hissinın duyulması üçün yaxşı iş seçimi və ona düzgün
münasibət bəsləmək mühüm əhəmiyyət daşıyır. Bu öz istedadını və qabiliy-
yətini həyata keçirərək, işdən zövq almağa, şəxsi rifahını təmin etməyə və