127
barədə hüquqlarının məhdudlaşdırılmasını və digər ciddi əhəmiyyətə malik
olmayan dəyişiklikləri təklif edirdi. Bunun davamı kimi M.Litvinov bir daha
özünü bilavasitə hərbi təhlükə hədəsi altında hiss etdikdə xarici hərbi gəmilərə
münasibətdə Türkiyəyə xüsusi hüquqlar verən Montrö sazişinin 21-ci maddəsinin
ləğvini arzu olunan addım hesab edirdi.Eyni zamanda Türkiyə ilə qarşılıqlı pakt
bağlamış dövlətlərlə digər dövlətlər arasında fərqi özündə əks etdirən 19-cu
maddənin dəyişdirilməsi Türkiyənin vuruşduğu ölkələrin gəmilərinə münasibətdə
məhdudiyyətləri nəzərdə tutan 20-ci maddənin dəqiqləşdirilməsi arzu edilirdi.
Sovet rəhbərlərinə təqdim olunan məruzənin sonunda M.Litvinov belə nəticəyə
gəlirdi ki, yuxarıda göstərilən bütün dəyişikliklərin həyata keçirilməsi üçün
İngiltərə ilə qabaqcadan razılaşmaq və ya Türkiyə ilə müvafiq müqavilə bağlamaq
zəruridir (55).
Boğazlar məsələsinə dair Montrö sazişini dəyişdirmək və Türkiyəni Bosfor və
Dardanell üzərində müstəsna hüquqdan məhrum etmək istiqamətində SSRİ Xarici
İşlər Komissarlığında gərgin iş gedirdi. 1944-cü ilin noyabr ayının 17-də yenidən
M.Litvinovun rəhbərliyi ilə "Boğazlar haqqında məsələyə dair" adlı iki səhifəlik
qeydlər İ.Stalin, V.Molotov, V.Dekanozov, S.Lazovski və digərlərinə göndərildi
(56).
1944-cü ilin martında ayrı-ayrı müttəfiq respublikalarda Xarici İşlər
Komissarlıqlarının yaranması müharibədən sonrakı dünya quruculuğunda Sovet
İttifaqının imkanlarını, qonşu dövlətlərə, o cümlədən Türkiyəyə təsirini və
təzyiqini artırmağa, beynəlxalq təşkilatlarda möhkəmlənməyə hesablanmış ciddi
siyasi addım idi. Məlum olduğu kimi, 1922-ci ildə SSRİ yarananda ona daxil olan
ayrı-ayrı respublikalar öz hüquqlarının bir hissəsini, xüsusilə xarici siyasət və
Müdafiə məsələləri ilə bağlı hüquqlarını ittifaq dövlətinə vermişdilər. 1944-cü ilin
yazında bu hüquqların yenidən miittəfiq respublikalara qaytarılması SSRİ-nin
demokratikləşməsi, onun subyektlərinin hüquqlarının genişləndirilməsi, milli
siyasətdə baş verən dəyişikliklərin nəticəsi olmayıb, dünya müharibəsinin sonunda
beynəlxalq aləmdə baş verən dəyişikliklər və bu dəyişikliklərdən SSRİ-nin hərbi,
siyasi və strateji maraqları üçün daha effektli istifadə etmək zərurətindən irəli
gəlirdi. Sovet mətbuatında bu addımı müttəfiq respublikaların suverenliyinin
möhkəmləndirilməsi, guya xarici dövlətlərlə birbaşa əlaqələrin qurulmasının
müttəfiq respublikaların milli maraqları, təsərrüfat və mədəni ehtiyaclarından irəli
gəlməsi kimi şərh edilməsi sırf deklarativ xarakter daşıyırdı (57). Əslində isə bu
addımdan daha geniş məqsədlər üçün - yeni yaranan Birləşmiş Millətlər
Təşkilatında mümkün olduğu qədər daha çox səslə təmsil olunmaq, M.Litvinovun
15 noyabr məruzəsində işarə edilən Ukrayna və Gürcüstanın Boğazlara nəzarət
üzrə yaradılması nəzərdə tutulan Qara dəniz dövlətləri komissiyasında iştirakını
təmin etmək, Ermənistan və Gürcüstandan Türkiyəyə qarşı, Azərbaycandan İrana
qarşı,
128
Ukrayna və Belorusiyadan Polşaya qarşı, Baltikyanı respublikalarından
Almaniyaya qarşı, hətta Özbəkistandan Çinin Şərqi Türküstan əyalətinə qarşı
SSRİ tərəfindən irəli sürüləcək ərazi iddialarında istifadə etmək planlaşdırılırdı.
Məhz bu məqsədlə sərhədyanı dövlətlərdə baş verən bütün hadisələr, gedən bütün
siyasi proseslər Sovet İttifaqının maraq dairəsin daxil edilmişdi. Lakin hələ ki, bu
geniş planlardan yalnız Boğazlar rejimini dəyişmək uğrunda mübarizə
müttəfiqlərarası münasibətlərdə açıq xarakter almış, Türkiyənin Boğazlara nəzarət
hüququnu onun əlindən almaq və ya ən azı bu hüquqa şərik olmaq barədə çeşidli
gizli variantlar hazırlanırdı 1945-ci ilin Krım konfransı ərəfəsində və konfransın
gedişində bu iş daha intensiv xarakter almışdı.
1945-ci ilin ilk günlərində Xarici İşlər Komissarının müavini V.Dekanozov
Komissarlığın Türkiyə tarixi üzrə eksperti A.Millerə tapşırıq vermişdi ki, Qara
dəniz boğazlarında mövcud rejimi dəyişmək istiqamətində öz fikir və
mülahizələrini hazırlasın. Bu tapşırığa uyğun olaraq A.Miller yanvar ayının 15-də
qeyd edilən məsələ ilə bağlı öz təkliflərini V.Dekanozova təqdim etdi. Beş
səhifədən ibarət olan bu sənəddə Boğazlar rejimi ilə yanaşı, eyni zamanda Sovet-
Türkiyə münasibətlərinin bir sıra maraqlı məqamlarına toxunulmuşdu.
M.Litvinovun "Boğazlar haqqında məsələyə dair" məruzəsinin əksinə olaraq
A.Miller belə hesab edirdi ki, Montrö sazişinə görə Boğazlar rejiminin əlverişli
olmaması 1936-cı ilin 20 iyulunda imzalanmış Sazişdən deyil, daha çox onun
Türkiyə tərəfindən həyata keçirilməsindən irəli gəlir. Onun fikrincə, Sazişin öz-
özlüyündə mühüm sayılan maddələri qənaətbəxşdir. Belə ki, Montrö sazişi təkcə
Türkiyənin təhlükəsizliyi ilə bağlı deyil, bütün Qara dəniz dövlətlərinin, eyni
zamanda SSRİ-nin təhlükəsizlik maraqları ilə bağlı mühüm prinsipial məsələləri
özündə əks etdirir. Dinc dövrdə Qara dəniz dövləti olmayan ölkələrin hərbi
gəmilərinin Qara dənizə buraxılması növünə, su tutumuna və Qara dənizdə olma
müddətinə görə o dərəcədə məhdudlaşdırılır ki, çətin ki, o bizim üçün təhlükə
yaratsın. Eyni zamanda dinc şəraitdə Sovet hərbi gəmiləri Boğazlardan keçməkdə
demək olar ki, qeyri-məhdud hüquqlara malikdirlər. A.Miller əlavə edirdi ki,
müharibə dövründə Türkiyənin neytrallığı şəraitində bütün vuruşan ölkələrin
hərbi gəmilərinin Boğazlardan keçməsı qadağan edilir ki, Qara dənizin
təhlükəsizliyi baxımından bu daha çox əlverişlidir. Bütün bu məsələləri
sadaladıqdan sonra o qeyd edirdi: "Əgər Sazişin mətnindən çıxış etsək, Montrödə
qurulan rejim 1841-ci ilin London sazişindən başlayaraq bütün əvvəlki beynəlxalq
reqlamentlərlə müqayisədə bizə daha artıq üstünlüklər verir" (58).
Lakin A.Miller qeyd edirdi ki, Montrö sazişinin həyatda yerinə yetirilməsinin
gedişində belə bir çatışmazlıq müəyyən edilmişdir ki, Türkiyə hökuməti onun
maddələrinin yeganə və nəzarətsiz şərhçisidir. 1936-ci ildə şübhəsiz ki, Sazişin
həyata keçirilməsini xüsusilə hərbi şərait