340
miqyasından və istifadə olunan
materiallardan, o cümlədən kosmik şəkillərdən
asılı olaraq hər bir sahə üçün olduqca fərqli bölünməyə malik lineament şəbə-
kəsi tərtib olunmuşdur. Bu şəbəkədə hər hansı bir qovşaqla müəyyən filiz təza-
hürlərinin əlaqədar olması mümkündür.
Bundan əlavə, bir daha qeyd etmək lazımdır ki, lineamentlər və onların
zonaları bütün uzanmaları boyunca dərinlik yatımı (flüidlərin mümkün mənbə-
ləri), zaman, intensivlik, inkişaf forması və təzahürü nöqteyi-nəzərdən dəyişil-
məz qalmır. Lineamentlərin inkişaf tapdığı və dərinlik flüidlərilə qarşılıqlı əla-
qədar olduğu bu geoloji mühitin tərkibi və strukturu az əhəmiyyət kəsb etmir.
Bir çox lineamentlər isə tamamilə müxtəlif təbiətli tektonik zonaları və sahələri
kəsir.
Halqavarı strukturların öyrənilməsi müəyyən
dərəcədə mühüm geoloji
məsələlərin həllində - o cümlədən yer qabığında faydalı qazıntı yataqlarının
yerləşmə qanunauyğunluğunun ümumi analizində nəzəri əhəmiyyət kəsb edir.
Halqavarı strukturlar və faydalı qazıntı yataqları arasında əlaqə hazırda müxtəlif
ölkələrin alimləri tərəfindən geniş qəbul olunmuşdur. Hazırda faydalı qazıntı
yataqlarının formalaşmasında və yerləşməsində halqavarı strukturların rolunun
əhəmiyyəti hərtərəfli araşdırılır. Halqavarı strukturların daha çox mineragenetik
əhəmiyyət kəsb etdiyi göstərilir. Müəyyən olunmuşdur ki, halqavarı strukturların
müəyyən genetik tipləri faydalı qazıntıların yalnız öz özünəməxsus dəstlərinə
uyğun gəlir. Eyni zamanda bu və ya digər struktur tiplərin mineragenetik əhə-
miyyətini
onların
daimi
bir-birlərini mürəkkəbləşdirdiyindən
qəbul etmək müm-
kün olmur. Keçən geoloji dövr ərzində qədim halqavarı strukturlar daha cavan
strukturlarla mürəkkəbləşmiş olur.
Rus alimi V.V.Solovyev halqavarı strukturlar daxilində filiz maddələrinin
lokallaşması üçün əlverişli şərait hesab olunan bir neçə tip geoloji vəziyyəti
araşdıraraq aşağıdakı əlamətləri göstərmişdir:
a) filiz maddələri halqavarı strukturların xarici və kənar konturlarında,
xüsusən onların halqavarı konturlarla hüdudlandığı şəraitdə və ya özündə müx-
təlif ölçülü plutonları əks etdirdiyi şəraitdə lokallaşa bilər;
b) filiz maddələri halqavarı strukturların qırışıqlıq zolağı ilə haşiyələn-
dikdə, onların konturlarından kənarda lokallaşa bilər;
c) filiz maddələri halqavarı strukturların müxtəlif tərtibli və ölçülü qırıl-
malarla (lineamentlərlə) kəsişmə zonalarında lokallaşa bilər (şəkil 131);
d) filiz maddələri müxtəlif ölçülü və genezisli halqavarı strukturların in-
terferensiya sahəsində lokallaşa bilər;
e)filiz maddələri plutonların halqavarı strukturlar formasında əks
olunan
kənar hissələrində lokallaşa bilər.
341
Şəkil 131. Mərkəzi Qazaxstanın vulkanogen zolağında filizləşməyə struktur-
tektonik nəzarətin modeli (Skublova, 1974):
1-regional qırılmalar; 2- vulkano-plutonik struktuların halqavarı qırılmaları; 3- lokal
qırılmalar; 4- sadə qırılmalar; 5- mərkəzi tip qranit plutonları; 6- faydalı qazıntı yataqları üçün
əlverişli sahələr; 7- halqavarı strukturlar; a- lokal strukturlar; b- kor intruzivlər; c- nekklər -
subvulkanik intruzivlər; d- intruzivlərin apikal çıxışları-ştoklar.
Yuxarıda sadalanan hallardan ən əhəmiyyətli təyinedici amil yer qabığının
parçalanması ilə şərtlənən təzahür dərəcəsi hesab olunur. Təzahür zonasının hal-
qavarı strukturlara nəzərən vəziyyətindən asılı olaraq, faydalı komponentlərin
lokallaşması həm mərkəzi hissədə, həm də kənarları boyunca baş verə bilər.
Qeyd etmək lazımdır ki, halqavarı strukturların sərhədləri axtarış işləri
üçün konturlaşdırılmış yeni sahələrin sərhədləri hesab olunur.
Hər genetik tip
halqavarı struktura müəyyən genetik tip faydalı qazıntılar uyğun gəlir. Onlardan
bir neçəsinin qısa xülasəsi verilmişdir.
14.1.8. Kosmik şəkillərin faydalı qazintıların birbaşa axtarışında istifadəsi
Faydalı qazıntı yataqlarını yerləşdirən süxurların və ya geokimyəvi ano-
maliyaların bilavasitə (birbaşa) öyrənilməsi Yerin süni peyklərindən süxur və
mineralların spektrinin müxtəlif zonalarında spektrometrik parlaqlıq səciyyə-
lərinin ölçülməsinə əsaslanmışdır (SPƏ-spektral parlaqlıq əmsalı).
Bu üsulun köməyi ilə həm bizim ölkədə, həm də xarici ölkələrdə maraqlı
nəticələr əldə edilmişdir:məsələn, Şərqi Qrenlandiyanın və ABŞ-ın Nevada ştatı
yarımsəhra rayonunun hidrotermal dəyişmiş dəmirləşmiş süxurlarının filizli
zonalarının
aşkar edilməsi; İndoneziya, Avstraliya və Yamaykanın boksit və
nikelli lateritlərinin axtarışı və xəritəyə alınması; Kolorado ştatının şimalında və
Vayominq ştatının (ABŞ) cənub-şərqində aparılmış kimberlit çubuqları (trubka)
kimi çətin aşkar edilən obyektlərin sərhədləndirilməsi; Kounrad (keçmiş SSRİ)
filiz rayonunda hidrotermal filizləşmənin axtarılması və proqnozlaşdırılması və
s. üçün çoxzonallı skaner şəkillərindən istifadə edilmişdir.
342
Hazırda süxurların spektral səciyyələrinin öyrənilməsi əsasında filizli sa-
hələrin spektral obrazlarının işlənilməsi aparılır. Bunun əsasında gələcəkdə
filizli formasiyaların spektral səciyyələri üzrə məlumatlar bankı yaradılacaqdır.
Filiz sahələrinin və yataqlarının spektral obrazları, onların yerləşdiyi sü-
xurların litoloji xüsusiyyətləri, onlarda filiz kompo-nentlərinin tapıldığı mineral
formalar (əsas
etibarilə, ekzogen və maqmatik yataqlar üçün), filizətrafı dəyi-
şilmiş süxur assosiasiyaları (hidrotermal yataqlar üçün), süxurların deformasiya
intensivliyi və forması ilə təyin edilir.
Faydalı qazıntıların axtarışıt üçün distansion zondlama üsullarının daha yeni
inkişaf istiqaməti bitkilərin spektral parlaqlıq səciyyəsinin ölçülməsi və substrat
tərkibinin, yəni torpaq və süxurun geokimyəvi xüsusiyyətləri ilə onların xarakte-
ristikası arasındakı korrelyasiyanın təyin edilməsindən ibarətdir. Mövcud məlumat-
lara görə, spektral parlaqlıq əmsalı mis, qurğuşun və sinkin artıq miqdarı ilə
səciyyələnən torpaqlarda bitən ağacların yarpaqlarında filiz minerallaşmasından
məhrum sahələrdə bitən ağajların yarpaqlarına nisbətən daha yüksəkdir. Bununla
yanaşı,
müəyyən edilmişdir ki, bu fərq, xüsusilə yayın sonu - payızın əvvəllərində,
yarpaqların tökülməsindən əvvəl daha çox hiss olunur.
Filiz sahələrinin və yataqlarının əsas struktur elementləri haqqında məlu-
matlar bu və ya digər filizli sahələri səciyyələndirən tipik həndəsi və spektral
obrazlar ayırmağa imkan verir. Tədqiqatlar göstərmişdir ki, yalnız spektromet-
rik məlumatların (parlaqlıq, işıq göstəricisi və qütbləşmə dərəcəsi) təbii kütlələ-
rin həndəsəsinin (forma, daxili struktur və struktur rəsm) hərtərəfli təhlili ilə ba-
lanslaşdırılmış uyğunluğu geoloji əmələgəlmələrin,
o cümlədən filizli obyekt-
lərin kosmik şəkillərin köməyi ilə tam öyrənilməsini təmin edə bilər.
Metallogenik tədqiqatlar nöqteyi-nəzərindən kosmik informasiyanın bu
kompleks növü filiz obyektlərinin axtarışı və birbaşa proqnozlaşdırılması üçün
daha qiymətlidir. Lakin belə informasiyanın alınması çətindir. Çünki bu məqsədlə,
onların işlənilməsi üçün keyfiyyətli çoxzonallı şəkillər və xüsusi cihazlar lazımdır.
Filiz sahələri- və yataqların strukturlarının öyrənilməsi. Filiz sahələri-
nin və yataqlarının strukturlarının tədqiqində kosmik şəkillərdən istifadə ilə
aşağıdakı məsələləri həll etmək mümkündür:
1) filiz sahələrinin və yataqlarının geoloji mövqeyini dəqiqləş-dirmək və
onların yerləşdiyi yer qabığının lokal struktur formalarını müəyyən etmək;
2) filiz sahələrinin və yataqlarının əsas filiz nəzarətedici struktur ele-
mentlərini tədqiq etmək;
3) filiz sahə və rayonlarının dərinlik strukturunu
öyrənmək və filiz
nəzarətedici struktur elementlərinin dərinlikdəki fəaliyyətini proqnozlaşdırmaq.
Filiz sahələrinin və yataqlarının struktur öyrənilməsinin bu mühüm mə-
sələsinin həlli imkanları müxtəlif miqyaslı KŞ-lərin əsas xüsusiyyətləri– gene-
ralizasiya effekti və onun filiz əyalətləri, vilayətləri və rayonları sahələrinin
vahid zamanda icmalı ilə şərtlənmişdir.