48
olması vacibdir. Rəhbərlik fəaliyyəti həm də sistemdə
hadisələrin ötürücülüyünü də təmin etmək üçün çox vacibdir.
Ümumiyyətlə, siyasi sistem və onun səmərəli fəaliyyəti
nizamlamanı təmin edən rəhbərlikdən asılıdır və rəhbərliyin
cəmləşdiyi əlaqəli, bu baxımdan iyerarxik mərkəzlər olmadan
qeyri-mümkündür.
İstər dövlətin daxilində, istərsə də beynəlxalq arenada
siyasət həyata keçirilərkən düzən (idarəçilik) prinsipləri ortaya
çıxır. Düzən-pərakəndə, qeyri-mütəşəkkil formada olan
elementlərin bir və ya da bir neçə mərkəzdə birləşməsidir və
bundan irəli gələn sistemli vəziyyətdir. Düzən də güc amilini
zəruri edir. Güclü tərəfin nizamlı etdiyi elementlərin sayı da
çox olur və yığcamlıq böyüyür. Həm dövlət daxilində, həm də
beynəlxalq əlaqələrdə sülh və sabitlik, eləcə də inkişaf o zaman
əldə edilir ki, nizamasalma məsələsində güclü tərəfin ədalətli
mövqeyi və qarşı tərəfə olan hərəkətləri əsas prinsip kimi
götürülür. Təbii ki, ədalət fəzilətdir və ideallıqdır. Ədalət alidir
və bu baxımdan da yüksəkdir. Aristotel qeyd edir: “Əlbəttə biz
görürük ki, hamı qəlbin o xüsusiyyətini ədalət adlandırmağa
meyillidir ki, bununla insanlar ədalətli hərəkətlərə həvəs
göstərir, ədalətli işlər görür və ədaləti arzulayırlar....Qanunlar
bütövlükdə hər şeydən bəhs edir, həm də nəzərə almaq lazımdır
ki, qanunlar ya hamını, ya ən yaxşıları, ya hakimiyyətdə
olanları (məziyyətlərinə görə), ya da bu kimi adamları nəzərdə
tutur, belə ki, bir, (yəni böyük) mənada o şeyi ədalətli
adlandırırıq ki, dövlətdə qarşılıqlı münasibət üçün xoşbəxtliyi
və bunu təşkil edən bütün şeyləri qurub, saxlayır. Deməli,
qanun bir göstərişdir,...əgər düzgün tərtib olunubsa, yaxşıdır,
diqqətsiz tərtib olunubsa, pisdir. Ədalət bütün məziyyətlərin
özüdür”
1
Maraqların təmin edilməsi prosesləri və onun təzahürü,
ortaya çıxan vəziyyətlərin gerçəkliyi isə reallıqdır. Məsələn,
1
Aristotel. “Nikomax etikası” (Tərcümə edəni F. Təbibi), Bakı, Qanun,
2007, 340 səh., səh. 127-130.
49
dövlətlər daxilində və beynəlxalq sahələrdə hüquq normaları
məzmun baxımından bu və digər səviyyədə ədaləti əks etdirir.
BMT Nizamnaməsi və beynəlxalq hüququn on mühüm prinsipi
baza beynəlxalq hüquq prinsiplərini əks etdirən sənəd və
prinsiplər, müddəalar olaraq tərəflər arasında ədalətli
münasibətlərin əsaslarını müəyyən edir. Bu, özlüyündə
ideallıqdır, çünki nəzəri fikirdir- ortaya qoyulan ümumi
(universal) humanist dəyərlər toplusunu nəzəri baxımdan əks
etdirəndir. Bu qayadadır və hərəkət istiqamətlərini müəyyən
edəndir. Qaydalar da nisbi, şərti və təqribi ədalətdir. Bəzi
hallarda və ümumilikdə fəzilətdir. Məsələn, bir hərəkət bir
tərəfə yüksək səviyyədə xeyir gətirir. Digər tərəfə isə bundan
bir
qədər
az.
Qaydalar,
riyazi
dillə
ifadə
etsək,
yuvarlaqlaşdırılmış ədalətin mövcudluğu, qorunması üçündür.
Ədalətə çatmaq, ədaləti əldə etmək və bundan faydalanmaq
deməkdir. Ədalət həm də nisbidir və fəzilət olaraq müxtəlif
anlarda və şəraitlərdə özünü təsdiq etmiş olur. Ədalət həm də
hamının qəbul etdiyidir, universallıqdır, universal dəyərlərdən
ibarətdir. Bu baxımdan ölkələrin konstitusiyaları da nəzəri
əsaslarla
ədalətli
vəziyyətləri
və
halları,
məqamları
şərtləndirən, əks etdirən normalar, ümumilikdə nəzəri qaydalar
toplusudur. İdeallıq təcrübədə o zaman yaranır ki, maraq
uğrunda hərəkət zamanı mənəvi aləmdə, daxili mənəviyyatda
zəngin ədalətlilik mövcud olur, yanaşmalarda yumşaqlıq
meydana gəlir. Tələbatları ödəyən qanunların yüksək
səviyyədə icrasının mövcud olduğu cəmiyyətlər nisbətən
ə
dalətli cəmiyyətlər hesab edilə bilər. Ədalət universal
dəyərdir, universal kriteriyadır, bu baxımdan da hamının
istinad etdiyi yüksəkdir. Lakin ədalət reallıqda (real zamanda
və real hərəkətlərdə-xüsusilə resursların çatışmadığı və
düşüncələrin zəif olduğu məsələlərdə) çox yüksək ola bilməz.
Bu zaman reallığı kölgədə qoya bilər. Ümumi məna itə bilər.
Ədalət ideya olaraq ucada, hərəkətlər isə ondan aşağıda olur.
Lakin ədalət hərəkətləri daha çox özünə cəlb edə bilən bir
50
mənəviyyat komponentidir. Saf insanlar (dini əxlaqa və
əqidəyə görə halal insanlar) daha çox öz hərəkətlərini ədalətə
bağlamağa meyil göstərirlər. Ədalətin kasadlığı (insanlar
ədaləti həmişə çatışmayan amillər kimi görürlər) cəmiyyətlərin
daima hərəkət vəziyyətində olmağını zəruri edir. Çünki
insanlar ədaləti rəhbər tutaraq, ədalətə nail olmaq məqsədilə
daima onun axtarışında olurlar. İdarəetmədə-rəhbərlikdə və ona
tabe olmada ədalət bir orta barışdırıcı, taraz yaradıcı xətt kimi
əsas götürülür. Tabe edən və tabe olan tərəf-hər ikisi ədalətə
istinad edir. Bu zaman ədalətli nizamlama meydana gəlir.
Münasibətlərin tarazlığı həm ideallıqdan, həm də
reallıqdan ortaya çıxan bir vəziyyətdir. İdellıq çox yüksək
səviyyədə olarsa, bu anda mənfiliklər də çox olmaya bilər ki,
bu zaman inkişaf dayana bilər. Tarazlıq tam müsbət tərəfə
yönələr ki, bunun da nəticəsi elə durğunluğa gətirib çıxarar və
nəticə tamamilə mənfi olar. Fəlsəfi baxışlara əsasən, inkişaf
ə
ksliklərin
və
ziddiyyətlərin
mövcud
olduqları
(mübarizədən) və vəhdət (sintezdən) təşkil etdikləri
şə
raitlərdə ortaya çıxır. Ziddiyətlərdən vahidin özü də
parçalana bilir. Məsələn, dövlət vahid bir qurum kimi
komponentlərarası ziddiyyətlərdən dağıla bilir. Burada da
mübarizə baş verir. Burada qəbul edilən münasib
nizamlılıq kəskin mübarizədən xaosa çevrilir. Çünki hər
bir komponent özünün əvvəlki formalaşmış “oxundan”
kənara çıxır. Ziddiyətlər həm əksliklərin vəhdətini yaradır,
həm də vəhdətin özünü əksliklərə parçalayır. İnkişaf
ədalətlə ədalətsizliyin mübarizəsindən meydana gəlir və bu
mübarizədə tarazlıq əldə etmək üçün mübarizə ədalət tərəfə
meyil edir. İnkişaf daima mübarizəni tələb edir ki, bu da elə
daimi hərəkətlər, bir-birini şərtləndirən və biri digəri üçün
başlanğıc və səbəb olan hadisələr toplusudur. Nizamlamada da
başlıca məqsəd ədalətin reallıq və ideallıq vəhdətini yaratmaq
və bu sintezdən də yeni mövcudluğu ortaya çıxarmaqdan
ibarətdir. Yeni mövcudluğun, real gerçəkliyin, qavrayışla dərk