298
təcavüzündən qurtulmaq cəhdidir, həyasızlığı,
abırsızlığı həyalı etmək cəhdidir. Həya ambivalentdir:
həm müsbət işarəlidir, həm mənfi; həm pozitivdir, həm
neqativ. Həya psixoloji fenomendir: şəxsiyyətin mühit
içrə özünə reaksiyasıdır. İnsan həyanın köləsinə
çevriləndə nevrozlar astanasına gəlib çıxır. Bu
nöqtədən isə qapılar açılır klinikalara və türmələrə.
Aşırı həya da, aşırı həyasızlıq da xəstəlik
əlamətidir. Həya insan qavrayışında gizli düşüncələri,
yaşantıları büruzə verməmək, tərif və tənqidləri
özünəxas bir şəkildə analiz etmək, onlara reflektor
olmaq istəyindən formalaşır. Həya “mən”i
məxfiləşdirir: “mən” məxfiləşəndə içi aqressiya ilə
dolur.
Adətən, biz kimi həyalı sayırıq? O adamı həyalı
sayırıq ki, ayıb bir söhbət, ya söyüş eşidəndə utanıb-
qızarsın, leksikonunda pis sözlər işlətməsin, öz
seksual istəklərini reklam eləməsin, özündən
yaşlıların yanında ağzına gələni danışmasın, böyüyün-
kiçiyin hörmətini gətirsin, halal pul qazansın, şər
işlərə qurşanmasın, danlananda cavab qaytarmasın,
başını aşağı salsın. Gələnəksəl Azərbaycan mədəniyyəti
müstəvisində belə davranış tərzi həyalı, urvatlı
davranış tərzidir və deməli, bizim müsəlman top-
lumunun əxlaqına bir görkdür. Amma elə oradaca xalqın
məntiqi bu həyanı, bu pozitiv əxlaq sxemini reviziya
eləyir və deyir ki, utananın oğlu-qızı olmaz. Yəni tö-
rəyib çoxalmaq üçün sıpçınıb həya paltarından çıxmaq
gərək.
Təbiətdə nə varsa, hamısı çılpaq. Orada həya və
erotikaya heç təsadüf edilməz.
Hərçənd həya ilə erotika daimi rabitədə. Utanmaq
haradasa özünü özgələr əhatəsində sirrə, müəmmaya
çevirmək cəhdinin bir variantıdır. Bu baxımdan həya
etmək nəyisə gizlətmək, məxfiləşdirmək, özünkülərin və
yadların tənəsindən yayınmaq istəyi kimi də yozula
bilər. Həyanın bir ucu hörmətdir. Hörmət insana həya
saxlamağı, həyalı olmağı diktə eləyir. Bu, toplumda
299
sahman yaratmağın ən urvatlı yoludur. Həya insanın
mənəvi paltarıdır, “mən”in mərifətinin təzahürüdür.
Ancaq bununla belə onu da qeyd etmək gərəkir ki, məhz
paltar (don) bədəni erotikləşdirir. Əbəs deyilmir ki,
gözəllik ondur, doqquzu dondur.
Lakin geyim çılpaqlığı örtməklə bərabər insanı
daha çox “soyundurur”. Aborigen tayfalarda bir kimsə
paltar geyinməz, çılpaqlığından da utanmaz. Belə ki,
onlar bütün bədənlərini öz üzləri qismində
qavrayarlar, yəni bədəndə urvatlı olanla urvatsızı
fərqləndirməzlər. Həya öz hissindən, öz istəyindən, öz
içindən, öz bədənindən utanmaqdır. Elə ona görə də
erotikanın əynində həmişə həya paltarı olur.
Qədim Yunanıstan əhlisə Erosu yalnız çılpaq
təsəvvür edirdi. Platonun danışdığı mif versiyasında
bu tanrının ata-anası tamam başqa kimsələr göstərilir.
Həmin mifə görə Erosun atası Porosdur, anası Peniya.
Poros loqosdur, Peniya isə loqosun maddiliyi. Mifdə o
da qeyd olunur ki, Eros Peniyanın bətninə Zevsin
bağında düşmüşdü. Bu da onu eyhamlaşdırır ki, qədim
yunan mədəniyyəti kontekstində Erosun nəcibliyi şübhə
doğurmur. Elladanın digər filosofu Plotinə görə isə
Eros qəlbin affektidir, tanrıdır, dahidir.
Yazıb-yazıb biz belə bir nəticəyə gələ bilərik ki,
çılpaq Eros həyanın nə olduğunu bilmir, özünü
təbiətdən ayırmır. Deməli, Erosda erotika yoxdur.
Çünki Eros, qədim yunanların fəlsəfi və estetik
süsləmələrinin əla araşdırıcısı A.F.Losevin yozumunda,
pak, saf bir enerjidir.
1
Eros-tanrı...
Eros-dahi...
Fərqləri universal ruhun fərdi ruha münasibəti
kimidir. Bu, Platondan yox, Plotindən qalma bir
izahatdır. Buradan belə aydınlaşır ki, Eros “erotika”
anlamının aşkarladığı mənaları özündə qapsamır.
Bəs nə vaxt Eros erotikadan ötrü mövcudluq
platforması hazırlayır, daha doğrusu, saf enerjidən
imitasion xarakterli seksual tamaşa-mərasimə çevrilir?
300
Yox, mən yanılmıram, erotika mərasim xislətlidir:
o, teatrallığı sevir, o, şəhər təmtərağını, şəhər dəb-
dəbəsini sevir, şəhərin boğanaqlığını,
şəhərin
ədabazlığını sevir. Yunanlar üçün erotikanın müəllifi
də nahaqdan deyil ki, ellinizmdir. Skopasın “Menada”sı
Rodenin “Öpüş”ü kimidir. Məhz ellinizm çılpaqlığı
gizlətməklə erotikaya meydan açır.
Buradan
isə artıq Orta əsrlərə, Ortaçağ
mədəniyyətinə bir addımlıq yol var.
Hər bir dövr, hər bir toplum insanlara öz erotik
standartlarını sırıyır.
Ellinizm şəhərlilərin yaşam, düşüncə tərzinin
avanqardı qismində yozulmaq üçün də əsas verir.
Şəhərdə insanların sıxlığı ruhları xəstələndirir. Ruh
xəstələnəndə şəhər kabusların ixtiyarında qalır.
Əxlaqın repressivliyi erotikanı coşdurur.
Odur ki, Orta əsrlər mədəniyyəti başdan-başa
erotika ilə aşılanıb. Burada hər bir jest, hər bir
kəlmə çoxmənalıdır, erotikdir, çünki nəyisə
bəlirtməkdən daha çox gizlədir. Digər tərəfdən isə
Ortaçağ mədəniyyətində bədən yox, ruh aktuallaşır.
Erotika isə bədənin deyil, ruhun oyunudur.
Orta əsrlərdə məkr, küfr erotikləşir. Məkrin,
küfrün böyründə isə mütləq iztirab, işgəncə, əzab
dayanır.
İyeronim Bosx: “Kapriççios”; yəni ağlın yuxusundan
qorxunc əjdəhalar doğulur.
Ortaçağ xristian qarabasmalarından bir erotika
püskürür.
Əksərən onların iştirakçıları
şəhər
kabuslarıdır. Xristianlığın bütün vampirləri (quyruqlu
şeytanlar, əcinə və ifritələr) erotizmin simptomatik
təzahürüdür, seksual basqıların törətdiyi
fantaziyalardır.
Bokaççonun “Dekameron”u xristian qarabasmalarının
xalqın gülüş mədəniyyətində davamıdır. Ən qəribəsi də
budur ki, “Dekameron”dan sonra qapılar birbaşa Dante-
nin cəhənnəminə açılır; bu fikrin əksinə oxunması da
Dostları ilə paylaş: |