___________________________________________________452
166. Şimali Kipr Cümhuriyyəti - 1974-cü ildə Yunanıstanda
hakimiyyətə gəlmiş hərbi xunta Kiprin yunan irticaçıları ilə birlikdə Kipri
Yunanıstana birləşdirmək məqsədilə ölkədə hərbi çevriliş etdilər və prezident
Makariosu hakimiyyətdən uzaqlaşdırdılar. Bundan narahat olan Türkiyə Respublikası
Kiprin türk icmasını müdafiə etmək məqsədilə oraya hərbi qüvvələr yeritdi və türk
icması yaşayan ərazini yunan irticaçılarından təmizlədi. 1975-ci ildə Türkiyə-Kipr
administrasiyası bu ərazidə federativ türk dövləti - Kipr Respublikasını elan etdilər.
1983-cü ildə bu dövlətin qanunverici orqanı Şimali Kipr Türk dövləti (ŞKTR) - Kıbrıs
elan etdi. -241, 255, 256, 271.
167. Rauf Denktaş (d.1924) - hüquqşünas, dövlət xadimi. İkinci dünya
müharibəsindən sonra London universitetində hüquq fakültəsini bitirmiş və Kiprə
qayıtmışdır. Gündəlik hadisələr və senaratist EOKA təşkilatı tərəfdarlarının Kiprin
Yunanıstana birləşdirilməsi çağırışları Kipr türklərinin səbr kasasını doldurdu və
ingilis qubernatoruna protest məktubunu yazmağa vadar etdi. -
Yunanların mürtəce siyasətini Qərb dövlətləri də müdafiə edirdi. Məhz buna görə
uzun müddət Türkiyədə yaşayan Denktaş 1963-cü il (o Kiprdə non-qrat elan
edilmişdi) hadisələri zamanı gizlin Kiprə qayıtdı. Kipr türklərinin xahişi ilə türk
ordusu 1974-cü ildə Kiprə girdi, Şimali Kipr Türk dövləti yaradıldı. Bundan sonra
Denktaş Şimali Kipr Türk Cümhuriyyətinin prezidenti seçildi. - 241, 255, 256, 271.
168. Böyük Millət Məclisi (BMM) - Türkiyənin ali qanunverici orqanı.
Parlament 1920-ci il aprelin 23-də yaradılmışdır. BMM-nin ilk sədri M.K.Atatürk
olmuşdur. BMM iki palatadan ibarətdir: Senat (yuxarı palata) və Milli palata. BMM
məclis üzvlərindən respublika prezidentini seçir. - 244.
169. «Soyuq müharibə» - keçmiş SSRİ və müttəfiqləri, digər tərəfdən isə ABŞ
və onun müttəfiqləri arasında olan hərbi-siyasi konfrantasiya. «Soyuq müharibə»
İkinci dünya müharibəsindən sonra yaranmış və ona 90-cı illərin əvvəlinə qədər SSRİ-
də və digər sosialist ölkələrində siyasi və sosial dəyişikliklər nəticəsində son
qoyulmuşdur. - 245, 294, 322
170. Mustafa Kamal Atatürk, Qazi Mustafa Kamal(1881- 1938) -Türkiyə
dövlət, siyasi və hərbi xadimi, Türkiyə Respublikasının
___________________________________________________453
banisi və ilk prezidenti (1923-38). Birinci dünya müharibəsi zamanı Dardanel
boğazının müdafiəsində (1915) şücaət göstərmişdir.
Atatürk 1919-cu ildən «kamalçılar» milli azadlıq hərəkatına başçılıq etmişdir.
1920-ci ildə Atatürk Ankarada yeni parlament - Türkiyə Böyük Millət Məclisini
(TBMM) yaratdı, məclisin və təşkil edibn hökumətin sədri seçildi. Sakarya çayı
yaxınlığında qələbəyə görə TBMM Atatürkə marşal rütbəsi və «Qazi» fəxri adını
vermişdir. 1922-ci ildə Atatürkün komandanlığı ilə türk ordusu Türkiyəni xarici
müdaxiləçilərdən tamamilə azad etdi.
Atatürk soy adı ona 1934-cü ildə TBMM tərəfindən verilmişdir. -248, 255, 257,
259, 263.
171. İhsan Doğramacı (d.1915) - türkdilli ölkələrin Milli Pediatriya
Cəmiyyətləri Birliyinin fəxri prezidenti, elmlər doktoru, professor. 1963- 65-ci
illərdə Ankarada Uşaq Sağlamlığı İnstitutunun direktoru, 1977-93- cü illərdə
institutun icraçı direktoru, 1992-ci ildən isə fəxri prezidenti, 1968-73-cü illərdə
Pediatorların Tibb Assosiasiyasının prezidentidir. 1959-cu ildən YUNİSEF-in
İcraiyyə Komitəsinin üzvüdür. İki dəfə Bilkənd Universitetinin sədri və rektoru
olmuş, 1975-ci ildən isə universitetin fəxri rektorudur. İ.Doğramacı Azərbaycan
MEA-nın fəxri üzvü, Azərbaycan Dövlət Tibb Universitetinin fəxri doktorudur.
Azərbaycan Respublikasının «İstiqlal» ordeni ilə təltif olunmuşdur. - 249-250.
172. 1993-cü il iyun hadisələri - Azərbaycanı vətəndaş müharibəsi həddinə
gətirmiş Gəncə hadisələri, Bakıda Ali Sovetin binası qarşısında keçirilən çoxsaylı
mitinqlə, Heydər Əliyevin xalqın tələbilə Naxçıvandan Bakıya gəlməsi, Ali Sovetin
sədri seçilməsi, o zamankı respublika prezidenti Ə.Əliyevin (Elçibəyin) Kələki
kəndinə getməsi, Ali Sovetin sədri Heydər Əliyevin respublika prezidentinin
vəzifəsini icra etməyə başlaması nəzərdə tutulur. - 263.
173. Broz Tito, İosip Tito (1892-1980) - 1953-80-ci illərdə Yuqoslaviyanın
prezidenti, marşal. 1941-45-ci illərdə Yuqoslaviyada milli-azadlıq müharibəsi zamanı
Xalq azadlıq ordusunun baş komandanı udmuşdu. 1945-ci ilin martında Yuqoslaviya
Demokratik Federativ Müvəqqəti hökumətinin sədri, avqustunda isə Yuqoslaviya
Federativ Xalq Respublikası hökumətinin başçısı seçilmişdi. Tito bloklara
qoşulmamaq hərəkatının liderlərindən biri olmuşdur. - 267.
___________________________________________________454
174. Putin, Vladimir Vladimiroviç (d.1952) - 2000-cı ilin mayından Rusiya
Federasiyasının prezidenti. 1975-97-ci illərdə bir sıra məsul vəzifələrdə çalışmışdır.
1998-ci ildə Rusiya Federasiyası prezidenti administrasiyasının rəhbəri, 1998-99-cu
illərdə MTİ-in direktoru, 1999-cu ilin avqustundan Rusiya hökumətinin başçısı, 1999-
cu ilin dekabrından Rusiya Federasiyasının prezidenti vəzifəsini icra etmişdir. - 277-
283.
175. Nazim İbrahimov, Nazim Hüseyn oğlu (d. 1963) - mühəndis. 1997-2000-
ci illərdə Ukrayna Respublikasında Azərbaycan Respublikasının fovqəladə və
səlahiyyətli səfiri. 2000-2002-ci illərdə Milli Məclisin deputatı. 2002-ci ildən Xarici
ölkələrdə yaşayan azərbaycanlılarla iş üzrə dövlət komitəsinin sədri. - 284-289, 294,
295.
176. Bolqarıstan, Bolqarıstan Respublikası- Cənubi Avropada, Balkan
yarımadasında dövlət. Sahəsi 110,9 min km2, əhalisi 8,4 milyon nəfərdir. İnzibati
cəhətdən 9 vilayətə bölünür. Dövlət başçısı prezident, ali qanunverici orqanı -
birpalatalı Xalq Məclisidir. Paytaxtı Sofiya şəhəridir. – 287, 293-328.
177. LAOS (Laos Xalq Demokratik Respublikası) - Cənub-Şərqi Asiyada dövlət.
Sahəsi 236,8 min km2, əhalisi 5 milyon nəfərdir. Dövlət başçısı prezident, ali
qanunverici orqanı birpalatalı Ali Xalq Məclisidir, Paytaxt Vyentyan şəhəridir. - 291.
178. Birləşmiş Ərəb Əmirlikləri, BƏƏ - Cənubi Asiyada dövlət. Sahəsi 83,6
min km
2
, əhalisi 2,5 milyon nəfərdir. BƏƏ-nin tərkibinə 7 əmirlik daxildir. Ali orqanı
- Federal Milli Şuradır ki, prezidenti 5 il müddətinə seçir. Paytaxtı Əbu-Dabi
şəhəridir. - 290.
179. Peter Stoyanov (d.1952) - Bolqarıstanın siyasi və dövlət xadimi.
Hüquqşünas. 1991-92-ci illərdə ədliyyə nazirinin müavini olmuşdur. 1997-ci ildən
Bolqarıstan Respublikasının prezidentidir. - 293-328.
180. Sofiya - Bolqarıstanın paytaxtı. Əsası bizim eranın 1-ci əsrində
qoyulmuşdur. 1382-1878-ci ilin əvvəllərinə qədər Osmanlı imperiyasının tərkibində
olmuşdur. 1879-cu ildən Bolqarıstanın paytaxtıdır. - 296, 299, 300, 301, 308, 312.
181. İNOQEYT - neft və qazın Avropaya ixracı proqramı. - 300, 301, 305, 306,
313, 315, 323.
Dostları ilə paylaş: |