31
baycanda opera sənətinin əsasını qoymuşdur, unikal ona görədir
ki, bu əsərdə Azərbaycan professional bəstəkarlıq məktəbinin
bünövrəsi qoyulmuşdur, unikal həm də ona görədir ki, muğam-
lara əsaslanaraq, “Leyli və Məcnun” musiqimizdə muğam ope-
rasının təməlini qoydu. Bu operadan sonra Ü.Hacıbəylinin
“Şeyx Sənan”, “Əsli və Kərəm”, “Şah Abbas və Xurşud Banu”,
“Harun və Leyla”, M. Maqomayevin “Şah İsmayıl”, Z.Hacıbə-
yovun “Aşıq Qərib” muğam operaları yarandı. Lakin bu operala-
rın arasında “Leyli və Məcnun”un Azərbaycan musiqisi tarixin-
də oynadığı rol, xalqımızın qəlbində tutduğu yer xüsusidir.
100 ildən artıqdır ki, bu opera səhnədən düşmür, yeni-yeni
ifaçılar – Leylilər, Məcnunlar nəsli yetişir. 22 yaşlı gənc Üzeyir
Hacıbəylinin yaratdığı “Leyli və Məcnun” operasının 100 il ər-
zində daimi, stabil uğurunun sirri nədədir? Qədim muğam-
larımızın gözəlliyində, təkrarsızlığında, yoxsa dahi Füzulinin
eyniadlı poemasında, qəzəllərində, ya da gənc Üzeyirin operaya
yazdığı musiqi parçalarında, bəlkə o vaxtlar Hüseynqulu Sa-
rabskinin yaratdığı təkrarsız Məcnun rolunda? Daha doğrusu,
bunların ayrı-ayrılıqda heç birində, eyni zamanda hamısında, on-
ların vəhdətində. Üzeyir bəyin istedadı bunların hamısının vəh-
dətini, sintezini yarada bilmişdir.
İlk Azərbaycan operasının əsas və xarakter xüsusiyyəti həm
də ondan ibarət idi ki, bu əsərdə Ü.Hacıbəylinin özünün bəstələ-
diyi musiqi ilə xalq musiqisini bir-birindən ayıran səddi tapmaq
mümkün deyildi. “Leyli və Məcnun” operasının bu xüsusiyyəti-
ni qeyd edən Ü.Hacıbəyli yaradıcılığının ilk tədqiqatçılarından
olan V.Vinoqradov yazırdı: “Folklorun bəstəkarlıq yaradıcılığı-
na keçməsinə musiqi tarixində bundan bariz nümunə tapmaq çə-
tindir. Bu kecid o qədər ardıcıl və üzvi idi ki, indi Azərbaycan
opera sənətində özfəaliyyət və həvəskarlığın yerini peşəkarlığın
nə vaxtdan tutduğunu təyin etmək asan deyil. Bu həm Hacıbəyli
yaradıcılığına, həm də aktyor oyununa, həm də bütünlüklə tama-
şaya aiddir”.
1
1
Виноградов В. Узеир Гаджибеков и азербайджанская музыка. М.,
Музгиз, 1938, с. 14.
32
Üzeyir Hacıbəyli “Leyli və Məcnun” operasının musiqisində
Füzuli poemasının lirik və romantik ruhunu, ümumi tonallığını
böyük ilhamla verə bilmişdir.
“Leyli və Məcnun” operasının geniş dinləyici kütlələri ara-
sında böyük müvəffəqiyyət qazanmasının əsas səbəblərindən bi-
ri, əlbəttə operanın musiqi dilinin xəlqiliyidir. Bəstəkar başa dü-
şürdü ki, ilk mərhələdə xalqı operaya alışdırmaq üçün ona aydın
və yaxın musiqi dilində yazmaq lazımdır. Bu musiqinin mühüm
sahəsini xalqın əsrlər boyu sevdiyi muğam sənəti təşkil edirdi.
Ü.Hacıbəyli operada xalq musiqisinin digər nümunələri olan təs-
niflərə də geniş yer vermişdi. Bu barədə o özü yazırdı:
“1907-ci ildə mənim başıma belə bir fikir gəldi. Hər hansı bir
dramatik süjetin müşayətilə solo şəklində oxumağa bizim mu-
ğamlardan, xor şəklində oxumağa isə təsniflərdən istifadə edim”
1
.
Beləliklə bu prinsiplə bəstələnmiş “Leyli və Məcnun” operasın-
da muğam səhnələri sadə opera formalarını əvəz edirdi, hadisələrin
bir qədər ağır, ləngərli ritmi, müəyyən statikliyi musiqinin inkişa-
fından, muğam sənətinin improvizə xüsusiyyətlərindən doğurdu.
Bu da elə “Leyli və Məcnun” operasının qəhrəmanlarının xarakte-
rinə uyğun gəlirdi, çünki fəal hərəkət onlara xas deyildi.
“Leyli və Məcnun” operasında Ü.Hacıbəylinin özünün bəstə-
lədiyi musiqi fraqmentləri əsasən orkestr üçün yazılmış epizod-
lar, muğamların girişi və sonluqları, III və IV pərdələrə yazılmış
giriş musiqisi və s. idi.
Bu hissələr o qədər xalq musiqi ruhuyla aşılanmış və onun
nümunələriylə üzvi vəhdət təşkil etmişdi ki, onları klassik mu-
ğam və təsniflərdən ayırmaq çətin idi. Bu da bəstəkarın artıq ilk
əsərində xalq musiqisinin məqam-intonasiya əsasına sərbəst yi-
yələnməsini sübut edirdi.
* * *
1908-ci il yanvarın əvvəllərində Bakının müxtəlif yerlərində
qəribə afişalara rast gəlmək olurdu. Bu afişalarda şənbə günü
1
Hacıbəyov Ü. Tərcümeyi-hal. Azərb. EA-nın əlyazmalar fondu, arx. 22.
T-23 (159).
33
yanvarın 12-də, Tağıyev teatrında ilk dəfə müsəlman səhnəsində
Füzuli poemasının əsasında “Nicat” cəmiyyətinin opera artistləri
tərəfindən hazırlanmış 5 pərdə 6 şəkilli “Leyli və Məcnun” ope-
rasının göstərilməsi haqda xəbər verilirdi. Bu tamaşanın maraqlı
tarixi vardı. Professional ifaçı qüvvələrinin yoxluğundan qəribə
vəziyyət alınırdı. Dirijor pultunun arxasında görkəmli ədib və
dramaturq Əbdürrəhimbəy Haqverdiyev dayanmışdı. Əsərin
müəllifi Üzeyir Hacıbəyli orkestrdə skripka çalırdı. Hacıbəylinin
Qori seminariyasındakı yoldaşlarından bir çoxu, maarif və mə-
dəniyyət xadimləri, müəllimlər orkestrdə çalır, xorda oxuyurdu-
lar. Bunlardan Ə.Terequlovu, A.Qasımovu, F.Ağayevi və başqa-
larını göstərmək olar.
“Leyli və Məcnun” operasında musiqi poeziyanı rövnəqlən-
dirir, poeziya isə musiqini yüksəldir. Elə bil müxtəlif əsrlərdə
yaşamış iki böyük sənətkar bir-birinə yaxınlaşmış, əbədi məhəb-
bəti tərənnüm edən bir əsərdə qovuşmuşlar.
Əgər əvvəllər xanəndələr tərəfindən oxunan muğamlar kon-
sert ifasında mücərrəd bir halı, əhvali-ruhiyyəni, məsələn, mə-
həbbəti, sevinci, kədəri ifadə edirdilərsə, bu operada həmin mu-
ğamlar əsərin ümumi məzmununa tabe olaraq ilk dəfə səhnədəki
hərəkətlə, aktyor oyunu ilə birləşərək, operanın məzmununun
açılmasına, onun əhvali-ruhiyyəsinin əks edilməsinə kömək
edən musiqi vasitəsi olmuşdu. Bu da “Leyli və Məcnun”un əsas
müvəffəqiyyətlərindən biri sayıla bilər. Üzeyir Hacıbəyli ilk də-
fə operaya vacib, dramaturji əhəmiyyəti olan xorları daxil edir.
Ü.Hacıbəyli “Leyli və Məcnun”da opera janrının və musiqi-
nin digər formalarının möhkəm təməlini qoymuşdur. Ü.Hacı-
bəyli ilk dəfə bu operada çoxsəsliliyin sadə formalarını Azərbay-
can xalq musiqisinin təksəsli quruluşu ilə uyğunlaşdırmış və bu-
nunla da bəstəkar Azərbaycan məqamlarının major və minor sis-
temiylə birləşməsinə nail olmuşdu. Şərq və Qərb məqam sistem-
lərinin vəhdətinin həyata keçirilməsi, sonrakı illərdə həm Ü.Ha-
cıbəylinin özü üçün, həm də digər Azərbaycan bəstəkarlarının
yaradıcılığı üçün xarakter oldu.
Üzeyir Hacıbəylinin “Leyli və Məcnun” operasının əhəmiy-
yəti Azərbaycan musiqi tarixində oynadığı misilsiz rolu ilə məh-
Dostları ilə paylaş: |